三代橋日本料理

Open Now

Now Closed

三代穚這餐廳是我最喜愛的餐廳之一, 因為每一次去都能夠好好地享受一頓飯. 首先談談它的裝修, 很雅致, 給人一種很舒適的感覺. 簡單得來, 又可見其細心. 員工方面, 每位員工都很樂意了解客人的需要, 又能細心留意客人需要幫忙. 再者, 他們大都能夠及時提供茶水. 就算偶然未能及時添水, 他們都會說聲不好意思, 這個態度實在值得欣賞.其次, 食物水準很高, 款式範圍亦很闊, 有高價的, 亦有較為相宜的. 在不同的日子, 您可能需要不同質量的食物, 它都能滿足到您. 最後, 價錢方面, 價性比高. 比元氣較平, 但食物質素有過之而無不及. 

周日晚臨時4大3小的家庭聚會，晚上6時多門口已排滿人的日本餐廳。是次點了各式的菜式，由拉麵、烏冬、壽司、手卷、刺身拼盤、小丸子都有食。基本上食品質素令人滿意，而且座位舒適，雖然門外人多，但用餐時都可以輕鬆悠閒，沒有壓迫及趕住走的感覺，侍應的服務態度亦合宜。餐廳內的座位空大算大，因此小朋友坐及用餐時都舒適順利。之前來過數次，今次第一次點刺身拼盤，各式魚生都不錯，新鮮，厚切而且味道鮮甜。有帶子、海膽、三文魚、吞拿魚、油甘魚，份量都夠4個大人分享，小吃多美味。另拉麵麵質不錯，但地獄湯的確是辣，小朋友就吃不了喔，可選其他的湯底。雜錦海鮮烏冬很受歡迎，是晚我們點了2個，大人小朋友都愛吃。小吃方面，芝士年糕質感好，味道也好，推薦一試。當晚別完之後都沒有感到口干，因此麵及烏冬的湯底都應該是真材實料。

呢間日本餐廳幾好味。雖然夜晚都多人等位，但15分鐘內都入到去。裹面坐位都5會太迫。由於好肚餓，都點了很多野食。三文魚刺身好厚好肥美。一件火灸三文魚壽司，件size比較細，一啖高放得哂入口。再點了2件手卷，分別係鰻魚手卷和軟殼蟹手卷，味道不錯。鰻魚卷物有6件，細細件不錯，但外面嘅飯比較散，最好一啖食哂。炸軟殼蟹都不錯，不會太多炸粉。但海鮮鍋比較失色，雖然有大蝦、帶子、青口等，但海鮮不入味，普普通通。但整體，魚生和壽司不錯

大家可能會奇怪，點解標題會寫日式扒房話說今日入去叫左個燒羊鞍一黎到咬一啖，入面全部鮮紅色成口血腥味(爭d 以為係萬聖節) 叫經理(聽到d 人叫佢呀瘋經理) 黎取消佢講e度d羊鞍一向唔會太熟佢間鋪d羊鞍5 成熟係冇事，因為新鮮唔係冰鮮(信不信由你)經理提議可以約佢再煎熟d 再比你但老實講我自己怕血接受唔到入面血淋淋(落單早冇講過會咁) ，冇晒胃口我堅持取消，佢即黑臉用諷刺既語氣講「你真係講道理」如果e間野係間扒房，我唔介意你d羊鞍5成熟而且扒房落單時都會問你要幾成熟BTW...食完返去肚痛一話取消個羊鞍，佢即係收晒枱上面既野毀滅證據，所以冇相如果想試吓日式扒房5 成熟羊鞍，成口血腥味，又鐘意比人串強烈建議你試吓ps十二道「瘋」味，5成熟羊鞍之日式扒房

第一次食蠔我屙 唔緊要一家幾口得我一個屙第二次 我爸媽哥3個人去佢地不停叫我媽後面既2人入去坐差不多8-9張我媽忍唔住去問有啲耐，想問到我地未?然後佢第一句就係：等咗好耐咩？半個鐘咋嘛我媽已經唔理，但比我爸聽到我爸就鬧佢，然後發生鬧戰佢一直講 唔食就躝啦，唔好阻住哂我爸賣魚粗人一個 當然滿咀粗口但佢又唔知驚咩，話cctv影低哂🙄爸：你咪報警囉，走過啲乜姐總之一直趕客，係咁叫我屋企人躝日本野又唔係全港最好食，係馬鞍山嚟講只不過新鮮少少，唔知串乜就算好食呢啲態度一定唔會再去，垃圾餐廳

高質素好味嘅食物排隊就係會排好耐建議大家如果真係想試記得訂咗位先好去因為一等就半個鐘以上蟹子沙律入面嘅青瓜切得好平均好幼細食落去好似一條條嘅面咁而且蟹子嘅份量非常之多所以真係值回票價牛舌串燒鍾意食牛舌嘅人真係一定要試呢個燒完出嚟食落聞落好香燒得唔會太乾唔會太韌每一版啖有油脂充斥成個口真係要比100分鰻魚大大塊用火槍燒完鰻魚表面之後更能帶出鰻魚嘅香味炸雞🍗塊拉麵🍜咁多樣食物之中呢樣係比較普通嘅一樣因為始終唔係專門做拉麵不過炸雞一樣炸得好出色最後有壽司拼盤每一件都好新鮮好有味飯吾會太大舊非常值得一試

友人成日同我推介呢間壽司🍣 但一直都未有機會試，因為馬鞍山真係好遠，今晚佢話book咗枱同我食，所以千里迢迢入到去就試下佢！嘩，平日都咁多人嘅！！門口排晒長龍，唔係book咗位起碼要等一個鐘先至有得食，友人發板叫咗佢啲推介估唔到咁偏僻都有間咁高質嘅壽司，用料新鮮，仲一啲都唔孤寒，三文魚帶子都大大塊脹卜卜😍😍 反而啲飯就好細，唔好一味俾大舊飯填飽你！北寄貝令人驚喜，平時通常用一片佢用足兩大片仲要好爽口最好味就一定係呢個藍鯨極品魚生飯，每一塊都係入口即溶好新鮮呀🤤🤤🤤呢個價錢咁大碗真係好抵食令一樣令我驚喜嘅係燒鵝肝，又係入口即溶好香口不過好油膩，一塊就夠！呢度嘅服務質素都唔錯，上菜又好快，啲侍應個個都幾friendly ， 下次去開馬鞍山都可以試試

好多餐廳食完第一次誇啦啦，再去就變哂樣。可能師父改左，班底改左，用料渣左，好多原因。成日四圍食還是再想去三代橋，試下水準點先。太太太開心了，因為依然好好吃。加州手卷好睇好吃。同相一樣精美，有多多魚子。牛油果軟殻蟹卷，炸到脆脆 $55是必吃大愛。日本廣島蠔仔鍋，加上cheese, cheese 溶入面豉湯内，湯好好味道。有4大隻蠔，多多菜，冬菇，豆腐，粉絲。最後，三文魚和炙燒三文魚腩。新鮮和比較厚身。6：30前唔使等，入去10mins就已full house了。可以book位架

今晚食嘅 係美食沙漠裡面嘅三代橋！佢係馬鞍山少有嘅綠洲😂呢度嘅staff都幾nice！同呢度有源源不絕嘅為你斟水服務🤣只要你飲咗幾啖，d staff都會不停咁為你斟水！對平時唔太飲水嘅人黎講，都真係加咗唔少飲水嘅意慾！-呢度嘅刺身都幾鮮甜！帆立貝叫完再叫！火炙三文魚腩又夠厚！-但最意想唔到嘅 係佢嘅甜品好好食🤤水蜜桃雪芭同椰子雪芭都勁香、勁濃郁🥰聽老闆講遲下雪芭會加價喇！想食嘅，就要快喇！🏃🏻‍♀️-

今晚中秋特登陪GF入黎馬鞍山睇瓔珞, 今次係我第二次入黎馬鞍山,之前聽好多人講, 馬鞍山係一個無美食既地方, 所以入黎之前都冇咩期望. 點知又比我咁好彩搵到一間唔錯有HEART的日本餐廳. 原來這間餐廳是元朗田中的分店, 基本上六點左右已經好多人等, 若果冇訂位基本上好難有位。因為GF未到, 所以我請經理比我一個人坐住BAR枱先.我一路食住等, 一路叫左以下美食, 呢間餐廳真心唔錯, 無論食物同服務都OK。女友後來大塞車遲大到先入到黎, 好可惜佢無時間食到呢間餐廳, 下次再有機會一定要帶佢黎試下。1.       田中特色鰻魚壽司 – 真係好好味, 好JUICY,熱辣辣, 必食!2.       藍旗大吞拿魚腩壽司 – 普通D, $45件就好似唔太值3.       火炙三文魚腩壽司 – 好味, 必食!  4.       三文魚壽司 – 都OK新鮮, 賣相唔錯!5.       芥未八爪魚軍艦 – 都唔錯! 6.       天婦羅蝦卷 – 好脆, 好味, 唔錯!7.       牛油果軟榖蟹卷 – 叫比我女友外賣食, 佢話唔錯! 

馬𩣑山不嬲都係美食沙漠，有朋友試完呢間話唔錯先去試下，但食完就覺得好一般，只係可能馬𩣑山真係冇野好揀啦我地叫咗個牛油果壽司🍣🥑，味道偏淡，一定要加豉油，冇咩特別，第二樣我地叫咗個鰻魚炒飯，飯質偏冧，落得太多汁，令到個飯更冧，冇咗炒飯嘅乾身，似鰻魚汁加飯多d最近叫咗甜蝦同帶子刺身，刺身都新鮮，可以試下但成餐飯真係好普通，又多人排隊，又唔係真係咁平，所以真係試一次就夠，鋪面又細，令到你要等好耐

美味的日本料理友人說每次經過都排得好誇張的壽司店放假的我們早早6點多就去吃了不用排好快就有位置了店員每個都很好禮貌,很細心的解釋如我們聽藍鰭中吞拿魚壽司帆立貝壽司蔥粒吞拿魚腩碎軍艦, 火炙三文魚腩壽司他們家的芥末跟平常的不一樣是現磨的比較好吃, 壽司真的好新鮮好甜料也算多跟大的牛油果軟殼蟹卷牛油果不會太厚切得好薄中和了炸軟殼蟹, 吃上口就不會感覺太油膩, 有人說過牛油果沾壽司豉油之後會有三文魚的口感跟味道, 又好像是呢這牛油果軟殼蟹卷的賣相就覺得好吸引牛油果跟軟殼蟹味道也很配燒三文魚腩邊鹽燒牛脷小吃點了我們最愛的燒三文魚腩邊跟燒牛脷, 燒三文魚腩邊真的好好吃油脂好豐富吃下去就是滿足啦通常都會燒魏很柴他們家的入口很軟沒有很韌的感覺, 一口很容易咬下去少量的鹽就可以更帶出牛脷的味道石狩鍋日式牛肉鍋石狩鍋最初不知道是什麼, 上菜的時候發現是味噌調味過的三文魚為主要食材的一道火鍋料理其他的料超級多三交魚塊也是超入味, 湯頭也好好喝, 而日式牛肉鍋料也是很多的這個就比較常見, 2個這樣的話就會比下去了, 因為日式牛肉鍋湯清清甜甜的也是不錯的啦

昨晚第一次去三代橋食飯，平時經過成日都見到好多人排隊，可能尋晚落雨既關係唔洗點等，入到去好快就有人幫我落單！總括來講食物質素都幾高，份量大，環境舒適，價格平宜！唯一的缺點是鍋物不夠熱！

一直聽説馬鞍山是美食沙漠🏜️市中心真的選擇不多 大部份都係大型連鎖集團某一日係網上見到有人介紹呢間小店一直都好想拜訪一下終於搵到一個下午去試吓佢嘅lunch。聽講佢平日有個刺身飯好抵食$58（另加一）就可以食到一個好豐富嘅刺身飯仲有好多料可以揀第一次嚟有啲唔係好識填😂職員都好耐心教導我就揀咗黃金魷魚、蟹子、帆立貝、北寄貝同金目鯛。上菜啦第一眼望落去刺身飯上的刺身排得好靚，真係唔錯喎食落去刺身亦都好新鮮帆立貝鮮甜金目鯛是厚切 唔係薄切切透光嗰種估唔到小店都有咁多種魚生揀下次會想試吓池魚王簡單來說質素完全對得住個價錢👍🏻一定會再encore另外值得一讚係啲員工都好勤力咁加茶🍵而且杯茶係有獨立茶包的！見微知著，可睇出經營者的誠意在現今甚麼都講求kpi, cost effectiveness 的世代已經是很難得！

平時行過都見到多人，屋企人就提議去試下食啦，咁入到去就覺得好逼咁，可能唔係卡位啦，坐正中間位，屋企人由我發版我叫野食啦，咁我屋企人就食咩都無所謂，之後野食不停咁黎啦，我屋企人一見侍應放落枱既野食就即刻食啦，可能佢地太肚餓啦，點知原來有碟壽司唔係我地枱既，但屋企人已經食左啦，仲要唔好食既壽司，跟著個經理走埋黎話你地食左人地碟壽司，所以要計返錢👎👎，咁我屋企人都唔知我叫咩既，係員工放錯枱就要我地扣數，真係有d唔公平囉，雖然真係我地食左，連一句道歉都無，淨係識話要入返單，但條氣真係好唔順，做生意唔係咁囉，唔係果碟百幾蚊既問題係欠缺道歉問題。所以以後都唔會再去呢間野，價錢又貴野食都係一般，員工放錯食物係客既枱就要客人付費👎👎👎