三代橋日本料理

Open Now

Now Closed

係馬鞍山想食日本嘢一定係呢間魚生壽司新鮮 從來唔會食到腥味推介吞拿魚炸物應該係即炸 皮薄好脆好多肉汁推出炸雞燒物係差咁啲 上枱時稍為凍咗少少牛舌有啲韌 牛肉ok 建議試吓其他另外一題係倒茶服務太好一放底個杯已經有人倒緊 超快 超留意客人

看到菜單裏寫海膽一板 , 覺得價錢不錯 划算， 所以叫了一板， 來到卻是這個樣子， 這樣應該是擺碟放在板上而已， 唔係叫一板海膽掛🤨 問服務員， 態度還很堅持， 一句唔好意思都冇，直接話「如果係一板就唔係呢個份量㗎啦喺呢度嘅兩倍，呢個係原本份量嘅一半， 呢個係攞咗一半出嚟放喺個板度」 回答得超級理所當然， 咁請問點解菜單上要寫係一板？ 你都識講一板唔係呢個份量啦💁🏻‍♀️ 點解可以一句唔好意思都冇！ ………………………..

今晚去食馬鞍山小店😋😋我們叫左2個烏冬，有時食下麵類，唔想食飯!!所以冇叫壽司，只叫左D熟食💕 叫左個鍋燒烏冬$68，$68都抵食，份量夠一人份，仲有隻大炸蝦😃同埋生蛋，但個鍋夠熱，可以將變熟蛋!而湯底係日本式湯味同埋吉烈豬排烏冬$78，份量細左少少，唔係太多配菜，但豬排炸得好食:而且係日式濃湯，味道:👍日式炒菜$42，有時食飯都想食少少菜，感覺健康D😍😍但份量如果多D就更加好!燒牛利(2串) $42，1人1串，唔使爭，味道OK，牛利唔係成日有得食，所以不坊試試!👌 整體評分:4/5味道:4/5抵食:4/5

事緣要提早慶祝父親節，又想食日本菜，於是問問人，就有友人介紹了這間餐廳。提早幾天預約，已經只有18:00有位，於是當天18:00已準備吃晚飯。估唔到18:00黎到，成間餐廳已經坐滿人，好誇張😳第一道上的菜是刺身拼盤意想不到的新鮮，尤其拖羅很肥美😍海膽冇腥臭味，鮑魚亦非常爽口👍🏻👍🏻👍🏻蒜蓉牛油焗帶子，蒜蓉和牛油令帶子很入味牛油果軟殼蟹沒太大驚喜藍鰭吞拿魚魚生飯❤️超級推薦❤️拖羅新鮮肥美，食落去滿口油脂，而且魚生份量亦多，估唔到小店都食到咁正嘅拖羅❤️豬軟骨野菌炒飯，香氣撲鼻，好味！佢其他小食都好好食，估唔到咁有驚喜👍🏻👍🏻👍🏻

今日去食下日本餐我最中意食日本菜的卷物而呢間卷物分量大件夾抵食芝士牛油果好夾仲叫左個青瓜沙律，味道都好正下次會再食其他野整體評分：4/5味道：4/5環境：4/5

收工接埋老細就返屋企附近搵野食，馬鞍山出左名美食沙漠，點知呢間「三代橋」都幾令人驚喜喎😍————————————————————————其實舖頭裝飾都和風，入面有幅壁畫（無影到），幾有日本風🤣—————————————————————————先嚟黑松露燉蛋🥚無煮過龍，啲蛋好香好滑，加埋黑松露，成個蛋好香，好味👍🏻👍🏻👍🏻👍🏻————————————————————————本身想叫三文魚腩，但賣哂，唯有食住普通三文魚先啦。佢啲刺身好厚切，而且好肥美，啖啖都好滿足🤤中間係拖羅，入口唔會話即溶，不過都唔差架喇，咬落無筋，但係竟然俾我食到一兩條細骨，呢度就扣少少分喇🤫油甘魚腩，油香夠，厚切，好味👍🏻👍🏻👍🏻仲有兩舊海膽軍艦，個人認為好好味🤣————————————————————————熟食都唔錯，個牛舌好好好好好味，超級值得試下❤️————————————————————————總括嚟講，馬鞍山有間咁既日本野已經好好，野食十分滿分我都會俾八分，可以去試下👍🏻👍🏻值得一提既係，如果你有揸車泊喺出面，佢地啲職員仲會主動話幫你留意有無抄牌，可以安心食飯👏🏻

平時想食，冇訂枱一定要等位。今次經過唔駛等直入👍🏻馬鞍山是美食沙漠，此質素係呢度算唔錯😸五色刺身$228三文魚、油甘魚無貨，用吞拿魚腩替代、帶子、北寄貝、吞拿魚；最正係吞拿魚腩，其餘都可以接受，唔係差不過又唔係話好正囉😜雜錦壽司🍣$138有唔同壽司每款品質都唔錯，不過又冇驚喜鍋燒烏冬$68，料足價錢正；抵過食拉麵🍜日本式牛肉鍋$75⋯⋯有粉絲係底，牛肉唔好浸太耐會過un,唔夠食可以+$12多份烏冬我哋都無加烏冬😄汁燒魷魚筒$68赤貝壽司$8/件

晚市常常見的滿座！馬鞍山好店不多 值得試試～沒有訂座 唯有等位豚地獄拉麵$68有辣度選擇 我選小辣像豬頸肉 味道重七味粉 胡椒粉的調味 不錯喔仲有是很多片 足料拉麵口感偏硬身的那種三文魚很厚身 海膽手卷👍🏻牛油果軟殼蟹壽司$58不錯 眼見枱枱都大多數有叫總結是：會再來的！

話說小妹從未做過劣食，但都忍唔住要開齋😢臨近學校、地鐵和屋邨，人流不少，但竟然嘢食就。。。。。。首先係咩情況？午餐「三文魚炒飯」，賣相是中式茶記炒飯，三文魚碎是用皮和肉之間像瘀血的部位，我認為是下欄的物體🙄 沒有三文魚的香，反而帶點腥。 另外蔥是中式青蔥，而不是京蔥。另外太多油，我真的很懷疑他是用大排檔蛋炒飯的方式炒😅你可能疑惑，為什麼對一個午餐這麼高要求？ 實情 - 因為它的定價是 $72元。 在幾間學校對面賣這高檔價錢，是否恰學生們不識貨？另外加了一個紫薯栗子餅 $10，價錢是接受的，栗子足料，不過紫薯沒有紫薯味，大概是色素吧。另外皮炸得有點厚，偏油。

黎到美食沙漠之稱既馬鞍山，決定去地鋪搵下野食🤪夜晚八點幾見到呢間座無虛席，仲有啲人排隊既日本菜小店，我地都去排埋一份🤨▪️雜錦魚生丼 💲128主菜可以揀海膽、吞拿魚腩碎或者磯燒鮑魚🤭揀左要海膽，係入口出乎意料地帶點鮮甜😮三文魚雖則唔算好厚身，但係魚脂依然甘香，而北寄貝、帆立貝、鯖魚中規中矩，係蟹鉗就略為有雪藏味一般般，不過醋飯都幾大兜，呢個價錢黎講性價比其實都算係唔錯🤔🔎 整體評分（7/10）

個牛肉鍋好味，啲牛肉好嫩，我鍾意湯頭甜啲就可以揀日式湯底，如果唔係揀清湯又得！壽司🍣同樣新鮮好味道，推介原條鰻魚、海膽、蟹腳 (真係蟹腳唔係蟹柳) 同埋赤貝壽司🍣。呢度啲店員服務都唔錯㗎，好有禮貌，反而貌似老細定經理嗰位仁兄就仲有好大嘅進步空間喇⋯⋯

探望朋友新居前到附近搵野食。見評價唔錯就試呢間日本菜。環境舒適， 午飯時間不用排隊，先點刺身包括北極貝6片，甜蝦刺身六隻 $48 ，油甘魚刺身五片$68。甜蝦是我的最愛，很新鮮，鮮甜。食完刺身就食壽司海膽軍艦 $56 兩客，都唔錯。火焰三文魚腩壽司，很肥美，正。蟹肉蟹膏軍艦$12 ，蟹膏都鮮甜。三文魚子軍艦$28 ， 新鮮每一粒在口中爆開，很鮮甜。食完壽司試吓熟食甘栗紫薯餅兩塊$32 ，紫薯部份甜度剛剛好，外脆內軟。最後來一個蟹膏海鮮炒飯，炒得好香。以呢個價錢來講都好公道，下次來馬鞍山都會再食。

好少去馬鞍山，大商場新港城食肆種類唔少，但係唔少連鎖店冇特別，而且較迫同要等位，openrice 搵到呢間遠少少既日本菜間店由港鐵站行過去搵岩路5-6分鐘就到，雖然只隔一條橋，但就好似由帝區去左郊區甘，商場格局都變得好地道冇得訂位，早少少去walkin ，平日都唔少人得位，都算闊落坐得舒服各款壽司幾好味，不過都唔平，海膽魚子要$30件鰻魚大條又肥味，$28一件，價錢還可黑松露蒸蛋，一拎到枱已好香松露味，蛋好滑，不過冇咩蛋香味章魚小丸子都幾好味芝士廣島蠔鍋，芝士好吸引，廣島蠔好大隻夠晒肥，美味

跟友人在行山後終點在人稱美食沙漠的馬鞍山令我們都很煩惱究竟在那裡醫肚最後因為這間舖頭不需要排隊所以就選擇了它鍋燒烏冬 ($68)可能是因為星期日的關係所以沒有午市/茶市套餐因此的單點了這一個鍋燒烏冬上枱賣相無甚特別雖說是鍋燒但我感覺上都是煮好倒進鍋裡的天婦羅方面有蝦、茄子、南瓜等 不過不失即食的關係沾上了少許湯汁但還是脆身的生雞蛋拌好後令烏冬更滑烏冬選用了冰烏冬口感彈牙湯底是正常的木魚/昆布湯蒽花令到整個烏冬更香蟹柳是鱈場蟹腳的那款整體來說都是有誠意的對得住它的價錢不過沒太大驚喜但以馬鞍山這個美食沙模來說是少數不錯的選擇

呢個價錢同埋食物質素，真係冇誇張，喺馬鞍山從來冇出現過（講緊居酒屋😂😂），以前經過佢一直都排長龍，今次難得有機會，早去早享受。佢啲壽司食材，食得出係新鮮嘅，十分滿意。上菜速度都好快。而且咁啱買咗支白酒，問店家可唔可以放喺佢雪櫃度先（無喺佢到開），佢地亦都好欣然咁樣幫我哋，冇額外收費，態度加分。仲有佢本drink menu 啲sake，價錢好合理，無出面居酒屋mark up 得咁離譜，即刻叫咗2支慢慢坐慢慢食。最後埋單每個人200蚊左右，真係好抵。