小巴黎越南餐廳

Open Now

Now Closed

自從「小巴黎」搬鋪之後，都很久沒有幫襯過！今日行過就重溫昔日嘅味道！很可惜大失所望！今日食了香茅豬扒雞翼飲x2+香茅牛肉飯椰汁紅豆汁，珍多冰和椰汁黑糯米（午市飲品或甜品加$3，凍飲或特飲加$5）先講香茅豬扒雞翼飯～豬扒很薄，沒有香茅味，雞翼炸過只帶點咸味，蔥油感覺上就只是蔥和油！香茅牛肉飲就更差，單憑外貌已經唔係好想食！牛肉碎濕濕，乾爭爭，鞋颯颯，一樣沒有香茅味！見到碟飯時心諗這是最後一碟嗎？賣剩的嗎？椰汁紅豆冰，珍多冰和沒有椰汁味的椰汁黑糯米到底是我記憶和味覺有問題，還是是這店質素改變了！

入去叫個啲牛柳粒紅飯午餐諗住嗱嗱淋食完就開工, 趕lunch開工實俾佢害死! 見到後尾嗰三張枱遲過我入嚟都已經有嘢食緊! 就算係香茅豬扒竟然早出過我哋啲牛柳粒! (唔係牛肉應該快熟個豬肉嘅咩？)問咗兩次, 等左差唔多20分鐘, 個餐終於到! 我竟然見到5粒牛柳同埋一大堆紅飯😳😳係有3粒大粒嘅牛柳然之後兩粒好細粒嘅藏响底! 一碟咁少牛枊嘅所謂牛柳粒飯竟然好意思收人$75仲要加$5飲佢嗰杯糖漿菠蘿冰中伏! 無下次! 中獎都唔會再去食!

假期前夕，成個屯門都係人，怕等位嘅我，聽屯門地膽朋友話，行去華都避開人流。見到小巴黎，即刻想去食個越南粉。越南粉從來都係我嘅最愛一坐低，我就叫咗個生牛肉金邊粉。老實講，呢個價錢食到呢個質素，算係好唔錯。個份量仲好大添！如果講點樣可以改善的話，個粉可以滑啲，可以唔好咁碎，啲牛肉亦可以滑返啲，加埋辣椒同青檸，咁就Perfect另外叫咗個馬拉盞炒通菜，個菜有少少老，但都係果句，性價比算係咁上下而嗰個小食拼盤就真係好一般總括來講，唔使等位，同埋呢個價錢，都算係咁啦

小巴黎細細個已經食食到佢轉左幾次鋪頭到依家都會去食因為佢個豬扒飯真係頂呱呱以前食叫佢加葱就唔使錢嘅依家 就要加錢la不過多葱真係好食好多所以我都會照加錢豬扒 咁多年來都冇減 都係大大塊非常正

呢一間小巴黎，以前喺沙田有分店，經常去食，估唔到原來屯門都有一間。哩度最出名係香茅豬扒飯同檬粉。香茅雞翼撈檬粉， 檬粉軟硬適中， 雞翼甜甜地， 配上好多香蔥香茅， 青瓜丝，生才絲， so fresh!越式炒河，好似濕炒肉片河咁， 同expect嘅好唔同，一般啦。菠蘿炒飯炒得好好， 係東南亞式炒飯嘅style ， 唔會太乾，好好味。 不過菠蘿就少啲。主角香茅豬扒飯， 好似有兩三塊大豬扒， 好林滑， 醃得好入味，夾埋香茅一齊食， 好正。樣樣都好大碟，好抵食呀！5個人叫4碟都食唔晒。

今日同朋友專登入屯門食嘢，聽講小巴黎係屯門街坊人人都知，朋友又系越南嘢嘅超級粉絲，就黎到呢度食晚餐。為咗食鮮牛肉湯河，放棄咗價錢抵啲嘅二人餐，好彩牛肉湯河冇令我哋失望，味道的確同推介嘅一樣正，味精味又不算太重，牛肉如果再生小小就會好啲。小食方面推薦濱海春卷同蝦球，雞翼就不如食番出邊嘅小食檔。蔬菜好抵，廿幾蚊一碟，兩個人share啱啱好，又可以補充返啲維他命。環境就逼咗啲，服務麻麻，衛生條件就...

係一個速食既社會。Lunch梗係要快。靚。正！再加個抵食就真係無得輸！講到明快靚正！我連我杯三色冰都無影相！一入到去就有位啦！因為小小舖頭你預左要搭枱。係吾太理想既，但快快有位！人地要估生意無計。而呢個亦算係特色一種。呢間野十年如一日！我真係10年前已經食過！間吾中都會黎食下！呢個就係香茅豬扒飯！兩豬扒再加好多葱！送飯一流！3色冰就無影到相啦！因為太快手。Staff都係3個。乜都快！叫餐快！送餐都快！最重要係人情味。呢間係難揾既！又無乜人知。所以都keep到水準！

公眾假期通常食飯都會貴啲，今日我哋嚟到屯門第二間小巴黎嘅分店，佢位於華都商場地下，而且係公眾假期都有午市套餐，一個主食仲可以加錢配飲品！我哋一行三個人分別叫咗三個午市套餐，首先第一個係沙嗲牛肉飯，佢嘅飯同沙嗲牛肉係分開上架，我哋覺得新墟分店嘅沙嗲牛肉飯份量大啲，而且好食啲：第二個主食係香茅豬扒河粉，佢呢度嘅香茅豬扒係主打，肉質非常之軟熟，不過有少少肥，份量只係得一塊，唔係好夠喉：第三個主食係香茅雞翼河粉，佢有三隻雞翼，份量都足夠，但係個人覺得呢度嘅香茅豬扒同雞翼都係配飯會好食啲，因為配河粉會淋左：飲品方面可以加$5配凍飲，我哋分別叫咗凍鹹檸蜜，椰汁綠豆冰，同埋熱檸蜜：

住喺屯門既都會聽過小巴黎依間餐廳，讀書果陣成日會同同學黎食，隔左幾年無食過，食番真係有番啲以前既回憶。叫左個香茅豬扒飯，味道同以前一樣，雖然我唔食蔥，但係都好鍾意蔥油撈埋豬扒嘅味道。

我幫襯這間小巴黎經已好幾年，大部分時間都是下午茶時段，每次都會點生牛肉湯河跟甜品黑糯米，這裡熱賣的還有香茅豬扒飯，但我始終被他們的生牛肉湯河迷倒。這碗粉內有足夠芽菜、洋蔥、九層塔及靚牛肉，熱辣辣的湯內有濃濃的牛肉味，由於每一次都是不令我失望過，所以我才和大家分享一下。

呢間小巴黎聽聞係屯門區嘅人點都一定會識得嘅餐廳，係就係平民化，不過就可以喺呢度搵到好好味嘅越南嘢食！朋友第一樣推介嘅係香茅豬扒飯。雖然朋友唔食蔥，但係佢就好鍾意蔥油撈埋豬扒嘅味道。豬扒有濃烈嘅香茅味，因為係越南野，咁就一定係基本啦。而且豬扒有十分之咁嫩滑，的確唔錯架。重點係，蔥油已經滲透左係飯粒度，每一啖都有蔥油香，又有香茅豬扒嘅味道，唔錯。配埋後面嘅青檸梳打，好refreshing呀，不過就真係甜左少少，要狂篤舊青檸先balance返啲！

唔知有幾多人仲記得以前荃灣有間小巴黎細個成日同屋企人去食佢記憶最深就係佢個勁香既蔥油自從荃灣果間無左 我都無食過小巴黎Lu咁岩要去屯門搵朋友 Openrice發現原來屯門仲有分店!立即起行去回味下佢個蔥油撈飯!叫左三個飯，分別係香茅雞翼飯，香茅豬扒雞翼飯同咖哩羊腩飯好快就上齊喇，我食既係香茅豬扒雞翼飯($47)有兩隻雞翼同二塊豬扒 同海量蔥油建議大家叫呢個雙拼飯，因為雞翼飯($42)雞翼得三隻 雙拼好似抵啲蔥油沒有令我失望 是回憶的味道雞翼也很香 也脆!!豬扒稍為濕一點點，因為我喜歡比較炸的香茅豬扒但味道是討好的羊腩飯也很香 它不是偏椰汁的咖哩很淋很入味 朋友大讚不錯加配了椰汁黑糯米當甜品椰汁很多 但整體來說甜了一點點(我比較喜歡甜度較少的食物)總體來說食物蠻不錯 性價比高 下次去屯門再試下湯河先

我相信每個80後都會食過小巴黎！(是嗎？）而我同老公讀書/剛出來做野時，都大愛小巴黎的貪佢又平又大大碗，味道都好OK，性價比超高的越南餐廳！以前都有好幾間分店，現在只有屯門2間，如果今日唔係入屯門做野真係食唔番這個味道啦！現在食越南野閑閑哋$80-$100.. 小巴黎$40幾元咁大碗大碟，轉特飲都只係加$3仲去邊度搵呀！（另外荃灣都有我介紹過的抵食越南小店 - 小越廚）老公最鍾意豬扒飯多蔥 真係好希望佢係市區開番多幾間..

今日帶大家去屯門隱世越南小店該小店位於屯門市中心華都花園地下門面並不起眼，卻禾稻蓋珍珠價錢中等，大概40幾-50幾左右兩個人袋晚餐，每人各叫一碟！其實都幾大碟夾好食一碟香茅豬扒飯香茅布滿豬扒上香蔥撲鼻豬扒二大塊岩曬一眾食肉獸由於香蔥配料都算多，食飯都唔算dry值得推介！另外，我地叫左一碗香茅豬扒撈檬！檬粉配上香茅，花生，蘿蔔絲，菜絲及香噴噴既魚露十分醒胃豬扒亦一大塊薄切！啖啖肉之餘，方便咀嚼值得推介

食物節奏很快上到 但落單時候好敷衍 我要前後講三次先聽到 味道不差的 只是服務態度真的很差 不知是不是做了很久關係 對客人都呼喝形式 利申：咩都無做過 只係玩手機 我有同佢理論 但其中一個身形比較胖既阿姐比較串 同我講：細鋪係咁.大家都知...我明大家都係打份工 但我都只係想簡單咁享受我個晚餐 我覺得食物味道固然重要但服務態度都對得自己對得客人 邊個想食個飯都食得唔自在先得架 我知我係比錢買你既食物無權要求咁多 但有得揀我唔會再揀你呢間 根本係比錢買難受