摩豆 (Closed)

上星期見新假期介紹過，所以就黎試下😏 雖然店裡位置不起眼，只是一家小店， 但坐落於人氣珍珠奶茶店隔離， 不少食客都會買完珍珠奶茶，順便買個格一仔餅或雞蛋仔。😂  雖然小編前面等Order都有5，6個食客， 但Modos都算幾快手，小編等左5-10分鐘左右就有得食。🙈  格仔餅即叫即做，熱辣辣， 外皮烤得外脆，而且比較厚身有口感， 可惜格仔餅完全沒有蛋味， 有可能是被裡面濃味的金莎朱古力醬蓋過了😂 但醬料並沒有想像中的爆餡，  唯一可取的是醬料的榛子味濃郁，有果仁碎混合其中，食食下就會咬到卜卜脆，很有口感！😋 味道口感也算接近真實的金莎。☺️ 不過，一個人食這款口味真係幾甜膩， 食到一半已經飽左，兩個人分享應該就岩岩好！😆 雖然坊間一早已經有金莎朱古力格仔餅， 但原創店位於新界區，對港島人來說不太就腳。 所以Modos出品了這款金莎朱古力格仔餅， 簡直就是港島人恩物。😘 除此之外，還有不少創新口味如玉桂蘋果和宇治金時等，令人試完又想再試其他口味。  雖然Modos比坊間格仔餅的定價都比較貴，一底要$20-$30， 不過，味道方面比較新穎特別，都值得一試的。