桃子Cafe (Closed)

話說今日心血來潮，約左一位舊同事一齊去到旺角呢間桃子cafe到食返個late lunch先開頭舊同事suggest 呢間桃子cafe既時候，我仲以為係平時旺角個d 上樓cafe，本身都無咩期望。點知原來係地舖黎。入到去當然係食蛋包飯啦。我就簡左食咖哩雞肉蛋包飯而我舊同事就簡左食什菇蛋包飯。個set lunch就包左飲品。我簡左熱柚子蜜，都係正常水平。重點既蛋包飯終於黎啦。真係幾好食，價錢又唔貴。有機會都會encore

前幾日返工,想返工前食個午餐先. 行行下發現這間蛋包飯專門店. 見個店內環境算不錯.  餐牌上又有很多不同的蛋包飯. 入到去叫左個鰻魚蛋包飯, 份量適中.  鰻魚同蛋都好滑.我食完覺得唔夠店員幫我加左飯2次飯. 老闆好好人見我唔夠食免費送豬手比我食.食完後感覺都算好食同環境舒適. 

我很喜歡吃水果，而夏天當造的水果之一，一定是momo水蜜桃。吃水蜜桃的高鋒期剛過，但今天我卻來到這間名為momo桃子café的餐廳，莫非為了延續水蜜桃的甜蜜？這是一間日式西餐廳，餐廳的面積不算很大，但感覺並不侷促。坐下來後等待剛下班的友人，除了細心研究他們的餐牌外，也四處瀏覽餐廳的佈置及裝潢，眼前的牆畫立時吸引了我的眼球：一隻卡通桃子拿着餐廳的招牌食物──鰻魚蛋包飯，構圖可愛，亦幫助我決定了第一客下單的食物。朋友趕到後，我們便開始下單，食物很快便端上來，色香味俱全，令人食指大動。和風鰻魚芝士蛋包飯。既然是他們的招牌菜，當然要嚐嚐。淋滿蒲燒醬汁的鰻魚下是塗上茄汁的芝士蛋包飯，這樣的配搭看似奇怪，但放進口裏竟又十分配合，蛋味濃郁，加上芝士，配合甜甜的蒲燒汁，令我們一口一口地吃不停，直至把全部食物送進肚子裏後才滿足地停下來。日式咖哩牛腩配意粉，外加溫泉蛋一隻。除了鰻魚蛋包飯之外，餐廳另一人氣食品一定是咖哩。這客日式咖哩牛腩配意粉的咖哩汁非常惹味，甜中帶着微辣，牛腩軟淋入味，加上流心溫泉蛋，味道完全不輸給剛才那客鰻魚芝士蛋包飯，令人十分滿意！另加上一隻流心蛋，蛋黃超金黃，很香蛋味，配合滑溜的蛋

今天中午我一家五口去食蛋包飯，叫左兩個漢堡扒一個吉列豬扒和一個雞柳意粉。全部都生米，但我見其他年青食客食得津津有味，都唔知點解，我同個事應講啲飯好生米，但佢好似唔明乜野叫生米，佢諗左一陣就答我去睇睇，到最後佢冇覆我或同我換過，都算！因為我肯定唔會再去食，舊漢宝扒只係焗熟就算，煎都唔煎下又點會香呢！啲咖哩汁仲衰過去超市買現成。睇見啲食評又話點用心做又話幾好食，都唔知佢地用甚麼標準為之好。唉！無心機再講，識食之人請諗清楚先去。

dayoff 日子想去食個抵食午餐 見到網上推介呢間小店就決定一試! 大概1點去到等位只係等左5分鐘 雖然餐廳比較細 但佈置都算精緻！ order左一個蛋包叉燒芝士飯 一個咖哩雞蛋包雞 份量適中 咖哩略甜 蛋都好滑只係略嫌有少少淡 而且價錢都係50-70 （午餐） 總括來說性價比都算 值得一試！

與好友在旺角購物後，走進旺角有著豐富美食的通菜街，發掘一下有什麼美食。走過這店前，說是日式蛋包飯專門店，店前的招牌也很可愛，於是選擇這店。牆的一邊，擺放很多小擺設作裝飾，另一邊有著一個很大的桃子牆畫，很是可愛。餐牌的選擇很多，不同的蛋包飯，價格也很相宜，最後我和好友各自選擇一份，可以試兩種不同味道。兩杯飲品同時送上的是飲品，是生薑茶及薄荷青檸梳打。好友要的是生薑茶，說是薑味濃，入口薑味辣，有嗆口之感，是正宗用上生薑。薄荷青檸梳打，雖只是薄荷糖漿，可是份量及濃度配合很好，清新清爽的口感，非常適合炎熱天氣。和風叉燒芝士蛋包飯，一大塊厚厚的蛋，面層是啡色醬汁，下面是炒過的飯，也包含蔬菜及蛋，賣相已經非常吸引。先試一口蛋，芝士入口香濃，隨之而來是更香更濃的蛋味，芝士香及蛋香，兩者非常配合，很有曾次感。叉燒粒肉味香，與芝士、蛋、炒飯一起吃，多重口感，豐富無比。日式咖哩漢堡蛋包飯，漢堡扒軟綿綿，只要用叉稍為用力，已經可以分開，入口肉味濃厚，有著漢堡口感，質感又似是一塊塊的牛肉，就好像在牛肉混入膠水一樣，咬在口中也不會有散開的感覺，果然是用安格斯西冷牛肉的口感及特質。日式咖哩香中帶著點點甜，並不似一

第一次黎到旺角既桃子cafe，裝修唔錯, 坐得幾舒服。Lunch time 時間有唔同set 揀，價錢合理,有飯有意粉,可以自己按口味揀叫左餐湯加沙律，加$18忌廉湯口感唔錯，口感好滑同幾濃郁,仲有雜菇tim，沙律加左芝麻醬，菜同口味夠清新。和風海鮮炒意粉$52和風汁咸左少少，但味道都好好，類似燒汁既味道,加埋海鮮配搭都多，份量足夠,  十分抵食。和風鰻魚芝士蛋包飯$98鰻魚份量夠多，燒汁好香，估唔到芝士加炒蛋的配搭咁夾。加埋凍飲夠消暑

喺旺角行街然後有啲肚餓經過女人街🦋見到一間桃子嘅餐廳🍑 一開始我以為係甜品🍮點知望多兩眼 發現原來係日式蛋包飯入到去叫咗一碟 日式咖喱牛腩蛋包飯🙈佢啲飯一放上枱度 我一見到佢啲雞蛋就即刻心心眼😍 因為佢隻雞蛋望落去好好滑牛腩食落去唔會話好難先咬得開👏🏻完全係有驚喜✌🏻

踏入夏天雨季，一出到旺角行到女人街就落雨，反正都諗住搵嘢食，而咁啱老闆娘係門口好有禮貌咁叫我地入去試下，話佢啲蛋包飯非常yummy，咁就入去試下。入到去我當然即刻叫漢堡扒蛋包飯，因為我鐘意多汁，老闆娘俾咗勁多汁我，超爽。蛋包飯個蛋煮得剛剛好，超正，啲汁唔會太咸，漢堡扒冇煎濃，我覺得好好食。前菜叫咗雞翼，煮得剛剛好，皮脆肉嫩，唔咸，味道剛剛好，好香口另外我叫咗牛腩蛋包飯，牛肉唔會太老，好好食。竟然仲有泰國有汽水，超正！

桃子Cafe ! 收埋左係女人街入面既一間小CAFE，同一般既CAFE最大既分別，我就覺得佢係真係用心經營的，食物絕對唔馬虎，係老闆於酒店餐飲出身既歷練下，所以呢間野既食物質素一定唔差 ! 不妨一試架 ~LUNCH都幾抵食架，價錢合理，選擇又多，都一定會有一款你係會揀得到既 ; 所以當日我地大約下午2點左右，下午茶既時間，都有唔少係附近返工既打工仔黎呢度食LUNCH / TEA架 ~先黎既有飲品，我同友人就分別叫左左邊既 薄荷青檸梳打，同埋加邊既 柚子蜜青檸梳打 ; 呢兩杯都係屬於特飲黎，不過因為我地叫左2個LUNCH SET，所以每杯 +$16 就可以有得飲了 ~ 兩杯幾味道都好唔錯，唔會太甜，梳打亦都岩曬宜家咁熱既天氣飲，飲落都幾舒服上主菜前，先有小食，呢個係蜜糖香草炸雞翼(4隻) $38。都幾抵食，價錢唔算貴，不過味道都幾唔錯，岩曬同朋有share呢個雞翼食落好有口感，都建議趁熱食，因為佢既外層極脆皮，有種黏黏地既口感，蜜糖質感都幾強勁，係比較少見的👍🏿屬於午餐之一，呢個係日式咖哩雞肉配白飯 $46，份量都幾多，賣相都幾吸引當然如果叫埋有蛋包住既果一款，就更加吸引了！不過可惜朋友

又係悶悶地走落旺角搵野食，見有蛋包飯入去試試都多選擇，不話要食蛋包既好似8成都係要襯咖哩。叫左個咖哩牛腩旦包飯，$56有野飲跟。員工服務都好好，廚師見無人睇到我木落單，主動問我食口幫我整左先賣相唔差，重點唔算貴，咖哩偏香辣，唔係太似日式唔辣帶甜，飯一粒粒 我最愛食一粒粒既飯，應該係珍珠米唔錯，牛腩所ok，唔會淋到無咩好咬。到主角——個滑旦，還可以 不過可以再滑d就更好總括係好過我對上一次係d2p 食個間所謂日本黎香港開既好多

店員很有禮貌，食物還可以，但係期望太高就可能會失望。本身好鐘意食蛋包飯，平時其他店食的蛋比較厚同濃，今次食既時候好簿 ，有點失望。另外的叉燒芝士蛋捲，本來無期望，但見到中間有好多芝士，都算是喜出望外。

女人街都真係幾多餐廳有好有劣有平有貴但而家真係愈開愈貴以前好多劣食但人地係賣點平今日黎到呢間叫桃子cafe價錢黎講真係唔算平但只係賣蛋包飯日式叉燒芝士蛋包飯 $70呢個係蛋包飯要$70蚊一個賣相唔算特別特出份量適中啲汁比較多我地搵下啲叉燒先同街市啲叉燒差唔多唔算難食嘅味道ok但唔算話好好味日式咖哩雞肉焗飯$66另外點咗個焗飯因為我好鐘意食焗飯個焗飯其實同其他普通茶記特別不大所以我覺得價錢比較貴嘅唔太抵所以我見食客都比較少唔滿人都冇乜人入黎食嘅我諗價錢問題比較大

約了朋友食飯，平常好多時去連鎖店，今日特地去小店。店員非常親切，細心解釋餐牌食物，又會告訴我他們用湖北蛋和煮法，看得出是用心烹調。一坐下就點了杯柚子青檸水，柚子和青檸份量調得剛好，不會太甜又清爽，適合夏天，走到出汗時喝一杯很爽。聽過店員介紹每日餐湯是親手煮出來，不像坊間的餐湯都是沖出來的，立即點了一碗。蘑菇味很香濃，有牛油味但不會油膩，裡面有一片片蘑菇非常爽甜，問過才知道廚師花多了心思把菇烤焗過，好有heart。卡邦尼意粉份量很多，大食的人都夠食，蛋味很香，沒有被忌廉蓋過，意粉有咬口，煮得剛好。最喜歡鯛魚咖喱蛋包飯，魚肉鮮甜，不腥又滑，幾塊都是厚切，吃到啖啖肉很滿足。雞蛋很滑，是稍為偏橙的顏色，蛋味很香。配菜都很足，不是只有肉，健康。這家小店有驚喜，晚上很多人來吃，希望以後可以愈開愈大喔！

同朋友2個人行開旺角，諗住咁多食肆事但搵間食晚餐應該無難度，原來選擇太多都係一種難度😅最後諗起以前食過哩間mono cafe嘅蛋包飯都唔錯，所以就決定咗哩間啦🎉可能舖面細，所以坐得都有少少迫，但尚可接受，不過要留意返個冷氣出風位，好彩只係吹住我手臂，吹個頭就死梗啦🤧我地叫咗和風海鮮炒意粉、同和風鰻魚芝士蛋包飯，份量好足料甚至係多。個炒意粉味道好好，只係食到最後覚得有少少鹹，個蛋包飯相比起黎味道就無咁濃，我地反而比較鍾意，個蛋雖然唔係流心，不過都好食，食曬真係飽到一個點😂