敏華冰廳 (T Town South)

Open Now

Now Closed

食物唔差，員工有問題1.買個黃撻講左三次都問返我係咪要白撻，好似發緊夢2.有一次想買個蛋撻螢幕冇顯示，都係想問下要等幾耐姐😅，4個員工處理前面一單收錢，收完錢個客都走左，係到眼光光望住，都係冇人解答我一個咁簡單嘅問題我覺得佢簡直係倒米，浪費我時間，想食有咁既員工都唔想幫襯

嗌咗個蔥油豬扒煎蛋飯，豬扒鞋都似毛巾，太乾身，入口好鞋，蔥油係用叉雞飯嗰啲蔥油，個人來講唔太鍾意，煎蛋就基本，但係個豬扒實在太差，最後豬扒食幾啖就唔食！黯然銷魂飯，味道還好，叉燒係有少少質素，但係個豉油就個人唔太鍾意，但係尚算有質素！酥皮蛋撻，太冧，冇蛋味，酥皮似冧左嘅麵粉，食落去唔太吸引，作為餐廳嘅賣點，完全唔合格！紅豆冰冇奶味唔甜，紅豆可以接受。雜果賓治味道還好，但係唔係用利賓納，冇氣。總結體驗差，cp值低，埋單160左右，天水圍來講唔值座位空間唔算大，服務態度還可以，但食物質素差。

今日買外賣晚餐豬膶牛肉通粉真好吃！強烈推介！即使是外賣的豬潤，口感依然香滑，而且生熟程度剛剛好，牛肉相當軟身，加上薑汁湯底，又有少少雞嘅鮮味，微微的辣，通粉爽口，好吃！炒蛋10分香滑，蛋味濃郁，而且不油膩，再加埋厚切牛油多士，好滿足。奶茶口感香滑，有茶味，奶和茶嘅比例都不錯，滿意，這天的晚餐所費無幾，但10分滿足。

今曰試吓這一家茶餐廳。餐牌就只有一頁，主打港式餐點，最吸引我的是黯然銷魂飯。黯然銷魂飯$68這黯然銷魂飯即是叉燒雙旦飯，叉燒是厚切，啖啖肉，又有燶邊，加上半肥瘦的肉質，爽口又帶點脂脂肪，正！加埋流心旦黃和甜豉汁白飯，好滿足。餐飲選了奶茶，既香滑，又有茶味，不澀口，十分恰意。

甘岩經過，見到新開張，下午茶時間有幾個人排緊。等左10分鐘有位入，排隊時見個個都叫常餐同埋暗然銷魂飯，我哋都各自點咗一份。黯然銷魂飯單售$56一上枱個賣相都幾吸引，叉燒好厚好大嚿。配上雙流心蛋加豉油汁撈飯一流叉燒充滿濃厚的醬汁味好軟口，肥瘦適中。如果有啲焦香就更加好啦！常餐：潮式沙茶牛肉通心粉拼滑蛋雙腸拼軟多士$55凍飲+$3通粉湯底好濃郁，沙茶牛肉醬汁不算多，不過牛肉口感軟林林好入口。滑蛋火候控制得剛剛，入口香滑。而我最鍾意嘅係呢塊入口柔軟又帶點鬆脆嘅厚多士。揸埋牛油簡直絕配！呢個常餐值得再食！整體而言，幾滿意，上菜快，服務態度正常，食物質素都可以，下次會再黎食常餐同試其他菜式