敏華冰廳 (新達廣場)

Open Now

Now Closed

今天來到大埔敏華餐廳吃晚餐。點了個叉燒通粉跟火腿炒蛋多士及凍奶荼。叉燒通粉的叉燒肉質軟腍，味道香蜜。由於肉索了湯汁的原故，因此肉不會乾身，反而充滿湯香。叉燒經紅燒後有焦香，燒的火侯掌握得好，因此不會燒燶，但亦能保有焦脆感。通粉是爽口的，不會糊掉。爽口的通粉配上軟腍的叉燒，十分美妙至於火腿多士，多士是厚多士，口感厚實，而且經過烘烤，因此食下去感覺微脆。炒蛋口感甚是細滑，蛋香味香濃。火腿經微微煎過，好味。凍奶茶是沒有冰的，茶濃奶香，令人回味。

大家見到標題唔好誤會我會離開香港，而係打算唔再幫襯呢間餐廳啫！！咩事令到我咁決絕呢？就係佢杯奶茶越嚟越細杯，份量有點驚人！其實食物係完全無問題，雞湯通粉湯底濃郁夠香口，多士又新鮮烘起，滑蛋又真係滑一滑，但唔明點解杯奶茶越嚟越細，今次仲見到杯邊多咗條突起嘅界，啲奶茶係沖到嗰個位嘅啫，乜奶茶成本好貴，要咁樣刻薄啲客人架呢？今朝諗緊去邊食早餐，有人提議去敏華，我第一反應喺好嬲杯奶茶嘅 size 所以拒絕 🤣🤣🤣我諗一日我仲記得佢個 size，一日我都唔會再幫襯 😜

因為成日有驚喜， 所以就停去敏華。 剛過左一個月再次幫親， 點知再執漏野，下次要打開check 齊先好走(真係有下次?)。今日就買左沙爹牛肉麵炒蛋早餐$39，跟住順手問下職員，係咪凍飲唔會裝滿既。職員回覆番裝7成是正常，這是公司規定的。裝左幾滿請看上一篇買完番到屋企打開，因為執漏無數次，所以好自然就check 下，又發現有野執漏，少左煉奶，之前幾次無去攞番，今次點都要去攞番，雖然好少事，但唔反映只會成日做漏野。最後攞番煉奶。今次第一次叫沙爹牛肉麵，味道不錯，有一點辣，比其他茶餐廳好吃的，是事實會照講，這是我的作風。

每個星期日，都習慣去屋企樓下敏華叫早餐。因為堂食要排隊等，就算唔係疫情都排長龍。佢個早餐真係幾好食，炒蛋，忌廉湯火腿通粉，再加個熱奶茶$36元 加1元 外賣 。但成日攞外賣野番屋企前，係現場都要 check. 左 Check 右。因為驚比少左野，落翻樓都幾辛苦。岩岩番到屋企，估唔到又有新發現。今次叫番凍奶茶，無唸過杯凍奶茶少左成1/4-1/5，平時簡唔中都有叫，唔覺少咁多既。有點不值，買外賣就有這風險。之前仲有比少左既有，搽麵包既牛油，餐具都有忘記比。但飲品比較難check。早餐在前幾篇有讚過，寫過兩次就不多講，係好好食既。

今日留家沒外出，就落左樓下買早餐食。唸住外賣有88折，但原來十二點後才有折，但十二點後又無早餐食，最後都照點了早餐。不過去敏華買外賣要有心理準備，等了超過20分鐘才拿到，如果好肚餓，唔等得既就要留意啦。點了兩份 B5 忌廉湯通粉拼炒蛋多士 $35, 如果飲凍飲建議凍檸蜜，因為同其他凍飲一樣加$3。講番食物，食物同湯分開，衛生得黎，不會整到啲粉淋晒。炒蛋都幾滑，多士夠厚。最愛既就係忌廉湯通粉，忌廉湯好喝，通粉不會太淋岩岩好。總結: 不趕時間的話食這家早餐不錯 或者可以試下用Apps 睇下會唔會唔洗等咁耐。

Had to wait over 15mins to take my order, as I was constantly being ignored by my calls for a waiter - the restaurant was not even busy!I simply ordered Kaya Toast, and waited another 30 mins for it to come. I had to chase the waiters 3 times to check on my order.They eventually served the wrong food, they gave me peanut butter toast, that I was allergic to, and the bread was cold.Absolutely the worst service by incompetent staff

近排環境大家都知,盡量都選擇一些比較少人到的地方用餐減少與人接觸,未知是否人太少,連上班的工作人員也少了,上菜很慢不過也好,可以放慢腳步吃飯也是一件樂事今天來了這邊商場,食個午餐,12點左右敏華人流不多就入去吃了坐在一旁自閉位,忌廉雞湯通粉加滑蛋,火腿,多士多士有烤過,好夠脆口,抹上牛油吃已經好味道滑蛋夠滑嫩,少少鹽調味也好吃火腿太乾身,沒特別另外叉燒忌廉雞湯通粉,五片叉燒算比得多,通粉無咩彈性,叫做頂下肚,味道就普通凍檸檬無咩茶味埋單收61蚊連加一,真係小貴,但一次半次就算了

我同阿囝倆人要求不搭抬，頭位等了十五分鐘後，近門口張二人抬有一人走了，另一人都準備走了，個收銀居然叫個侍應叫一人入來坐，我問一個藍色衫比較高級的待應，點解張枱唔係俾我哋，她居然跟我說：「我睇唔到喎，唔係我叫個喎，我唔知喎！」吓！真係極品員工！之前都試過個收銀死都唔去賣麵包蛋撻，話唔關佢事，唔係佢負責，但佢係企係隔離都唔願去做，而且佢部收銀機都可以賣麵包蛋撻！ 又試過買外賣火腿通粉餐，個收銀話冇通粉，咁要求轉麵，佢又話冇通粉，再同佢講我轉麵喎，佢都話冇通粉，再再問佢咁有啲乜嘢，佢先話只係無火腿！極品！

1月10號同屋企人食飯我同媽咪食暗然銷魂飯本身都冇咩野仲幾好食到我爸爸黎個時嗌左個美式西冷牛扒野飲都飲到一半個麵包同個湯都食曬野食依然未黎大約10分鐘隔離枱都系嗌左同一個餐附近既人都系嗌左呢個餐食我地傾左都一段時間野食依然未黎呢個時候隔離枱遲黎過我地野食竟然黎左咁我地就好奇怪問問個服務員個女服務員竟然答我地系啊人地嗌4成熟點都會快過你地全熟我幫你入廚房睇下首先我地點餐個時個男服務員並冇問我地幾成熟落完單就走左去好啦等個女服務員幫我地去問都大約5分鐘左右佢出到黎答我地你地要等多5分鐘我地再叫個男服務員睇睇咩事系見佢入左去但冇出番黎交代事情呢個時候我地見到同時間有3個美式西冷由廚房捧出黎樓面但都唔系我地最好笑既系個所謂既主任同我地講你遇到咁樣應該同我講佢地侍應仔唔系好識處理我建議你地可以做多小小培訓比侍應最後我地系冇要到就走左我想你地既經理比番個交代比我地究竟係咩原因遲黎既枱枱都有系得我地冇？冇！下！次！明明都冇咩客人去間餐廳食飯都可以做到個服務態度咁樣

見呢間野價錢唔平，以為係比較高檔茶餐廳，點知各方面都好差。服務方面，坐低左幾分鐘都無人清理上一手的食物碎屑，又無人比水。叫人羅幾杯水，點知俾得兩杯(我地有三個人)。食物方面，我叫左個黯然銷魂飯，得叉燒一條條好大舊，好似食豬柳咁，完全唔似正常叉燒。叉燒又好鬼甜，可能落既叉燒醬太多。其他食物如雞中翼，熱寧蜜，米粉同多士就正常。整體黎講，無論服務同食物都差強人意，令人失望😫下次黎新達廣場都係搵其他餐廳好過啦

新開左一段日子終於有機會去試前個排日日門口都排長龍今次平日夜晚6點幾7點去到就無乜人餐牌黎講主要都係常餐為主個人覺得比一般餐廳晚餐既選擇少扒餐有三款 set左跟薯格無意粉飯個啲重點！！本來諗住叫龍蝦牛柳個set點知佢話賣哂 個陣7點都未到都算啦咁都無辦法之後上扒個陣先話無哂香草汁問都無問過就自己轉左蒜蓉汁黎態度仲要麻麻地然後偷聽到隔離枱嗌左個米線定通粉又係上菜個下先同人講無哂 自己幫佢轉左公仔面咁既服務態度真係唔得！唔比人揀就自己擅自改煮到出黎比到你面前好似焗住你食咁 食物質素方面多士烘得唔錯 幾脆羅宋湯好淡 另一個set叫左忌廉湯 味道就好過羅宋湯既個人認為牛扒分4成5成7成熟level咁當然出黎就有偏差啦😂order5成到出黎7成 都算係自己既acceptable range牛扒都厚同埋味道不錯既跟三四塊薯格 味道偏咸總結味道普通 唔算差但服務同食物選擇黎講無下次🙅🏻‍♀️

新開張以來經常大排長龍，這天經過見人龍不算長，就即興試試。排了大約20分鐘。可惜很失望。首先，兩人吃晚飯要搭枱，而且一心想試試這裡的招牌餐暗然銷魂飯，又話賣晒。煎蛋免治牛肉意粉$52 - 蛋是流心的，免治醬汁味很濃。熱杏霜 - 跟一般茶餐廳一樣用粉開，上枱時還沒搞勻所以看到😅叉燒湯通粉$57 - ok配炒滑蛋雙腸，歐式軟多士 - 炒蛋不錯 坐我們對面的比我們早點餐，但我們的來了吃了一半，她的也還未到，見她催了兩次，說已經半小時了。同時間其他食客也在催😅

見姨甥仔好鍾意食敏華嘅黯然銷魂飯，嗰晚一條友晚餐就特登去試一試。上檯熱辣辣香噴噴，最喜歡篤穿荷包蛋連飯一齊食，再試一啖义燒，終於明白點解姨甥仔咁喜愛，就係因為甜。 。 。但對於我嚟講就太太太甜 🤣🤣🤣🤣，甚至乎係死甜!一碗飯 4 片肥厚蜜汁义燒連一隻荷包蛋，講到尾就係啅頭，收呢個價錢老實講有點貴，好彩餐茶叫咗杯熱檸茶，可以中和返啲甜味同幫助消化。餐廳仲有做鐵板扒餐，唔好彩坐我附近淋汁時啲煙飄晒過嚟，唯有快快走人!

敏華之前推出優惠券優惠，買一千蚊券平百五蚊，名附其實八五折由於早上我食得少早餐，中午當然要來敏華食飽佢順便用左張優惠券，侍應同我講好多野就快賣晒，我好快決定點了榨菜肉絲米仲加隻雞尾飽同蛋撻

由於尋日沙茶牛肉米粉點錯食物，變了沙茶牛肉面。今日早起，我又去了敏華食早餐，因為我想食沙茶牛肉米粉，我好想試一試米粉配沙茶醬既味道。米粉較我想像般硬身，如果煮多一分幾鐘，可能更加好食。沙茶醬配米粉，米粉比較硬身，使沙茶醬唔能夠融入米粉之中今次我食太陽蛋終於無爛，可以全隻放入口，碟唔使整到成碟係原來有得叫全熟蛋，等我下次又試下先雞尾包等到出爐點，椰絲熱辣辣，好味！椰絲平均，唔多唔少，唔會令人覺得過甜凍咖啡，一般般呀，都係奶茶好飲