炑八韓烤 (Closed)

於假陪細佬去銅鑼灣家品店買宿舍物品，買完已經兩點幾，很肚餓！細佬比家姐話事，去韓國餐廳！去到鵝頸橋那邊，上了一樓的炑八韓烤，未入門口已經聽到big bang的kpop，很有feel！卡位坐得很舒服，每張枱都有燒烤爐和抽風，不過我們這次不韓燒了，打算吃韓式料理。店員給我們下午茶的餐牌，$48一個餐，眼看都有十多款，選一款主菜，都會配前菜、清湯和火灸蜜糖年糕。加$6就可以無限添飲，還要是特飲，一人一杯啦！我選了炸雞沙律，細佬選了鐵板牛肉蓋飯，前菜有泡菜和昆布，昆布鹹鹹的，有麻油香。辣炒年糕就吃得多，還是第一次吃燒的年糕！外面脆脆的，有點黑芝麻，蜜糖甜甜的，qq的口感，不錯的！吃完都有點飽XD炸雞份量真不少，肯定這是下午茶嗎XD??外層超級脆，啖啖雞腿肉，醬汁酸酸甜甜，微辣，推薦！我吃了一點牛肉飯，肉質十分嫩滑，加上洋蔥黑椒汁，又夠熱，味道一流！我的特飲是柚子檸檬梳打，細佬就點了菠蘿梳打，梳打入面有水果肉，很清新消暑！這個下午茶實在太豐盛了！

2點去到，佢地都比我地入去先..2點半TEA TIME..$48 主食包湯,前菜同火炙蜜糖年糕加$6可以任飲特飲..我地4個人叫左炭燒豬肉紫菜包飯,牛胸大醬湯配飯炸雞沙律雜錦拌飯鐵板泡菜芽菜豬肉配粉絲.我地都加左$6任飲..菠蘿梳打,荔枝梳打,奇異果茶..加$15有小食叫左魚糕(2串),炸熱狗(2串)送0既湯,好普通前菜有4款..我地叫左5個主食..所以樣樣都可以試到.有芽菜,泡菜,醃蘿蔔,海帶樣樣都好食..可能我太中意韓野XD火炙蜜糖年糕熱食0既時間出面有少少脆口..但甜味0既年糕,無咸味咁岩我...魚糕(2串)無特別炸熱狗(2串)幾得意..炸左0既腸仔麵包炭燒豬肉紫菜包飯,一份有10件.都唔錯,都好足料.牛胸大醬湯配飯我地覺得最好味個湯好多料,又有肉,又有瓜,又有豆腐..送飯一流炸雞沙律因為我唔係好食炸雞..所以無食..除左炸雞沙律仲有一串火炙蜜糖年糕雜錦拌飯一開始撈0既時間覺得有0的奇怪.點解咁乾0既..問0的侍應係咪應該要有醬架..佢反問嘜無比你咩..緊係無先問你啦..至於味道差少少..記憶中0既拌飯應該有麻油..但呢到無0既..鐵板泡菜芽菜豬肉配粉絲如果重口味0既人應該好LI

Lots of people in Timesquare and it is not easy to find a place to chill. Walk by the bridge and see fancy Korean banners. Nice that no need to line up under this hot weather They serve tea set in the afternoon and there are lots to choose from. Drinks can be refilled which is kind of rare in HK It comes with 2 cold dishes. The seaweed is good for appetite so does the kimchi.Spicy ricecake and noodles with cheese. This is not too spicy and the cheese makes it creamy. the combination is super. Ri

自上次平靚正的人蔘雞煲，開始熱衷尋找親民韓國餐。路過鵝頸橋，偶爾望見廣告，午市定食居然不過$60，即試！時近下午茶時段，入座後換上tea menu。全部$48免加一，抵食指數再度攀升。除兩款前菜、海帶湯，竟然有魚糕串作小食，完全沒減磅之勢。當中，以海帶煮得軟軟的，尤其好吃。略嫌醬汁偏鹹，但依然搶食秒清。其他幾款不過不失，如果可以轉兩碟海帶就好了。以飽肚、傳統和穩陣出發，結果選了鐵板泡菜芽菜豬肉炒粉絲和石頭牛肉飯。兩款同是用存熱器皿盛載，上菜後自行撈勻，辣度低。石頭飯長青基本，有點普通，飯焦比例頗高。醬汁控，記得找店員多拿辣醬喔～炒粉絲味道恰如其份，五花腩肥瘦適中。五花腩和泡菜特多，撈起後甚至蓋過粉絲的風頭！相比下成了亮點，比餐牌推介的石頭飯更讚。另外，套餐加$6，就能有特飲無限添加呢！士多啤梨梳打加了幾片士多啤梨，可惜有少少藥水味。菊花梳打不太甜，清清的算是不錯。味道一般，但好像無時限，很適合邊坐邊聊。小結作為下午茶，飽肚度高，甚至夠充當遲來的午餐或偷步的晚餐。加配任飲後，韓國餐人均才$54，不失為抵食之選。

朋友生日，佢鐘意食韓國菜就介紹佢食呢間環境舒適，燈光幾有feel，重播住我鐘意既kpop歌，好正見menu lunch set好似幾平，又有野飲送，就每人點左個餐檸檬水，好滋潤～前菜有泡菜同芽菜，泡菜夠辣，刺激味蕾芽菜有d淡，不過估唔到點左側邊個盒芥醬之後，真係好滋味海帶湯體驗下韓國人生日飲既湯水一開始以為淡而無味，但係飲落有驚喜海帶同豬肉味濃加左蔥花令到成個湯味道更豐富煙肉卡邦尼年糕配炸物 ＄58Bacon with carbonara Rice Cake and Deep Fried Dish年糕好煙靭，味道一d都唔淡配上煙肉口感更佳炸物外脆內軟裡面係粉絲同紫菜，好爽口不過白汁影響左炸物既脆度如果同卡邦尼年糕分開上會更脆石頭牛肉飯 ＄58Rice mixed with beef石頭鍋飯熱辣辣，飯焦好多好脆，食到索索聲，幾乎每一啖都食到配料豐富，有蘿蔔、紫菜、菠菜、芽菜、青瓜、蛋牛肉本身煎過所以好香口加埋辣醬，甜中帶辣，口感唔錯如果加d cheese落去撈就無得彈荔枝梳打 +＄6加$6無限添飲真心正，荔枝味重而且一d都唔藥水大大枝再加兩舊大大荔枝肉，好滿足消暑解渴又解辣不過甜度太高

相約好耐沒見朋友行美容展前,在炑八韓烤食Lunch,食下烤肉傾下計。 地方裝潢簡潔設計,環境舒適,座位寬敞。* * *我同朋友選擇 2份 一個人吃烤肉選了 牛肉餐$128 及 豬肉餐$98 ,中午及下午茶沒加一收費。餐包爐邊泡菜蛋、韓式清湯、前菜及紫菜白飯, 十分抵食。* * *送上韓式開胃前菜 、新鮮沙律及清湯這韓式清湯係海帶湯,是韓國人生日必喝的湯,味道清甜好喝。* ** * 牛肉餐牛肉餐 有牛舌、牛小排、牛肋骨肉及五花牛。好多種類非常豐富,沒醃過,烤後原汁原味食到真正牛肉味。多款牛,可品嚐不同牛肉部份鮮味,滋味越濃厚。* *豬肉餐豬肉餐有豬腩肉、豬頸肉、梅頭肉、原味護心肉。我最愛食豬腩肉,烤後腩位十分香脆,勁好味呢!另外梅頭肉有醃製過,好入味,具濃厚肉味。* *我最愛用生菜包不用肉類,沾點韓式醬一齊食,可減低肥膩感。* *另加$6 可有特飲波蘿梳打冰冰甜甜的波蘿梳打, 十分解喝。

由於實習關係，千年難得一次來到了灣仔做完工作後朋友都沒吃過午餐，剛好經過炑八韓烤門口放著大大一塊下午茶的餐塊，所有食品都只需$48 覺得非常抵食就直接狗衝了進入店內並沒有其他食客，基本上只有我們一行人，因此店員都理所當然安排我們去坐卡位卡位十分舒適，夠大，應該可以坐到六個人，不過我們只有三個人，所以自然十分舒服打開餐牌，選擇很多而且多元，加上一律$48，飲品加$6而且無限添飲，價錢真的沒話說加$6的特飲事不宜遲，馬上落單！但正所謂「邊有咁大隻蛤乸隨街跳！」想不到這才是中伏的開始。。。。。。－－－－－－－－－－－－－－－－－－－－－－－－－－－－－－韓式清湯（跟餐）下單後待應就立刻送上每人一碗韓式「清」湯現在回想真的不敢相信他何來的勇氣稱自己做清湯湯中下了超重的胡椒粉，自問都算喜歡胡椒之人但他那個胡椒粉的分量就像整瓶粉都倒了進去湯水流進喉嚨時就像被消毒似的，飲兩啖就放棄了芝士年糕拉麵($48)四個字：淡而無味完全被他的外表騙到，一點味道都沒有就好似你以為佢係個靚女，點知落左妝除曬衫之後先發現所有野都係假嘅，雙眼皮係痴嘅，胸係谷嘅，面係爛嘅麵煮得很爛，湯底很稀，開始懷疑廚房的師傅是否沒有味

今日係灣仔接朋友放工，係附近見到炑八嘅banner。之前都有食過呢到嘅下午茶，覺得唔錯 原來依家多咗咁多餐可以選擇，既然未食晏，$48食埋lunch同tea都唔係好過份姐 呢到環境好寬敞，可以容納到好多人都得～啱啱坐低，侍應就同我地簡單介紹下個下午茶餐，仲好快就拎咗啲配料同湯比我地，好有效率下午茶餐都有成12個，平時都有選擇困難症嘅我真你揀唔落手！侍應好好，比咗啲意見我，服務一流最後我揀咗比較多人叫嘅雞扒蛋包飯，估唔到有意外驚喜個湯淡淡地好清，而且好多料下午茶餐仲會送韓國魚糕身為魚糕迷嘅我覺得好surprise！魚糕好厚身，食落好有口味。唔會好粉，而且個醬汁好夠味，唔會太咸～夏日炎炎，我最鍾意飲梳打。今次係menu見到有菊花梳打，第一次見，諗住試下啦，又可以解下膩～大大杯菊花梳打，大大個菊花 飲落好fresh，似有氣嘅菊花茶，好清新解渴朋友叫咗原本我都想飲嘅荔枝梳打，入面仲有兩粒荔枝，名副其實甜甜地好夠荔枝味，雖然好大杯，但因為好飲都好快飲晒啦～終於到主角出場啦～係我叫嘅雞扒蛋包飯～首先顏色好鮮豔好吸引我想即刻食（不過都係要相機食先）蛋包飯同日式有少少分別，好多日式蛋包飯都會係面"

好久沒寫食評，再寫的第一篇，竟然是因為忍無可忍，非吐一口烏氣不可。受害人是我家阿叔（oh,即是我老公）他昨天(2/6)去這間炑八燒烤午飯，叫了圖中的物體，大家認為它是什麼?正常人應該不會猜中，開估：卡邦尼(carbonara)年糕！我家阿叔post 了上Facebook, 朋友們反應熱烈，識得睇一定睇留言Ms S: where is the cream and cheese?Ms M: 見個樣都知難食老婆 ：退貨啦，擺明是清湯年糕其實我本來想説「看來似洗碗水浸年糕」，但受害人已撑著吃了，顧及他的感受，算了吧。至於味道，據受害人說：「尚可入口」在食肆林立競爭劇烈的灣仔區，收這個$52+10%價錢做大陸民工飯堂水凖都不如的出品，應該生存不了多久。想見識劣食的朋友，要快手了。

去完剪頭髮有少少肚餓，朋友話附近有間炑八有下午茶食，價錢又平又多選擇，所以就走去食啦~估唔到下午茶時段都多人喎，環境又舒服。下午茶跟餐會送海藻湯、前菜和魚糕串。魚糕串唔會煮得太淋，吸收了湯的味道。紫菜包飯中間有蛋、青瓜、牛肉、酸蘿蔔，加了牛肉十分惹味，餡料又多。芝士炸雞，份量好多，48蚊真係好抵食。店員送上來的時間提醒我地芝士熱的時候要將炸雞同芝士撈埋一齊。除了炸雞外鐵板仲有芝士和粟米炸雞炸得香脆，加埋濃濃的芝士真係一流呀。套餐加十蚊就可以有韓式熱狗啦。熱狗加上茄汁和芥末醬更加滋味。叫咗2杯野飲分別係荔枝梳打和菠蘿梳打，每杯都有果肉係裹面，飲完仲有得食生果真係唔錯食咗咁多野每人都係六十幾蚊真係好抵食呀。

今日黎炑八試lunch送前菜同湯，湯係重既胡椒味菜湯，至於泡菜一般，唔算特別好食Lunch叫左牛仔骨粉絲，鐵板上到黎熱辣辣，淋左惹味燒汁喺面，牛仔骨好諗，粉絲又甜甜地，兩個味好夾另外湯既牛骨，湯有香甜既牛味，一啲都唔酥

lunch time想食韓國野, 泥左木八, 點個佢lunch meun update左, 小左以前d鐵板野, 多左好多選擇!!!揀左一個部隊鍋，一個雞排蛋包飯share。份量都好大，係韓國野基本特色。有趣既係部隊鍋入面，除左有餐肉，仲有腸仔，食落覺得應該係司華力切片，但味道算正路，港式公仔麵配部隊鍋料咁。不過個蛋包飯就吾太得，蛋冇調味，醬汁亦只淋在雞排之上，覺得成個食感好分離，蛋同飯，再配以雞排咁，冇一體感，一部分有味，一部分冇味咁。暫時吾會再食住，得佢再改menu先再些過吧⋯⋯

下午茶一般份量都會少D，但呢間就吾同啦！份量分分鐘仲多過午餐！下午茶Menu前菜：下午茶餐包的前菜同湯前菜海帶酸酸地幾開胃，泡菜就太淋了爽囗會好D，湯係牛肉湯清清地幾好飲！主菜鐵板雞扒飯（也可以選擇要粉絲）醬汁係黑椒汁，少少辣夠惹味白飯上面除左雜菜仲有芝士架（有驚喜）不過雞扒就鞋左D泡菜芝士煎餅（另外加錢的＄10）份量很大芝士味濃！入面有泡菜粒，食起來好有口感（但真係很大個！一個人下午茶餐再加佢就真係食吾囇）韓式熱狗（跟餐送的圖為兩人分量）皮薄熱狗腸好味！地道韓國風味菊花㧧打（加＄6可以任喝）有氣的菊花茶清香而滋潤！影相夠曬靚題外話仲要吾收加一！超值呀！今餐真係飽到上心口下午茶時段餐廳客吾多，坐得好舒服！

之前吃過太子分店的晚餐，不太有好感，但因家人想吃韓國菜，而這店在附近，即管多給一次機會下午茶menu 選擇都不少，一坐下，侍應立即送上湯、小菜和沙律，份量十足。海帶湯清清的，不錯。其中一個海帶小食是酸酸的，很開胃。 不想吃飯的我，點了炸雞沙律，怎料份量竟是正常size，不是平時下午茶的mini size沙律跟送的沙律是一樣的，幫你解油膩。炸雞熱哄哄而且很脆，雞肉也不“鞋“最好吃的是那串炸年糕串！！表層炸得香口甜甜的，再灑上芝麻，內層煙“un“，口感一流，令人想多吃一串 我們加＄10 追加一個泡菜芝士煎餅，芝士很多，再配上kimchi 的辛辣，一下子又清光。 最好點了藍天使特飲，其實是blue lemonade，也不錯，只需＄6 就可以任飲，十分抵！！ 今次下午茶令我不禁改觀了。

🇰🇷🐂韓牛殺到港估唔到以往得韓國先食得到既韓牛，而家竟然可以係香港食得到，今日第一日有得食，司令當然事不宜遲即刻去試啦。 3-4人韓牛套餐($785)樣樣都想試既司令揀左韓牛套餐，包芝士蠔、海鮮豆腐湯、各款蔬菜肉類，以及最重要既韓牛啦。 當然係試左韓牛先，份量唔算少，都有兩大塊，肉質偏薄，油脂唔算太多，輕輕一燒就可以食啦😍。一放上爐，「莎」個聲一出，牛味已經出晒嚟😳。 食落口，油脂都幾香，肉質係偏實在既，牛既香味隨住咀嚼而慢慢湧出黎。搞到司令即刻想去返轉韓國食啊。除左韓牛，拼盤既豬肉類，護心肉同豬排骨都係不得不提！護心肉比較細塊，肉質較爽，唔會有痴牙既情況出現。而豬排骨都很好吃，肉質偏淋，但非常鮮美😜！如果唔怕食相差既話，啃骨頭真係正啊，骨頭附近既肉，較實，而且味道更鮮甜，豬味好出。相信係韓牛之外，另外必食既肉類！