明記食店

Open Now

Now Closed

 今日又路過觀塘，但就唔倒時間約老同學食晏，唯有自己揾食啦，去咗食我最愛食物之一，車仔麵！知道觀塘廣場有兩家，最後揀左明記食店。呢間野同隔離鋪嘅環境都可以話全港獨有，因為佢地竟然可以擺晒啲枱櫈喺商場大堂，應該係得到商場允許嘅，仲記得有次同朋友喺度食完麵，毫不自覺咁攞左支煙出嚟食左啖，友人立刻叫停我，我先醒起自己原來唔係痞緊街邊！！！叫左碗牛筋牛𦟌水餃河粉，加咖喱汁，飲品要左津露烏龍共 HK$37好啦，飲啖湯先，唔夠咸！已經覺得做唔倒一碗好嘅車仔麵。食落碗野又冇乜咖喱味。河粉係正常野，滑而唔會有米糠味，合格。牛𦟌冇乜鹵水味，浸鹵水時間唔太夠，但夠焾身，都合格啦！牛筋炆得夠焾亦入味，唔錯幾好咁啦！水餃係韮菜豬肉餡，包得幾實淨，餡冇鬆拋拋。可惜肉味唔鮮。總結: 車仔麵兩大要素，平佢做到左，37蚊以下三餸包支烏龍茶算係咁，但係味道偏淡，整体算係OK啦！ 

此商場環境本身不太好, 多小型店, 人流多, 坐在地面那層的天井位吃東西更能感受周邊人流. 餃子皮有點厚, 餡不夠熱, 最大問題是牛月展太硬. 從來沒吃過如此硬的, 即使肉間的軟組織位也硬化了. 米粉質地一般吧, 湯底當然有味精, 不會試喝. 檸蜜是最正常的, 只是小了點, 以此價也沒法了, 反正不太渴或餓. 它附近也有別的各種店, 以它較便宜, 其他的雖較貴, 但看不出一定有更高水準, 所以不試了.

午後之輕食，返到嚟觀塘工廈區再食車仔麵，其實依間車仔麵唔算喺山珍海味，但食過無數次！今次叫咗個全牛麵，包括牛丸，牛肚，牛腩同粗麵！牛丸叫貨，應該都冇乜機會出錯！但牛肚爽口彈，唔會軟淋淋，好食！牛腩都唔差，雖然都喺一般嘅做法，但都算淋身，唔會死死實！湯底頗有味精！但都喺正常！一麵三餸，26蚊，都幾抵食！

車仔麵係香港特色食品之一每個人都可以因應自己口味去選擇，唔洗就呢個就果個今次行開觀塘廣場見到坐滿八成就試下啦去睇下餐牌，好多選擇而且價錢都算合理，因為今時今日好多地方食車仔麵都唔平今次揀左三餸車仔麵（$26）麵底揀左河粉，是幼身而且算滑咖哩魚蛋，算彈牙，不會有腥味，不過唔覺得有咖哩味牛腩亦唔算入味亦唔夠腍，認真麻麻滷水雞翼，夠咸味，不過滷水味差啲

每次行到觀塘廣場地下，有好幾間食店，都把空地擺滿了枱櫈，就像＂大笪地＂似的，有的吃燒味，有的吃車仔麵，今次收工後，卻忍不住的要在這裡吃碗麵先，但有兩間有麵食，有點猶豫，但是卻有一間是在下留意了很久了。上次行經的時候，已經留意到明記食店，左看看右看卻沒有幫襯，今次一於少理，就算不見太肚餓，先吃一碗麵才算吧。走到店子前，同樣看著餸菜點選，加上一個麵底，而餸菜可點兩款至四款，而且下午茶時間到六時，仍然可以優惠價吃碗麵，而枱上亦有餐牌，看看有甚麼吃的。在下點了一個三餸車仔麵加罐可樂，原因是在下太熱了才要罐可樂。三餸包括了豬皮|魚蛋|蘿蔔加上了油麵，都算得豐富。豬皮很腍不爽口，蘿蔔鮮甜不苦，是新鮮蘿蔔才有甜味，魚蛋彈牙有口感，也有嚼勁，不過油麵卻很碎，之前被阿姐剪過，而在下的油麵也剪過，所以麵條是有點碎的，差點兒夾不起來，而湯底可算是＂淡然無味＂，皆因沒有落味精，也沒有調味過的。這店標榜沒有落味精，因此湯底是淡口的。座位有點像大笪地模樣，坐得不是太舒適吧！ 

六月二十九日 (星期五)還記得六月底放假時來臨的那颱風嗎?打風前的那夜，家裡沒飯開，走到了觀塘廣場快掛八號風球了，大家都趕回家，可幸車仔麵檔還沒收爐還記得上次吃過鄰店"國泰美食"，今次又試試另一家見到餐牌有不少餸料選擇，有好幾款我都想試誰知店員告知大部份餸料已賣光了，有點無奈，不過因為打風，也算情有可原香芧雞翼｜魚蛋｜豬紅｜生菜｜米粉做得最好的是豬紅，質感香滑，味道濃郁，十分彈牙!香芧雞翼不油膩且香芧味道足，吃起來十分惹味可口魚蛋則較硬口，不太彈牙吃過了簡簡單單的一餐，要趕回家了那夜，颱風速速來，速速去，明日又是雨過天晴

去明記食tea,有街頭流行的小食：生菜魚肉，整得唔錯，有口感，有魚味，加點糊椒粉吊下味，一流，不過，最大問題係欠點熱度。腸粉就真係有點致命的問題，只有一點點暖，加上佢油份高，有點難頂，惟有放低佢，另外，杯檸菜係甜味太重，茶味若無，不能收貨。

佢日我同d同時ot開完會,.見到天氣凍同肚餓，就去咗呢度食野，聽講呢間野食四川野幾好，就叫咗一碗冬菇米線小辣。時間方面都唔係等咗好耐，5分零鐘就到。唔食由自可，一飲第一啖湯，就已經感到周身熱，果然名不虛傳，小辣已經咁犀利，大辣咪……Ｄ冬菇都幾香，有口感，足料，配埋韭菜同芽菜，埋單都只係$22，抵食。我能岩岩ot後肚仔餓去食之關係,d野特別好味...又唔係貴..叫左個粗麵,豆卜,冬菇...

某日係下午茶時間過尼食唔駛咁迫,第一次係度食車仔麵而呀姐又鬼咁快企係我身邊等我喎,所以未睇清有咩送就隨便叫左煎豆腐和紅腸配粗麵(後來望真有好多送揀架)唔駛2分鐘碗麵送到喇,望個湯底顏色都算深啡,以為好味精有的後悔,但吃一啖麵卻唔覺味精喎,再食豆腐同紅腸都好好味,原本話要減肥忍口唔食咁多既但都忍唔住食晒成碗,豆腐都幾大件架,$5/2件,紅腸煎得好香口$5/4件,整體係好食而且食完唔口渴,後來才見佢地掛左個牌寫住絕無味精,我信,因為返到公司都唔會覺得口渴,可以再encore.

食過蛋治加熱奶茶共$12好抵,不過奶茶茶味唔夠濃蛋治有些油益味,只係勝在熱辣辣同唔貴囉.仲有食過佢地炒麵,我通常都係拎走,$5大大包都食得飽架,不過又係好鬼油,但食呢的預左係咁架喇.

粥有味但麻麻,不口渴,炒粉冇油,幾好！

下晝係個位度\"牛\"左成半粒鐘都唔知食咩好, 一路溫功\課之時睇到終極個明記食評, 就拿拿林係未到一點前就走左過去。呢個場o既大堂放哂檯椅, 成個墟咁, 到步唔太多人, 仲有位攝, 又唔係好肚餓, 只係叫左個兩車仔麵, 蘿蔔幾嫩冇根又清甜, 香芽雞翼入味又唔咸, 係呢個工業區黎講算係上等級數喇, 食食下有個亞姐走埋黎, 盛惠十五蚊, 噢...係.....食野要俾錢...........俾完錢後, 先醒起唔記得問亞姐拎個工作証睇下添, 都唔知個亞姐係米隔離檔....。

一日之內食兩麵家，兩間都係以湯底靚，牛腩正掛牌。官塘明記日日爆lunch，但隨住附近商場開幕，生意小了起碼3成。故此，特別食番次又講一次當係幫下手。雖然…佢地的招呼態度依然差，但味字當頭，忍你。PS:「有時」呢度叫麵係雙拼加幾蚊的，你叫牛什麵就$25，膀腸麵就$27，牛什走肚肺…又係=膀腸，但收番$25。「有時」的定義係…睇落單果個決定的。PS again:唔好食魚皮，好熱氣，咳到今日啊我。