峰壽司 (Closed)

呢日我同屋企人,帶埋BB一家大細一齊去試下呢間人地話同板前一樣咁好食既壽司店啦結果我地覺得佢比板前更加好食不特止,而且佢D服務水準一流,門口派飛果位哥哥仔好好人我地由於帶埋BB去,怕要等好耐,所以特登早少少食,6點幾去到先攞位,好彩門口果位哥哥仔好好既安排,令我地可以好快就有位.壽司款色特別,而且賣相精美,價錢亦都好合理,仲有D覺得抵過食元氣,同埋好食過板前添一家人連埋我DADDY MOMMY 都食得好開心真係好值得推介

每人120,不錯。

昨晚剛剛同細妹去完,我地係第一次去.18:40pm到達,都要排15-6張台,結果等左45分鍾,終於有得入.好開心,見到迴轉台上壽司好新鮮,立即個三文魚壽司食下先,OK....入口都好Fresh! 細妹話隻大玻璃蝦壽司好想食，我叫佢試下，佢話好爽又好甜．之後我地用order紙叫左海膽壽司～正！油金魚腩～肥美！海縲～爽脆！大蝦天婦鑼，蝦卷物同曼魚壽司仲係熱騰騰～好味呀！可惜個蜆湯太淡．．．．．如果唔係就perfect啦！

每年都會同兩位由細玩到大的朋友食餐飯，當係聚首也好，團年也好。今年亦不例外，不過大家都很繁忙，呢一餐就食晏晝，地點也為遷就在旺角返工的一位，在峰壽司吃。揀左坐order台，貪佢傾計方便點。因lunch時間有限，坐落便即刻點野食。什麼花旗手卷、軟殼蟹手卷、蔥粒三文魚手卷、三文魚腩壽司、吞拿魚壽司、鰻魚壽司、甜蝦壽司、油甘魚壽司、北寄貝壽司、鹽燒帶子壽司、炸墨魚圈、天婦羅等，反正就是亂劃一通。大致來講都不錯，幾新鮮，尤以三文魚腩最正，甘香無比，與千兩的水準差不多，只是飯團比千兩的要小一點。不過，要彈的是那炸墨魚圈，十分硬，無辦法知道佢點可以炸成佢樣。大家邊吃邊談天，談談公事，談談近況，好不愉快！咁又一年了！

唔係話難食，但越食越無胃口；所有魚生都沒鮮味，而且略乾。

我好鐘意食迴轉壽司架. 有次見到峰壽司在這裏排名很高, 所以便滿懷期待去試下羅. 但係...好失望呀!我在下午時段3:10入到去, 行街行到好攰, 想吃吃飯, 休息休息. 但係, 峰壽司的坐位好窄, 又冇地方放野. 我抱住大褸又抱住個大袋坐到好辛苦. 但係, d侍應完全冇理到我, 亦都冇諗過要幫我. 講到壽司, 價錢又貴, 但係品質就普通料~~~ 吃了幾碟壽司之後, 完全感到好失望. 我3:30就意興闌珊地走了. 我都未試過吃迴轉咁快就想走架. 講迴轉, 我都係覺得元氣最好, d人有禮貌, 又好食, 價錢又公道. 如果講品種多, 銅鑼灣的老字號"友和"就最多特別的魚食. 這間峰嘛~~~~~沒什麼值得再去的原因呢.

係1月15日,在旺角食過板前壽司& 峰壽司,覺得板前壽司只是廣告效應,壽司只是一般水準,壽司款式也少,以後都不會再去板前壽司而峰壽司就比板前優勝,峰壽司真是高水準,D肉又大又新鮮,肉的份量多過板前三份一一定要一去再去峰壽司

成日都話尼食今日終於尼左食喇~~~好好味呀~~~一向都like 三文魚及吞拿魚呢d 好味就一定嫁喇但係反而值得一提的係佢d 手卷佢的手卷真係一流呀平時食d手卷佢用d紫菜包住d飯再加d魚生上去家嘛但係呢度就係將d魚生整成肉醬再整入去的所以食到手卷底都仲會有果d魚肉~~~真係好好味呀~~~至於點解食後變自私?無他gei....咁好味...點捨得同人分享bor~~哈但係要提一下呢度d 茶係冇得自己斟的所以要佢地斟但係佢地又唔會自己加...好似幾煩....

雖然係無板前咁好食,不過都ok呀~一定要食海鰻魚壽司~好好味~佢所有魚壽司(除左三文魚)都好入味~好有魚味!!不過腐皮壽司就唔夠甜囉~但佢價錢中等,用料都算係咁啦~值得食呀~all staff都好nice,最高級果個壽司師傅都好nice,我坐佢附近,一入去佢都好有禮貌咁同我微笑~2個人都係$283

同阿妹係langham place 行到累.....無啦啦想食日本野~ 諗起彌敦道有間峰!~ 一心抱住試既精神去........ 點知=.="""~ 一.服務唔得~ sushi 做主題既餐廳~ 連hamachi shashimi 都唔知係咩~~~ 好有問題!!!二.食物水準好差~怒我直言... 個個話好食既, 千兩, 板前同峰.....三間都唔掂~ 最差係峰!~ 板前居然係最好~ 我真係唔係好明而家d 香港人點食野囉!~ 明明唔好食, 仲要咁多人去排隊... 愧為美食天堂! 最後同阿妹係咁易食兩三碟走人!! 唔好話飽.... 滿足感都冇! 早知搭車去牛奶公司食啦~ 又平又好食

因有野做搞到兩點半先有得食lunch...於是約埋行完街嘅阿媽去峰食lunch~要了個set B...計落真係幾抵食，有三文魚、鱆紅魚、吞拿魚、軟殼蟹手卷、峰蝦、帶子、蟹柳、北寄具沙律...仲有面豉湯，真係好抵。除咗吞拿魚外，其他都好新鮮。舊吞拿魚望落個色屬深紅，食落腥到阿媽都唔認得，吐都吐唔切，真係未食過咁腥嘅吞拿魚...面豉湯好好飲，夠熱，同屋企即沖gor d 唔同，呢隻無咁重面豉味，反而加入白蘿蔔，唔錯ge combination; d bean curd 都好滑，唔錯~還叫了幾碟:海螺：很爽甜，口感一流三文魚：ok, 肥瘦得宜特大炸蠔：my favourite~好味到不得，新鮮炸氣，好熱好脆，蠔味重，好juicy...必叫食物峰蝦：好爽，味鮮，厚肉除咗舊tuna 要扣分之外，其他整體都幾好。

我覺得一d都唔好食, 款式又少, d飯一遇到豉油就散開, 有d衰到一夾就解體...唉...等左半個鐘食d咁既食物...不值得...值得一讚的事, 我見他們將放到乾晒既壽司從壽司帶上拎走,全數送俾垃圾桶食, 見到就覺得我食緊既壽司新鮮...Good!!

之前係銅鑼灣個間食過,不過我係九龍人,所以不時可以常常幫襯,況且每次見到條人龍我就......可能係旺角競爭較大掛,等位好似比較容易入到去坐係迥轉吧,見到個壽司師傅好有禮貌對我同我女友微笑>..< , 我女友話認得佢係銅鑼灣間舗見過............. >..<食物水準同銅鑼灣個間比差不多啦,最正始終都係日本師傅d手藝,不過好似坐得冇咁舒服,同埋d侍應好似好忙,d招呼差dd

星期日午飯時間，沒有人龍，即時入座，太好了。要了三文魚壽司、火炙三文魚壽司、燒汁火炙三文魚+火炙鰻魚+火炙帶子壽司、帶子壽司、加州卷、炸蝦卷等共九碟，全部味道不錯，算新鮮，價錢又不貴!特別推介帶子，又大粒又鮮甜!

同朋友行旺角, 肚餓就帶佢黎食我司Set. 我仍然鍾意B餐. 炸軟腳蟹手卷好大卷, 有蟹味. 三文魚肥瘦均勻. 飯團比上次好, 唔鬆散. 食完後有位女侍應突然隊張單埋黎, 我心諗"咁快手?", 之後望下條數:$560. 吓? 食兩個餐咋播? 原來係佢搞錯左, 嚇得我丫.... ^_^"