明記粉麵茶餐廳

Open Now

Now Closed

黃大仙區依間食牛腩粉麵都算數一數二，每次經過都忍不住入去食，今次亦不例外牛腩牛雜河，足料淨一碗雙拼河$38如果加$7另外有油菜或飲品菜芯牛筋牛腩麵，牛筋夠爽口，牛腩半肥瘦生菜

屋企人勁鍾意嚟呢度食早餐，傳統茶餐廳早餐，有雪菜米粉、火腿通粉、沙嗲牛肉麵，加埋火腿蛋或者腸仔蛋，再加件牛油包，無得頂，我自己都食咗好多年！但其實呢度係出名夜晚食粥同埋食粉麵，但自己咁多年都冇食過粥！我今朝就食雲吞麵做早餐，加杯熱奶茶＄33，茶餐廳嘅熱奶茶真係冇得頂，又滑又濃！

今日有事回鳳凰村，午餐就選了在明記食牛雜粉麵。來到正值學校午膳時間，很多學生幫襯，估計生意仍然不錯。叫了牛雜米粉，牛雜作為招牌貨，很多人柯打。比起之前，感覺不過不失，牛肚尚炆得淋，但牛肺卻咬不開。至於味道很有豉油味，少有鹵水味道。作為招牌貨，希望可以水準穩定點。

夜晚肚餓呢間又平又好食。好多選擇，牛腩牛什的確好味，d麵都幾有口感，自己略嫌比較咸。舊式食市環境，難免係坐得冇咁舒服。夜晚十二點幾都仲好多客，其他鋪都冇咁旺場。

黃大仙區冇咩餐廳開到好夜，次次想食宵夜都會諗起明記，雖然係地鐵站過上鳳德村都唔太近，但呢到既單餸粉麵$28，價錢都算幾經濟實惠。今次叫左雲吞麵，雲吞比之前食好似細粒左，不過有5粒都夠食，有蝦同豬肉，都幾爽口，味道唔錯架，我鍾意加埋佢地既辣椒油食，仲惹味。第一次食麵叫埋魚皮，$8一碗仔一個人夠食有餘，原來浸落湯又幾好食喎，好似打邊爐既食法咁。夜媽媽放左工，食到一碗熱辣辣既雲吞麵，我已經心滿意足了。😇

今次嘅差評完全係比其中一個侍應。夜晚9點零放工返來諗住食個快面，坐低之後，有個頭髮短短地肥肥地嘅師奶侍應，嬲嬲地咁拿了杯水過來，好似盲左咁，擺落個調料盤邊，一放手杯水即刻倒瀉，整得我成身都係，仲整到隔離台。佢「哎呀」一聲就行開去拿抹布，一句對唔住都冇。好啦我當你急住抹台唔記得道歉，算了我冇出聲。睇啱準備叫嘢食，佢仲係度拖地。我叫左一次，佢冇應我，我以為係自己太細聲，就大聲小小又叫了一次。點知，佢好嬲咁話「等陣先啦！」，仲唔係望住我講，姐係覺得我唔識睇見到佢咁忙仲叫嘢食。咩態度！你就算應我一聲，話聽到轉頭幫你寫都好呀！我又唔係好急，你咁樣嬲一個顧客，最基本對人嘅尊重都冇！真係好嬲！我即刻起身走左，決定以後永遠唔再幫襯佢！都係做開街坊生意，咁樣嬲人，你真係唔憂做，你大晒咩！好嬲！

學生時期的我經常和同學一齊到明記食粉麵🙈😂一來有$30有找學生餐，二來又幾好食畢業之後，住附近的我周不時都會食明記做獨樂樂的午餐或晚餐一個人食粉麵就是最好不過的選擇😁明記粉麵其實和普遍的港式粉麵選擇都一樣有牛什、牛肚、牛腩、魚蛋魚片、墨丸、牛丸等我就喜歡吃內臟🙈 所以點了一碗牛什河走牛腸（俗稱走腸河）如果叫一個粉麵配飲品或一碟油菜，$35就可以搞掂其實真係幾抵食，淨叫一碗麵都只係$28，平食粉麵的「譚仔」之神都做唔到啦🤔牛什河走牛腸（俗稱走腸河）嘩份量非常足料😳唔講仲以為我係額外加左牛肚😂牛肚竟有4，5件，口感煙韌彈牙牛膀膶香，牛肺牛味濃又有嚼勁整體來說，內臟清洗得乾淨，牛什又沒有多餘的內臟味 件件都炆煮得入味湯底雖是普通清湯，但明記最出名的就是那麻香惹味的辣椒油，有佢乜都得😋配上爽滑又吸味河粉令辣味更突出，食辣之人必試！腐乳通菜（跟粉麵加$7）鹹香腐乳配上翠綠爽脆的通菜，價錢又合理，值得加配😏老實說，黃大仙好食的餐廳並不多不是連鎖店，就是街坊生意明記價錢實惠，食物質素ok，絕對係區內不錯的選擇😜

今天跟朋友逛街太晚回家，忽然覺得肚子餓了，想起前兩天才吃過的明記粉麵湯很鮮美，忍不住又來幫襯。今天點了牛腩河粉，照舊$28一碗。等不到2分鐘已快速上菜了。本以為是帶筋的爽腩，沒想到卻是肉質普通的部位，有一點失望😞算了看在湯很鮮美的份上就不計較了。老實講，雖然肉質普通不容易嚼爛還容易塞牙，但煮的很軟很爛，也很入味，不會太鹹。湯裡還配有幾根通菜和香菜-牛肉和香菜永遠是絕配，香菜牛肉湯，我又一次吃到見了碗底。

夜放工，食個平價粉麵醫肚。呢間粉麵茶記幾受街坊歡迎，平時行過見到都幾多人，今日就來試下。餐廳有兩個店面，餐廳內盡是綠檯綠凳，幾有復古風味。粉麵、常餐、午餐應有盡有。門口煙霧繚繞中剛剛撈起來的牛腩牛什，飄香的滷汁四溢，很是吸引人。但近日上火，唔想食牛。叫了雲吞河，平淡普通的菜式最能嘗到本味。不消5分鐘便端了上來- 雲吞個大飽滿，河粉粉量合適，配上香蔥香菜，讓人很有食慾。先嘗一口湯，很鮮美，一點沒有鹼水味，應該是熬煮了不少時間的上湯。河粉軟硬正好，不會太林，很有嚼勁。咬一口重頭戲雲吞，蝦仁大粒彈牙，雲吞包的很實，肉質不散，豬肉於蝦仁的份量配搭的正好。唯一不足是鮮蝦味不太突出，好像被豬肉掩蓋了。但湯水真的很鮮美，忍不住喝完了整碗。很久沒試過完完整整食完一碗粉連湯水都不剩。如果價格再親民一點就更好了，$28一碗粉還是有點猶豫。

明記屹立在鳳凰新邨多年，每次經過都一定會食番碗河粉。放假日與朋友去鑽石山看電影，商場沒有什麼餐廳選擇～時間彈性情況下走去明記食碗河粉～牛雜河 - 有牛腸、牛傍、牛肚、牛肺～清洗得很乾淨冇丁點兒異味～牛雜食落爽口軟稔，點上辣椒醬後更滋味～河粉夠滑溜！凍奶茶 - 茶味濃而細滑，真意想不到！

今日夜收工，經過屋企附近間明記，見有点餓，就買左碗牛什米線返屋企嘆！喺黄大仙住左十幾年，亦幫襯左明記十幾年，覺得佢D野食幾有水準，而且價錢大眾化！牛什米線入面有牛肚、腸、膀、肺、時菜，當然仲有米線，牛什都好腍、入味，味道啱啱好，份量亦適中，食完令人滿足

零晨1:15am，友人肚餓，便在家附近医肚，不想食漢堡包，小菜等，粉面是一个好选擇，由於本人不太肚餓，便奌了浄云呑，淨魚旦，加醋辣椒油食一流，云呑不过不失，魚旦彈牙，唯差不多打羊，拖了地有很浓漂白水味，另有一插曲，此店本人经常光顧，但希望能改善下衛生环境，眼见职員把已掉包裝的公仔面掉在地上，共六，七个，职員旁若无人把面放回膠篮，地上面碎一地，职員把面如常放回備用，omg,!

朝早返工時間好趕，但明記呢間最適合我呢D人啦明記粉麵好味之外，其實佢嘅早餐都好有水準呢度早餐既沙嗲牛肉麵 可以轉河粉...好特別牛肉都好好味，煎蛋係即煎熱辣辣，但蛋黃唔會煎熟晒。檸茶好有old school feel  茶味夠，不過如果叫正常既，可能會偏甜三樣野由落單到食得，五分鐘內一定上齊。適合趕時間，但又想食豐富早餐的你。

牛肉丸牛筋丸都唔錯，彈牙兼且夠大粒，27蚊價錢都幾親民，如果可以俾多兩條菜就最好啦，haha。辣椒醬夠香辣，係我至愛。明記應該係做開街坊生意，服務ok啦，都幾多街坊幫襯

鐘意食牛腩,曾經特登去九記同華姐食, 但係可能佢地都太出名, 九記水準不穩,華姐更加好似煲完湯撈返上黎咁,完全唔識欣賞,反而呢間小店既牛腩又淋又入味,食左幾次都冇走樣,而且杯奶茶沖得洽到好處,滑得黎奶味唔會蓋過茶味, 好過洪水橋金茶王淨係得奶味.............