芋見好圓

Open Now

Now Closed

同frd行街路過見到有台式甜品，都一定會入去試下，今次就試下呢間～香港夏天真係太熱，所以直接同frd叫左個仙草愛玉黑糖刨冰解暑味道唔錯，清涼解暑，份量都好夠我地2個人食下次如果黎開屯門會再幫襯！

今日見到剛剛開張啲《芋見好圓》，行入去試吓新嘢，我點咗豆腐花2 號，錫蘭奶湯底，芋圓同地瓜圓覺得很Q彈..豆腐花很滑..好好味！😋😋😋仲有點咗醬爆吞拿魚雙式蛋蔥蛋餅外脆內Juicy..仲好多料，tuna 魚爆曬😃😃😃很久沒有吃過，這麼有風味的台灣食品，又靚樣又真係好味，所以今天是很滿足的一天🤓🤓

🟠🟣巨無霸芋圓2號(熱紅豆湯+芋頭+波霸) *3倍大芋圓($48/碗)芋圓軟糯，🟠有蕃薯味，🟣 芋味較淡，大小比一般芋圓大3倍，更大粒更有口感🤩，可惜只有兩粒，性價比低，芋頭，波霸和紅豆湯中規中矩，沒有太大驚喜。🟡布丁西米露杯杯($38/杯)杯杯粉量不少，面層有芒果和牛奶味奶凍（質地介乎cream和奶凍之間），🥛牛奶味重，中層有西米露，底層有布丁，可能沒有加其他奶/汁，口感比較單一，三層拼在一起的味道不是太夾，整體一般。

琴日去屯門，經過見到呢間台灣甜品店，又有蛋餅，下午茶時候有啲肚餓就入去。🤤🤤🤤叫左一個蛋餅一個仙草，唔知係咪有兩三年冇去台灣嘅關係，好有旅行時候食的當地味道。仙草亦都係用台灣仙草，而唔似香港有啲店用涼粉。🤤🤤🤤蛋餅是qq派，而非酥酥派（台灣的蛋餅分兩大派別，我本人是比較喜歡吃qq的），是早餐店美而美的味道。🤤🤤🤤雖然貴少少，但都值得，飛唔到台灣都吃道台灣味。🤤🤤🤤👍🏼👍🏼

上兩個月見佢圍晒板話開「芋見好圓」，芋圓控的我真係滿心期待，咁啱今日路經此店立即買碗來試下。「芋見好圓」隔離店係老虎堂，見佢D員工兩邊舖走，咁即係姊妹店啦!我買咗個外賣仙草3號（芋圓芋頭紅豆）黑糖刨冰底來試試。我見果個著住老虎堂Tee 的員工係度整個刨冰，佢冇戴手套， 隻手掂晒D 刨冰佢寫到明係黑糖刨冰底，但我見佢只係用d 普通冰黎刨， 唔見有黑糖我返屋企要15 分鐘路程， 返到屋企打開個蓋， 發覺唔太似我叫的仙草3號， 完全搵唔到芋頭的踪影， 亦唔覺呢個刨冰有黑糖成份。刨冰上面d 料我覺得味道ok, 但果舊刨冰硬到成舊石頭咁，我食完晒其他配料，舊刨冰都未溶化。 今日酷熱天氣警告生效， 我係條街行咗咁耐先返到屋企，佢都可以唔溶，真係犀利。$45真心覺得唔值，我唔會返兜，我都係去鮮x仙排隊好過。

早幾日係屯門做完野，緊係去商場行下啦 ，再留係户外我一定會熔🫠行行下見到個新開既台式甜品店，咪望下個Menu囉，點知竟然有我想搵好耐既刨冰🍧諗到冇諗即刻入去試下🤭揀左個黑糖自選四種料刨冰，裡面有仙草、芋頭、紅豆、重有勁Q彈既芋圓，特別要提個黑糖唔會太甜 啱啱好👍🏼店員又有推介''牛油果雙重芝士菇菇拉絲蔥蛋餅'' 又未食野咪試埋囉點知 有驚喜🤩 隻芝士唔會太膩 但都好重芝士味 重要有得拉絲 加上個蛋餅都好有蛋味😋果然冇介紹錯呀👍🏼依排都係屯門做野 Lunch都有口福啦🙆🏻‍♂️

地瓜芋圓+仙草+粉條芋圓Q彈、口味地道！真的值得一再品嚐的好味道！！炎炎夏季、真想大啖芋圓甜品，解暑一下。在朋友推薦下，開始與「芋見好圓」展開美食嚐鮮之旅。果然，食品品項猶如其名，真的「遇」見了好吃的芋「圓」。😋😋芋圓口感Q彈、有嚼勁，搭配珍珠粉圓、粉條的食材，口感絕配完美呈現來自家鄉台灣的芋圓風味！吃在嘴裡、甜在心裡一解鄉愁的好味道大家一起來品嚐和我一樣，喜歡手工芋圓口感的朋友們，一定不能錯過「芋見好圓」保證你和我一樣！吃了還想再吃

咁岩行過見到一間新開小食店，見裝修好靚同乾淨就入去坐低試下啦，果然一試難忘Order左一個刨冰同蛋餅芋圓，地瓜圓，芋頭，紅豆，波霸黑糖刨冰🍧爆漿鮪魚雙式蛋蔥蛋餅🌮店員服務態度好好同有禮貌食物都係非常足料和新鮮刨冰的配料都煙韌彈牙好好食蛋餅一咬落去非常juicy和惹味值得一提全部食物都有獨立木盤裝住好適合我地呢d需要儀式感既客人😂個人認為無論食完飯去食飯後甜品或者未食飯去食正餐都可以期待下次試埋個炒公仔麵

今日同同事經過新開張的甜品店，試吓呢間屯門嘅台灣芋圓同地瓜圓，朋友點咗芋圓4 號，有仙草+ 珍珠+粉粿）配了一個黑糖仙奶的湯底，我自己嘅就不記得點咗邊款，不過記得配咗錫蘭奶茶的湯底，好多好實在啲料，其實我覺得真係可以兩個人一齊分享一碗，好抵食

同朋友晚飯完好似未夠喉☺️經過見到新開甜品店，主打台式甜品～鍾意芋圓地瓜圓既朋友話不如試吓😂我點咗個古早綜合刨冰。朋友點咗巨無霸芋圓4號加一份芋圓同地瓜圓～睇過食評其他人話份量少，但在我個人黎講份量好足🤔唔知道原本就係咁定係佢地改善咗～刨冰唔會過甜～黑糖波霸好入味，咬落裡面都好香黑糖味。朋友點既巨無霸芋圓真係第一次見咁大粒😮～見到咁大粒心急試吓，掛住食～朋友碗巨無霸忘記影相添😜另外加既芋圓睇到有芋頭肉既，拎咗兩粒食～地瓜圓都好重地瓜味真材實料～煙煙韌韌好好食😋完全唔似某啲店既用粉加色素搓出黎好假～整體黎講～係好食既～整體黎講～係好食既～

10年都唔黎一次屯門,食飽飯諗住行下hea下,點知見到間新開既台式芋圓店,就入去試下啦,叫左一個巨無霸芋圓2號 同埋店員介紹既招牌玉米爆漿流心蔥蛋餅🥰先講吓個巨無霸芋圓 有幾粒特大芋圓 一咬落去十分Q彈 🙆🏻‍♂️又唔會太甜 呢個值得一試！至於個🥚蛋餅 個店員真係冇介紹錯 個玉米超級甜 香蔥又夠哂香 蛋餅又唔會煎得太老 一個字好正!🙋🏻‍♂️如果唔係食飽飯 我一定試多個味😋雖然屯門我少黎屯門 但係經過今次一定成日過嚟食👍🏼利申 本人住東九龍

我今日同朋友啱經過一間賣蛋餅嘅舖頭，就心血來潮各買咗一份來試吓！買咗牛油果芝士菇菇蛋餅同埋爆漿流心玉米蔥蛋餅，估唔到有驚喜，材料多到滿瀉，尤其我最鍾意係蛋餅夾嘅蛋居然係流心蛋💓，咬落去的口感溼潤爆䊢！忍唔住俾個like👍👍👍

有待改善下味道欠佳淡味，巨無霸芋圓得兩粒其他材料少，一望就數得晒而且份量都唔算好多，唔值呢個價錢($48)新店開張，但啲員工求求期期咁諗住新嘢試一次，真係一次就算！

諗住新開，身為芋圓控嘅我滿心期待去試，諗住買碗外賣返屋企品嘗，點知中晒伏☹️唔會再去幫襯！女店員好似唔想做咁，不是有禮貌果隻，問佢嘢又好似咩都唔知咁，佢負責收銀之餘，依碗嘢仲係佢「畢」賣相：拎到外賣後，見到碗所謂芋圓4號嘅東東完全無意慾食，實在太唔吸引份量：完全唔值$45嘅價錢味道：芋圓無味，仲有幾口硬，無口感 仙草還可以 唔知係咪俾錯咗椰果當珍珠，仲要得幾粒仔 棵條都有幾條，但比較碎 湯底揀咗茉莉桂花綠茶，有桂花味，不太甜，不過不失總括來說，唔會再幫襯，好失望！有三位員工，新開關係，佢地比較混亂，唔清楚自己店舖食品應該有咩材料；女店員俾人感覺唔想做咁，眼見佢地製作，無咩好感。本身諗住推廣話食滿$40打卡會有$30優惠券作下次使用，但原來外賣係無依個推廣，一定唔會再回頭幫襯❗️

今日見到芋見好圓 屯門店有開幕優惠！瑪來佢地主打巨無霸芋圓🍠及台灣三星蔥鐵鍋蛋餅🍳 芋圓湯底有5款可選：黑糖刨冰/黑糖鮮奶/桂花茉莉綠茶/錫蘭奶茶/紅豆湯🍠 巨無霸芋圓3號(紅豆+小湯圓+波霸)我揀咗紅豆湯～ 呢度嘅芋圓三倍咁大粒🤪 雙色大粒芋圓香濃煙韌，小湯圓好煙韌，波霸配料超多耶！口感好豐富🤩 傳統又特別口味總有一款啱你！🍳招牌玉米爆漿流心蔥蛋餅店家選用台灣三星蔥及台灣直送蔥蛋餅～蛋餅製作需時15分鐘～上枱時超級香噴噴🤩表面仲燒汁醬，咬落口感卜卜脆！餡料有大量三星蔥，粟米同蛋，三星蔥仲散發出陣陣香蔥味🤩