Monster Sushi (Closed)

一向覺得旺角要食D新鮮好咪既壽司真係唔多選擇，MONSTER SUSHI都算係我仍為尚算新鮮之選。入到去見到個餐牌唔同左既，原來係十週年轉左新餐牌，見佢寫明**日本捕獲的海鮮每日空運抵港**，好似好架勢禁，價錢都比以前升左級，等我試下值唔值先。我最愛既軍艦，紙菜係脆架, 分量亦比之前多左，最最重要既係海膽好新鮮好好味，比之前好食好多好多。 (講真之前食左禁多次，覺得水準越黎越下降)我最愛既軍艦，紙菜係脆架, 分量亦比之前多左，最最重要既係海膽好新鮮好好味，比之前好食好多好多。 (講真之前食左禁多次，覺得水準越黎越下降)最受既工文魚鮫，水準仍然KEEP到，大件啖啖肉，食落既魚油香真係無得頂其實仲有叫左其他野食，實在太肚餓，唔記得影相。總括黎講，成餐都好滿足好好味，食得出係新鮮食材，雖然佢加左價，但絕對值回票價。

去得Monster Sushi食飯，當然要想要高質素嘅日式料理啦。先有北海道帆立貝吞拿魚蓉配香草沙津汁，賣相吸引，味道亦一流，帆立貝晶瑩剔透，全無雪藏味，食得出海鮮嘅鮮味，一啖帆立貝，加上吞拿魚蓉同埋清新嘅沙津汁，啱晒夏天食。而呢個海膽三文魚籽吞拿魚卷物，真係夠晒邪惡，海膽多到幾乎滿瀉，而三文魚籽粒粒都脹卜卜，再有吞拿魚蓉，對於中意食海鮮刺身嘅人，滿足呈度真係爆燈。另一款卷物，芝士魚鬆卷，芝士半溶嘅狀態，惹味嘅魚鬆，建議一啖一件，保證令大家滿足非常。而熱食方面亦都無令我地失望，鐵版和牛肉粒，無令到牛肉過熟，反而仲令牛肉香味更濃，而串燒雞翼亦不失水準，皮嫩而肉汁多!

放假前之狂食日本野，好耐無黎原來都幾多人，以前通常都係尖沙咀食，去左旺角之後都係第一次去呢間度開餐。望一望枱面有枝掃既，當然唔係俾你寫字喇，而家用自家醬油掃上壽司面，代替左平時既豉油以免變左壽司飯既味。全都都係日本直送吞拿魚，整成大拖羅($52)中拖羅($39)赤身壽司($35)同和風醬油湯箱赤身壽司($38)，直送真係好新鮮，大拖羅油脂真係幾多，入面已經放入左芥末，自己掃上自家製醬油會更鮮味。厚岸產帆立貝吞拿魚他他($68)，一黎到就見到勁厚既吞拿魚他他，面頭有梅酒柚子啫喱，再夾上牛油果同香草蕃茄汁，成個感覺好清新。香草洋風鮭魚刺身($58)，鮭魚配上酸酸地既醬汁好開胃架。食左好多壽司之後一定要試好大盤刺身，自組刺身盛合(六款 ) ($258)，可以揀三款六款同九款，想食幾多任你拼，厚岸產帆立貝幾厚身食落真係好鮮，另外油甘魚同三文魚都夠肥脂香味重。火炙柚子胡椒鮭腩刺身($58)三文魚腩燒到勁腍，加左柚子胡椒醬，帶少少辣味令到油膩感較輕。Monster Sushi($35)勁大既帆立貝再配上海膽，鵝肝，吞拿魚，挑戰你個口有幾大，要一啖吞哂感受到個層次，鵝肝味道幾濃。火炙芝士皇帝蟹棒($

最近朗豪坊搞換戲飛活動，今晚一於食Monster Sushi 順便換戲飛！一如既往，店面光鮮亮麗，服務亦殷勤周到。可惜店家安排給我的位置較偏僻，冷氣唔夠，有點侷促。墊枱紙介紹左新推出嘅「築地新鮮直送 本吞拿魚」系列，太吸引了，立刻點了一份。👉🏿大拖羅壽司$52👉🏿中拖羅壽司$39👉🏿赤身壽司$35👉🏿和風醬油湯箱赤身壽司$38👉🏿法國芥末籽赤身壽司$38👉🏿京阪風胡麻醬赤身壽司$38拖羅真係不得了，油脂分佈平均，新鮮肥美，雖然有少少筋，但依然入口即融！價格不算親民，但每日新鮮從築地空運來港，其實係物有所值。另點了油甘魚腩壽司$16/件肉質爽滑，油香四溢～帆立貝壽司$19/件葱碎拖羅爆蛋$35/件非常特別嘅一款壽司，中間夾着會流心的鵪鶉蛋，連肉香葱與拖羅一同放入口真係享受。左口魚鰭肉壽司$15/件Monster 壽司$35/件店內的signature，光是賣相已先聲奪人！有帶子、海膽、三文魚籽、吞拿魚碎等材料，配搭得宜，層次豐富，必點！海膽沢山盛$65/2件廚師出手也太闊綽了吧，從未食過份量咁多嘅軍艦壽司，海膽嘅鮮味係口腔併發，好滿足！鰻魚玉子燒$32玉子非常厚身，中間夾咗燒汁鰻魚，又甜

以前都食過好幾次Monster，中級價位來說算唔錯。不過有段時間冇幫襯啦，今日又來食晚飯，原來已經換左餐牌，明顯以吞拿魚為主打，所以都叫了中拖羅和赤身來試試看，非常鮮嫩肥美，又未去到大拖羅如此油膩，絕對值得再食過！燒過的三文魚腩加上辣辣地的柚子胡椒，加埋沙律菜一齊吃，好似食緊一道開胃的沙律，味道非常清新。日式年糕加埋芝士同煙肉，比較fusion的一道菜，味道幾好，不過油左少少。之不過為了肥美的吞拿魚，應該又會好快過來食飯。

位於朗豪坊12樓的monster sushi食材每天由日本空運直送抵港 再配合傳統手藝製作江戶前壽司 食客還可以用傳統食用方法 食出真風味全新推出的餐牌monster sushi 帆立貝壽司 油甘魚腩壽司這款就是鼎鼎大名的monster sushi 有帆立貝 鵝肝醬 海膽 吞拿魚 魚子醬 食材矜貴 味道有層次 賣相吸引海膽軍艦 左口魚壽司 三文魚腩壽司比目魚壽司 值得稱讚 有喜出望外嘅感覺 魚肉結實 有咬口 慢慢會滲出魚油嘅香味 停留在口腔的味道一陣子也不散海膽軍艦 有兩款唔同海膽組合而成 海膽份量多 快要爆瀉的感覺 好好味蔥碎拖羅爆蛋個名真係冇改錯 完全地有驚喜 吞拿魚蓉配合鵪鶉蛋 入口軟滑 一咬開即刻爆漿極上拖羅 中拖羅 是吞拿魚中的極品 入口即溶高質素 食材新鮮 服務態度好 環境舒適 這就是我給monster sushi的評價

呢間日本餐廳 可以話係我的最愛 一食再食 試完再試 原因好簡單 食材新鮮 質素高今日行過見到換咗新餐牌 又忍唔住入咗去食 今期主打係 築地直送 吞拿魚就跟餐紙上的每樣來一客🍣🐟築地新鮮直送 本吞拿魚🐟🍣大拖羅壽司$52中拖羅壽司$39赤身壽司$35和風醬油湯箱赤身壽司$38法國芥末籽赤身壽司$38京阪風胡麻醬赤身壽司$38魚生色澤亮麗 眼見已經好新鮮 大拖羅壽司油分重 魚油味十足 有種入口即溶嘅感覺中拖羅 肉質油脂分佈均勻 齒頰留香其他幾款配合唔同嘅醬汁 別有一番風味當造時令食材 空運抵港 依然可以保持最佳鮮味

今晚同港女女朋友慶祝生日，佢指明要試Monster sushi，唯有就下佢。 坐到落去見到佢地個menu轉咗，主打吞拿魚set，仲要係築地直送既。咁就整個鮪魚極味丼一齊食。個碗一上黎，的確夠曬份量，吞拿魚都放得幾足料，有分大小拖羅、赤身同魚蓉。我就即刻試下最鐘意食既拖羅，同一般出面比較係多咗份質感同味道。魚味同油脂味夠重。但建議可以揀再肥少少既魚腩，更加突出其鮮美度。赤身唔錯，配合魚蓉再加少少飯，齒頰留香!試完吞拿魚丼，接著當然要叫一人一個呢到既signature “Monster sushi"!一上枱，貴氣就出曬黎。先試頂頭既魚子醬，味道濃郁!再黎就係少少海膽加生鵝肝醬，又咸又鮮。之後就成個放入口，慢慢細嚼。魚子醬、海膽、鵝肝、魚蓉同大大隻帆立貝一齊融合，使到壽司變身立體化。我地每次都會以呢碟壽司作為呢一餐既結束。幾十蚊就可以試曬名貴食料，掂曬。希望下次再黎試過!

今日難得早放，又好想食壽司，二話不說就壽左monster sushi 到食啦....見到佢地轉左有新既餐單，就點左個六種吞拿魚壽司黎試下：大拖羅壽司- 十分新鮮，大拖羅魚生好厚身，好有光澤，味道香甜味甘，魚油味好濃郁....中拖羅壽司- 色澤粉嫩，味道十分香甜，加埋醬油味道好夾....和風醬油湯箱赤身壽司- 由於有醬油既關係色澤比較暗沉，但係佢仲保持到魚生既光滑亮澤，味道都唔錯，醬油既鹹鮮味令到吞拿魚既味道昇華左，而且一啲腥味都冇....赤身壽司-食落味道一啲都唔腥而且好鮮甜，再加埋胡麻醬/法國芥末醬，令到吞拿魚有唔同既層次，連我本身都唔鐘意食吞拿魚都漸漸愛上左佢既味道.....佢呢到有個貼心既點醬油方法，就係每個人都會有一個掃，點落醬油到再掃落魚生/壽司，避免因爲整件壽司點落醬油令到啲飯太鹹，食唔到魚生既味道....真係既傳統又有創意！之後我地就點左幾款野食：Monster sushi -呢個真係必點....壽司飯上面鋪上帆立貝、鵝肝醬、吞拿魚茸、海膽同埋魚子醬...每樣食材新鮮鮮美之餘，整件食落去味道十豐富而且唔會搶左其他既味道，帆立貝清甜肥厚，鵝肝醬既濃郁，吞拿魚茸既肥美鮮甜再加

2138入座2144落單叫左刺身 壽司 軍艦 沙律壽司刺身不過不失然後一路等一路等一路等一路等一路等一路等一路等一路等一路等一路等一路等一路等一路等一路等一路等一路等一路等一路等一路等一路等2210問職員大約要等幾耐2215職員拎張單黎話師傅整緊等多陣5分鐘後軍艦到2225左右問沙律幾時到，如果無既話想cancel & 賣單2230 職員話師傅整緊要5分鐘，問我地等唔等，我地話賣單然後中間問過幾次到2240先見到張單

小資女升職加薪了! 第一時間梗係去食好西，日本菜絕對係首選，友人想試吓Monster Sushi，話餐廳10週年，好似換左新餐牌，多左d選擇，於是決定請一班FD子去食晚飯。去到發現原來宜家餐廳多左個直送海鮮區域，每日都有不同的海鮮，我地就揀左北海道的海膽，自己包紫菜同飯一齊食，超鮮甜又香，個陣鮮味在個口徘徊不散，好滿足。除左海膽，仲叫左吞拿魚，侍應話每日係築地運過來，所以一次過試晒大、中拖羅同赤身，的確很新鮮，油香四溢，仲要厚切，非常慷慨。食過返尋味，叫多件吞拿魚腩蓉寿司食，唔好以為佢好普通，佢叫「爆蛋」，原來入面包住左隻鵪鶉蛋呀！咬開寿司，蛋黃汁緩緩流出，令整個質感更滑溜，好味到連嘴尖尖嘅朋友S都話好食。仲叫左天婦羅，炸漿OK，唔會油淋淋，隻蝦都幾大隻，肉質彈牙；不過我本身最鍾意食冬菇，所以覺得舊冬菇天婦羅最好味，勁Juicy呢。今餐很完美，食完要繼續努力打拼，希望不久將來有得再升職加人工，哈哈！

行開旺角想食壽司同埋日本野但係又唔想食放題諗起朗豪坊有呢間食就同朋友來排隊食等左幾張枱大概15分鐘就有得入去坐啦裝修簡潔時尚充滿和風味道而且嘢食都幾多款式揀壽司種類好多仲有啲好特別嘅款式叫咗啲刺身都幾新鮮帶子刺身最令我有深刻印象除咗擺碟精美之外食落先甜帶子邊一啲都唔硬令人一食難忘而且都算幾抵食兩個人都係大概食咗$300而咁高質素嘅日本野算唔錯

今晚突然間想食壽司， 係mk 諗住搵間食， 咁啱就選中呢間，點知。。。 完全令我好失望， 好浪費金錢， 勁難食。 我食完呢次之後一定唔會再食， 連佢送比我的$100現金劵都無要， 價錢已經唔係平架啦， 但就連3蚊件的壽司都不如， 下次有人請我我都唔去呀！！！

難得今朝早同朋友一齊出到旺角, 黎到朗豪坊呢個商場, 見到好耐冇食過嘅Monster sushi, 又唔使排隊, 所以就入咗嚟啦雖然唔使排隊不過入邊已經滿座, 好在早度咋之後都要攞飛排隊黎到Monster sushi梗係食壽司啦晏晝時間食壽司好似真係第一次, 除咗叫咗壽司之外仲叫咗一個冷烏冬芝麻醬蟹肉撈烏冬整體味道都OK架! 而且芝麻醬嘅份量都頗多, 每條烏冬都可以被芝麻醬包住, 而且呢度嘅烏冬唔係平價烏冬呢個帶子壽司, 帶子份量超大件, 一啖食落去口包滿晒成個口腔, 富有滿足感🤤呢度嘅筋子壽司唔知係咪太新鮮嘅關係, 食落好咸呀😂😂😂 海膽壽司冇怪味, 識落都幾新鮮架唔錯唔錯超級多料既壽司拖羅容, 海膽同三文魚子放滿成個壽司面, 富有口感, 成個味蕾都比上面嘅食材包圍住, 正!

記得以前每星期都會食一次Monster，仲要係九點半之後入座。點解？因為每一次食完都會送coupon，coupon要九點半後先可以用。一排冇黎，裝修唔同咗，比以前更光猛，但卻少一份氣氛。Monster最好食嘅係火炙美乃滋蟹棒壽司，鮮味的蟹棒，配上燒溶的美乃滋醬，油同肉既比例恰到好處，整件壽司油而不膩！但係除咗蟹棒壽司之外，其他食物既水準都明顯下降，呢點確實令我呢個忠實小粉絲有d失望😣另外仲食咗清酒煮蜆，個鐵窩勁熱，好保溫，超好味，不過要小心辣手👍🏻