又一間餐室

Open Now

Now Closed

週日和男友到馬灣公園逛逛,臨行前先到\"又一間\"醫肚。來這裏的主要原因是品嚐那真材實料的紅豆冰...叫了兩個午餐\, 有7款選擇, 每個約三十多元, 包中/西湯、主菜及飲品。湯點了一中一西, 湯料很足, 味道亦很好。我們點了「紅酒煙肉薄牛扒」及「焗雜菌肉醬意粉」, 前者意粉有紅酒味, 牛扒雖屬一般質素, 但味道不錯; 後者則十分惹味, 芝士味香濃!我們每人也加了$5轉飲紅豆冰, 嘩, 紅豆佔杯的4/5, 冰則是即場攪磨的, 配合適量的花奶, 簡直為整個午餐\劃上完美的句號!吃了這麼多, 埋單也只是$81 (不用加一小費)! 以這個價錢及質素來說, 真的很抵吃!吃東西要有好心情, 而今餐\令我們培養出好心情的, 相信是窗外美景的功勞吧。

剛到達馬灣時，就見此店外有人在等位，給主人與奴隸獸留下印象。所以當我們回到碼頭時，見此店有空位，便入內光顧。點了兩款下午茶餐：1. 日式炸生蠔配薯條+ 熱咖啡（HK$24）：主人見此價錢有炸蠔食，好開心。怎知炸蠔及薯條都炸過了頭，薯條硬得像木條，炸蠔亦頗油膩，令人非常失望。2. 菠蘿蛋包+ 熱咖啡（HK$15）：菠蘿包外層鬆化，包身夠軟。荷包蛋亦煎得剛好，合格喇！至於熱咖啡味道淡出個鳥來，不提也罷。

八點幾出街搵野食，附近間間都要等，見呢度唔駛等，於是就入左去食。兩口子叫左一個焗架喱牛腩意粉、一個招牌焗意粉。架喱牛腩意粉先到，架喱味都算幾香既，又唔會話過辣。面頭都算焗得ok，不過就底水汪汪咁，焗得唔夠乾身，好似食緊湯意粉咁。跟住黎個招牌焗意粉，都幾多料既，有雞、有菇、有海鮮，再配個白汁，不過又係水汪汪咁，而且食落去無乜味，如果唔係自己叫既話，單憑味覺就唔可以肯定自己食緊乜野。兩位承惠80元，如果只係醫肚既話，都算ok。

第一次去又一間食係來吃早餐，已經驚為天人...... 第一次食過火腿通粉唔係用味精水或清水煮，而係因開稀左嘅忌廉湯煮，真係非常好食。自此差不多每個星期都至少要落去食早餐一次，就算要排成個鐘兼冒住無早餐食都要去呢間食。其實除碼頭呢間外，田察村那邊都有一間又一間餐廳，應該係同一暑集團，嘢食其實差唔多，不過硬係覺得碼頭呢間好食D。但如果講服務，碼頭呢間的服務就好似唔夠田寮那間好：雖然田寮那間的侍應有時會雞手鴨腳，但都始終俾人感覺好友善；但碼頭那間則有些侍應是黑口黑面的，可能因為太多人太忙唔記得待客之道吧！不過如果你唔介意黑口黑面，唔介意要在門外等至少半小時，我覺得碼頭那間比較好一點。

情人節同女友食情人節套餐。頭盤煙三文魚花之戀形沙律,唔錯。主菜牛柳整得好軟好好味,加上so皮幾特別。煙腿扒就普通啦。仲有意粉，cherry 雪榚。凍咖啡味夠濃。好抵全set只係收$238，仲有兩支金沙花收。值得講係餐廳氣氛佈置得唔錯，燭光加輕音樂，感覺浪漫。食完同女友漫步海濱，欣賞青馬，非常滿足~

今日終於入左去試試.味道不錯, 但不可以講話太好.還境幾好, 始終向海ma~格局好好, 但係個冷氣唔夠大(唔知係咪我個位置問題).不過都算幾抵, 同一級數, 平過出面.9:00後仲有什麼抵食推介, $3X都食到..

服務水準真的每況愈下，好像”唔憂做”咁．．．．．．食物水準亦見下降．珀麗灣最近有新鋪（私家咖啡）開張，希望可以激勵一下又一間．

夜餐（９時後開始供應）選擇頗多，價錢較正常晚餐便宜，幾抵食．另外，小食的”混醬腸粉”幾正．

羅宋湯有進步，但新加入的一人晚餐價錢較貴，味道一般．海南雞飯的雞頗滑，可以一試．

又一間暫時係馬灣珀麗灣唯一的餐廳，食物質素ok，部分菜色不俗，但似乎多較肥膩，羅宋湯就十分失敗．服務一般，安排座位上時常出現問題（例如外籍人士似乎有優待可以一人獨佔梳化四人座位），不過可能因為係獨市生意，繁忙時間常有人排隊．

又一間的電話係2986 3021或2986 3022.