森屋

Open Now

Now Closed

灣仔呢條巷仔好多野食，今次俾呢間日式居酒屋吸引左入黎同同事食lunch，一入門口就見到廚房，師傅努力整緊野食，環境好日式但同時亦都好煙霧離漫，午餐有比較多選擇，定食又有，拉麵又有。同同事分別叫左網燒牛同吉列豬扒定食，定食包左沙律，味噌湯。網燒牛只係普通薄切牛肉/肥牛，師傅仲要over cook,燒到燶左。吉列豬扒同事試亦都覺一般。沙律用既沙律醬味道亦比較奇怪，味噌湯一如既往都係得個鹹字。整體而言普通，性價比不高，無意慾再黎食。

喺灣仔食lunch, 埋單$100有找就食到高高地質既lunch, 而且環境唔差仲好有日本feel 既餐廳，我會揀森屋😄未入去已經好日本🤣入到店內更加好日本🤣🤣而我是日lunch就歎左網燒牛定食，有沙律、味噌湯。仲有食網燒牛先有既蛋😋用尼蘸牛肉～ 被網燒既牛肉包住層蛋液，再配搭加左燒汁？！（我諗係😂）既熱辣辣白飯，真係好正😋然後好快就食到見到碗底了😂 順帶一提，依度可以免費添飯（本身飯量都唔少），咁就可以一啖飯一啖牛🤩岩哂我飯痴🤪整體尼講，係附近返工、想約朋友食飯、想輕鬆下既朋友，可以揀森屋！值得一試

好開心同🦁仔食到間有水準嘅小店❣️由環境 食物 到服務，我哋都非常滿意😙晚上7點到達位於灣仔嘅「森屋」，一入到店已經聞到好香好香嘅串燒味 急不及待喇！由於我哋兩個都唔太餓嘅關係，只係叫咗4款串燒同一碗豚骨拉麵。🔸個人好鐘意食燒雞皮😛森屋竟然做到好薄身 好脆口，加埋燒汁同芝麻 好惹味🤩出色～🔸雞翼 一串兩隻，熱辣辣，肉質嫩滑，唔會因為燒出黎而乾晒，讚！🔸牛舌，my all time fav!! 森屋亦無令我哋失望，好香好爽口🤤🤤個人一直好欣賞德美壽司嘅燒牛舌，但我覺得森屋仲正喎！值得為牛舌再回訪！😍😋🥳🔸帆立貝，見到師傅好用心處理，食材好新鮮🤤爽口 唔腥 食得好滿足🥰🔸豚骨拉麵，湯底味道唔錯，麵質軟硬度亦適中👍🏼 兩件腩肉肥瘦層次分明，肥糕嗰層入口即溶，正😆😆總括來講，餐廳非常值得試 特別係串燒💕目測每枱客都有叫定食，下次我都要試啊！！價錢亦親民～性價比高✨✨

午餐嘅時候同同事一齊過嚟食飯，諗住冇乜人排隊就食呢間啦。啲嘢本身同區來講都唔算平，我就揀咗豬扒飯同事揀咗羊肉飯，同事嗰碗等咗好耐都未到，我果碗雖然到咗，但啲豬扒係酸嘅。本身都想食完返去工作，點知我哋食完1分鐘都冇，個侍應就即刻扔張單過嚟講趕我哋走。話出面好多人，唔好意思你哋要走啦。嘩，真係平時同區都唔會咁囉！平心而論，佢哋性價比係極低！啲位坐到好逼好唔舒服。然後，野食充其量都係一般，麻麻地。成餐飯比我嘅體驗極差。

found a hidden jem in wanchai that’s worth a visit ✨✨ 網燒牛肉定食 （$82） nomnom(●’◡’●)ﾉ egg, sauce with rice never goes wrong with an ample amount of beef that’s tender and juicy🥰 rice is refillable for free! ( but i don’t think you need to as it’s quite filling ahhaa don’t forget we still have miso soup and salad🥰🦦 i think they offer japanese skewers too so pay them a visit if you’re craving japanese cuisine 😋______________________________𝘀𝗲𝗿𝘃𝗶𝗰𝗲: 9/10 𝗲𝗻𝘃𝗶𝗿𝗼𝗻𝗺𝗲𝗻𝘁: 8/10 𝘃𝗮𝗹𝘂𝗲 𝗳𝗼𝗿 𝗺𝗼𝗻𝗲𝘆: 9/10

昨天星期三剛剛出糧，原本我打算簡單食lunch，但同事話出糧想食好野，於是就來到這間試下，其實呢間我地都係第一次食，即管一試，點知盛興而來，敗興而歸。我原本想食拉麵的，但見定食好似抵食一點，而且較多人選擇，於是就點了網燒牛肉定食，至於同事他們點了鯖魚定食和網燒牛肉定食。首先奉上的鯖魚定食，賣相望落唔錯，聽說味道可以，令我對網燒牛肉定食充滿了期待，俗語話希望越大失望越大，這間餐廳令我深深體驗到這句說話的奧義，當網燒牛肉定食的來的時候，我直頭失望到想喊，一片片燒好的肥牛放在飯面上，還有一隻全生的雞蛋，或許我失策，我無上網search下才叫，加上餐牌又無圖，我真係唔知道這就是網燒牛肉，仲要加隻生雞蛋， 完全係超出我想像，我心目中的網燒牛肉是一片片較厚身的牛肉片，因為是炭燒的，每片牛肉有網狀形的紋理的，但眼前的卻是普通的薄切肥牛。如果是肥牛飯或牛肉井，那不需要用這個價錢也食到，當然有人會覺得定食有飯，茶，麵豉湯和沙律，價錢都算合理，雖然牛肉飯味道正常，但因為我有期望，所以覺得很失望。 此外，可能因為繁忙時段，服務態度亦屬一般，我們在店內站了 一段時間才有人招呼，坐下之後，過了好一陣子，同事要主

平日來吃晚飯，叫了一客網燒牛肉定食（$82），和一客自家吉列豚定食（$88）。每份均配麵豉湯和沙律，沙律的醬汁很好吃，酸酸甜甜很開胃。🥗網燒牛肉沾上濃濃的燒汁，非常惹味，配一隻生雞蛋🍳，這竟然是整個定食最驚喜的地方，有如畫龍點睛！我本來不特別喜愛吃生雞蛋，但是他們的日本蛋蛋味超香，沾牛肉吃是意想不到的美味，可以扒一大碗飯。自家吉列豚份量很大，入口外層香脆，豚肉很嫩不黏牙，完全不油膩，一口接一口。吉列豚配兩款沾醬，分別是蛋黃醬和大阪燒醬，兩個口味也不錯。

灣仔區美食林立 所以喺灣仔區生存到咁耐嘅餐廳都唔簡單🧐雖然網上名氣唔大 但呢一間小店嘅燒牛肉可以話係冇得頂一入門口就會見到廚師喺燒烤爐上面燒牛肉由於通風唔係做得咁好 所以成間餐廳都有呢一種燒烤味.🎈沙律Lunch仲會包一份沙律 沙律汁酸酸地幾開胃👍好特別嘅係佢呢度仲會有蛋白做沙律配菜 評分: 7/10.🎈網燒牛肉飯 ($82)見到成間餐廳咁大浸油煙味 其實就係呢一個燒牛肉飯👍呢個套餐仲包埋一隻生蛋黃用嚟撈飯食牛肉燒得好香好惹味 性價比都算唔錯評分: 7.5/10.🎈總括而言唔留心搵真係未必搵到呢間餐廳但係基本上幾時去到都要等位 而且上菜速度的確係驚人嘅慢我之前有試過其他套餐 質素都只係一般但唯獨是燒牛肉飯幾好食 即使係好大油煙味同埋速度慢都會想再返食😋評分: 7.5/10

限聚令放寬，馬上找間有氣氛的小店吃晚飯。在灣仔不想吃西餐，行行下找到了這家日本小餐廳，見裝修蠻有傳統居酒屋風格，剛巧有位便入座。先叫了啤酒和幾款小食，打算中途邊吃再加單：汁煮雞肝、炸墨魚咀、牛舌、牛肉卷、大蔥燒雞串、蟹籽沙律、煎餃子和明太子玉子燒。啤酒最先上桌，十分鐘後到雞串，可是之後的上菜速度平均10至15分鐘才有另一道小食。我和朋友兩個人，不到一分鐘便KO了一碟，之後要呆等下一道菜。晚上八時入座，十時前為了以上8款食物請了服務員跟進了三次，每次年輕的服務員都不痛不癢的，沒有表達任何歉意。到了晚上10 時零5分，還有最後一道玉子燒沒下文（但政府規定不是要10時關店嗎？)，向服務員了解，他回來說師傅還未開始做…食物味道一般，但這樣的速度和態度，不了。

午市想食炭燒牛肉，一早致電外賣自取四盒炭燒牛肉飯，到場需要等候5-10分鐘，豈料外賣自取竟然要收加一服務費。本身店舖的定價合理，但外賣沒有便宜外，還多多收10%服務費，實在難以接受，外賣的餐具只跟配一隻叉。另外，是次部分牛肉都燒得太焦，是焦黑硬脆致癌的那種焦。餐廳的食物質素本屬高質，定價於百元樓下亦可接受，飯是粒粒分明的珍珠米，甜甜帶酒香的燒汁再配上生雞蛋及芝麻青蔥拌飯，非常出色，牛肉亦很夠味道。唯餐廳的抽風系統亦需要改善，每次用餐後總是一股油煙味，餐桌之間空間感不足。而今次外賣的加一服務費亦不甚合理，建議大家堂食好了。

Lunchtime嚟食咗個網燒牛肉定食，啲網燒牛肉係平時打邊爐嘅肥牛，因為淋咗太多醬汁搞到太鹹，end up鹹到唔夠飯送😵😵 最唔ok其實係個環境，一行入去已經煙霧彌漫，勁大陣油煙味，食完個lunch行出嚟全身都係油煙味，陣味keep咗成日🤢🤢

同事喜歡想食日式定食，所以午餐會定期來吃森屋，晚上是居酒屋，晏晝有午市套餐，價格雖然不是很便宜，但比較親民化。不過餐廳冷氣風很強勁，以及有濃烈的燒肉味，所以坐得不算太舒服。日式沙律叫飯類定食會有沙律前菜，沙律菜算新鮮，加日式沙律醬好好味，另外佢有蕃茄粟米同豆腐。沙律菜算新鮮，加日式沙律醬好好味，另外佢有蕃茄粟米同豆腐。網燒牛肉飯 配味噌湯十分推薦這裏的網燒牛肉飯，他的牛肉會燒到有少少脆身，白飯了有肉汁之外，還有日式燒肉醬和生蛋黃，撈埋落飯到真係好好食，每次都忍不住清晒所有白飯，是這裏的必試推介！

有時食晏晝都唔想虧待自己，就會想搵間坐得舒服，食物質素唔差既餐廳試下。今次就揀咗呢間——森屋。入到去嘅環境好有日本風，好似日本居酒屋一樣，傢俬係木造，牆身掛左木牌Menu。因為我地只係食lunch，所以無單點小食，我見佢仲有單點menu，應該係午市/晚市都嗌得！我地一行三人，嗌左兩份網燒牛肉同一份香草羊肉。一個餐包主菜、一碟沙律、一碗麵豉湯、一碗飯。正常女仔食一定夠飽，唔需要再免費refill飯，男仔就算應該會refill飯啦😂。沙律 - 係日本常見既沙律，有生菜、粟米、豆腐、小蕃茄。醬汁方面，應該係餐廳特別調配既，有別於其他餐廳一尾加胡麻醬落去。麵豉湯 - 正常，有海帶、豆腐。味道方面唔會好鹹，飲完之後唔會覺得自己飲緊味精湯😗！飯 - 珍珠米，可能因為本身佢一碗飯份量唔算多，所以可以免費refill一次。網燒牛肉 $ 82 - 必食，超好食💕💕，感覺佢係明炭燒，即嗌即燒。個牛肉拍得上平時比$400-500一位係牛角任食個啲。佢嘅好處可以分開三部份來講，第一，牛肉嘅質素好好，油脂分布平均，食落去又唔會過分油膩，啲肉無根仲入口即溶🤤！第二，醬汁好好食，餐廳調味做得好好，並非中式嗰啲一味得

本身趕時間就叫咗份外賣點知原來佢地外賣都要+1服務費我又未見餐廳內有任何標識寫外賣都要照+1咪問個女收銀會唔會入錯個收銀話佢地當計飯盒錢我當場無語⋯咪飯盒錢咪輪飯盒計嘅咩？都不至於收10%咁掛？個男店員又鐘上來問咩事以為佢會解答到我問題結果佢聽完態度好差咁話：「你自己問老細啦」咁我又再問會否考慮係餐廳收銀處寫清楚外賣+1嘅提示字眼「佢話唔會喔 我地不嬲都係咁」我從來都未試過咁不愉快的就餐經歷我只是想問清楚收費明細又不是要同佢地攞番果幾蚊句句都咁窒個客唔通就係你們的待客之道？以前經常到店堂食 店內個女服務員姨姨都好好人 點解要請d咁嘅人翻來讓客受氣 真係不得而知

話說今日lunch time 同老公去森屋食午餐，係寫字樓工作，當然盡量準時食完返office ,以免影響下一更放飯嘅同事。 我地12:10pm到達， 點左2份網燒牛肉定食， 但係等左成30分鐘有多， 都未有餐送到。 眼見旁邊幾張枱嘅客人遲入座過我地，紛紛都有餐送到...我哋就忍唔住要催下個店員... 老公：請問我地嘅餐幾時到？ 我地趕時間呀！ 黑背心男店員： 你趕時間？咁咪幫你轉外賣囉！ 嘩！ 我老公聽到把鬼火！老公：你咩服務態度？ 我地等左好耐啦！ 黑背心男店員： 咩話？要等架啦！聽唔明呀？我地廚房位置有限wor! 最終我地嘅餐係12:45pm 送到,估唔到食個lunch 要等足35分鐘， 仲要受到極不禮貌的對待！ 野食好食又如何！ 請左d咁嘅waiter ,簡直係趕客！