炑八韓烤 (青衣城1)

Open Now

Now Closed

放假同謙謙食好西，我地太掛住韓燒忍唔住快閃青衣城炑八一轉🤭🍖 特級牛助骨 ～ 份量十足的牛肋骨要剪開3份先夠放來燒，輕燒兩邊微焦，入口軟綿綿用菜加泡菜包住一口過滋味滿分。🥩 韓牛貝身肉 ～ 每一片油脂分佈平均，入口油花爆開夠嫩。🥩 炑八厚切五花腩 ～ 靚仔哥哥主動幫忙燒， 仲要燒得剛剛好，輕沾醬汁包菜直送入口超滿足的。🥘 芝士熔岩飯 ～ 靚仔哥哥幫忙攪拌芝士熔岩飯，做出拉絲效果， 每一口飯都沾滿滿芝士夠哂濃郁。🍡 夾心棉花糖配朱古力威化餅 ～ 小朋友最愛的結合，燒到焦脆的棉花糖夾住朱古力餅一起食好夾呀！🍶 馬格利生米酒 ～ 食燒肉我就點了個馬格利生米酒嚐一嚐，果然一口肉一口酒就係爽。

好耐冇食韓燒啦，今次同男朋友就去左位於青衣既炑八食dinner，叫左幾款野食味道都好有驚喜特級牛助骨牛助骨好好味，要讚下個調味岩岩好，肉質軟諗有咬口，值得一試炑八厚切五花腩五花腩大大舊好厚切，燒完之後肥而不膩，可以配上生菜一齊食，有助解膩韓牛貝身肉新產品，貝身肉係牛腹同菲力之間的部位，入口嫩滑肉汁豐富，油脂感比較重芝士熔岩飯上枱熱辣辣，加左泡菜既炒飯好惹味，店員係大家面前落芝士，之後就有拉絲既效果夾心棉花糖配朱古力威化餅最後仲加左個甜品，將棉花糖輕輕燒一燒，溶溶地既時候配上香脆朱古力威化餅好好食馬格利生米酒之前係韓國都有飲過，飲落去甜甜地好順口，同時帶有微微的奶味

同朋友慶生，決定食久違的韓烤，想瘋狂食其無限添加的爐邊蛋同粟米芝士😂青衣城高質「炑八韓烤」的烤肉每次都令我驚艷住，當然今次都不例外。無限refill的前菜：爽脆清甜帶點微辣的泡菜、解膩酸甜蘿蔔、清新芽菜🌱、仲有辣魚糕同醃製昆布，點少得無限量泡菜爐邊蛋同拉絲芝士，食前菜都食飽😂炑八厚切五花腩：點少得一整條厚切五花腩，肥瘦相間，豬皮輕輕香煎，油花十足！店員烤至金黃色，香脆可口！所謂高手在民間，香脆扎實既肉同時享用到豬皮的軟糯。特級牛肋骨：今日MVP 🏆特長牛肋骨醃製過醬汁甜甜地，燒至半熟兩面輕輕煎香，內裏仲見到粉嫩的肌紅蛋白，食落柔軟不帶筋！分量多之餘豐富肉汁在口內溢出，十分驚艷。芝士溶岩泡菜飯：海量毫不吝嗇的芝士倒入鐵板中，店員幫忙趁熱撈起，邪惡拉絲芝士熱辣辣，仲帶有點蛋香同飯焦！不得了，就快新年必食呢個撈起飯，風生水起。夾心棉花糖配朱古力威化餅：係火爐邊慢慢烘至外脆內軟，燒到軟棉即把威化餅夾住，朱古力🍫半融狀態，邊玩邊食，好過癮。馬格利生米酒🍶：用碗呈上米酒份外有儀式感，米酒香甜順滑易入口，帶點發酵香味，食燒肉必點。總結：其出品的烤肉每次都令我驚艷住環境服務一流 價錢合理#炑八#炑八韓

最近魷魚遊戲拍真人騷，又掀起返魷魚遊戲嘅熱潮，見炑八推出左新既魷魚遊戲套餐，當然要去試吓！套餐$578，已經有好多款肉類同小菜，一定足夠兩個人食餐廳仲有好多魷魚遊戲嘅產品，可以換購一開始店員上前菜同埋爐邊燒，有泡菜蛋同芝士粟米，仲可以refill! 正！前菜沙律，配着柚子醋，酸酸甜甜，十分開胃月見牛腹肉牛腹肉已經有基本調味，牛肉簿身，唔使燒得太熟，加上月見汁（溫泉蛋加醬油），令牛肉入口更加嫩滑魷魚遊戲套餐，當然有魷魚，魷魚原條上， 燒完再慢慢切一件件，分量十足和牛牛肋條個人最推介和牛牛肋條， 牛味香濃，而且肥瘦適中醬油五花肉，梨汁雞肉，深海鱈魚肉最有驚喜係深海鱈魚肉，魚肉質感厚實，食落彈牙而有口感嘢飲同甜品都好有心機，加上好多魷魚遊戲嘅元素，好食又好玩❤️

依期大熱嘅真人版魷魚遊戲，估唔到連餐廳都有promotion，未食呢個魷魚遊戲set已經有緊張又刺激啦。喺OpenRice預訂呢個魷魚遊戲set仲有88折優惠，計落真係平好多㗎，大家千祈唔好錯過呢個優惠。前菜方面，有沙律之餘仲有啲韓式小食，店員仲話俾我哋聽，韓式小食食完仲可以refill架，連爐側邊嘅芝士粟米同埋泡菜雞蛋都可以啊，實在太好啦。跟住嚟咗兩杯紅燈綠燈沙冰，綠色係蜜瓜味，夠晒冰涼，仲有啲紅色一條條嘅粉條喺入邊，賣相吸引之餘仲增加左口感。到主食方面，仲有好多唔同嘅選擇，咪睇落好似得好少，實際上兩個人都真係食唔晒呀，飽到上心口。肉質方面，油脂分布好平均，而且好新鮮好靚，口感唔錯。當然唔少得主角魷魚🦑啦😂最後仲點咗雪糕呀，塊椪餅仲有遊戲入邊嘅花紋喺度，有得食之餘又有得玩，可惜我挑戰失敗，整爛咗塊椪餅嚕。呢間餐廳，攞咗魷魚遊戲嘅熱潮嚟做主題，都幾得意幾好玩，可以去幫襯吓感受吓遊戲入邊嘅刺激體驗。

呢排Netflix都播緊魷魚遊戲真人版🦑🦑又再度掀起魷魚遊戲嘅熱潮屋企樓下嘅青衣城間炑八韓烤竟然Crossover魷魚遊戲推出套餐😱😱😱我即刻就約咗friend落去食餐勁嘅，順便提早慶祝聖誕節🎄天氣咁凍，食返熱辣辣嘅燒肉真係岩岩好！除左超多款或嘅前菜之外，我地叫哂成個full set, 包括：紅綠燈魷魚遊戲韓烤套餐 $758呢個套餐超級豐富❣️❣️有齊新鮮魷魚🦑醬油五花肉🐷🐷梨汁雞肉🍗🍗深海鱈魚肉🐠韓式香腸🤤安格斯外裙肉🐮和牛牛肋條🩷月見牛腹肉😋😋 總括嚟講都醃得好入味，肉質都好嫩，唔會好韌😍😍夾住生菜同點燒肉醬食真係超滿足🤤🤤🤤食食下仲可以食埋爐邊嘅泡菜蛋🐣或姐係芝士粟米🌽🧀正丫♥️♥️ 另外都加左紅燈沙冰同綠燈沙冰，食燒肉配埋凍飲，簡直就一流🤤🤤🤤魷魚遊戲中間比較難忘嘅音樂，除咗玩紅綠燈之外就係玩椪糖🍨🍨🍨我哋都唔執輸，叫返個FRONT MAN椪糖曲奇雪糕 $38🍪🍪食雪糕之前仲可以玩下塊餅乾先🤣🤣真係食得又玩得🤣🤣🤣

Netflix最新推出咗真人騷《魷魚遊戲：真人挑戰賽》！⭐️炑八韓烤⭐️特別與Netflix合作，推出魷魚🦑遊戲聯乘期間限定食品及獨家周邊精品，並化身成為魷魚🦑遊戲主題餐廳！煲緊呢套真人騷嘅我梗係要去呢間主題餐廳度試吓啦😍嚟到炑八梗係唔少得有無限refill嘅前菜同爐邊泡菜蛋🍳及爐邊芝士粟米🌽 全部都係我嘅最愛 連小朋友都食到津津有味😋🦑紅綠燈魷魚遊戲韓烤套餐 $758新鮮魷魚、醬油五花肉、梨汁雞肉、深海鱈魚肉、韓式香腸、安格斯外群肉、和牛牛肋條、月見牛腹肉套餐非常豐富，有多款肉類及海鮮，全部都非常新鮮 最鍾意係醬油五花肉同和牛牛肋條 勁juicy! 🦑FRONT MAN椪糖曲奇雪糕 $38自問冇咁好手勢 所以塊曲奇都係就咁食😂 而士多啤梨🍓同雪糕都好香甜🦑紅燈沙冰 $48 & 綠燈沙冰 $48沙冰中間加咗粉條 外觀靚之餘 口感亦有唔同嘅層次店員們都非常友善 而且著哂456運動衫🎽 連埋店內嘅佈置真係勁有氣氛！魷魚遊戲套餐最新優惠：1.於OpenRice預訂套餐有88折優惠！2.附送限量版魷魚遊戲貼紙3.推廣期內消費滿折實$500，即可免費獲贈炑八Ｘ魷魚遊戲年曆卡一張！

今次同friend出嚟青衣城，望住人流來來去去，突然間腦海閃過——烤肉點可以錯過呢！🍢我哋就撩撩聲揀咗間青衣有名嘅韓式燒肉店。一坐低，店員就笑口常開噉同我哋講番句「歡迎」。第一擊，就係特級牛肋骨，光係聞到已經食指大動。濃濃嘅燒肉香味，叫我記得緊張拎住筷子嘅手都要震一震！🥩 牛肋骨烤得恰到好處，外皮微微焦香，一咬落去，「嚓」嘅一聲，肉汁四溢。而家諗返起嚟，都仲想再食一口！我哋又點咗蝦同雞翼，蝦仔個body係真係勁飽滿，海鮮嘅鮮香同火侯抓得剛剛好；雞翼皮脆肉嫩，層次分明，啖啖肉，食得我哋嘩嘩聲！嚟到最後擊節錄出場，就係士多啤梨乳酸梳打，加埋雪冷嘅氣泡，一飲落去，清新迎面撲鼻，舌尖上嘅油膩感頓時一掃而空，感覺就好似係清新嘅夏日海風吹過一樣，涼快曬！今晚呢頓飯，由頭到尾，真係一個字——正！食物美味，服務周到，下次再約幾個閨蜜一齊嚟，傾計飲茶，嘆住靚燒肉，咁就係生活應有嘅樣子呢！👍👍💕

最近同frd睇魷魚遊戲真人版，睇到好緊張。咁啱見到炑八同Netflix 有合作既套餐，當然要捉埋個大熱fans frd一齊去體驗遊戲啦😂😂係openrice 搵既時候見到訂魷魚遊戲個餐仲有88折添😍即係上網訂完先去食啦$836 有成個紅綠燈魷魚遊戲套餐再加埋兩杯特飲個餐本身有海陸空既野食 （新鮮魷魚, 鱈魚柳, 五花肉, 梨汁雞肉同埋3款牛-安格斯外裙肉,和牛牛肋條&月見牛腹肉）雞肉用咗梨汁去醃製，燒完食落好香甜嫩滑🥰🥰勁好食月見牛腹肉佢跟住隻半熟蛋，店員教燒完塊牛肉片再撈蛋汁食，會更加滑啲同甜啲。牛肉片好多油脂，食落好滑好有牛味。唔使再加其他醬汁都夠哂味五花肉係韓燒必食既肉之一，包菜食同點芝士食都得。兩款配埋五花肉都好好食好多汁成個餐佢有好多配菜跟埋，除咗沙律菜之外其他都可以無限添加，爐邊蛋同芝士都勁正。食完咁多野，當然要食埋佢個主題甜品啦。椪糖曲奇雪糕($38) – 係雲呢拿雪糕配士多啤利嚟。當然唔少得有椪糖啦。我哋一個係遮仔🤦🏻‍♂️🤦🏻‍♂️一個係三角形，但最後兩個都整爛咗要接受飽死既懲罰😂😂另外食依個餐有｢魷魚遊戲｣年曆卡同埋貼紙送，以及買佢啲禮物仲會有85折coupon 可以下

識我既人都知我勁鍾意睇魷魚遊戲😏第一系列我睇左有6次以上依家有真人版squid game!我已經睇晒了😋見到有燒肉店有魷魚遊戲set 🦑緊係即刻去食啦～仲有好多周邊精品可以買架 食呢個set更加會送貼紙同2024年曆卡添💁🏻‍♀️.首先黎各款韓式前菜 魚糕同海帶勁好食 仲有可以無限添加嘅泡菜蒸蛋同芝士粟米💕2杯特飲 配燒肉最透心涼 賣相好靚 仲有一條條既啫喱係入面可以飲到🫶🏻燒肉方面有好多款 分別係原隻魷魚 梨汁雞肉🐓醬油五花肉 和牛牛肋條 月見牛腹肉等等話明係魷魚遊戲一定唔會少得魷魚啦魷魚好彈牙 仲帶有少少海水味 非常新鮮🤤牛腹肉好香口而且滑 點埋蛋汁食更一流和牛牛肋條牛味香濃 點少少岩鹽食已經好正😋🐷醬油五花肉有驚喜 非常入味 醬汁帶甜 用生菜包住食就冇咁膩啦👍🏻.最後當然唔少得椪糖曲奇雪糕🤣作甜品有得咬返個形狀出黎😂曲奇奶味香濃 配上雪糕同草莓好食!✌🏻

ɴᴇᴛғʟɪx魷魚遊戲再次掀起熱潮, 將經典遊戲重現《魷魚遊戲：真人挑戰賽》, 挑戰內容相當刺激, 炑八韓烤更與ɴᴇᴛғʟɪx聯乘期間限定套餐及獨家周邊精品售賣, 店內多個魷魚遊戲擺設打卡位, 打造成《魷魚遊戲》主題餐廳我們點了紅綠燈魷魚遊戲韓烤套餐🚦套餐非常豐富, 餐點已經包豬、牛、雞及海鮮、非常抵食包括醬油五花肉、安格斯外裙肉、和牛牛肋條、月見牛腹肉、梨汁雞肉、韓式香腸、新鮮魷魚🦑、深海鱈魚肉🐟肉類新鮮足料, 油花呈大理石紋路、食起來滿口油香, 特別喜歡和牛牛肋條及月見牛腹肉, 牛味濃郁亦有咬口、食肉獸朋友絕對不可錯過, 另外新鮮魷魚肉質彈牙、鮮甜惹味😍甜品🍨ғʀᴏɴᴛ ᴍᴀɴ椪糖曲奇雪糕, 劇中椪糖遊戲關卡重現, 身為劇迷都想參與其中, 打卡一流👍🏻飲品🍹紅燈沙冰綠燈沙冰顏色非常鮮艷奪目, 絕對聯想起劇中的紅衣人及參賽者, 冰涼透心🔴🟢🔴🟢1）套餐送限量聯乘精品貼紙一張2）任何消費折實滿$𝟓𝟎𝟎送2024年曆卡一張（數量有限, 先到先得）3) 購買獨家周邊精品即可獲得85折單點餐牌或晚市燒肉套餐優惠券(下次結帳前可使用）食物質素及服務仍然保持高水準, 店員更著上456參賽者的運動

搬咗入東涌，大型商場就只有東薈城。想出省城行吓最近要去到青衣城！見到 炑八韓烤聯乘SquidGame 出咗新嘅Special Menu 門口仲有一個陳列架擺設周邊精品售賣。有睇過呢套韓劇嘅就會更加投入🧟‍♀️餐廳佈置都配合返主題Netflix 紅綠燈魷魚遊戲套餐 $758個餐好豐富，有主角魷魚🦑牛肉、豬肉、雞肉和魚，唔少得韓燒梗有嘅無限添加爐邊蛋、芝士粟米，韓式前菜都可以refill 醃蘿蔔、泡菜、芽菜⋯新鮮魷魚🦑都好大隻醬油五花肉、梨汁雞肉、深海鱈魚肉、韓式香腸～ 肉類已經醃製過，放上爐燒熟已經好好味。安格斯外裙肉、和牛牛肋條 牛味香濃月見牛腹肉 牛腹即牛五花，油花分布均勻，肥瘦適中，薄切燒熟入口淋滑甘香。Front Man 椪糖曲奇雪糕🍦 $38雪糕奶味香濃，椪糖曲奇冇想像中咁甜，好彩係正方形容易過關😅脆卜卜都幾好味😋仲有兩粒士多啤梨🍓🍓紅燈沙冰 🍧 $48綠燈沙冰 🍧 $48有杯墊送 惠顧套餐仲有貼紙同2024年日曆咭附送 係限量㗎！

最近影片串流平台魷魚遊戲嘅真人show出左，又開始中魷魚遊戲毒😍見炑八轉晒做魷魚遊戲主題，食佢地個餐仲有日曆同貼紙送💖即刻去食收藏啲禮物！🦑紅綠燈魷魚遊戲套餐$758套餐當然唔少得魷魚🤣🤣，仲有醬油五花肉、梨汁雞肉、和牛牛肋條、深海鱈魚肉、韓式香腸、月見牛腹肉同埋安格斯外裙肉，款式都幾多。要讚一讚月見牛腹肉，牛肉呈雲石紋薄薄一片，每邊燒15-20秒就食得，牛肉汁加左隻溫泉蛋係入面，蘸住食超正😋又滑又入味。建議燒左啲乾身嘅肉再燒調味肉，個網會冇咁易燶。燒魷魚香口又彈牙，正👍🏻最鍾意炑八無限refill嘅爐邊蛋同爐邊粟米芝士😚仲有韓式前菜任加💕🦑紅燈沙冰$48、綠燈沙冰$48兩款啲顏色都好魷魚遊戲feel😆沙冰中間夾住類似椰汁冰嘅粉條，偏甜🦑椪糖曲奇雪糕$38椪糖曲奇應該個個都會好似套戲入面咁玩🤣雲呢拿雪糕加牛油曲奇，至在打卡店員全部都著晒456運動衫😆成個舖頭都好有氣氛，舖頭入面仲有魷魚遊戲產精品賣，我都買左支筆番去😆😆

近期大熱真人騷《魷魚遊戲：真人挑戰賽》於Netflix 🍿熱播，炑八韓烤趁勢聯乘其主題推出紅綠燈🚦魷魚遊戲套餐，仲推出精美獨家周邊商品，隨餐仲附送精美限量版貼紙同2024年月歷乙張，作為粉絲的我大愛❤️無限refill的前菜：爽脆清甜帶點微辣的泡菜、解膩酸甜蘿蔔、清新芽菜🌱、仲有辣魚糕同醃製昆布，點少得無限量泡菜爐邊蛋同拉絲芝士，食前菜都食飽😂套餐包括有：新鮮魷魚🦑：店家太細心了，輕輕切了紋方便燒熟後撕開，新鮮爽彈的魷魚🦑不加任何醃製都夠曬新鮮，帶點海水鹹味，一整條毫不吝嗇的，可以大大啖食。醬油五花肉：五花肉富有層次感，整片腩肉燒至金黃焦脆，豬皮部分帶軟糯口感，腩肉油脂豐腴 不得了，用生菜🥬包裹着可解油膩，醬香十足。梨汁雞肉🍗：雞肉肉質鮮嫩，大大舊雞胸肉帶甜味，果然用水果醃製的特別好味！深海鱈魚肉：魚肉呈一梳梳，質感比較扎實，而且好夠鹹味，好新鮮。韓式烤腸：燒到脆既時候會爆開口，外脆內軟的腸，細細條一啖size。安格斯外裙肉：橫隔膜為精肉，兩面殘有筋膜。肉纖維稍粗，但具獨有甜味且含豐富柔嫩脂肪紋路。和牛牛肋條：肉味極為濃郁，由於含脂量相當高，口感非常嫩滑。月見牛腹肉：新鮮的蛋黃加獨家醬汁

青衣城裡濃濃秋日氣息🍁的韓烤店一直喜歡到炑八韓烤，烤肉質素高不再話下。環境企理寬敞，小菜款式多而且無限任添，非常加分😍。🥗小菜油醋沙律、無上限5-6款韓式醃菜、邊爐泡菜蛋和邊爐粟米芝士，真的單吃也幾分飽。🐂特級牛肋骨每次來都必點！醃過的牛助骨脂肪分佈平均，烤過後Juicy嫩滑。包裹生菜、韓式辣醬和生蒜片吃，停不了口。🐖韓國梅花肉（厚切）想點豬肉的話一定要點這個！把豬肉的油脂用高溫迫出，香香脆脆脆脆最好吃。🐔蒜油蜜糖雞腿肉雞腿肉紅椒粉醃過，快樂烤好的時候把蜂蜜蒜油醬刷上烤雞，口味是偏甜。蜂蜜加蒜油，怎麼會不好吃呢？🍲韓式辣炒年糕別看小小一碟，份量足夠三四個人淺嚐。加入蔬菜和魚糕片一起炒，色澤紅丹丹又辣又酸，很刺激喔！🥘海鮮蔥煎餅個人推薦必點的。我去韓國吃的海鮮餅都沒有這個好吃，海鮮餅煎得非常香脆，有一定的厚度。海鮮蝦仁、帆立貝和魷魚很足。🍶馬格利生米酒如同牛奶般細緻，順滑香醇。平日滴酒不沾的貓太太也忍不住來上幾口。