Mellow Brown Coffee by UCC (Closed)

光速上菜， 眼見衛生。Pizza 要自己切，美中不足。自己切切到D料飛哂出嚟🙈未食都手軟🤭其實都幾難cut 。Carbonara-好食、足料！凍啡正常，可以再去！

相約朋友到海港城行街經過餐廳門口看見一個雪糕模型同行小孩們突然興奮於是一行6人走進了這個UCC旗下的coffeeshop休息順便醫肚單點價錢合理 但是配上套餐更為划算共點了5個主食Sharing is caring我們都是share吃的一致認為芝士類的主食較為吸引另外薄餅也不差阿令小孩們最期待的甜品環節終於登場4款甜品中 最令人驚喜的一定是醬油味的蛋卷本以為是咸點再配上香滑雪糕誰不知竟然兩個單品都是甜的最重要是真的很好吃 淡淡的醬油香 再配上蛋卷上的cream配搭天衣無縫有主食有飲品有甜品這個價錢差不多了☺️

某日路過此餐廳見到好多人，餐廳以咖啡，雪糕，窩夫等食物為賣點由於人太多，所以就買了一支咖啡味雪糕脆筒，等左一陣左右店員就將雪糕交到我手上，急不及待咬了一啖，wa~雪糕真係好香軟好濃既咖啡味，而且好滑既牛奶，仲好大支添，好好味。

有一日，我哋四條大食queen去咗海港城搵咗間坐得舒服又無咩人嘅餐廳開餐！閒日1pm到都係得幾枱，入坐後先陸續多人！成餐9個item都無咩特別，料唔算多、份量亦都唔算多，所以同價錢唔成正比！最特別就係個醬油味蛋捲。聞落似豉油，食落就普通salted caramel蛋糕咁。唔好意思，無下次！芝士海鮮焗螺絲粉 $98芝士菠菜三文魚焗螺絲粉 $97香草鮮蝦意粉 $97蒜蓉海鮮意粉 $99煙肉香腸薄餅 $91蘋果肉桂窩夫 $83法式多士伴雲呢拿雪糕 $82醬油味蛋捲 $57甜薯批 $62

waffle食得多, pancake都食得多, waffle pancake 我係第一次食呀 😂 對我黎講兩樣野其實都係果D材料，不過整法可能有唔同。waffle較硬身脆口，pancake就係可以影boomerang咁林同Soft，waffle pancake就好特別，係中間 😂 行開TST口淡淡想食D甜野，海運都有好幾間，但mellow brown就較經濟，口味有7款都叫多選擇。玉桂蘋果老實講玉桂味就唔夠重，蘋果就都幾多，暖既蘋果粒、熱既waffle pancake底，同凍冰冰既雪糕形成左種冰火交融既感覺 😝 餅底都好香蛋味。雖然等左兩三個字，但都值得既! ☺

早左食完飯，係海港城行下啦。諗住搵間甜品店，其實海港城都唔多選擇見到水牌上有呢間野，就搵下睇下有咩食啦！呢間分店都唔易搵，係商場既盡頭，要行到最尾先搵到。不過唔知係個位置定平日既關係呢，餐廳冇乜人，好多位😂因為我地食左飯，主要睇甜品menu。除左餐牌一般既之外，另外都有呢啲蛋糕揀我地揀左個檸檬蛋白批好清新，少少酸，但清清地好正呀！另外嗌左呢個蜜瓜熱香餅熱香餅 好軟身，味道香濃不過除左雪糕 同 蜜瓜，冇其他配料 同 醬蜜瓜味唔算濃，雪糕亦偏淡，少少失望。下次再試下其他pancake先！

其實海港城都好多野食，但都偏貴，咁就黎左ucc 平食西餐啦，三個主菜埋單3百幾都幾抵食架喇，響海港城黎計叫左個鮮茄磨姑煙肉意粉，味唔錯，唔會太酸，小朋友好肯食我最鐘意le個煙三文魚pizza,皮薄，饀多，正！而le個紅酒汁牛腩農夫飽都唔錯，牛腩好淋，不過略嫌汁少左d平日夜晚黎真係好少人、只係幾枱人，任坐，好闊落下

今日本身係計劃好去尖沙咀食晏行街然後去另一區食下午茶食甜品，但行街原來係勁攰， 所以決定吾去第2區，係附近揾間最近嘅餐廳坐低休息下，好想食pancake 上網搜尋一下就係咁就黎左呢間。叫左2個pancake afternoon tea set, 芒果同雜莓，menu上寫飲品有UCC coffee, 檸茶檸水， 橙汁。咁我揀橙汁，竟然話無， 3點半坐低叫afternoon set，飲品裡面嘅咁少選擇，咁普通嘅"橙汁"都無，佢無講係賣晒定咩，淨係答無，咁叫凍檸茶凍檸水，杯野到左但吾記得跟糖水😑😑Menu 寫明pancake要等20分鐘，即整應該好味嘅，所以好期待。黎到啦，個樣吾靚🙁，味道好一般☹，個底係無煎定無焗，點形容呢，就係個底係淡黃色好爛咁黏住個碟底，個莓醬味道都係麻麻，舊雪糕又係麻麻，唯一係果幾粒芒果好甜。咁樣110蚊一個afternoon tea set 真係吾抵，唯有咁諗，2百幾蚊埋單係尖沙咀呢個商場係咁㗎啦！吾怪得得2枱客啦

下雨天總掛念從前，不禁又想4人蘇梅之旅，4人聚埋出席戶外活動就會招風雨-0-，本身約左聚舊BBQ，因風雨之下要轉場去室內high tea，想去的餐廳又因太大雨的問題唔方便去，最後近近地去了海港城，下雨天的商場多人是常識吧，我地想搵個地方坐底食野吹下水，食個甜品飲杯啡，預左好多餐廳都full，上網搵幾左間cafe，即去視察環境，UCC呢到比較少人，等左陣有位。 UCC旗下的Mellow Brown Coffee，主打精品咖啡及輕食等，裝潢以木系為主，感覺簡約雅致。 TEA SET MENU，一於試下招牌貨窩夫熱香餅。 UCC招牌咖啡，餐飲，精緻的虹吸式咖啡，咖啡味香。 合桃窩夫熱香餅伴雲呢拿軟雪糕(海鹽焦糖醬)，$118，即叫即整，窩夫熱香餅，十分厚身大件，外層入口微脆，內層鬆軟，帶點空氣感，有合桃伴食更有咬口，海鹽焦糖醬，鹹鹹甜甜，層次豐富，配上半溶的雲呢拿軟雪糕，味道香甜，都不俗呀。 檸檬蛋白批，友人的。甜品有特色，咖啡不俗。

海港城入面難得有間又唔太貴，又有有水準嘅日式咖啡店 👍 門外有個open area，好似室內嘅外國coffee shop. 不過行過商場嘅人都會經過，可能無咁private. 一黎到即刻叫咗鐵板肉醬意粉，啲芝士多到呢 🧀 溶溶地咁，好正呀～仲可以配埋佢地嘅UCC招牌咖啡,仲可以自己選擇萃取方法:- 手沖濾泡式: 強調咖啡甘甜- 虹吸式: 強調咖啡香氣手沖濾泡式就見得多，所以今次叫咗虹吸式。咖啡香即刻出哂黎 😁 不過味道就無咩特別啦另外要提提佢地個waffle, 即叫即整，所以都要等吓... 不過出到黎好鬆軟，好好食! 一定要留肚黎食呀!

在海港城找間cafe也不容易，很難才找到這裏，環境也幾靚的。有個cake set，加杯橙汁。橙汁正常夠凍。朋友叫了杯咖啡，賣相就好靚的，味道就普普通通啦。不是好突出。這是檸檬慕絲蛋糕。賣相十分靚，不過好酸又好甜。。我唔like

每一次 來都是為了杯咖啡， 發現海港城開咗分店 當然要去試下！因為之後還要回家吃飯，所以只叫了兩杯咖啡和一份三文治！ 日本人改良過的 食物無論賣相還是味道都很出色， 這也是為什麼 香港人特別鍾情日本 的原因。 呢度的咖啡很香很滑 ，非常容易入口。 三文治的麵包有烘底， 非常軟熟，入面的材料也很足， 由於係長形的方包 ， 所以 一份 三文治 切成 三件 的大小size 剛剛好， 啱嘴型， 唔會食到肉肉酸酸， 非常細心！ 去海港城行街， 行到攰去呢度嘆杯咖啡食件包 就最好不過了！

這天在海港城LCX行到累，正想找個地方飲杯嘢，來到Mellow Brown咖啡店，又不用等位，就入去試吓下午茶。下午茶餐都係飽肚之選，我們選了雜莓窩夫熱香餅配雲呢拿軟雪糕，及厚切法式多士，分別配上招牌咖啡及西冷紅茶。雜莓窩夫熱香餅配雲呢拿軟雪糕賣相不錯，只是雜莓偏酸，窩夫熱香餅偏稔，配埋雲呢拿軟雪糕剛好。蜜蜂厚切法式多士真的好厚，吃1/3已經覺得飽了。UCC的手沖咖啡非常香濃，黑咖啡苦中帶酸，可以中和甜品的甜味。

西冷排很薄.淋面汁似美極豉油加糖煮出來的.花園餐廳完勝.但花園餐廳只需要1/3價錢芝士焗通粉好水！要落tabasco先有味！而且通粉過淋！橙汁唔洗鮮榨.仲要收加一唯一可取係蒜蓉多士.真係以為其他人無食過西餐

發現原來UCC系列進駐左入海運半年，一直都唔發覺 可能平時好少行到咁入。今日突登黎試一試個Lunch Set，見食評無人提過呢度Lunch 掂唔掂。 好！我黎做先頭部隊喇~今日得3條友黎試菜，叫唔晒5款添咁樣。。 和風鮮菇帶子意粉($102)意粉質感岩岩好煙煙韌韌，帶子雖切成薄片，但亦都爽口彈牙，而菇類並非單一用上草菇，還有金菇。所以菇味都幾濃。 黑松露醬雜菇薄餅 ($102)Pizza一放上餐枱便嗅到好濃郁既黑松露味 雖然配料除了菇，就只有菇 但熱辣辣超脆餅底(薄批) ，真係唔差。不過要襯熱食，凍左就韌韌地。 芝士菠菜三文魚焗螺絲粉($106)本人覺得呢款焗意粉係無得輸架。焗起芝士熱辣辣扭埋d螺絲粉一齊食頂瓜瓜其實餐飲先係我既飛佛，UCC咖啡飲左咁多年，始終覺得你最好。就算只係招牌咖啡，口感亦都好香濃細嫩總括黎講，單睇價位感覺高左少少，不過因附近餐廳其實都差唔多，尚算符合國情既。可能要行好入，所以Lunch Time唔太多人黎食，坐位都舒適。