馬場洞烤肉專門店 (新城市廣場三期) (Closed)

星期日中午去食，等位情況可以，等咗半個鐘入得，坐位舒適！今次我哋試咗以下套餐及小食：前菜：麻油拌蒟蒻，原味泡菜，紅蘿白翠玉瓜前菜可以無限添加！當中麻油拌蒟蒻，同原味泡菜我覺得好好味，特別係蒟蒻好夠韓式麻油味，勁香！🐷 🥔脊骨土豆鍋配飯 $78 👍👍👍估唔到係今餐入面最驚喜嘅菜式！好好味！係同喺韓國食嘅薯仔排骨湯味好相似，只係無喺面加紫蘇籽粉。 脊骨份量十足，肉亦唔鞋而又有肉香，薯仔夠淋，湯又好飲🤤 係今餐嘅白飯小偷👍 係今餐嘅MVP🤣 🥬🐂 韓味滋補牛肉湯配飯🌶️ $92其實係菜＋牛肉絲＋幾片肉片嘅湯飯，菜嘅份量好多，肉絲同肉片都係瘦肉，湯味較濃帶微辣，配飯食都好味，一定夠飽。 假如鐘意食瘦肉＋菜嘅朋友，哩個飯就岩喇。🐂🧅極級霜降牛肉釜飯 $128哩個飯需要等20-30分鐘，但為咗試「極級霜降牛」我願意等！但嚟到，我有少少失望，因為over cook咗，有啲韌😢 配上濃郁嘅洋蔥汁，無咗牛本身嘅味道😢 哩個飯我會建議開個爐俾個客自己燒嚟食，咁大家都無交嗌😂 🐷🍍脆炸特選黑毛豬肩肉 $98脆口啖啖肉😋 仲配咗新鮮菠蘿，同椰菜沙律。雖然服務員人手有待增加，見大家都滿場飛，但每位都好有禮貌，同

不是韓國首爾既馬場洞？韓國馬場洞就去過，烤韓牛，諗起都口水流！無得飛去韓國，解一下相思之苦，呢間馬場洞位於沙田新城市第三期，建議佢嘅朋友要先攞咗飛先，當日我同朋友係食午餐無燒烤，配菜——薯蓉、泡菜可以叫店員refill 👏🏻👏🏻👏🏻其他菜式都好精彩！

我本人食過之後晤有第二次的餐廳，全部食物都一般般，石頭鍋飯冇特別，有啲似韓國快餐的質素，人參雞像我係超市買現成的，韓式炸雞，炸粉多過雞，燒肉嘅豬頸肉燒完係硬的，配菜係要自己另加，整體咁嘅價錢，覺得唔值。

午餐時間去食，早左到等朋友，間餐廳無人，本身個職員好好俾我入去等，點知係打左我11:30入座。又無同我講入座起計1個鐘，同埋出面又無話排長龍等位。無啦啦準點12:30走黎同我講夠鐘要埋左張單，我都好合作即刻就拎左卡找數。點知過左一陣個女職員走返黎同我地講要盡快交枱，當時我仲口咬住野食仲有半碗湯，唔係食完坐住傾計慢慢嘆喎，分明趕客啦。野食幾好食都無用，淨係呢樣野都扣曬分，唔識睇下個客係咩狀況先出聲。食野食得慢千祈唔好去，費事食左唔落格。野食方面係okay，我自己叫既牛骨湯牛肉飯係多牛肉，味道都好食唔會太咸。午市套餐都預計左無特別驚喜，價錢覺得合理。

恐怖經歷, 今日星期六下午得一個侍應，十二點之后仲未開，完全係惡劣的態度，非常手忙腳亂。剛開始的時候非常有禮貌，對此非常失望，在那班侍應未換掉前，一定不會再回來的了。

新城市兩間燒肉店，一間韓式，一間日式，今次先講講韓式呢一間。餐廳環境裝修唔錯，一入門兩個熟成凍櫃，全餐廳以木色為主，餐碟碗筷、燒爐用金色，整體感覺唔錯。餐牌除咗for燒肉嘅牛肉、豬肉，仲有其他韓式熟食，連醬油蟹都有，酒就得真露、啤酒同一款house wine，冇其他選擇。其實淨睇餐牌，牛肉嘅部位、款式的確幾多選擇，幾吸引。當晚點左個二人set，加個醬油蟹，加支house wine。你睇得出牛肉質素其實幾好，但成間餐廳職員完全冇諗過幫你燒一陣，其實唔需要全程幫你燒㗎，間唔中幫吓手一陣都好呀。由得個客自己燒，再好嘅肉都只會成為浪費。我認我係渣，所以韓燒多數去’名家’。如果餐廳你係諗住走冇Service嘅韓燒，其實我建議不如你做放題，可能賺得仲多。埋單走嘅時候，八卦睇吓其他枱，老實講，眼見每枱個爐都係黑麻麻。冇比較冇傷害，下次再講下新城市另一間燒肉店。

圓規來襲香港，原本想出銅鑼灣食西餐也泡湯了晚上搵食時突然諗起呢間韓國餐廳，平時坐無虛席，週六日通道上的等位人數多到令我以為有野派兩個人叫咗一份豬牛肉套餐，除了燒肉拼盤外，還有一份生伴牛肉或者炸雞。 我地揀炸雞，咁豬牛雞都齊了燒肉拼盤內有韓牛西冷、封門柳、五花肉同豬肋排肉，仲有少少菇、洋葱同兩小舊塊牛油。西冷有兩塊，油花都幾靚，分別燒到7成和5成左右，果然5成最合我們胃口，男友讚不絕口。燒好後記得快d 食，因為熱力肉會自煮，我地每人留咗一塊到最後先食，結果熟哂封門柳因為油花較少，唔好燒太熟，唔係就會較靭，不過肉味夠濃。五花肉肥瘦均勻，一睇就知係優質靚豬豬肋排肉燒到兩面微燶就最正炸雞黎到時唔算好熱，配蜜糖芥末醬，味道屬正常水準。一開始上枱的泡菜嘛，個人覺得大白菜是不錯，唔算好辣，菇都ok，其他就麻麻地。另外叫咗一杯士多啤梨梳打，感覺就是士多啤梨啫喱有氣水，唔太得喎。。。總括黎講，燒肉係正既，不過最可惜是略貴同包肉菜要額外叫 (38蚊，最後無叫到)。 抽風好像做得不錯，食完都唔覺成身味

好記得：入門口問我哋燒唔燒烤,我地個反應係？ 問號？「可以唔燒烤？」一心想食燒肉既我哋笑咗出聲我哋直接問店員有咩推介，佢話唔醃好味D，有少少驚喜（因為正常諗起韓燒就聯想一堆醃製好既深色生肉）我哋兩個女仔嗌咗兩款無醃製肉+個炒粉絲（牛），差D嗌埋年糕，不過驚食晒。1.極級霜降牛（輕燒兩邊就好食啦，啖啖油好juice 油花好靚)** 隨時可以換燒板，店員好nice，送餐速度都快**2.伊比利亞黑毛豬肋排肉朋友話我燒得好好，岩岩熟，唔乾又林，邊位少少脆，如果有生菜包就仲正，不過嗌得唔多肉，無叫到生菜（唔係送架）**順便用咗D豬油燒菇~讚一讚先~以下配菜食完可以任fill😚（我哋覺得沙律同菇最好食）掛住燒，無影到粉絲，好彈Q，好多配菜，有韓國食既味道！最後我哋食到好飽都要食晒佢！聽講炸雞都好好食~~下次試~~***已經嗌左朋友去試❤️一致好評❤️食嘢其間，間唔中聽到店員講韓文，唔怪得個炒粉咁好味啦！我哋無嗌酒水，因為燒酒賣得略貴，我哋覺得唔抵

今日食左呢家韓國野既晏晝。等左大約半小時才可入席。入到去都滿哂人，第一輪的客人開始離座。叫左兩個湯飯，前菜有泡菜蓮藕同埋雲耳。總體來說都正常水平。份量就有點多。下次有機會試下燒肉。

約左朋友去呢間食個lunch, 喺出面等時已發覺開始有點人多等入位, 然後又無職員招呼, 我相信人手不夠等左一陣, 終於見職員出黎準備招呼下一批人客, 先知要同佢攞飛仔等位其實好心就係出面整返個撳飛仔機俾人撳啦之後等位又唔算好耐, 入面都幾大下, 坐位算係舒適我同個朋友無點烤肉, 大家各自點左個lunch同時我地既兩罐汽水好快就俾我地, 咁我地一路吹下水一路等我既野食點知我地等呀等, 等呀等...前前後後, 左左右右, 甚至比我地遲入黎既都已開始食野, 我地一頭問號, 點解D野咁耐都唔黎既然你有上汽水, 無可能會漏單咁搞笑, 最後要職員跟, 佢仲要我重覆一下我地叫左咩食, 個下都幾無言我朋友都事後話, 其實你落左單, 無可能係機到查唔到之後又無人覆我地如何, 跟住我地又等左一陣, 問一個經過我地枱, 唔知係咪負責人既便服男人, 佢一路行一路答入面跟緊就走過...真係覺得佢無乜禮貌, 後來再有職員過黎再交待, 有同我地講唔好意思食物不過不失, 不過呢間既服務認真麻麻..我就唔常黎沙田, 再黎都唔會再幫襯

有些服務員態度一般，確實有些服務員態度不錯。食物方面，真的失望，牛肉韌，味道一般，食咗個煎餅，食落去好似食咗好多麵粉，叫咗個鍋，湯底無味一般，係我食咁多項式韓燒餐廳以來，最難食的一間。

因較早前多次行過見外賣套餐好似不錯，決定放工買回家一試二人極級燒肉套餐回家嘆，表面包裝精致，但不要被外表欺騙了，內容才是攞命點，先試當然是牛吧，牛肉超乾過熟，猪五花腩更是肥肉過半，泡菜炒飯太多油，食完飯盒可以倒出來一茶匙油，飯盒中既小菜一般，這是我首次惠顧這間店，相信都是最後一次

呢間餐廳一到午飯時間就勁多人排隊，我同朋友次次都排差唔多半個鐘先入得。坐地左侍應就會放低3款唔同既前菜，今次係泡菜、青瓜同薯仔沙律。其實前菜次次都有啲唔同，唯獨泡菜就一定次次有。之前試過有茄子同蓮藕～午餐呢度既午餐價錢合理，份量都幾多，而且味道唔錯，難怪咁多人排隊～1️⃣石鍋牛肉拌飯（$74）間中都會返兜石頭飯，因為我最鍾意用韓式辣醬撈飯～🌶😋2️⃣韓式牛肉配飯又係勁大碗！試左個湯底都唔錯～👍🏻

平日中午來都要等大概半小時才能入座。內裡座位空間私隱度挺高。餐廳主打韓式燒肉，亦有其他的韓國料理。今次就點了午餐豬肉套餐(一人份)和人蔘雞湯。豬肉套餐包含豬肋排、護心肉、豬頸肉和少許蘑菇。我最喜歡護心肉，口感豐厚，幾款肉中最有肉味。其他豬肉款就不過不失，蔬菜份量亦不夠。人蔘雞湯韓國人的概念是要在暑天吃蔘雞湯養身呢。人蔘的味道正如所想般沒有太濃，人蔘size亦是小小的，不過雞肉嫩滑。雞肉裡亦釀了不少糯米，十分飽肚。平日午餐的價錢挺相宜，可以一解韓式燒肉的欲望。

Modern Majang 烤肉專門店烤極級霜降牛配飯$88每一次經過沙田馬場洞烤肉專門店的時候在店外看其他食客感覺在店內氣氛好正好想試❣️但因為疫情一拖再拖之後又忙記約這間韓牛燒肉店😣今日經過決定買一個便當返去食 😋嘩嘩嘩❣️打開袋有二盒嘅🤭原來有一盒係韓國配菜盒另一盒就係主角霜降韓牛飯便當嘅韓牛的肉味好濃再點個韓式辣醬食真係好正吖我食哂盒菜都飽了🥰推介鍾意食韓牛烤肉嘅寶寶😌下次路過沙田就要試吓🤓晚上我戎飯留明天中午帶飯🤣地址：沙田新城市廣場三期3樓A311號舖