明將迴轉壽司餐廳 (Closed)

星期二當我進入明將迴轉壽司餐廳前見到裹面d樓面好勤力落單時都非常友善-宜食物又抵又好味但最不高興就睇到d收銀員明知樓面唔得閒都唔幫手之後我舉手望住收銀想找佢幫我落單-點知佢企起到發呆舉極都不認-真係怒氣...

我係灣仔食, 見冇咩人又夜所以入去, 服務生態度真係好差, 問佢地野可以唔應人, 都算啦食野。d野款式都算多, 但係好似三文魚果d多人鍾意食o既就好少出, 出得最多係果d落好似沙律醬加唔知咩o既壽司。最大問題係食完真係好口渴, 我同我d朋友都係, 除左出街買左兩支飲之外, 返到屋企仲飲左成支冰水, 唔知佢d壽司入面係咩野做....

星期日, 去左食tea, 一睇門面諗住ok... 點知一攞張飛等, 惡夢正式開始排隊個時已經睇到有d枱已經搞定又唔放人入去, 要人係出面等, 入到去又冇人帶, 都唔知應該坐邊... 之後先有人同我講坐入面(個時仲未執好)好啦, 等到叫野食, d侍應叫極都冇人理, 叫左5分鐘先有人行埋黎, 點知o個個人唔係落單既侍應, 只係送餐既侍應, 佢話再幫我叫人order (唔夠侍應就唔好賴高級咁分類啦, 賴係野咁)好啦, 到個落單既侍應黎到, 大約兩秒到, 佢第一句同我講叫我快d落單, 真係火都黎埋之後, 算了, 都唔想發火, 諗住食埋算了d野普普通通, 預左了...當時我叫左一個烏冬, 我個fd叫左一個拉麵. 當我食到一半個時, 發覺有一樣野非常有咬口, 咬左一下我已經知係乜了... 係橡筋一條... 唔通呢個就係佢地令到d野好食既秘密?!我覺得呢間野唔執都幾好野, 今時今日咁既服務態度... 正到丫~我發誓我以後唔會再入呢間野半步!

我地tue去左明將食tea....本因見到有tea and 都有人入去食....覺得應該難食有限...點知....唉....好彩叫了3碟,一碟無貨,....三文魚好膠味(waiter話係新鮮岩岩落line),帶子好有ar婆味....最好食係薑片同杯茶,鼓油正常但難食....賣單$24我叫隔離d 人都食到咁多又無乜野....點解可以咁架....早知食去第間食la~~

係明將,我會揀近門口的位置坐,因可以捷足先登去取剛弄好的壽司,一放上迴轉帶便即取,保證不會放得太久可能轉了經營方式,現在每款壽司只做幾碟至十碟(以前同款的一次過做二十多碟),現在變化多了,可於短時間內食到不同款式,當然,坐得遠的就會執輸囉,被line頭的人取晒除了迴轉外,會見到好多人都會order軟殼蟹手卷,三文魚子壽司及炸蝦壽司,軟殼蟹水準較穩定,三文魚子有時好水(不夠油)及好鹹,但有時又好好食,要睇夠不夠運;至於炸蝦,上星期日去時發覺水準下降了,現在好像炸得太耐,蝦好像細隻了... ...其實十一元可以食到帶子,象拔蚌,醋青魚,油甘魚,劍魚,蟹子,鰻魚等壽司,真是比其他地方便宜呢(備註:若霸不到近line頭坐位,不能親眼睇住壽司"出爐"的話,我便會另覓食店了)

食之前仲未上openrice食評, 食完番屋企睇, 以為都應該幾多好評, 點知劣評=好評+ok, 其實都間野都唔係太差啫. "平"就當然係依間野既特色, 四個人飽肚每人都唔哂$70, 好抵食.至於食物都幾新鮮喎, 唔係d人講到咁恐怖, 尤其個三文魚刺身(8), 份量促, 夠鮮嫩, 口感十足, 值得推介!!!全晚最最最令人驚喜就係個"辣燒三文魚頭"(9), 真係一絕對!!! 連一向唔食魚頭的我也食不停. 建議大家一坐低就要即刻落單, 因為都要等ok耐(15-25分鐘), 但值得等~~服務雖然唔係最好, 但都ok. 不過不失.

見佢分店咁多, 亦不乏人龍排隊, 一直都唔明點解會咁多人.壽司款式都幾多, 大部份都係低價款式, 都有好多特別壽司, 例如菠蘿壽司, 材料平之餘又易做, 但聽落真有d怪, 唔敢試. 款款壽司都係$11, 玉子腐皮菠蘿都係要$11, 會唔會唔係咁抵呢? 仲有, 我係坐order, 睇住佢係條迴轉帶度我order 壽司俾我, 略厭求其, 亦都好唔新鮮!試過d魚生, 份量ok但唔多新鮮lor, 有雪味無魚味.仲有好多小食tim! 焗炒都有... size 都算大, 味道尚可, 好有茶餐廳味道wo... 但我唔係食緊迴轉壽司咩, 幾時變做日本料理ga?服務麻麻, 大部份都係後生仔, 無咩禮貌, order 都要叫幾次. 而且我地人多, 一叫就叫好多碟壽司, 張已經好細唔夠位, 但都唔會幫我地將order壽司group埋放係大碟度...唉, 唯有自己動手啦.試過之後, 明白人多係主要係一個平字, 食又擺得落口, d小食又可以醫到肚, 人多去食, 就的確係又平又飽lor. 可能係我要求高啦! 今餐只係半飽...

3月31日我去了一旺角~新世紀廣場~明將迴轉壽司,我同屋企人坐了迴轉巴枱﹐點知一見到d壽司個樣我哋就已經想走,一d都唔吸引, 壽司d樣好似放左好耐咁~~一d都唔新鮮~好多都好似吸乾曬d水咁~~總之好似塑膠咁啦~跟住就落order, 我叫了帶子壽司、章紅魚壽司、油金魚壽司、魚子手卷、一杯凍檸樂~~我一路講一路做手勢每樣要2碟，點知個男侍應好似聾咗同盲咗咁, 佢用一種超級令客人覺得唔順氣o既感覺同我講：「吓!」,我即刻望住佢，再重覆講我要o既o野食﹐我見佢好似無反應﹐我又望住佢，佢條友仲要皺住眉頭再講：「油金魚同章紅魚2碟呀ma~~」佢個態度令我覺得佢個人超級差,0佢仲差過大排檔同茶餐廳D侍應~~其實仲想繼續落order,點知見佢個態度咁超差，我就無叫佢幫我落order~~最激氣就係明明落o左魚子手卷﹐點知佢比o左魚子軍艦比我,我話我叫咗魚子手卷2客~~唔係魚子軍艦~~個侍應仲問我：「咁你要唔要呀」我咪話「緊係唔要啦!」,D紫菜"VERY 淋"完全唔脆，跟住等左半個小時多,已食o左好幾碟壽司, 果杯凍檸樂仲未o黎倒﹐我問其中一個侍應叫佢地幫我追吓杯凍檸樂~個侍應話幫我追,隔o左10分鐘我又

星期日中光顧, 要求坐迴旋帶的卡位, 都只不過等了一會,心想：如此快有位, 是否唔掂呢但係又唔係想中咁差帶上的壽司都有唔少款魚生雖然不算太新鮮但都都算有魚味不過要order 的食物, 如手卷呀等等就真係要催催催追單時, 個侍應仲自言自語道:應該問邊個呢?但係都真係幾抵食, 與之前一日係元氣比較食物的款式\新鮮\價錢黎講呢度都略勝一籌

之前去食,,都幾好,,唔錯,,但今日去食,,哼!!!真係一流丫!!咁壽司方面都OK,,可接受o既,,不過d飯就散左d,,不過D服務就真係差到冇人有,,我真係未見過有侍應可以鬧D客人架囉!!!!依家咩事丫??叫佢拎兩個外賣盒黎,,佢就淨係拎一個,,之後問佢拎多個,,佢就好似唔想拎比人咁,,再問多佢一次,,佢先走去拎,,之後仲要一路拎一路同另一個人講:『遲d拎唔得咩,,麻鬼煩!!』我o地當時個位其實相距好近,,我覺得佢係擺明講d野比我o地聽架囉,,所以佢行埋黎o個陣,,我同我表姐都不甘示弱,,特登講返D野比佢聽,,= =""佢呢D咁o既人,,不如唔好做呢d啦,,身份只係一個侍應生,,連呢d咁基本o既野都唔想做,,咁你仲留o係度做咩??之後仲要同收錢o個個女人講:『比佢激死!!』嘩!!你咁多野講,,不如做睇相婆啦,,order d野又冇黎,,要催佢先黎,,其中一個waiter叫佢又扮聽唔到,,明明入面有位,,出面條友又唔叫人入黎坐,,總之D人就差唔多個個都好似遊雲咁,,最差就係鬧D客同埋當住面講D容是非!!!!!!!!!!!請大家一定一定,,千奇千奇唔好去!!!!!!!!!! >&#

呢間野d服務真係差到呢... d waiter/waitress 一係就遊魂，一係就掛住玩, 一係就行catwalk, 叫住都唔會停, 守門口個waitress就拎住個walkie talkie黎談心, 無一個係正常waiter既表現。千辛萬苦叫人落單, 叫著個唔知係聽唔到野定係講唔到野既, 落order時個waiter完全無反應, 你唔知佢寫左d咩, 接收左幾多, or落錯左幾多, 一講完要咩, 佢就遊走左。跟住黎多左個炸物, 我地都預左係落錯單, 猶豫緊要左佢先定係佢地俾錯檯, 咁好彩地有waitress行過就問返個waitress係咪俾錯左, 都已經係好聲好氣地問, 點知個waitress好似事不關己咁, 叫返上菜既果位自以為係男model既waiter埋黎問, 好似玩咁, “話你落錯喎”, 兩個人有心係我地面前俾說話我地聽「咩呀?!落左單就要要咖啦!(攤開張傳菜紙)係呢張檯!!」喂, 大佬, 你張單落錯左我就要要左佢, 咁你寫咩都得ga la, 真係無名火起, 咪話返佢,不過佢已經行開左, 拿, 呢個時候就知道佢地個walkie talkie係用黎睇下有冇人投訴佢既, 佢可以行

一月二＋二日約咗朋友响旺角食lunch，因為我早到唔想响街吹，所以提議响新世紀廣場等。朋友終於出現，提議食壽司。本想去"和庭日本料理"，但裹面冇物客，終於又去"明將"。客唔多，真唔明點解硬要d客坐門口位。迴轉帶上面嘅食物一d都唔吸引，攪到我胃口都冇晒。左右，order 咗 三文魚壽司、甜蝦壽司、蛋壽司、帶子壽司、加洲卷壽司和八爪魚仔各一碟。佢d壽司劃一價$11碟，以價錢來說某d壽司會相比較平，但食物質素就真係好差。無味，塊刺身紙咁薄，又唔新鮮，唉....我食食吓都唔想再食落去。D服務更差，帶咗我哋埋位又唔比豉油碟同wasabi。我個朋友又儍吓儍吓，冇都照食d壽司。班waiter好似玩咁，坐我隔離個客用普通話order，班waiter就你推我、我推你咁叫其中一人去應付，完全冇service可言。經過今次之後，我永遠都唔再幫趁"明將壽司"，擺明趕客。

如果在吃飯之前睇睇食評就不會嚟呢一間,在新世紀食日本嘢通常會去和庭(都係嘛嘛)或百人一朱,昨晚想試試其他,沒有上食評看看,結果就食到一肚氣.兩大兩細坐在卡位,本來卡位望落很濶落,但不知是哪個失敗的設計師設計的,卡位的座椅太低,枱面太高,座位與枱面相距太遠,坐了下去周身不舒服,大人不舒服都算,小朋友要跪在椅上才可以進食.食物是平,但一點都不好食,壽司飯很硬,沒有那件壽司或手卷合格,味噌湯極鹹,加了水還是喝不下.拉麵和烏冬都不好吃,只有天婦羅勉強可以.吃了極不滿意一餐,也懶得投訴,逃也似的結帳埋單,沒有下次了.

明將咁多間分店我都有試過,原因只有一個:平！不過呢,旺角呢一間係可以再去ge一間,因為地方冇咁迫,食物係好d ge(包括款式&水準,飲品除外)想平食sushi,旺角明將都有時有驚喜, 好似我上星期去咁,有隻船都幾好,有三文魚&蟹籽ga！兩個人食0左10碟(包括2手卷&2船)都係$120埋單！

我黎過呢間野大約2次到啦,我就覺得呢間野o既熟食係冇咩問題而壽司同Sashimi就比以前好左d,但都係一般食物方面overall都係ok 但係服務方面就真係超級差勁lord waiter好似返黎玩咁,落錯單都不特止o係d客隔離大聲講大聲笑,真係一d禮貌都冇lor叫佢拎支豉油黎,好似唔係佢應份做咁總之呢間野o既service真係好差