迷客夏 (The LOHAS康城)

Open Now

Now Closed

終於有機會試milksha;) 我係星期日下晝去 少少多人 要等大概十分鐘🥲 間舖出面放咗個人氣飲品排行榜 費事諗飲咩嘅我 就揀咗最人氣嘅大甲芋頭鮮奶😍 ($34)- 芋泥嘅份量好多 可以每一啖都食到芋泥 啲芋泥唔會太硬但幾有咬口 佢仲聲稱係人手壓蓉😂 鮮奶甜度亦啱啱好 有少少芋頭味 亦都好夠凍👍🏽 雖然$34少貴 但大熱天時有的飲 感覺不錯😌 期待下次再試其他嘢飲🫢

夏天沙冰又要登場啦 @milkasha 新出🍇巨峰提子系列～分別有🍇巨峰葡萄芝芝🧀🍇巨峰葡萄優格🥛🍇巨峰葡萄冰茶🥤今次我飲咗 🍇巨峰葡萄芝芝🧀巨峰葡萄有「葡萄之王」嘅稱號，香甜多汁又唔酸芝士用咗產地🇮🇹意大利、🇦🇺澳洲、🇫🇷法國混合打埋一齊，芝味濃郁、奶蓋綿滑，底部係沙冰底，好冰涼🚩Milksha @milkshahk📍銅鑼灣/旺角/荃灣/尖沙咀/康城/坑口/又一城/東涌

前排康城開左間茶飲店，唔知係特別好飲，定係康城無其他既選擇下，店舖經常大排長龍為食貓都只係幫襯過幾次，但重未有一杯係覺得好好飲，吸引到我再去買😅環境飲品芋圓4.2 （3/5）為食貓叫左個芋圓4.2，呢個好似係店舖其一既主打。不過真係有d失望…個奶係多，但唔夠香同濃，有少少似沖粉既另外，為食貓叫左珍珠同仙草，都幾多下，但咬落去唔夠煙韌😅之前為食貓重叫過佢既no.1伯爵茶latte，同樣覺得唔夠奶味同埋茶味milksha飲品價錢都唔平，一杯要起碼30幾至40幾蚊，真係唔值🙈

成個商場想飲廢水就得呢間揀，但我覺得呢間都幾好，嗌咗至愛嘅珍珠鮮奶茶，$30蚊，個珍珠係白色，可能心理作用，覺得係真係好食啲😂好好咬，珍珠好影響成杯嘢嘅評分㗎，呢到個珍珠一定係好，下次會再試吓其他

🍓新出品法式手工草莓CoulisMilksha迷夏客 全天然新手作，分別係法式草莓Coulis、米麻糬、綠茶凍，全部100%人手現場烹煮製作，‍手工製作先可以呈現出食材最佳嘅原始風味👩🏻‍🍳🍓草莓麻糬茶凍鮮奶💰$41🍓法式草莓綠茶拿鐵💰$32🍓法式草莓鮮奶💰$34今次我就試咗🍓草莓麻糬茶凍鮮奶💰$41🍓法式草莓Coulis傳統法式烹煮草莓製作成果醬，烹煮過程會將草莓香氣充分帶出，草莓味道更濃郁🤤🍚原創手工米麻糬全港第一間台式飲品店用糯米打成米漿再烹煮成嘅米麻糬！每口麻糬都帶有米香，口感煙韌！麻糬細粒，方便用飲管吸啜，但小心飲用啊～🍃手工綠茶凍用茉香綠茶手工製作，食得出回甘嘅茶香，夏日清爽之選！🚩Milksha迷夏客📍銅鑼灣/尖沙咀/旺角/康城/荃灣/又一城/東薈城

一向鐘情芋頭嘅我，見到milksha嘅芋頭鮮奶係店內排名top1🥇，即刻忍唔住買黎試下。 芋泥飲品無得選甜度🌡，飲落少少甜。唔想太凍❄，揀左最最最少冰，真係得3粒冰👍芋泥中間夾雜左粒粒芋頭碎，食落有啲咬感，又幾好味。如果想健康啲，可以加5蚊💰揀燕麥奶，我就咁普通奶，都好好飲😋 簡約風佈置，有行燈字可以喺前面打卡。桌椅都收起反轉，唔可以喺店內飲用，店員都有戴好手套口罩，調配飲品之前都有酒精消毒雙手👍👍廚房用玻璃間隔，清晰見到飲品嘅製作，衛生整潔。

某日經過見終於唔使排隊，聞說佢主打用天然無添加材料，又可以轉用燕麥奶，即管試吓先。點咗「熱珍珠茉香綠茶拿鐵」同埋「凍烏龍珍珠奶茶」，兩杯都轉左燕麥奶。茉香綠茶要咗3分甜，加埋珍珠本身甜味，我覺得已經啱啱好。值得一題佢嘅珍珠係米白色，口感好煙靭，又唔會太甜。燕麥奶有淡淡的香味，同綠茶又或者烏龍茶都好夾，好適合我呢啲對牛奶敏感嘅人。👍🏼👍🏼

好耐無飲奶茶 上次因為某ᴋᴏʟ推介去試左個珍珠奶茶 甜到爆又淡 已經覺得好伏隔左一段時間 突然反屋企果陣想飲奶茶附近又無諗住俾多次機會試多次 叫左微甜奶茶正常冰 今次無加珍珠諗住應該無咁甜啦掛 出到黎杯野變左微糖微冰 店員話我地d奶茶一定係微冰 （真？） 都算 但杯野真係極甜 其實係咪叫咩甜度都係俾咁多糖水架？完全唔明點解咁多人買 好難飲 又淡 得個死甜 奶水咁🤢 好似平時食d 19台式餐廳送果杯奶茶 記低個食評驚自己過一排唔記得再中伏

屋企樓下開咗茶飲店，方便好多，隨時隨地都可以買返杯今日又熱又焗，即刻衝入去買返杯柳丁綠茶$28第一啖飲係幾正，但飲飲吓覺得細杯咗啲，同埋只係橙汁咁，冇咩特別之後就覺得$28貴咗啲，因為唔值或者飲珍珠奶茶會好啲嘅

去康城溜冰前經過Milksha 我看見人龍 聞到香濃的奶茶味因此被吸引進去了..下單位置有大大的廣告推薦 - 燕麥奶燕麥奶算是現時的潮流而且更可以令不喝牛奶的人也入坑 珍珠奶茶當然不能錯過轉燕麥奶..下單了兩杯飲品珍珠伯爵燕麥奶茶 & 珍珠烏龍燕麥奶茶這兩杯都有淡淡的燕麥奶香 味濃不會很怪怪珍珠是淡淡奶白色跟其他珍珠奶茶店不一樣甜甜的 咬勁非常好。珍珠伯爵燕麥奶茶(熱)伯爵很香 燕麥奶非常細滑甜度最少是1分糖可能是珍珠帶有甜味 因此1分糖是剛剛好。珍珠烏龍燕麥奶茶(凍)烏龍茶味很香濃同樣是一分糖 相比之下這一分糖 淡淡 不帶甜➖➖➖➖➖➖➖➖➖➖➖➖➖➖

睇完KOL雪姨網上實測最受歡迎最好飲珍珠奶茶，迷客夏Milksha成為了第一位。身為一個芒果控，第一次想試試佢哋嘅熱賣推介的多芒芝芝🧀🧀🧀🔹多芒芝芝，第一啖飲落口已經飲到濃濃嘅芒果肉，好足料，原來佢哋係用咗超甜超香果肉多汁嘅菲律賓呂宋芒，芒果🥭汁清新。加埋面頭嘅芝士🧀🧀🧀奶蓋，香濃醇滑，感受一下佢嘅咸香重芝味😋，甜度又剛剛好，口感味十足😍 下次一定要再去試吓佢地推介的珍珠奶茶🧋😚

本身呢間野價格比較貴，因為喺康城選擇不多，所以會喺到買野飲。今日點咗3杯野飲，3杯都想加珍珠，可能點餐時加少咗杯。拎野飲個陣發現有杯冇珍珠，問職員可唔可以加返，職員態度好串咁講：「每杯野飲比例唔同，幫唔到你。」錢我照比，想你加返小小珍珠姐，咁鬼串。我明白，唔想做多啲野姐，但想飲佢就喺想飲佢嘅珍珠。唉，賣杯野飲都可以咁串。想客人返轉頭都幾難。

嚟到康城難得見到呢度唔使排隊當然要即刻試吓佢哋最出名嘅芋頭鮮奶大概七至8分鐘先整好一飲好濃香牛奶味！ 好香滑好好飲芋頭有加咗啲糖 所以杯野甜甜地我覺得甜到啱啱好唔會好似珍珠奶咁甜 芋頭香滑有少少咬口 飲完好飽肚～！$34有交易 真材實料～

近呢2個月工作關係每星期梗有1、2次經過康城MilkSha, 今日第一次幫襯，攞茶時先想要個茶袋方便直入地鐵，補1元梗係明白，拎咗2個5毫出嚟比錢佢話吾收毫子，okay, 咁找續，職員好吾滿意，大力關收銀機找錢比我，最厲害係她找完錢即刻成班職員走晒响後面大大聲討論，其實唔要收真銀紙要收電子貨幣，咪出聲囉，唔洗咁樣嘢。

👧🏻👧🏻👧🏻👧🏻為咗慶祝張家朗為香港拎到2020東京奧運第一金兼香港史上奧運第二金🥇Milksha就推出每杯減HK$5嘅優惠🤩當日👧🏻放工嘅時候就去湊熱鬧買咗一杯慶祝慶祝咁話呀🤣去到舖頭早已大排長龍🙈排咗大約10分鐘終於落到單😎今次就揀咗一耐都未有機伯試嘅脆脆可可伯爵茶凍芝芝🤤再等多10分鐘左右就成功到手❗️於是就快步行返屋企趕住飲好嘢呀😚✧✧✧✧✧✧✧✧✧✧✧✧✧✧✧✧✧✧✧✧ 1）脆脆可可伯爵茶凍芝芝（微冰，甜度不可選）🥤 HK$45（折後HK$40）一到手見到呢杯脆脆可可伯爵茶凍芝芝嘅真身，真係好靚好吸引呀😍見到好濃好深色嘅朱古力上面有一層白雪雪嘅芝士奶蓋，再撒上杏仁粒粒，真係超吸晴呀💓飲第一啖，芝芝好厚身，味道少少咸咸哋唔錯😋而可可飲落係好濃郁嘅朱古力，唔會太甜好好味呀🥰再加埋啲杏仁粒粒，十分次有口感，係健康版嘅脆脆🤣成件事配合埋一齊，真係唔錯，可以一試😎😍賣相：🌕🌕🌕🌕🌗😋味道：🌕🌕🌕🌕🌑總括黎講，呢杯脆脆可可伯爵茶凍芝芝真係幾有驚喜，係除咗主打嘅芋頭鮮奶外嘅另一好選擇🥰大家有機會都可以去試下㗎！✧✧✧✧✧✧✧✧✧✧✧✧✧✧✧✧✧✧✧✧ ✨整體評分✨（5分滿分！）🏠環境：🌕🌕🌕