明將迴轉壽司餐廳 (Closed)

唔係酒樓 去食日本野大埔火車站附近都無咩選擇 就去了明將呢間野好得意 dinner 唔覺有 set, 不過 lunch 就有架wor叫左個 煎三文魚飯 set夠熱得黎, 味道都唔錯, 唔會有太油既感覺有哂湯, 頭盤 (三文魚 黎架), jelly, 好大好大碗既白飯都係$3x only好飽好抵!之前去d service 都係一般, 不過今次唔錯wor, 比4分啦今次~

近排愛上了食火鍋，平時知道呢度都有日式火鍋食，而且午間都有供應。於是在前排放聖誕假既時候與媽媽黎品嚐一番，食個與別不同的下午茶。去到既時候大概係下午兩三點，人流較少，不會太過嘈吵。店內亦播放著音樂，環境輕鬆。日式火鍋有不同款式，例如扇貝火鍋、海鮮火鍋等款式，分別有醬油同豬骨湯底可供選擇。最後我地選擇了肥牛火鍋配醬油湯底。火鍋上檯都等候了一段時間，幸好我們不是趕時間。火鍋內有很多材料，有粟米粒、大蔥、豆腐、烏冬、金菇菜、冬菇、嗚門卷，鍋底有大量紹菜。當然亦有主角肥牛，肥牛有九片，數量比我預期的多。而且塊塊被卷成圓形狀，賣相吸引。牛肉肉色新鮮紅紅有雪花，肥瘦適中，食落牛味亦足夠。醬油湯底是甜甜的，牛肉與醬油湯底亦十分合襯，令牛肉更加肉味特出。除了肥牛外，每樣材料都被醬油湯浸住，甜甜的很有風味，特別是紹菜啊!紹菜浸過湯後味道特出，十分之爽甜。不過要注意火鍋鍋身比較淺，火鍋滾既時候湯汁好容易溢出，要小心啊!而火鍋兩個人食都飽飽地，所以只要配多三四碟壽司已飽肚十足。壽司我地只食了三文魚壽司，三文魚壽司是剛剛新整出來的，大大塊而且很肥美。剛從雪櫃拎出來的三文魚還是十分冰涷，口感十分正呢!總括而言火

我地一行4人去食DINNER之後叫左一個肥牛火鍋and一碗叉燒拉麵肥牛火鍋k肥牛唔錯,但是菜老左叉燒拉麵k,可以比美味千and二十多碟壽司有醬汁的壽司咸左d,如鮑魚仔壽司,中華沙律壽司魚生壽司的魚生很乾其他壽司,一般食完後無下一次

聽過好多次明將，食就係第一次，由於係下午茶時間，入面得幾枱客，揀左迴轉位坐坐﹗由於無咩人關係，當然唔會攞迴轉帶上面的壽司，拿著餐牌左點右點，點左成十碟壽司。壽司的size不大不少，不過望落去個感覺很方很角，都知道是用機製的效果，魚生沒有問題，不過0的壽司飯就挺硬實淨，食落有點點頂胃既感覺，唔知關唔關部壽司機的事呢？還是飯煮得偏硬一點﹗感覺元祿及元氣的壽司都比他好呢﹗碟碟都係$12左右，算是抵食，最後食多個三文魚皮手卷才離開﹗

這裏的醬燒雞扒非常美味..用鐵鍋裝著, 熱哄哄的..醬汁甜甜的, 令雞扒更惹味!而且雞扒很滑, 份量亦很足!可惜的是配菜只有蘿蔔和粟米...不過一個女孩子會吃不掉,最好share...

平日都有到這家餐廳吃午/晚餐,很少吃壽司,多數吃烏冬鍋物.這餐廳的服務生年紀較輕,亦不見有像經理的職位,這也許是他們"無皇管"的原因.是晚(5/11)到此用膳,我認為該餐廳服務員很不專業!1.大聲講粗口! 粗言穢語應留待下班才說.2.兩名店員手對手鬥力. 服務員不應在工作時玩樂,這動作亦很容易撞倒身邊的物件及顧客.3.站在顧客背後,向壽司師傅說了一句:"食屎啦!". 服務員竟然在客人吃飯時說"食屎"!?是"倒米"嗎?此餐廳的食物水準不算高,若果服務態度持續差劣,顧客將會大大減少.*因明將餐廳並無網頁,只有在此作出投訴. 希望貴公司職員閱畢,能針對問題並作出改善.

突然很想吃牛肉火鍋, 想起這裏下午也有火鍋吃, 所以就來了.牛肉火鍋(醬油湯底) $33 - 火鍋湯底可揀豬骨, 麵豉, 醬油或香辣, 因為未試過醬油湯底, 所以點了. 火鍋很多料:菜, 洋蔥, 大蔥, 金菇, 鳴門卷, 豆腐, 烏冬... 醬油湯底有點咸, 牛肉很肥美, 份量也不少!牛舌 $19 - 牛舌比肥肉更美味! 很爽口, 很有牛味! 必叫!!!

炸豬扒 - 很明顯是雪藏貨色, 豬扒硬而無肉味, 而且炸粉和豬扒竟然一夾即分開...烏冬 - 很淋(個人喜歡淋的烏冬), 而且配菜也不少, 但湯底似雞湯(?!)份量其實可以供兩個女仔吃用...記得吃過這裏的拉麵, 印象也不太美味, 看來這裏還是吃定食或是壽司好了~

前菜 - 中華沙律, 明明看到別人的是三文魚刺身, 怎麼我的是中華沙律? 算了吧.西京燒銀雪魚 - 燒得不錯, 魚油很香, 可惜份量太少.飯 - 份量太多了, 對女孩子來講半碗已經很足夠.甜品 - 啫喱, 沒有吃.飲品 - 珍珠奶茶, 味道不錯.另叫了一個三文魚刺身, 但$39太不值了.

和朋友在大埔醫肚,最後揀了明將壽司.坐下看餐牌,大部份壽司都只是$11,實在覺得驚奇兼有點擔心質素...第一碟吃的是賣相特別但味道沒有特別的三文魚箱壓壽司.驚喜的,反而是和牛壽司($18). 點七成熟的和牛片十分軟腍,入口即溶;配上醬汁和飯團,口感和味道都不俗.三文魚壽司是我們看著師父新鮮造出來的, 那片三文魚都頗大塊且十分新鮮.最特別莫過於這個綠茶雪糕壽司. 雪糕味道不錯,而且都算大球. 把雪糕當成壽司吃以為會很怪,但咬落去原來又幾特別. 因為溶了的雪糕會流進飯裡,所以感覺像吃綠茶飯. 他們還有芒果雪糕壽司,下次可以再試.點了個火煱,三大粒帶子加大量菜都只是$31,算抵!看到很多人叫下午茶餐,食物賣相看似幾好,下次可以一試.

今日我和朋友到左大埔新逹廣場行街, 想食 tea, 找左呢問明將拉麵店, 服務麻麻, 個服務員用指了一張吉枱便算, 我地座下看看餐牌, 價錢都算便宜, 平均一個下午茶餐, $35左右包一柸特飲, 我叫了一個雜錦天婦羅拉麵, 味道唔錯, 而家天婦羅炸得又香又脆, 份量十足。而家拉麵的質地都唔錯, 有彈力, 又唔太淋身。而家下午茶餐仲可以配特飲,我叫了一柸西瓜牛奶珍朱, 不過味道好淡, 飲唔出西瓜牛奶味。不過總括來說, 整體都算抵食。

今日lunch去左明將倒食, 叫左2個餐, 1個係吉烈帶子拼蟹子沙律, 另1款係肥牛拉麵吉烈帶子好正, 平均係出面食到既, 都係炸粉多過肉, 但呢度就唔同, 原粒帶子大大粒,香口又夠鮮, 肥牛拉麵, 湯底係傳統豬骨湯, 喜歡的話可轉咖哩湯底, 麵好煙un, 亦好足料, 肥牛亦好有咬口...正, 下次會再去試壽司...

最近常係度食，因為這兒三文魚十分新鮮肥美上星期日同媽又來了食，叫了一個吉列豬扒拉麵,辣味螺肉同埋五碟sushi，sushi主要係三文魚，是次三文魚沒有上次較肥美，不過依然新鮮，食不停口呢!其他sushi仲食左北寄貝、魷魚等，味道同新鮮求都是一般可接受。等多一陣，吉列豬扒拉麵來了，麵的分量足夠讓二人分享，湯麵不但有配菜，還有一粒粒豆腐，比較特別。豬扒是新鮮炸起，十分香口，不過就有點油，湯底和拉麵當然是一般貨色。吉列豬扒拉麵是下午茶餐，配一杯飲品，選了珍珠奶茶，這兒的珍珠奶茶偏甜，應該加左好多糖水，不過粉圓很煙韌。最後仲叫左個辣味螺肉，今次是從侍應落單，份量較從迴轉帶上拎多一陪，不知是廚師是否傻了夾多左?味道當然也是很好味呢，而這辣味螺肉只是$15大元，很超值坐下坐下，就係果度坐左兩少時了，這餐下午荼真是很滿足呢!p.s 由於可能係星期日，好多人，加上店子又大聲播音樂，十分嘈吵

兩個人....行行下想醫下肚見呢度平平地11蚊碟, 走左入去叫左4碟壽司* 有個非常大既問題, 唔駛食, 一睇都知個d 唔係日本米, 唔係用日本米又唔係用珍珠米!!!! 過份!!!!! 沾米整壽司??!?係屋企自己整都唔會掛!!!! 平價壽司店..... 就算期望唔大... 都冇諗過會咁=.= * 玻璃蝦壽司ok~ 但唔夠鮮味龍蝦沙律壽司4款入面比較好食但係... 懷疑個d係蟹柳定龍蝦?勁多沙律醬=.= jam住個口赤貝壽司賣相差, 送黎個時塊赤貝唔係舊飯上面, 係隻碟度=.=帆立貝壽司唔夠新鮮d 侍應好hae!!! 目無表情好似浮游生物咁拖下拖下咁行

I've tried this restaurant few weeks ago and that's really memorable. what a "Great" japanese food?It's really like............forget it!!I recommend you guys to try the others!!Horrible story!!