梅之味 (麗都大廈) (Closed)

眾所周知，office lunch hour係幾多人食飯，咁啱呢間係繁忙十二點幾個陣有位就入去試試，點知有驚喜！午餐有set $68-$78送無糖茉莉綠茶或烏龍茶（冷熱同價）補差價轉特色飲品試左麻椒雞排湯拉麵🍜（$68）有辣椒嘅香，少少麻嘅感覺，芝麻提升左香味，再配甜酸嘅汁，好開胃！雞排好味，不太油膩，外皮就淋左少少，不過都好惹味！幼身拉麵都好爽口，湯頭就無咩特別。整體都算好食少少唔滿意係被安排的位置無冷氣好熱，食埋辣嘅雞排熱上加熱，真係出汗….. 想快啲走同埋好似有陣熱空氣吹到位置上…..

呢間睇落平民嘅台式餐廳 老闆娘原來係高雄人 一坐低佢就好熱情咁推介食物 發現佢好多材料甚至麵都係手作自己做 特別新鮮！麻辣炸雞排肉躁飯佢嘅炸雞排真係好出色 皮脆肉嫩 份量都好足 加上麻辣醬汁 更加惹味！是日限定 貢丸米粉呢碗睇落平平無奇 但所有丸都係自家制 所以非常彈牙 特別係香菇丸 仲有紅麴同埋原味貢丸都好好食 老闆娘講原來米粉都係自己手作 真係100% Handmade好有誠意總括嚟講係一間好親民嘅正宗台式餐廳 食物價錢 環境 甚至老闆娘都非常親民 而且食物好有水準 好值得支持嘅小店✨

今次來睇書展，週末處處人滿，行到灣仔，睇到呢間鋪頭，覺得裝修簡潔，寬敞明亮，給人好感。我地嗌左一個椒麻雞飯，一份酸菜魚兩個人share。椒麻雞非常入味，麻麻酸酸既醬汁淋在剛炸出來既雞扒上，非常解暑，夏季首選！酸菜魚味道中規中矩不辣但酸，雖然主打台式作法，但入口感覺和一般酸菜魚無乜分別，湯底仲有啲過於油膩，好在多左D菌菇係入面，料都算好足。兩人最後埋單200蚊左右，性價比OK，服務都幾好，不過酸菜魚確實不推薦啦。

今日在openrice app把握外賣優惠，揀了梅之味明明在openrice訂了外賣，去到還是要等15分鐘；我獲告知，其中一個師傅沒上班，是我倒楣吧還好門口招待的店員態度很好，又不時催促廚房，並著侍應有外賣就先拿出來。我在門外等的時候，看到裡面坐滿了，來買外賣的人都多，如果要訂這間外賣，建議拿外賣的時間要選早一些的時段。我點了滷蛋滷肉飯有滷肉同肉燥，比較油膩，滷肉比較肥，有肥膏，不過味道挺好；滷蛋比較硬，不是十分入味；青瓜漬美味，味道有點點鹹，有一點點點辣；青瓜很新鮮，清新，很有驚喜；飯的擺碟形狀有心思，飯是珍珠米，不過質地太硬。整體味道還不錯；使用優惠後的價錢還好，如果要付原價，就略貴，性價比較低。

係灣仔同朋友做完運動，係灣仔搵食，突然好想食台灣菜，黎左梅之味食lunch,我自己叫左香酥雞扒配擔擔麵，上菜已經聞到好香雞扒味，雞扒食落吾會好油膩 炸粉剛剛好 咬落啖啖肉 非常香口。擔擔麵湯底好濃郁，又吾會好辣，岩曬吾係好食到辣既我😋

又經過灣仔做野，突然想食台灣野，呢間餐廳價錢算灣仔區來講算不貴，所以決定入去試下😆😆😆叫左個炸雞排便當配魯肉飯，飲品點了凍茉莉綠茶，$68 😊😊賣相都算不錯，仲有沙律做前菜，味道尚可👌🏻👌🏻魯肉飯味道不錯，魯肉會有少少肥豬肉，不會得汁無肉👍🏻👍🏻炸雞排份量大，皮脆不會太多粉而無肉，還有配了少許甜甜酸酸嘅汁，非常醒胃👍🏻👍🏻另外環境坐得舒服，衞生乾淨整齊，依家疫情期間都食得放心😊😊

喺金鐘食嘢大部份都係連鎖店，貴價兼唔抵，雖然都有平價小店但選擇真係唔多，行遠少少嚟到蘭杜街，即金鐘同灣仔交界嘅位置，有一間CP值頗高嘅台灣菜🤤香酥雞扒肉燥飯（$68）⭐️⭐️⭐️⭐️成塊雞扒有男人嘅手掌咁大‼️肉質好嫩唔厚粉，最正嘅係炸得好酥脆而唔會食到油淋淋嘅感覺，食過有啲炸雞扒好油，但呢塊鎖到肉汁之餘又唔油～大推❣️麻辣牛肉米粉（$80）⭐️⭐️⭐️牛肉肉質好淋，食得出有牛味同唔會死鹹，麻辣湯底唔會太辣，過下口癮味道幾好，份量算多，配搭新竹米粉，食落唔會好似普通麵咁膩，米粉堅好食！不過始終有落味精，食得多都會口渴～蒲燒鯛魚肉燥飯（$70）⭐️⭐️⭐️喺其他台灣餐廳比較少見，魚味好濃郁，加埋啲燒汁食好正，最緊要係無骨，啖啖都係魚肉，啱晒鍾意食魚但又唔鍾意吐骨嘅人🤪

新界人出咗大城市食飯其實灣仔好多食店約60-100 up 價位嘅餐廳都爆爆地12:00放lunch 嘩 好多都要排隊咁係le條街搵間有位嘅就食喇好彩一位 好快有位待應們同老闆娘好快手不停出餐 出外賣 走黎走去落單後 唔使10mins上咗我個餐個portion對我黎講都大如果菜可以再冧d 我會開心d😆雞排唔算熱辣辣咁上餐但咬落去雞皮係脆口肉算嫩口 加埋個酸甜汁就會無咁漏 同更開胃肉燥 不柴不靭 撈飯唔錯多d肉燥 我應該食曬成個飯我食嘢比較慢 之後老闆娘就同我講(普通話mode)加油 你可以吃就到繁忙時間 人會多 你加油我點頭就算了當時未full house 只係接近1pm佢個說話個方式我接受但都扣咗少少分數 影響咗我食嘢心情如果用另一方式同我講我估我會慢慢嘆埋我杯茶先走係灣仔食$68 這個質素 算係CP值高可encore

食過幾次，不過多數食lunch，第一次食dinner，兩個麵食發揮平穩料多，兩個小吃幾有驚喜，味道都好地道～小吃｜香椿豆腐 冷盤個醬好特別小吃｜柯仔酥 即叫即炸好香口

今日約咗朋友去灣仔食飯，行到杜蘭街街，見到有間叫梅之味嘅台式餐廳，上網又見到好評如潮，就諗住試試。未入門口，店員就叫我地揀定先，揀好先帶我哋入座，好符合香港人高效率既節奏。我叫左個雞扒擔擔面同埋一杯綠茶，朋友就叫左個肉燥滷蛋乾麵。過咗冇耐，啲嘢食就已經送咗過黎。我一開始試左個麵先，我食落口第一啖又經覺得好入味，湯好濃郁，忍唔住飲左幾啖。啲雞扒炸到外脆內軟，恰到好處，配合甜酸醬食亦好好味。七十蚊左右一位，可以接受。

路過揾食，越行越遠，黎到呢條街，見有幾間，選左台菜。一入到去，環境迫嘅，如果無2人一枱的話。放係斤一位嘅，應該都店好嘢黎，所以叫左個氷式肉燥魯蛋飯，再加一個蕃茄濃湯豬扒新竹米粉。台灣新竹米一向好嘢，都係不二之選，不過濃湯蕃茄就無太大期望嘅。一黎到，個魯肉唔差，但汁唔夠多，味唔夠濃，肉燥飯應該要再濃味少少，但因為佢比左一定量嘅椰菜加分。個豬扒打得夠鬆，同埋個濃湯估唔到自家制得黎，尚算有蕃茄味，有D驚喜喎，都有肉味，就算係雪肉都做到好似幾鮮，所以佢lunch time應該都會多人...我估...不過佢下午茶包嘅飲品...真係一杯茶，想飲珍奶得，要加錢...我本來以為個茶會有D甜味嘅，唸多左，一杯濃茶。

紅燒牛肉麵🍜、香酥雞、花枝丸都份量十足，味道濃淡剛好，不油不膩。已是第二次幫襯，水準保持高位。朋友試吃擔擔麵表示極之好味！小店環境算是坐得舒適，鋪面亦非常整潔，店員很有禮貌。👍🏻

我們全家愛吃的台式便堂，口味料理非常地道。這次的訂餐，照樣加訂豬扒，但豬扒的量令我驚訝！多次訂餐的經驗，都是一整片豬扒，再剪成小片小片，但這次是一片剪半再剪小片，不可能豬扒只有少少的四小片。是否包裝上出了差錯？

呢幾日喺金鐘返工，附近平價食肆唔多，呢間係其中一間幾十蚊食到個lunch嘅舖頭。同埋呢度好得意，可以叫埋隔離上海餐廳嘅食物。我叫咗豬排擔擔麵，啲豬扒認真麻麻地☹️同事就叫咗隔離舖嘅炸豬排菜飯，但上海同台灣餐廳，個豬扒都係一樣味🙈 雖然食物味道就麻麻哋但係侍應姐姐就相當之貼心，佢見我哋兩個睇餐牌睇咗好耐都未揀到，就拎埋晚餐個餐牌俾我哋睇，又同我哋推介邊啲嘢多人揀，服務真係一流呀！

嘩嘩！！看着食評去試，，怎知道非常不開心，，，叫着炸豬扒擔擔面，，豬扒炸不透，，里面全部都是粉而且是湿的，雞扒拉面，，雞扒都是一樣，，，堂食的汤面就凍过杯凍柠檬茶！我己经不是外賣，，有冇理由堂食湯面都是凍的！差评中的差评！！唉，，，總差過快餐店和茶餐厅！