炳記牛牛 (Closed)

話說幾年前蒲開SSP電腦商場一帶，都有食過呢間炳記牛牛幾次。但事隔多年，雖然價錢依舊好平，但可以說質數差了200%！以前食焗飯焗意粉覺得好好味，用料又多，又飽肚。但一切已經係過去式...今次叫了個卡邦尼海鮮焗意粉$27，點知料極少，個汁又淡，最敗筆係意粉好似未煮熟咁，硬的~食完好似無食過o野落肚咁少...到戲肉了，我加了$4 要了飲品：芋香黑珍珠就咁睇個樣，係水、奶、珍珠分離形成幾個斷層的樣子，睇見都已經唔多開胃。飲入口，嘩~~~~ 好似醋溝水喉水的味道！！完全接受唔到！唔該哂。結果我飲左一啖成杯無飲了...

jun 16 & 28, 11來,叫咗 : 1) 腿片肉醬豆腐焗飯 (hk$26)-友人推介食這個焗飯-佢嘅焗飯底有+蛋絲同粟米,都有點心思喎-個豆腐很滑,肉醬味都濃-整體味道不錯的,只喺份量比較少-食到中段覺得唔夠,所以叫多個小食2) 熱好立克 (+hk$2)-因叫任何焗飯,意粉/pizza,都可以用優惠價叫餐飲-正常3) 香草燒骨 (hk$12)-張相明明都無汁嘅-個汁"杰杰"哋,有點芝士味,典型嘅快餐店燒汁-根本這道小食唔應該有任何醬,現在超錯-個燒骨嘅肉偏'un'-食咗1件,已想放棄,因為衣食問題,亦努力咬多幾啖4) 1) 腿片鴛鴦焗飯 (hk$26)-除咗腿片之外,只喺白汁同快餐燒汁-裡面嘅洋蔥片唔喺焗得熟透,所以會有些微辛辣味-個焗飯兜真喺好淺身吓,所以份量好少* 晚巿要+1

第一次11點入去,坐低一邊揀果陣,有個染髮既後生女待應好唔甘心情願咁做緊野~做一做~整下頭髮~玩下手指~搞下件衫~坐係到~再收下野~再坐下~一邊自言自語：唉呀~好煩~又要收牌~唉~好攰~唉呀....好少女咁跳下走下~然後同收銀姐姐"非常"大聲地吹水,,當時只有有兩三台客.. 屋企人話後生女待應好嘈~好煩~bilebala~真係十三點~姪女後生唔明不停問我點解..我地叫左5樣食物~米線同小食,巴黎汁豆腐既汁好似肉醬,豆腐岩岩焗起熱辣辣,酸酸地好開胃,煎魚好多骨,啖左d,但魚都幾都滑,是但啦~12蚊價錢都算好平!!就食完果陣聽到後生女待應自言自語:咦~就收工!~收12點~宜家11點半啦~唉就閃得~之後再開始bilebala~ 我地就埋單走人..第二次食~ 叫左 兩個米線+兩個小食~價錢相對,係可以架~ 食物都係冇問題,有問題既係d人~再次見到果位年青女待應~ 今次見到有朋友搵佢~ 然後~待應bilebala同玩樂程度比上次更嚴重幾倍~ 我地都一樣食完快速走人~埋單六十幾~抵啦!!第三次~ 10點半~入去坐低~見到台面冇餐牌~叫人~叫呀叫~叫到張張台都望下我地~唯獨d待應出奇地聽唔倒~ 終於

自從朋友介紹我黎呢間野之後,我就愛上左呢度的快餐~又平又有芝士!今日如常叫左我最愛的快餐~炒旦+多士, 火腿通粉(芝士湯底), 1杯飲品,都係廿幾蚊~ 抵!我最愛就係佢的芝士湯底, 因為出面茶餐廳個d,好少用芝士湯底~ 但呢度就有~ 好味朋友叫左個扒餐~ 豬扒伴薯角(芝士茄汁)佢都話好好味~ 一個扒set, 有埋salad+飲品,都係around $40,都好抵~另外再叫左蒜蓉青口,本身無諗住叫架~但聞到隔離檯勁香咁,所以都叫黎試下~ 好好味呀! 同埋真係勁香~呢度真係又平又好味~

101123 星期二 | 跟媽媽到深水埗尋找舊日的足跡，行得累了，又到午飯時間了，剛巧經過炳記牛牛，見店舖前的落地大玻璃寫著好多款的甜品，就是其中的蛋白燉鮮奶吸引了媽媽要入去試試，除了甜品，這裡還有午飯套餐提供的，我們點了個特色豬扒焗飯配熱阿華田，再加個小食，牛油焗帶子，當然唔少得甜品喇，要了個蛋白燉鮮奶和木瓜燉鮮奶。特色豬扒焗飯配熱阿華田 ($26)，睇唔到又食唔到有甚麼特色喔，都係一般的蕃茄洋葱豬扒飯，但就只係得一塊豬扒，剪開四件，飯的分量就都幾多，唔通特色就是餸少飯多？牛油焗帶子 ($12)，唔熱嘅，帶子似乎只是預先焯熟，上枱前才加點醬油和少許芝士醬，所以唔入味。蛋白燉鮮奶 ($12)和木瓜燉鮮奶 ($12)，本想要熱的，可惜只得凍的，也算吧，叫得做牛牛，猜想燉鮮奶有一定的水準，冷熱都好吃吧，但單看個樣，好唔新鮮喎，尤其是個木瓜燉鮮奶，好似已存放了成個月咁，不過既然點了就試吓食喇，甜度適中，但唔夠滑，木瓜燉鮮奶更是鞋十十，木瓜又帶點苦，很失敗，好在無拉肚子啫。

和男朋友第二次去此分店吃晚飯，此價格，此味道，已算不俗！（當然不能期望過高）今次選了三文魚焗飯和海鮮意粉（$28），味道合格，雖然沒有扒餐咁好~小食也不差，十幾元值得一試。

夜晚七點左右,同女朋友一齊落黃金買完野之後,諗住響附近搵間餐廳食埋晚飯,一出黃金,見到馬路對面有個幾吸引,有趣ga招牌--"炳記牛牛",一於過去睇下佢有咩野食先,dinner set,排餐最貴都係42蚊,包埋沙津同埋一抔指定涷飲,見隔離d茶餐廳價錢都差唔多,就決定試下呢間野坐響開放式廚房對出張檯,開頭覺得比較熱,但又無其他位揀,唯有坐著先,我地揀左牛魔王同明星雞各一,過左一陣間,個沙津就黎左,味道都唔錯,不過唔係好夠涷..餐飲揀左椰汁清涼冰,雖然坐個位熱d,但飲完之後個人即刻涼決左,主菜牛魔王,叫左六成熟,切個陣仲有血水出黎,但塊牛排略為"un"左d,側邊d肉好似趙香口膠咁...而個明星雞就真係唔錯喎,個皮唔"lone",脆脆地,d肉仲好滑...推介!!跟個飯都比較特別,混會左粟米同一d菌類植物,個味道都唔錯!!本來仲諗住叫甜品,平均都係12蚊一個咋,都有成十幾款,不過今次食得好飽,留番下次都試啦!

原本打算到越南村，但看到這間餐廳，覺得食物種類好像很多，於是試一下。食物質素一般，感覺和外面的茶餐廳差不多，價錢相若，但係店員的態度真係強差人意，尤其是收銀姐姐，態度真係有問題。我原來只叫了一份牛排餐，在上菜時店員給了一份西蘭花，我再看看餐牌，看到牛排餐有寫"配沙律‧西蘭花"，於是便安心開餐，怎料待我食到一半以後，店員走過來問我是否沒有叫到西蘭花，我回應說這不是配菜嗎？她沒有理會我，然後說幫我落單.... 當時我心想，又不是我落單的，你送錯來，而我又以為是配菜，為什麼要我付錢？加上店員並不覺得是自己的問題，還大大聲說已補單了...我越食越覺得無道理，於是在收錢時，再跟他們談到這個問題，怎料那位收銀姐姐反應很大，還說我答應了補單，其後又贈了一句，「吃了不付錢」.... 我心想15元其實是少數目，你要我付都不是大問題，問題是她們送錯食物，還要將責任推在顧客身上，態度實在有問題。真不明白何要加一服務費。我以後也不會光顧這間店鋪。

有日下午我好肚餓,好肚餓,走左去食炳你牛牛,餐牌望落好正,可以比100分!!後來叫左廚師推介:"比目魚焗飯","芝士焗年糕",5分鐘唔夠就黎到,心知不妙,因為焗飯同焗年糕起碼要10分鐘先焗到,不過算LA,可能佢準備左好多個,好味就得LA,首先講個飯有幾好食:飯同汁都係無味,而比目魚就比左銀雪魚我,右淡右難食右比錯ORDER,D飯個底有水架!!!!好戲在後頭!!就係個年糕:上海年糕用日本年糕做法,咬落去完全同咬泥膠一樣,仲要係涷既!!但係個竟然有塊金黃色既芝士,睇落好似焗過黎,最最最最過份係個汁係棷汁黎架!!簡直係痴線架!!!如果聖經故事發生五餅二魚事件,一定係呢間餐廳發生架!我就係呢個成功既案例LA!!後來我諗到佢呢個芝士焗年糕係點仔做，首先係雪櫃拎個年糕出黎，然後倒棷汁，然後再鋪上芝士，再用火槍把芝士燒到金黃，最後就賣得．而呢個咁神奇既芝士焗年糕就係咁完成ＬＡ！ＹＯ！迷團已經解開！

星期六收工去買野,行過見到間野個名幾得意就入左去食,點知........是次餐單:===========焗雞扒飯焗三文魚飯炒螺肉雪糕珍珠奶茶焞奶===========味道：焗飯味道偏淡,d汁冇味...但好彩雞扒同三文魚都入左d味,如果吾係真係好難食雪糕珍珠奶茶同焞奶都ok, 有咩特別炒螺肉.....算把拉...又少又難食..乾到死環境：地方大,樓面企理,不錯服務：態度很好,落單到上菜都很快,食完的野會很主動幫你收衛生：員工有戴防止頭髮掉下果d透明膠帽...但前面的頭髮都冇包住...咁包黎做咩抵食：如果只係食飯就吾算貴,一個人都係$30左右...但d小食..炒螺肉$12,吾算平拉,d螺肉少到喊呀,加埋吾知有冇10粒......!!!!!

如果去開男友果頭..我地一定去食炳記因為只要係12:30pm之前order就可以用$25...有1個飯..同一杯野飲..仲免加一添我次次去都會order..巴黎雞扒焗飯..因為真係好好味...連平時唔係幾中意食飯既我..都可以一個人食曬但係d汁就太少喇..次次都唔夠既..而佢既小食..我就唔太建議試喇..又貴..又唔好食俾$果陣就煩d..要行出去俾...而且收$既人成日行開..企係近門口既地方等..有d ma煩

今晚同男朋友係深水埗諗住平平地食餐晚飯, 佢話呢間都唔錯之前我地係旺角個間食過都okay, 價錢平味道又唔差.所以就黎咗呢到食我地叫咗1. 焗鮮尤筒飯 $272. 明星雞+薯菜 + 椰汁涼爽冰 $36唔洗5 分鐘, 我男朋友個焗飯就黎喇...但賣相同相中相差極遠咩叫做尤筒呢? 不是原隻嗎? 數數下只係得5個尤魚圈算啦...平平地, 無唯計較因為我地坐近開放式廚房對出,我地開始覺得廚房既人好煩, 而且仲要係國內同胞其中一個阿姐周不時大聲講野, 嘈呢樣嘈個樣仲要俾我男朋友見到佢一路煮一路咳!e.......我個餐既沙津 同飲品黎先個沙津普普通通, 無咩特別杯椰汁涼爽冰...味道似椰絲味多過似椰汁而且所謂既涼爽冰, 只係得幾條! 一路等, 一路share男朋友個焗飯個飯都食完啦, 我個雞排薯菜都仲未到!!!又唔係全店滿座, 只係得一半人jar ma!都咁耐?於是同個侍應講, 轉頭就有喇嘩..個賣相都唔錯, 有半碟都係薯角, 正!d 薯角好脆好好味!至於所謂的「明星雞」無咩特別一仲有d厚厚肥膏tim!食食下...我返轉件雞...哈...竟然全部燶晒既! 如圖...一係你就切咗成塊皮先上枱啦,

果d 1蚊食品.... 真係唔加好過加..... 難食到呢.........特別係果個乜野年榚...... 根本咪係一舊粉磚.......年乜野榚o者叫左2客薄餅......好奇怪.... d 餅底既粉你地唔係用機打出來架咩仲乜d 粉會未溶架呢??????

今日清明, 掃墓完畢已經兩點幾, 所以今日差唔多3點先食lunch.....經過炳記, 見到d野食都幾平, 所以就入左黎食喇...今日係hoilday, 所以要加一.....我同我男友點左....黑椒汁牛柳粒燴飯, 肉醬意粉,什菜沙律, 芝士牛油帶子,香蕉雪糕, 凍華田..... 黑椒汁牛柳粒燴飯 ( $27 ) : 個汁唔會好辣, 幾好味牛柳粒都好淋, D白飯熱辣辣, 好似珍珠米幾口感,唔錯, 伴碟既南瓜片好甜... 肉醬意粉 ( $15 ) : 雖然錦平, 但係都希唔少肉碎, 意粉份量都幾多, 個汁既味道都幾好..... 什菜沙律 ( $12 ) : 呢個一定唔好點呀, 又貴又細碟又唔抵... 芝士牛油帶子 ( $12 ) : 呢個都幾好食, 仲好熱~~~ 香蕉雪糕 ( $1) : 雖然得一個雪糕, 但係過下口癮,都o啦.... 凍華田 ( 跟個飯加 $3 ) : 好鬼甜, 好似飲糖水錦, 仲甜過個雪糕...加埋一都係食左 = $77

以前女朋友好鍾意食佢個卡邦尼海鮮焗飯，但係佢每次去都話要叫呢個飯食......不過每次都好失望而回，話個汁變左同個飯差左好就好在我次次都係食佢個快餐，因為唔駛諗，不過佢既質素再係咁，好難o係深水埗條食街立足......