明谷

Open Now

Now Closed

無論賣相、份量、味道，樣樣都唔掂 一個字差，無下次！！ 叫左個雞扒一丁、炒蛋多士、凍啡既早餐，點知中左伏！個雞扒硬過石頭、成浸雪味、仲要一塊雞扒比得一邊比我食（即係唔係成塊雞扒）好似一塊雞扒斬開三份甘，比其中一份比我食炒蛋凍既、又細，重點係將個炒蛋放左係我個一丁麵個個盒度，唔通你想我食左個炒蛋先再倒啲湯落去？仲要收我45蚊，真係離曬譜！

信德早餐之旅，今次系第三日，又試另一間餐廳了。MINH & KOK 明谷，是一間泰越餐廳，主打湯粉麵米線。裝修好有格調，很光猛，開放式廚房，客人可以觀看到烹調過程。香茅豬扒流心蛋湯出前一丁麵，黑咖啡豬扒很有香茅味，份量也好厚身，不同普通餐廳的口味，流心蛋很嫩滑，好好吃。配以出前一丁，就是一流了。還有服務上也很稱心，有配備一個呼叫器給客人，使客人可以早些去找位置，坐下慢慢等。早餐餐牌其實也有很多選擇，其中還有一款是鮮豬潤湯出前一丁麵，只是33元，因處理豬潤，是很艱巨，功夫也很多的，價錢也不貴，下次可以試試。

路經信德 眼見呢間越南餐廳價格平 加上人流唔多 環境較靜 所以就毅然入去一試🤔餐廳內外裝潢高級 但食物價錢平民化 食咗兩碗米線 加三隻牛油雞翼 埋單都只不過係一百多少少兩碗酸辣米線 - 一碗配溏心蛋 另一碗配牛百頁賣相有啲失望 味道方面尚可 略嫌配料偏少 湯底方面 色相一般 但都夠味夠辣🆗至於牛油雞翼 新鮮炸 所以上枱時熱辣辣 雞翼大大隻 但唔係太重牛油味 🤔 基本冇服務提供 因為客人自己酙水 自己拎牙籤 碗仔 水杯等 所以免加一服務費 👍🏽整體係環境好 價錢平 食物尚可

味道強差人意，湯底難飲，越南牛河沒有配青檸，九層塔和辣椒。QR code餐牌又唔work，叫服務員比個physical 既餐牌就黑口黑面....仲要有烏蠅。唔會再去

今日有時間可以約在附近工作的“出氣筒”食午餐，我地决定去返半年前食過的MINMINH & KOK，但今次入左去發現所有嘢不同左，Lunch set 拆散咗來賣，望落平咗，以前參不多過要百一個午餐湯粉面，客人要用電話scan QR睇餐牌，自己行出去 斟水，無收你加一服務費喇😊，“出氣筒”負責點餐，先上牛肉牛腩湯粉線，比足材料，可惜湯不夠熱，香料的香味唔夠出，但清唔 肥，$56蚊抵啦，有咁的環境座，船河到，呢個湯的味道就麻麻了，唔夠香濃，我知呢個湯的成本中貴，收$48一碗，合理喇最後附加碟腐乳通菜，果隻碟用得肉酸又大隻，菜份量少就得果柱仔，就好似去食牛什湯粉面時附加$8蚊灼菜咁多，但果腐乳醬調較得幾好，不是死咸，而且是加了炸薑絲，炸干蔥，辣椒，收貴你都是合理

由澳門番黎 落船都5點幾是但想搵啲野食下咁見到老麥隔離開左間越菜就試下一行到埋cashier疑似繆姓長頭髮紮馬尾收銀姐姐就話埋緊數所以唔收cash唔收唔係問題 明白埋緊數收唔到不過佢個態度真係差到.......其他staff服務都算幾好 唯獨係一入門口已經俾呢位staff扣哂分內部都算幾大 環境幾舒服不過啲枱好痴lublub..野食叫左1. 生牛肉湯河啲牛超熟嘅 生係邊？河粉正正常常 個湯超咸2. 「豬八戒」泰式船頭湯米粉- 配料足夠 有豬手仔 豬肉丸 豬潤 同 札肉等- 味濃 唔係死咸 小辣都有有啲辣

信德 明谷餐廳 早餐沙茶醬牛肉麵加煎雙蛋 $36 凍飲加$3沙茶醬香濃 牛肉也不錯但都要等幾耐下 早上趕時間的朋友要三思個人覺得中上環打工仔 早餐需要快！！都係一個幾重要的元素他們早餐款式都幾多 好明顯見到他們廚房係應付唔黎（開放式廚房，冧檔一眼望曬）有時D麵會多D 有時D麵會少D需要睇佢多唔多單 同個廚房會否冧檔我返工係返9:00 如果我8:15-8:25到達信德我先會夠膽入去食我會情願佢減幾款早餐換返出餐時間快一點開得係信德 一定要顧及一班趕船同趕返工的人士呢！

今天在信德中心明谷吃了一個便宜早歺，$28有1/4吋厚的鮮牛油塊厚多士，從未食過這麼厚的牛油，連炒旦，水準十足；隨歺的一杯咖啡也是即磨的，絶無戲場，有大酒店級數。👍

呢間餐廳一款午餐由$78加一改到$48起加一，真係冇睇錯，門口個牌仲要大大隻字寫住粉麵$48，小食$28， 嗰兩個牌有啲似佢對手嘅作風。 門口明明有個reception, 但係冇人喎! 侍應都冇乜心機做嘢，散散慢慢，求求其其， 我淨係見到一班侍應企埋一邊吹水。有個侍應過嚟同我哋加滿餐紙，但係又冇發現到我哋係冇餐具。事關佢大部分嘅枱都係由4人拆開做2人枱， 一邊攞咗餐具，另外一張就冇喇! 咁嘅風格， 不如share枱好過啦! 大部分都係米線， 咁似米線x 同譚x。 份量雖小，但係個豬皮乾淨無毛，麻辣味都ok。 肉丸係酸同有d凍嘅，米粉係孩口嘅， 唔滑嘅，個湯簡直係不知所謂，味道好似餿水咁。 呢碗都唔使我再講啦!同樣係美心集團，但水準可以差劣成咁，仲要連加一每人都要$78，不如過隔離食燒味飯好過啦!

自從上環港澳碼頭開咗呢一間明谷之後，我都冇食過其他鋪頭嘅早餐。早餐基本上都係來來去去嗰啲嘢，火腿通粉，炒蛋，沙嗲牛肉公仔麵等等，我嚟明谷咁多次都喺食3號餐，沙嗲牛肉公仔麵配炒蛋多士，不過今日屎忽痕，見人哋食7號餐，我自己又試，香茅豬扒留心蛋撈公仔麵，呢個餐係冇炒蛋同多士，幾好食。豬扒肥瘦適中，香茅味道濃烈，蔥油香口。留心蛋溫度適中，小小過火。撈麵汁鹹甜平均，使用出前一丁麵底。價錢$38，凍飲加$3，共銀$41

信德中心舊pacific coffee個位原來變了這家越式餐廳😌 碰巧約了在附近工作的朋友午餐🤗 雖然中午時間人很多😣但等了二十多分鐘便有位，因為餐廳還蠻大的😺🍜「豬八戒」泰色濃船湯米粉 $62 + 煎蠔餅 $34很有阿宗麵線的感覺☺️配料有很多，包括豬肉片、豬潤、豬肉丸和扎肉，湯底十分濃郁但偏咸🤧最驚喜是加配的蠔餅💕煎得十分香脆而且蠔肉十分鮮甜🤤去吃的朋友一定要試一下‼️話說是炸春卷和牛油雞翼都沽清所以才點這個的🙈 順帶一提朋友的青咖喱也不錯😋但只有拌牛腩而我不吃牛🤦🏻‍♀️

Today I tried out the lunchtime specials at Minh & Kok, I ordered the Hot and Sour Noodles with Shredded Chicken and Fish Cakes which came with a drink for just an additional $7. It was a good portion but more sour than hot, a lot of vegetables and fish cake but not enough shredded chicken. But overall, a good experience, the food came quickly,  and a very good deal! 

明谷初初開張嘅時候成＄100一碗麵，所以冇幾多食客幫襯，可能因為鋪租太貴，始終要向現實低頭，於是轉左幾次餐牌，將價錢不斷拉低，去到今日只係賣緊＄48 -＄62一碗麵，飲品只係加＄7，高檔變咗平民化。今日嚟到，食客唔多，所以好靜，好寬敞，餐廳裝修普普通通，但都算坐得舒服。食物方面都算有質素，不過份量係少得淒涼，河粉份量好少，餸又少，予人有點將貨就價的感覺！價錢雖然平，但其實有啲反感，係咪真係要做到咁呢？ 至於男仔食一定唔夠飽，飲品方面雖然只係加＄7，但都唔算行貨，賣相OK。

在半年前的 10月頭，經過上環信德中心，Pacific Coffee 結業後，便開了一間美心集團的越式餐廳 <明谷>！ 我一直未有幫襯，直至最近經過，才發現增設早餐，還要每日供應，不論上班一族抑或準備到信德搭船的旅客，食早餐又多個選擇嘞！以早上為例，這裏以全自助式為主，食客先走到門口的收銀處落單付款，隨即女店員會給予一個電子儀器，留待電子儀器閃亮時，食客便可以到 counter 自取食物！地方寛敞舒適，兩旁有梳化位， 週末早上有大約八成食客，桌上已備有餐具、刀、筷子匙羹及調味料！自助斟水早餐：每天供應，由 $28起 連飲品  (7:30∼11:30 供應)落單時，女店員已提醒我，要等上10分鐘。豬潤蕃茄湯米線 $33加入少許薑絲及紅椒粒，蕃茄湯入口酸中帶辣，質感濃稠，豬膶火候恰到好處，質感爽滑！米線口感煙韌滑溜，比起同是美心集團的 <米線陣> 質素更好！香茅豬扒流心蛋拌出前一丁 $38 這是香茅豬扒流心蛋撈出前一丁，晨早流流食這濃味的美食，即時煥醒味蕾！香茅豬扒切條方便進食，入口肉質柔軟，滲出香茅清香及幾入味；流心蛋略為糖心狀態，出前一丁富彈性，均勻入味

今日出左上環港澳碼頭做野，見到東亞銀行附近有間新開餐廳，反正都要食飯，入去試左先。餐廳都算大仲係open kitchen，坐位都算濶落。餐牌以越丶泰麵食為主，簡而精啱哂我呢啲有選擇困難嘅人揀食咩。呢個係「豬八戒」泰式濃船湯米粉～料有豬肉丸丶豬肉片丶豬潤同扎肉。湯底好濃郁有少少辣，食完冇覺口渴👍🏻，但米粉份量少左啲，男人食可能唔夠喉。肉片醃得入味唔嚡，肉丸彈牙豬潤唔老，相比之下扎肉就淡味左啲。下次有機會試下青咖哩牛腩拌米缐。