摩芽雞蛋仔 (Closed)

Lunchtime 口痕去左叫外賣零食。呢間雞蛋仔想食好耐，今日去試下。有好多唔同既口味夾餅睇左一陣決定叫呢個星星雞蛋仔連珍珠奶茶既就$40拎左返公司食，粒粒雞蛋仔都有一粒蜜糖星星做裝飾，蜜糖星星味道都幾脆，而雞蛋仔就朱古力味底，都算香同鬆軟既。

店員野都唔講多兩句，問佢野又唔答，西口西面咁😰同佢講要朱古力格仔餅，佢話：「24蚊」我話：「吓？唔係22咩？」點知原來佢以為我要雙重朱古力，話已經整咗。其實加多兩蚊當然冇咩所謂，問題你自己get錯我要雙重整錯，可唔可以唔好咁理所當然問我拿24蚊呀？一句唔好意思都要掛？事關我買一個雞蛋仔一個格仔餅，之後拿個時，就問佢係咪齊㗎啦，又唔答我，淨係係咁隊個袋俾我😤😐直到繼續係咁問佢：「係咪呢張單都整咗？」，佢先至惜字如金咁答：「有兩個」今時今日咁嘅態度，真係多q謝晒你，下次都係去番629雞蛋仔買好啲，cls😑😐

今日知道有譚文豪黎做一日店長, 雖然天氣唔好但見無咩落雨就去支持啦!佢既menu有好多特別既款式呀, 本來想試星星系列但去到已經賣晒呢. 之前問咗朋友推介流心蜂蜜, 每一粒入面會有粒蜂蜜珠珠好特別, 不過我覺得甜咗啲... 😅新鮮熱辣既出爐雞蛋仔好香口又脆, 唔錯! 😋 佢另外有款係急凍雞蛋仔, 可以比你自己買返屋企再焗熱黎食, 真係好有諗頭!👍🏻👍🏻 我見都真係有好多人黎買呢款，可惜我屋企無焗爐如果唔係我都想買個返去試呀！

雞蛋仔係香港其中一樣地標食物😍而家仲發展到有好多唔同嘅口味今日介紹嘅摩芽雞蛋仔 @moreeggetteshk除咗口味多之外個樣仲非常吸睛🤩可以食又可以影相打卡💞。除咗靚靚🌟星星雞蛋仔仲有 #more必食推介 芝士肉鬆格仔餅❗係我暫時食過覺得最好味嘅格仔餅組合🤤肉鬆連埋格仔餅一齊烘之後加上芝士、花生醬、糖…「勁！好！味！」我起碼講咗10次🤣。天氣咁熱怕要企響度等食？可以叫番杯透心涼❄️芒果沙冰又或者😻冰糖鳳梨海燕窩潤下喉嚨。。。💝好特別嘅係仲有🥶急凍雞蛋仔不過今日都食到好飽下次一定會試下！到時再同大家介紹😘。PS多謝老闆仔💓仲送咗張咭俾我。。。#香港美食 #香港小店 #雞蛋仔 #黃店推介

快閃新蒲崗🌟正呀喂～原來新蒲崗都有唔少良心店～由於疫情關係，果日都係買外賣便當返屋企食🧡，心想不如買多個小食，最後揀左"摩芽"🥰買了一份格仔餅同朋友share😆由於朋友鐘意紫菜，佢諗都無諗，即刻揀左"紫菜肉鬆"口味。可能我平時食開都係傳統花生醬練奶口味，心諗：咸味會唔會好怪😅為免掃興，最後都試左😆衰鬼～估唔到又幾夾喎😀好鬼香口，原來入面照舊有花生醬，咸咸甜甜，都幾正👍🏻其實，呢間店有好多特色鬼馬嘅雞蛋仔，星星雞蛋仔，有紫薯味，酥梨酥味等等，好盞鬼，岩晒小朋友🥰👨‍👩‍👦‍👦 值得推薦喔～👍🏻👍🏻👍🏻🌟

我同朋友食完lunch口痕好想食雞仔仔，搵到呢間網上好出名就試下呢間。佢有好多唔同口味既雞蛋仔同格仔餅可以揀，我地一齊叫左個原味雞蛋仔同抹茶紅豆格仔餅因為怕焗住系袋會淋，所以都好快行左去舖頭對面既公園仔坐低食，點知一食個雞蛋仔都系好淋，一d都唔外脆內軟，有點失望，覺得九龍城個間雞蛋仔比佢做得出色好多。跟住試食個抺茶紅豆格仔餅，本來以為佢系好似張圖咁系紅豆餡，後尾先知原來d紅豆系放系個皮到，我仲叫佢多醬tim🤦🏻‍♀️，佢真系比左好多醫我，系好多花生醫🤦🏻‍♀️，結果一食就比花生醫味蓋過哂其他味，食唔到紅豆抺茶味🙁🙁，哂左，好似食緊原味格仔餅咁。總括嚟講呢間質素都系不過不失，唔洗特登走黎食。

呢間摩芽雞蛋仔喺我屋企附近，所以都食過好幾次，每次都食過番尋味但係佢真係太多種味啦，我到而家都未試曬（而且好多都冇影相）今次介紹 雙重朱古力格仔餅 (HK$24)  因為我本人好鍾意食朱古力，所以真係最鍾意雙重朱古力佢係嗰種好食嘅甜，我食極都唔厭！有一次星期四黃店爆買日戴住個口罩去買，老闆仲送多咗杯嘢飲比我，多謝老闆～呢杯多多用黎解膩一流另外再介紹一個 芝麻雞蛋仔(HK$21)　呢個超級香芝麻味，成個雞蛋仔都充斥住芝麻香，好正！！我仲食過好多其他，例如紫菜肉鬆格仔餅(HK$24)等等 但就冇影相，暫時未有一樣我覺得唔鍾意，大家可以放心去食～

好振奮人心啊！作為一個雞蛋仔嘅超級fans，終於比我搵到一間雞蛋仔嘅黃店。呢間雞蛋仔鋪頭荃灣太子油塘都有分店，今次就去佢哋嘅總店新蒲崗😗💛。·估唔到平日排隊都要等10個，證明真係好受歡迎，冇計啦唯有等吓啦～💁🏻‍♀️💁🏻‍♂️·佢有超級多款嘅選擇，我揀咗好耐究竟食芝士、奶黃、紫菜肉鬆、定蜂蜜味好🤣🤣作為芝士控，最後叫咗一個雙重芝士肉鬆雞蛋仔！🤤🤤·估唔到芝士同肉鬆兩隻係咁夾😱配埋本身蛋香味勁重嘅雞蛋仔簡直係一絕，好有驚喜！😱雞蛋仔焊得啱啱好，個皮就仲係脆嘅，咬開就會有半流心嘅雞蛋仔同脆脆肉鬆，有三個口感！！🍳🥚痴線架🤤🤤🤤·我哋兩個唔使3分鐘就食晒成餅🤫🤫，真係好食！一定再encore😋😋😋·你哋知道邊間雞蛋仔係黃店就話我知啦🤘🏻🤘🏻💛💛黃色經濟圈萬歲😎-雙重芝士肉鬆雞蛋仔｜$28-摩芽雞蛋仔 (新蒲崗)新蒲崗康強街32-34號康強洋樓地下16A舖-

一個辣pizza味 一個奶黃味 估唔到辣pizza味 又幾好食😋佢有個餐係雞蛋仔加杯珍珠奶茶40蚊配咩味都得 都幾抵食珍珠奶茶叫咗少甜少冰所以幾重茶味不過整體都唔錯 食得過

呢間摩芽雞蛋仔，已經聽過佢大名好耐啦! 行過九龍城，見到呢間雞蛋仔大排長龍，好奇之下都揍起熱鬧。雞蛋仔有好多唔同款式、唔同味道，有傳統普通雞蛋仔、夾餅，亦都有唔多新潮口味，例如：土鳳梨酥雞蛋仔、橙朱古力雞蛋仔等等⋯款款都好新奇，好好味！老實講夾餅就冇試過，最緊要嘅係佢嘅雞蛋仔唔會諗過毛巾！而且重要嘅係每一間分店都保持到呢個水準，之前試過去其他分店都一樣！如果你鍾意食比較甜嘅可以試吓土鳳梨蘇味，橙朱古力味呢就比較無咁甜，反而個橙味好出，同隻橙朱古力🍫味道係拍得上！仲有好多未我未試，試完以同大家分享🐶如果食到口乾乾，仲可以買一杯佢哋嘅嘢飲，佢哋嘢飲都幾好味㗎。雖然冇試過佢個格仔餅，但係見到格仔餅嘅Menu同雞蛋仔果款一樣，咁多款式！下次再去都要點個試下！

反送中運動前，已聽聞過「摩芽雞蛋仔」的雞蛋仔出名香脆；當知道它多次參與三罷，又捐錢給手足時，今天就決心專程到新蒲崗支持良心小店！小店位於康強街街角，門面貼滿了menu，細心一看更發現貼有連登「米豬連」黃店認證。小店主打新潮雞蛋仔和格仔餅，口味超過廿款。最後我揀了40元的雞蛋仔配珍珠奶茶套餐！雞蛋仔口味任君選擇，我就揀至愛的橙朱古力味。全部即叫即造，幸好當時人流不算多，等10分鐘左右便到手。雞蛋仔色澤金黃，非常脆口，每一粒都有流心朱古力，感覺似在吃Jacob朱古力橙餅，值得回頭幫襯！始終小店以雞蛋仔和格仔餅作賣點，珍珠奶茶味道啖，絕對有很大的改善空間。40元有得飲、有得食好似好抵，但下次我寧願散叫格仔餅和雞蛋仔，一個人吃兩份更滋味！

我發現自己原來已經很久未光顧「摩芽雞蛋仔」，和購買「摩芽雞蛋仔」廚房製作的雞蛋仔跟格仔餅。以前「摩芽雞蛋仔」有很出名，加入甜味雪糕球的「雪糕雞蛋仔」。不過我現在已經很少光顧「雪糕雞蛋仔」，更加不用說去嚐試「雪糕雞蛋仔」裡面的雪糕味道。所以我今次只購買了一款含紫薯甜味餡料的「紫薯雞蛋仔」，試食「紫薯雞蛋仔」就足夠了。「紫薯雞蛋仔」裡面的紫薯味道真的很甜，正正符合了「紫薯雞蛋仔」，在「摩芽雞蛋仔」價目表裡面的英文版本名稱「Sweet Potato Starry」一樣，是以「星星」甜味材料作為餡料的雞蛋仔小食。「紫薯雞蛋仔」裡面的紫薯甜味感覺十分濃厚，感覺像是真正的甜味紫薯，令「紫薯雞蛋仔」的實際名稱，變得完全符合「摩芽雞蛋仔」價目表裡面的食品名稱。至於「摩芽雞蛋仔」的，「紫薯雞蛋仔」，實際製成品表面的披口邊緣位置，我覺得就稍嫌「紫薯雞蛋仔」的披口未能完全縫合，結果我還未咬下第一口，「紫薯雞蛋仔」已經露出裡面的紫色紫薯餡料。所以「紫薯雞蛋仔」邊緣位置裡面稍為破露而出的彼口，和彼口裡面的甜味紫色紫薯餡料，成為了「摩芽雞蛋仔」食品「紫薯雞蛋仔」，唯一需要扣分的地方。我在「摩芽雞蛋仔」裡面購買完一

新式雞蛋仔😋除左傳統的原味，朱古力，芋頭外，呢間摩芽雞蛋仔仲有更加創新的口味👍奶皇，流心蜂蜜，同紫菜肉鬆都非常吸引喔。最後揀左Signature鳳梨酥味🍍即叫即整👍等幾分鐘就食得啦。熱辣辣拎上手，天氣凍時一粒粒咁咬黎食好正呀。雞蛋仔外皮香脆，咬開粒粒都有鳳梨蓉，分配得好平均😎而且鳳梨蓉同空氣各佔一半，好鍾意呢個層次。既唔會空心，又唔會過份飽滿。不過今晚天氣好凍，一路食住行返屋企已經慢慢變涼同軟身。除左雞蛋仔，格仔餅之外，仲有雪糕雞蛋仔同各款飲品。下次試下肉鬆格仔餅先😉

好鐘意食雞蛋仔，鐘意周圍試行過見到尼間就忍不住買我覺得淨係試原味就知好唔好食等左3分鐘左右就食得熱辣辣新鮮出爐嘅頭幾粒好脆但我行左半條街都冇就好快吾脆不過讚嘅地方係半實心，半粒係餡、半粒係空心有口感👍🏼

一直都好想試星星雞蛋仔，因為覺得外型好得意，今次終於有機會試下已經有幾間分店摩芽雞蛋仔，雞蛋仔同格仔餅都係超多款。第一次試左朱古力星星，都幾挺身重手，加上有早餐穀物星星脆米，雖然食落去唔覺得有脆米既味，但咬落去確實會更多脆口，入面朱古力都落得足料，幾好味。之後第二次再黎，$40兩底幾抵買，就一次過買左兩底黎試，唔知點解紫薯星星係灰色既，但入面都多紫薯餡，有紫薯味得來亦唔會過甜，呢底比起其他款甜度會低d，另一底揀左香橙加朱古力既橙星，不過香橙味就有d假，似人工香精。