美新茶餐廳 (Closed)

差不多三點才食午飯，見重有快餐，便點了焗雞扒飯和揚州炒飯(@$25)。例湯是冬瓜味精水，不喝也罷！焗飯和炒飯就甚有水準：焗飯是即焗的，用炒飯底，鋪面的茄汁幾creamy，如果加些鮮蕃茄就更加正；揚州炒飯更佳，整得香香的，飯粒粒分明，帶些少油而不算油膩。兩樣都好有分量，細食的三個人也夠分。跟餐的咖啡和奶茶亦是茶記應有水準。只收$25一個餐是相當抵食。服務亦是意料之外的好，招呼的大叔和收錢的阿哥都相當有禮，唔該前、多謝後，舊式茶餐廳來說是令人相當滿意的了。

下午茶同檸樂煲薑好正! d西多士好好味.

上星期日同家姐行完街就係度食佢既茶餐,但因唔太肚餓所以每人都係叫份厚多士餐,$13.多士都okay但無澳洲咁厚,不過口感都唔錯喎,牛油既份量都剛好,合格.杯奶茶已叫了少奶但對我仍覺稍多,不過茶味都幾香,又合格.見到佢仲有其他$16既茶餐,例如吞拿魚包,豬扒包等等,下次可以試下.環境咪一般茶記咁啦,但果次我地4點幾去到人唔太多所以覺得都okay無壓迫感.

呢期晚晚佐敦食夜晚果餐,附近大大少少茶餐廳都試左唔少尋晚行經廟街,見到呢間茶仔,橫掂未試過就走左入去夜晚8時許唔算好多人,只坐滿3~4成人.環境幾光猛,亦算乾淨,但就同一般茶餐廳一樣有一朕煙味叫左個西蘭花炒魚柳,35蚊送一飯一湯,算係咁湯先黎,呢晚係粉葛湯.色澤幾好,試一口,即刻食出好濃既味精.實在受唔住,飲左一半就放棄跟住主菜都好快黎到,色香都有但夾一塊西蘭花放入口,又係好重味精,完全食唔出係咪新鮮菜魚柳係大路貨,無魚味係預期之內食到末段,由於味覺俾味精麻痺左,食乜都無晒味自問對味精唔算敏感,但食晒成個餐都未埋單,條脷已經開始痺跟住喉嚨又渴,飲幾多水都無用食得茶仔就預左佢落味精,但重手成咁都係第一次遇見味道2環境4衛生3服務3抵食3地址:油麻地廟街(白加士街側)

當手緊時, 來"美新"食十蚊雲吞麵係不錯的選擇(還有三款, 但我不記得了!), 菜心/通菜都係五蚊.因為雲吞好味, 份量也足夠.之前有試過"雲吞成"同"拈仔記", 但最後的十蚊雲吞麵選擇都係"美新"!因為"雲吞成"好多豬肉, 之於"拈仔記", 同事食麵(我多數食米粉)就覺得勁多皂水味, black list了!這裏特餐都ok($22), 不過九龍燒味抵d(因為有厚多士同出前一丁麵, 都係$22)!

一早落街揾嘢食，食乜好？唸一唸......今日吾趕時間:"澳洲牛奶公司", No!想食"嘉多莉餐廳"的"出前一丁",但又想食"廟街文華冰廳"的薄牛排。新美新呀！再加多個鮮油波羅飽，飽飽。

一早落街揾嘢食，食乜好？唸一唸......今日吾趕時間:"澳洲牛奶公司", No!想食"嘉多莉餐廳"的"出前一丁",但又想食"廟街文華冰廳"的薄牛排。新美新呀！再加多個鮮油波羅飽，飽飽。