敏華冰廳 (如心廣場二期)

Open Now

Now Closed

之前一星期既Lunch總有一兩日係食燒味飯宜家因為疫情關係 Lunch改為自己帶飯無咩機會再食到燒味...早排屯門市中心開左間敏華 日日經過見到排唒長龍甘岩今日去開荃灣 行過敏華有個銷魂飯🍚而且吾洗排隊 就入去試試🤪比起之前翠華食既叉燒 E到既無甘肥 而且燒到好香口 都算對得住個價錢💸

今日同老媽子去呢間食 tea，我第一時間就叫左個黯然銷魂飯（因為出名），老媽子就叫左個榨菜肉絲雞翼麵。先講黯然銷魂飯，真係名過其實，流心蛋同埋D飯都 Ok，飯唔太硬撈埋D蛋汁都尚算可以，但叉燒就過份濃味，我都出名重口味都頂佢唔順。至於個榨菜肉絲雞翼麵，等到我差不多食完個飯先至到，理由係雞翼要炸，ok又俾佢講得通。D雞翼新鮮炸起皮脆肉嫩（老媽子講嘅），總括黎講都係普普通通，一般茶餐廳質素。

今日沒有吃敏華冰廳出名的暗然銷魂飯，只想試吓他們的三文治類型的茶餐。叫了一客 鹹牛肉雞蛋三文治，一拿上手感到件包有小小嚡，但吃落時蛋牛熱熱的，令件包也軟起來，味道不錯。法蘭西多士 好香脆，件牛油還做成心型，好有心思。叫了兩杯奶茶，奶茶算香滑，有茶香，小巧的一杯。

今日在如心廣場工作，吃飯時間只有短短30分鐘，當然是要選擇快靚正的餐廳，茶餐廳便是一個不錯的選擇，我自己叫了一個常餐，沙嗲牛肉公仔麵，配以炒蛋，飲品選擇了一杯咖啡，整體來說食物及價錢成為正比，服務也比一般茶餐廳為好，當天也不用排隊便可以入座

無啦啦掛起八號風球, 屋企冇儲糧, 又見唔算好大風, 於是出去睇下有咩餐廳開。行到如心廣場商場二期見到敏華開咗, 又唔駛排隊, 好啦, 就食佢啦! 之前有食過佢哋O既黯然銷魂飯, 係不錯的! 但我哋今次想試其他。A3 餐 - 沙茶牛肉米拼腸旦多士個沙茶牛肉米D 牛肉得幾舊, D 湯係蓋過晒米粉同牛肉, 份量真心比較少。腸仔表面有油, 但食落冇煎過O既香味, 似係洽熟再喺唔熱O既油上面碌過香煎芙蓉旦飯 - 偏鹹, 最後係鹹到食唔晒O既整體嚟講, 呢餐係好失望O既, 味道同餐廳衛生都需要改善。

今日放假，訓醒就又係諗下食咩嘅時候，見到個天黑黑地，咁就唔好去得太遠啦！就經天橋去如心廣場望下啦！荃灣西站附近就真係愈來愈旺啦！周圍都要等位，行過見到間敏華冰室唔係好多人等緊就去望下啦！行埋去之後話咁快就入左幾張枱啦！咁我地就繼續等啦！坐低之後望下個餐牌，都幾港式，主推就係常餐同埋特餐，常餐就係粉麵，而特餐就係飯類。我就點左個黯然銷魂飯再加杯熱奶茶。而我女人就點左個豬潤牛肉米粉再加熱咖啡。首先黎係兩杯飲品，熱奶茶夠熱，但係就無咩茶味，只有奶味，差少少，咖啡就係開粉沖出黎，不過不失，不過認真講個杯都幾細隻下。之後就到豬潤牛肉米粉啦！個湯好多薑，同埋d豬潤就真係唔係好夠新鮮，感覺上係用d薑闢左d味，牛肉同埋豬潤份量都好多，同埋係生滾嘅，之後就食埋雙腸同埋多士，總結黎講就係麻麻。到黯然銷魂飯啦，足足就等左15分鐘，點解咁清楚呢！因為我落單果陣見到個蛋撻計時器係有15分鐘，當佢宣佈出爐時候個飯都到啦！飯賣相可以，首先捅穿隻蛋啦！之後就食飯啦！飯唔係好夠水，偏左d生，而叉燒都好大舊，重用火鎗燒過，食落去都幾香叉燒味道，總結都還可以。之後食完我地就走啦！

第一次黎食，平時見到好多人排隊都唔明點解，今次黎食過之後終於明。首先，以呢個價位$39喺商場入面嘅茶記我覺得已經好平。食物質素黎講簡直超水準。通粉湯底唔係大家x個啲hea 味精湯，炸菜大小平均，肉絲係有煮過而且真係見到係一條條肉，雞翼雖然係炸，但夠味而且大隻，唔會過咸。奶茶令我喜出望外！好滑好滑，好易入口，茶味唔會過濃，以$39呢個價位有咁嘅質素真係無野挑剔。而且啲姐姐服務態度幾好。清楚覆單，唔會驚點錯野。

每次經過敏華都見有人排隊，也感到好奇，試過的確食物有水準好味，已經連續第二個星期去吃早餐。一入餐廳先要量體溫，枱與枱之間有板隔開。侍應反應快，落單速度迅速。我點了沙茶牛肉通心粉配雙腸及歐式軟多士。軟多士少少厚有口感，沙茶牛肉少少辣非常惹味特別！牛肉也淋滑，而且份量也足夠。

敏華真係茶餐廳來講算係真係好好味我通常食完都會買多幾件蛋撻返屋企做下午茶蛋撻即刻出爐即刻食係最好冇辦法之下，返到屋企焗返熱都一樣好味唔會太甜，有蛋香！酥皮好味！

下午約同客人到南豐中心看醫生🩺，因時間尚早就在商場行陣街先，途過敏華冰室門口被歺牌吸引住，大家不約而同說先來個下午茶吧☕️因我工作關係經常會在街上，近來發現有不少茶餐廳以菠蘿包做招徠，用不同餡料配搭上來都好好味😋😋😋菠蘿包由來⋯⋯描述菠羅麵包，亦稱波羅包或酥皮麵包，是一種甜味麵包，沒有餡料，源於香港，約於1960年代出現。因為菠羅麵包經烘焙過後表面金黃色、凹凸的脆皮狀似菠蘿因而得名，所以菠羅麵包實際上並沒有菠蘿的成分。 $31 冰火菠蘿油拼炒滑蛋炒蛋炒得好香滑，甜甜菠蘿包焗得好鬆軟，酥皮香脆內加一片冰牛油🧈再配上一杯香滑熱奶茶☕️簡單得來而帶出真之味👍👍👍

冇落豉油、冇落蔥油、豬扒勁柴皮、飯未熟，從來如此未食過咁難食嘅飯，我一直都食開，每星期都會食未試過咁失望！仲要即時打去店舖想補回豉油及蔥油，誰不知電話都唔聽想俾機會佢補求，咁要個電話號碼黎做乜🤬🤬🤬🤬冇落豉油、冇落蔥油、豬扒勁柴皮、飯未熟，從來如此未食過咁難食嘅飯，我一直都食開，每星期都會食未試過咁失望！仲要即時打去店舖想補回豉油及蔥油，誰不知電話都唔聽想俾機會佢補求，咁要個電話號碼黎做乜🤬🤬🤬🤬

約左朋友十一點去荃灣血拼，血拼前當然要醫肚先有力氣行!! 行過敏華，就比佢既新鮮出爐的蛋撻香味吸引入去~~~ 估唔度，過了十一點，還可以點選早餐(早餐時段到12點)，當然唔放過呢個機會喇! ! 先點兩個新鮮熱辣的蛋撻，外層酥皮鬆軟可口，牛油味重，內層有熱騰騰蛋漿，蛋味香濃，夠香滑，食時小心燙咀，再配上杯凍茶底夠濃的奶茶，整個人都醒神晒! 自己點了沙茶牛肉公仔麵併炒蛋多士，沙茶醬好香，牛肉應該加了鬆肉粉，所以好諗! 滑蛋夠幼嫩可口，加上軟綿綿的多士夾在一起食，相當配合! 朋友點了忌廉雞湯火腿通粉拼雙腸及多士，她沒說太多，但整碗粉吃光，應該不錯 !  離開時才發現，廣告牌大大隻字推介"暗然銷魂飯"，下次要一試~~~

每次經過都好多人排隊，對於一間茶餐廳，再加上係連鎖茶餐廳黎講，的確唔尋常。門面買面包同蛋撻，店內就一般冰廳，無碟頭飯，有既係常餐、特餐，最特別既係有個Mon show住下一輪蛋撻幾時出爐～💁🏻‍♀️黯然銷魂飯 $65招牌黯然銷魂飯，身為香港人無理由唔知黯然銷魂飯既出處😁！食落就無家燕姐咁浮誇，少左生洋蔥帶黎既傷感🤣，但自家製既叉燒屬厚叉燒，肥瘦適中，燒完出黎有陣烤肉既味道，好嫩滑，唔肥膩，反而有少少咬口，醬汁有甜甜既蜜糖味，十分下飯😍！煎蛋有一隻係流心蛋一隻熟左，配豉油＋飯，成碗飯（配流心蛋）絕了！如果煎蛋可以再有少少濃邊，會更脆口，加上係兩隻都係流心蛋，咁成個飯就係可以上天堂❤️～ 但只係舊叉燒就一定其他茶餐廳搵唔到，所以呢個價錢都值得比呀～👌沙茶牛肉公仔麵拼💁🏻‍♀️炒滑蛋雙腸及歐式軟多士 $53先黎講個沙滑蛋（常餐既精髓），有蛋香，都十分嫩滑，bubu就最喜歡將隻蛋放上去多士一齊食🙋🏻‍♀️!? 另外，佢既多士都好出色😮！多士屬厚多士，外層烘到十分脆，但成個面包都唔會乾身，仲係軟綿綿。至於沙茶牛肉公仔麵，就好令人失望🙈好食既公仔麵最重要係軟硬度，一過左時間就會太腍，失去口感。所以茶餐廳既

我好少去茶餐廳呀，冰室食飯，今次難得嚟荃灣如心廣場附近行街，撞正下晝Tea time時間，見有啲肚餓所以是但揀左一間餐廳入去食下野，亂咁行入依間敏華冰室，因為冇位所以都等左一陣。一坐低，侍應即刻遞餐牌俾我哋揀咗好耐都諗唔到食咩好，本身想揀依個黯然銷魂飯試吓㗎，但係又驚食唔晒浪費而且唔想下午茶時間就食飯咁Heavy所以最後我揀咗個～茶餐T2黎食！朋友就揀咗個～A2嘅五香肉丁公仔麵&炒滑蛋火腿&多士佢啲炒蛋真係好滑好香基本上係入口即溶，我覺得真係幾好味唔錯唔錯，食到一半我忍唔住講咗一句：「佢啲炒滑蛋真係好好味呀！」而且啲火腿又好香，一啲都唔會油膩，而且佢煎得又唔會話好燶好咸喎，因為有啲茶餐廳嘅火腿煎到油淋淋，見到都唔想食仲有佢啲歐式軟多士都好好味，我係一個對於西多士麻麻哋嘅人，因為唔鍾意食西多士，不嬲覺得好油～但係佢啲軟多士我全部食清光再搽埋佢啲牛油嚟食真係一流呀！又脆又香口，簡簡單單咁已經好好食。至於佢杯熱檸茶&凍啡就正正常常囉，冇話特別好飲或難飲咁，正常水準。下次有機會嘅話，再試埋佢嘅 新鮮出爐酥皮蛋撻&黯然銷魂飯先

今日食完午餐埋單嘅時候，收銀服務員(陳嘉欣)態度非常差，本人其實想問蛋tart幾時會出爐，但係當時已經叫左呢位服務員數次先有回應，原因係該位陳服務員當時同另一位同事閒談中，閒談之間非常雀躍，當回應我嘅時候卻面有難色及態度甚差，應該可能係我打斷左陳性服務員嘅關係，所以就換泥如此嘅對待，請貴餐廳跟進一下係咪5休做，咁樣嘅服務態度好難再吸引更多客人光顧，其實其他樓面服務員嘅態度都係一般但係都可以勉強接受，但收銀員就難以接受