紅葉茶屋 (D2 Place TWO)

Open Now

Now Closed

前晚同家姐去咗荔枝角嘅紅葉茶屋，呢度環境唔錯，幾啱一家大細一齊食飯。餐廳設計簡約舒適，唔會太擠迫，啱晒慢慢咁享受晚餐。 壽喜燒🥩牛肉切得夠薄，煮得啱啱好，肉質夠嫩，湯底嘅甜鹹味幾夠味，配埋白飯食就啱啱好。 照燒雞🍗雞肉鮮嫩，外面有少少焦香，唔會過甜，醬汁味道唔錯 龍蝦沙律🦞沙律配埋新鮮蔬菜同幾粒龍蝦肉，沙律醬唔會過重，輕盈清爽，唔會太膩，係啱啱好嘅開胃菜。 黑蜜抹茶蕨餅甜品方面，黑蜜抹茶蕨餅口感煙韌，外層灑咗少少黑糖粉，微甜又帶啲抹茶香，唔黏牙，唔錯👍🏻 抹茶白玉另一個甜品係抹茶白玉，抹茶味唔算太濃，口感煙韌，紅豆餡唔會太甜，食落去好輕盈，係餐後嘅好選擇。

到荔枝角附近工作，又接近晚飯時間，友人提議到「紅葉茶室」看看有午麼吃，在門口駐足時，發覺他們的二人前套餐十分抵食。餐廳選擇非常多，主打的都是日式料理，有單點及套餐可選。主要是相中的二人前套餐，不用500元就有多款美食，但部份選項要額外加錢。「龍蝦沙律」是指定的「頭盤」，秘製醬汁微辣惹味醒胃，除了一般沙律菜之外，裡面還有龍蝦，材料新鮮爽口，配搭有層次，雖然是全素，但一點不單調，幾有驚喜的出品。另一款前菜「紅葉四點盛」，一套裡面有炸蝦、芝豆、八爪魚和刺身。炸蝦好有咬口，拌醬汁令人越食越開胃；其他食材味道都唔錯，八爪魚嚼勁十足，芝豆甘甘甜甜，刺身非常新鮮，非常妙絕！主食12選1，雖然部份要補錢，點了「照燒三文魚」及「香辣燒牛肉」，試過之後就知道沒選錯。厚厚的三文魚扒，香煎過後竟然一點都不乾，有魚油香，三文魚以照燒汁略醃過特別香甜美味。香辣燒牛肉香滑，辣味剛剛好，味道不錯，非常美味。另外，每一個套餐都配有米飯和麵豉湯，他們用的米是日本產米，米飯粒粒分明，吃得出用心。對於喜歡吃好米飯的人來說，這一點加分不少。甜品6選一，選擇非常多，補錢點了「抹茶提拉米蘇」及「限定雪糕」。抹茶控當然不會錯過這款抹

🍣同班食友到荔枝角D2呢間「紅葉茶屋」，推開門即刻穿越去日本！ 🥗旬之野菜呢碟季節野菜沙律係味覺過山車！冰鎮紫甘藍脆到似食緊薯片，「咔嚓」聲未停，成碟嘢由凍食到暖、脆食到綿，玩盡溫度同質感！ 🧀芝士雞肉蕃茄忌廉烏冬烏冬邪惡到要雙手合十先敢開動！湯底係牛奶撞番茄，濃稠度啱啱掛得住麵條。雞髀肉拆絲慢煮，纖維吸盡忌廉香，主角烏冬不得了，用咗四國小麥粉每日鮮製，煙韌到要用臼齒慢慢磨，麵芯仲keep住小麥香，每啖都係奶香暴擊！脆口撞creamy，罪惡感滿分！ 🍚豪華海鮮丼茶漬飯面頭有五顏六色嘅刺身物 食落去都幾鮮甜同埋足料😙 呢個價錢食到茶漬飯CP值係絕對唔錯 不過建議大家盡快食 避免啲飯浸得太爛影響口感🙈

前排成日都會經過呢間紅葉茶屋，我都好奇佢哋嘅日本菜好唔好食，然後就抓到一次機會可以帶frd嚟一齊食lunch set menu睇咗menu上嘅食物種類，感覺上都唔錯，賣相吸引，一時之間都唔知道要食乜嘢。最後決定要牛肉壽喜燒，然後frd要咗牛肉烏冬牛肉壽喜燒成鍋畀嘅料好足，牛肉鮮嫩順滑，煮得幾入味牛肉烏冬ge湯汁裏面加咗壽喜醬汁，所以烏冬吸收咗牛肉+壽喜醬汁嘅精華，每一啖都鮮香海鮮炸物拼盤有大蝦同蠔，外皮脆，裏面鮮美嫩滑，幾開胃喺呢度度過咗一個愉快嘅lunch time，下次仲會再嚟ya

嗰晚我同女朋友去咗一間正宗嘅日式餐廳，入到去嘅環境好舒適，服務員嘅態度熱情，真係令人回味無窮。我哋揀咗兩款和牛料理——和牛壽喜燒定食同和牛茶漬飯。和牛壽喜燒定食一上枱，嗰鍋滾燙嘅壽喜燒醬汁已經香到不得了，味道鹹甜適中，帶點醬油焦香。店家揀用嘅和牛油花分佈均勻，同壽喜燒醬汁混埋一齊醬，牛脂慢慢滲出，令香氣即刻升華。和牛肉質極之細膩，輕輕一嚼，油脂就喺口中化開，仲帶住濃郁牛味，完全唔覺得膩。配埋其他蔬菜一齊食，口感更加圓潤，仲多一層嫩滑感，每一口都係極致享受。和牛茶漬飯帶來另一種風味。餐廳用咗炙燒和牛薄片，輕輕燒至表面微微焦香，內裡依然保持粉嫩。牛肉鋪喺熱騰騰嘅白飯上，輕輕一攪，牛脂慢慢滲入飯粒，每一粒飯都包住牛肉嘅鮮甜。之後，將熱茶湯慢慢淋上去，茶香混和住牛肉香，清新又溫暖。入口時，牛肉仍然柔軟，飯粒吸滿茶湯，帶點鮮甜回甘，每啖都充滿層次感。最後加埋紫菜、芥末同葱花，每一口都有唔同變化，令人一試難忘。

尋晚同姐妹一齊去咗紅葉茶屋幫佢慶祝生日，地方喺荔枝角，餐廳嘅環境簡單又舒服，氣氛幾輕鬆～真係好適合細細聲傾吓計或者同人慶生。我哋點咗幾樣嘢食，首先就係一碗豐富嘅海鮮丼，滿滿新鮮嘅刺身，加埋香滑嘅茶漬飯，味道清新，啲海鮮好鮮甜，食落好滿足～之後就嚟咗芝士雞肉烏冬，烏冬好彈牙，湯底有濃郁嘅芝士味，配埋嫩滑嘅雞肉同微酸嘅番茄，好有層次感，食起嚟真係暖胃又舒服，呢碗烏冬真係啱晒芝士控！最後嚟咗兩杯熱飲：熱咖啡☕️同熱抹茶🍵。咖啡香濃但唔會太苦，好適合喺飯後飲一杯清清口。至於熱抹茶就更加出色，茶香濃郁之餘唔會太甜，飲完之後口感好清爽✨紅葉茶屋嘅菜式簡單但有水準，份量適中，適合一家人或者同朋友一齊嚟聚餐，真係值得推薦～😋💕

週末難得有時間，我決定帶阿媽去食餐唔錯既午餐。我地揀咗阿媽鍾意既日式餐廳，依到環境清新簡約。都有好多套餐選擇，性價比高‼️我叫咗濃厚豚骨拉麵，湯底係黑麻油，慢慢飲仲可以感受到骨湯既濃郁味道。拉麵煮得啱啱好，叉燒好香，唔會太乾，入面既溏心蛋好入味，非常好食。阿媽叫咗柚子蜆肉烏冬，呢個烏冬面既湯底仲有柚子味，配埋蜆肉，非常開胃。烏冬面口感非常好，食完仲想再食。最後我地叫嘅配菜係番茄胡麻沙律，新鮮既蔬菜番茄加上好香既胡麻醬，超好食。我仲叫咗甜品，係我最鍾意既抹茶提拉米蘇，抹茶味好濃好香，抹茶提拉米蘇入口即化，超好食‼️阿媽就叫咗抹茶白玉，軟糯既白玉同微甜既抹茶醬搭配，食落唔會膩。呢間日本餐廳唔單止食物好食，環境亦都好好，非常適合一家大細黎光顧。

因為阿媽同朋友出國旅行咗，淨係留低我同阿爸喺屋企，我哋晚餐就要自己處理啦，因為阿媽去咗日本，我哋都決定搵間日本餐廳食晚餐，就揀咗呢間紅葉茶屋，啱啱又有雙人套餐，啱啱好夠我哋父子食飽。佢哋一個set menu包咗前菜到甜品飲品，睇落真係好抵食。飲品我要咗奇異果雜莓茶，睇起嚟好特別，飲落去又好開胃，又唔會太酸，甜度非常啱。然後阿爸要咗百香果茶，飲落去非常清新爽口。前菜上嚟阿爸就驚艷到，有龍蝦沙律同一啲高級小食，睇到我都流曬口水，食落去同賣相一樣都非常好食，主要就係新鮮，就拿沙律嚟講，裏面嘅蔬菜非常清爽，然後龍蝦嘅鮮味好濃，加上小食裏嘅刺身，一啲魚腥味都冇，可知係幾新鮮。阿爸要咗牛肉壽喜燒，落料好足，湯汁都充滿咗食材嘅精華，香甜濃郁，牛肉煮得都好爛，阿爸唔會咬唔動，配米飯好好食。我自己叫咗味噌拉麵，裏面有叉燒蔬菜。我特別鍾意佢哋嘅味噌湯汁，拉麵滿滿吸收咗湯汁，每一啖都好入味，一啖湯一啖麵好正。甜品阿爸食嘅係抹茶白玉，本來擔心佢會食唔慣，但最後佢幾鍾意嘅，佢話就感覺似食緊香茶味嘅湯圓，我自己就叫咗限定口味嘅軟雪糕，非常好食解膩。

之前同事同我提到咗呢間公司單位附近嘅日本餐廳，紅葉茶屋，佢試過之後覺得呢間日本菜好正，就約咗我一個下晝嚟食午餐，而且聽佢講呢度有lunch set。我好鍾意呢度嘅環境，覺得好乾淨，又富有日本風格嘅裝飾，用餐好舒服。我哋各自叫咗唔同嘅烏冬面。我呢個係蜆肉烏冬，入面加咗香蔥同柚子，湯底有好獨特嘅風味，飲起嚟好鮮美，配上有彈性嘅麵條好入味，蜆肉亦都好鮮美。然後同事要咗牛肉烏冬，入面加咗壽喜醬，風味十足，而且一啲都唔會膩，牛肉韌性啱啱好，佢話好好食。呢度仲有炸一口芝士，芝士味道好香濃，然後外皮好酥脆，係唔錯嘅小食。呢度嘅果茶都唔輸啲連鎖茶飲店，冰鎮百香果茶真係好香，百香果本身嘅香同酸，都非常搭茶香，同事要嘅芒果百香果茶真係冇得頂，芒果嘅甜將酸度降低，更加爽口。

我同男朋友嚟體驗二人套餐，套餐分量好足，食到我哋超滿足😌紅葉四點盛呢份前菜擺盤好精緻😍集合咗炸蝦、枝豆、八爪魚、刺身等等，完美展現咗日式料理嘅精髓❤️炸蝦外酥裡嫩、枝豆入口柔和順口、八爪魚口感Q彈有嚼勁、刺身鮮美細嫩，配搭埋少少醬油風味更加佳👍🏼.主食我哋揀咗「香辣燒牛肉」同「豚肉生薑燒」，牛肉切片厚薄適中，經過高溫炙燒後可以好好咁鎖住肉汁，食落去非常滑嫩，微辣嘅風味同牛肉嘅油脂互相平衡，令整體口感同味道更加豐富，令人食慾大增！🤤🤤豚肉生薑燒都好好味，豬肉一點都唔腥，配搭埋生薑醬汁嘅辛辣，唔會過於刺激，反而好好咁提升豬肉嘅鮮美🤩呢兩樣真係要配搭白飯一齊食，根本就係白飯殺手😋.甜品方面我哋揀咗「期間限定軟雪糕」，雪糕口感細緻柔滑，絲絨般嘅輕盈質感真係好清爽！甜度適中，而且帶住非常濃郁嘅牛奶香氣，令人一啖接一啖，回味無窮🤤.飲品可以揀加錢，我哋揀咗「冰奇異果」同「雜莓茶」冰奇異果入口清涼，奇異果微酸同淡淡嘅蜜甜喺嘴裡綻放，果香濃郁但唔膩☺️雜莓茶都幾清爽，淡淡嘅花果香氣，飲落去茶底醇厚順口😇

最近同死黨去D2呢間「紅葉茶屋」試佢個期間限定二人set真係有驚喜！前菜個龍蝦沙律一上枱就知落重本，龍蝦肉撕到幼絲但仲彈牙，沙律醬溝咗柚子醋同山葵籽，辣辣地帶出鮮味，最正係底層墊住冰鎮青瓜絲，好醒胃！紅葉四點盛擺到成幅畫咁靚，炸蝦蝦脆漿薄，咬落「咔嚓」聲仲見到蝦肉透粉紅，個炸衣脆得嚟完全唔油。芝豆綿滑中帶豆香，八爪魚醃到入味，爽口到似食緊蒟蒻。刺身厚切，魚香係會黐住個口腔慢慢散，正到想encore！主食個北海道味噌叉燒野菜拉麵有驚喜！湯底飲落先甜後鹹，非常鮮美。叉燒肥瘦三七分，慢煮到入口即化，程度啱啱好。野菜吸盡味噌精華，煮到透明仲keep到爽脆，夠晒過癮!吉列豬扒&廣島蠔set係邪惡之選！豬扒拍打到鬆軟唔黐牙，麵包糠炸到金黃色，咬落「咔啦」聲之後係爆汁嫩肉。廣島蠔大，炸到外脆內流心，一啖咬落去蠔汁爆出，鮮甜到滿滿精華！甜品環節個期間限定軟雪糕不得了！一點都不會太甜。黑蜜抹茶蕨餅煙韌度滿分，黃豆粉落得夠豪氣，黑蜜甜度啱啱好唔會漏，食完成個set大滿足！絕對係同friend食好西嘅首選！

遠房親戚介紹我荔枝角呢度有非常唔錯嘅日本菜，叫紅葉茶屋，就抱住試嚇嘅心態帶咗女朋友嚟呢度用餐，結果意想不到嘅非常好食。我哋訂咗兩個位，女朋友滿懷期待嘅想要試嚇佢哋嘅特色菜，我覺得呢間餐廳嘅地點都係真心唔錯，好有氛圍。我哋先嚟一款蕃茄胡麻沙律嚟試下，真係唔使講，非常之好食，佢哋特調嘅醬料好特別，淡淡有一股香氣，然後蔬菜番茄都係非常新鮮，仲好脆口，而且食咗好開胃，感覺可以食得更加多女朋友食嘅係佢哋嘅特色茶漬飯，上面佐料有火灸刺身三文魚，經過火燒後嘅三文魚鮮味更加突出，然後肉質更加綿密，口味都比較鮮香，再配上茶漬飯，茶香四射，食咗一啖仲想再嚟一啖。我自己叫嘅係豬扒滑蛋丼，豬扒炸得好酥脆，外皮嘅喀拉喀拉聲音，令人流口水，然後滑蛋嘅口感都係好正，搭配日本米飯，味道同口感都非常絲滑，好好食。 呢度嘅菜品真係都好好食，下次仲要帶女朋友嚟試多啲菜色。

今年嘅週年紀念，我哋都好鍾意食日本餐，所以特意揀咗間以日式拉麵同烏冬聞名嘅餐廳。朋友仲好努力咁推薦畀我哋。我嘅主食點咗溫泉蛋卡邦尼烏冬，烏冬麵條煮得啱啱好，淋上奶香濃郁嘅醬汁，好好食。我將溫泉蛋嘅蛋黃輕輕拌開，拌埋面一齊食，味道更加香。我男朋友就點咗北海道味噌拉麵，味增湯底散發出濃郁香氣，配上厚切叉燒、半熟蛋同玉米粒，簡直一流。我哋嘅配菜係龍蝦沙律。龍蝦肉好新鮮，肉質結實，配埋特調嘅醬汁，味道一級棒。我哋仲點咗四點拼盤，拼盤入面每道小食都有獨特風味。包括外殼酥脆嘅炸蝦、新鮮嘅八爪魚、芝豆香氣濃郁，入口即化嘅新鮮刺身。甜品方面，我就揀咗抹茶提拉米蘇，男朋友就點咗牛奶雪糕，雪糕嘅奶香非常濃郁，甜而不膩。我哋都好鍾意呢間餐廳，下次仲想再嚟試吓其他菜式。

最近天氣真係好凍，想喺附近搵碗熱麵食啱啱男朋友喺附近，就約咗佢一齊去睇住唔錯嘅 「紅葉茶屋」食烏東麵。我地兩個都叫咗烏東麵，我食嘅係芝士烏東麵肉質鮮甜，仲有淡淡嘅芝士香氣，真係令人難以抗拒，而且冬天食碗熱辣辣又滑溜嘅烏東麵，真係好暖胃。男友就叫咗明太子忌廉口味嘅麵，第一啖就食到濃郁嘅奶香味，但明太子比較清淡，唔會過鹹，所以整體味道啱啱好。睇住男朋友食到津津有味，我都忍唔住多試幾啖。日式料理最出名嘅就係刺身，當然要叫一盤試下。刺身處理得非常乾淨，細膩滑溜，原汁原味，鮮味十足，食起嚟真係爽！仲有令我眼前一亮嘅清酒蜆肉都好香。每個蜆肉都好肥美厚實，仲吸收咗酒香，令成個蜆肉都充滿鮮味，一啖落去，簡直係人間美味。呢間意外發現嘅日式餐廳真係唔錯，可以多啲嚟捧場。

家姐話好耐冇食和牛，就所以帶佢去朋友推介嘅紅葉茶屋食晚餐，滿足下佢個胃。餐廳環境雅緻，坐得舒服，食物選擇幾有特色燒魚一夜干定食好新鮮，魚肉除咗燒得香軟，仲凸顯咗花魚獨特嘅風味，配上一碗白飯，好滿足。仲有家姐心心念念嘅牛肉壽喜鍋，湯底香濃，牛肉亦都吸收咗湯底嘅精華，一啖落肚，鮮嫩鮮嫩的，家姐表示滿意。小食炸南瓜餅都好清甜，外脆內嫩，好有口感。食完壽喜燒，嚟個大大嘅南瓜餅，好飽肚。刺身滑嫩細緻，冇腥味，唔輸熟食，都好唔錯。.飲品就揀咗薄荷紅茶同芒果百香果茶。薄荷紅茶帶有薄荷香氣，飲落幾清爽。而芒果百香果茶就比較酸甜，飲落清新解膩。