敏華冰廳 (Closed)

Big Men菠蘿包餐💰38🔸賣相似漢堡包，整個包比普通麵包大，口感鬆化，中間夾有一塊香濃芝士、嫩滑炒蛋、鮮甜番茄及一塊勁厚的午餐肉，非常之邪惡的下午茶蛋撻💰7🔸熱辣辣新鮮出爐的蛋撻皮非常之酥脆，濃濃的蛋香味散發出來，蛋撻份量適中，味道香甜醇厚，口感順滑。

这家店在旺角朗豪坊的四楼，需要排队等一等，不过还好一般不要等太久，进店点完餐之后，大概十多分钟才上菜，说真的速度有点慢，不过可能因为是现做的就挺好吃的，服务上基本等于没有，连在哪拿餐具都完全没有告诉我，且连杯水都不给，只能自己点饮料喝。

服務態度極差個男人唔知係咪老闆啦但每次黎講野都好衰但因為敏華平時算快 所以有時都會去食平時去開葵芳 服務算唔錯但朗豪坊呢間簡直「極品」岩岩想入去食野門口無人既咁已經好多人衝左入去。 仲有個男人撞開我衝入去個「老闆」淨係嘈我同我老公叫我地出去等 仲要等半個鐘wor~ 仲話唔等得唔好食～ 激氣得濟走左 ⋯咁既服務態度真係好差如果佢係老闆 咁既待人/ 待客之道 趕客啦！

打風嘅日子留喺屋企好無聊, 出街同朋友食個晏, 冇乜餐廳開, 唯有去敏華冰廳<沙茶牛肉公仔麵>沙茶牛肉公仔麵沙茶味唔算重, 但又未至於淡某某公仔麵唔太煙韌, 醫肚但唔特別推介跟餐嘅火腿凍冰冰, 要加入麵度先食得, 好在炒蛋幾滑, 挽回一局多士烤得夠脆, 算唔錯奶茶上枱嘅時候無左半杯, 但奶味偏重, 亦唔錯

敏華早午晚都係咁多人排隊～基本上每一間都好多人，要食真係要早少少去排隊返工我都間唔中食，又抵又好食，茶走又出色👍🏻今日食下午茶，咸牛肉蛋烘底三文治哇，覺得好好食喎，上枱夠晒熱，烘底出到黎唔會淋晒，一向鐘意咸牛肉蛋治簡單嘅嘢都相當出色本身仲想食蛋撻，但太飽，下次先再試～老公食葱油豬扒飯飯，我偷食咗一啖，好香，豬扒好淋又夠入味👍🏻

行街行到攰攰地，便入黎坐下食個茶餐先，老公叫左西多士同樽仔鴛鴦，佢勁讚杯樽仔鴛鴦😆話好香濃，如果咖啡多啲就更加好我就叫左榨菜肉絲雞翼公仔麵，同埋咸檸樂個雞翼炸得幾香脆，咸檸樂好好飲！

服務態度勁差 人手不足 又要開足整個場叫一個早餐 一個蛋撻 一杯凍飲 一杯熱飲點餐嗰個簡直係態度差 又冇禮貌食完成個餐 嘢飲都仲未到問服務員 野飲到未連問都唔問 就話就快到淨係不斷同啲客講 人手不足人手不足我真的以後不會幫襯

星期日朝早唔係好滿座，人流唔多，我企係出面等咗好耐，完全無職員安排入座，就算見到你企係出面等，佢哋完全都係唔理你，所以唯有我自己搵位坐低咗先。直到落單個一刻，叫極舉手都係無人回應你，黎到又話無呢樣個樣，完全無心機等你，直接就咁走咗去，完全解釋唔清楚，叫我睇清楚先好叫佢。未試過去一間餐廳，落單都要舉手叫3次先可以落到單。啲野食就正常，無乜太大期望。不過服務態度咁樣，我諗我都唔會再想比多一次機會黎啦。

我一向都有食開，但服務態度愈來愈惡劣， 搵個伙記落單都已經難，order 完等左半個鐘 ，食物仍未到！ ！搵人追單，應承左好好好，轉過頭做其他野，hea住食客，根本無跟過單！ ！好失望！！

今天下午去這間分店歎下午茶，當時排隊人數不多，店內喺有坐位的，但唔知點解啲服務員又唔安排入座。到安排入座喇，舉手示意請服務員幫忙落單，3個服務員都扮見唔到你都算數，點知後來仲差，我都食到大半，突然間有個服務員走過來叫我換位坐去對面，將我個俾另一個客人坐，我真喺唔明叫我調去對面坐有何作用，我都坐緊搭枱位，我坐家個位同坐對面個位跟本無分別，佢哋搭個人坐我對面又無用隔板隔開已經唔啱，同時今次食物質素差咗、又多油。總之，今次的經歷極差、極唔舒服真喺貼錢買難受，以後不用光顧這間分店。

強烈建議大家冇咩事唔好嚟食。入到位，嗌嘢食想問兩句餐牌內容， 一個矮矮肥肥嘅中年女侍應 態度極唔耐煩, 話我 "你第一次嚟食牙？!" 我心諗: 嘩，你咩餐廳咁巴閉啊？然後，到叫飲品。一開始我講咗凍檸水， 講完之後，我都即刻糾正返係另一樣飲品。佢當時只係喺部機度寫緊order，都未confirm落order俾廚房。 佢一聽到我想改， 態度極度討厭咁喝罵我，" 你而家點呀?! 取消曬佢lor!"然後, 佢即刻喺我面前delete曬所有佢喺部機度寫緊嘅order。跟住我話, "我冇話要cancel曬wor。" 結果, 佢要我由頭再落一次。宜家諗返, 我當時應該即刻走人算數。其實大家趁住而家疫情, 生意難做, 不如就清洗一下飲食界嘅毒瘤啦。食個飯好似欠咗你咁。

夜晚喺朗豪坊食晚飯揀咗幾間 因為星期六晚好多人排隊⋯出返4樓哩間冇乜人又唔洗等位我哋嗌咗signature 銷魂飯 同豬扒想講份豬扒仲大過我塊面😂😂😂😂堅食到好飽好滿足😙

其實喺呢個位置有間敏華冰室都幾特別，始終覺得呢啲位應該係賣咖啡☕️大家記住如果太陽好好嘅時候，記得揀過冇咁曬嘅位，咪你真係坐喺度都會出汗！係我嘅角度，必食嘅一定係菠蘿包，好好食，但係杯檸檬茶就真係幾低質！我會形容為難飲😂 呢度啲奶茶好甜，可能因為佢其中一個賣點，係唔會有冰喺入面，係冰鎮奶茶🥤，不過，我試過幾次都嫌佢太甜，所以冇叫 今次嘅檸檬茶我叫咗少冰少甜，但真係麻麻哋好飲，我飲咗一半都無就冇飲到啦 太甜太凍

馬來三叔公咖吔多士 HKD33 配 熱奶茶 烤土司裡面抹上馬來咖椰醬和夾住新鮮厚牛油，一口咬落去多士香口可脆，配合椰醬和牛油簡直是邪惡的化身，好好味，好有飽足感，一點沒有油膩感。奶茶香味濃郁，質感細滑，吃完多士再飲一啖奶茶，超正~

在購物的同時剛好可以在累的時候也可以品嚐香港的傳統美食..🤩港式茶餐廳深入民心.多羅萬有應有盡有的..令口味百變的我也覺得十分滿足..可惜服務差勁👎🏼十分趕時間似的..還未吃完..已經迫不及待收拾..還不斷追趕下單..▪️A4 叉燒湯米粉拼炒滑蛋火腿配歐式軟多士$64出名的叉燒果然十分肥美..蜂蜜叉燒香氣撲鼻👃🏻肉質質嫩爽口..剛好配上米粉中和了叉燒的罪惡感🙈可惜米粉湯底味精太濃厚..厚身的軟多士配上香滑的炒滑蛋..果然是最保證的食法..🙈吃的美味.吃的健康..🤪最後配上一杯熱咖啡剛剛好.完美的早餐配搭😎