Morokok (家樂坊)

Open Now

Now Closed

友人推薦依間泰國菜，有人推薦就試試佢。去到見到環境幾靚，係摩洛哥既風格，真係好岩三五知己食下野打下卡。香燒魷魚筒-都幾彈牙，燒得好香，配上甜甜地既燒醬，好開胃，擺盤都好精美芝士焗蕃薯條-比起普通薯條，蕃薯薯條先係我既真愛，食落甜甜地又唔會好乾，炸得香脆，配埋芝士食又多左個層次泰式海鮮菠蘿炒飯-依到無好似坊間咁，用菠蘿🍍殼去上，但對我而言感覺更衛生。炒飯炒得剛剛好，海鮮亦唔少，腰果同肉鬆都加得豪不吝嗇，依個炒飯俾合理以上青咖喱豬頸肉配香酥餅-青咖喱好濃郁，配埋鬆脆既酥餅真係perfect match，豬頸肉好有肉香，都燒得好香脆雖然餐廳話有限時，但其實唔full又無人等位，佢地都唔會趕人走，值得一讚。但當然，如果講左限時，而出面有客人等位，就唔應該霸住張枱唔走喇

諗住去睇戲，喺度食個晏晝飯，用咗OpenRice book位想攞埋個優惠。食物好普通，咁呢個價錢都算正常。嗌咗個冬陰功豬肉金邊粉和紅咖喱牛肉飯。不過佢啲staff就唔太醒目同好似冇心裝載。我嚟到話我係book咗位，佢就求其帶我坐低。我叫佢check & confirm booking 佢又好似發緊夢。 啲飲品要少冰又冇理會到。最後臨走用Open rice pay 搞咗一輪。臨尾我都在叫佢哋check & confirm booking, 發現佢哋手寫漏咗我哋嘅 booking,咁叫佢加返同埋記住confirm, 最後都係錯🤷🏻‍♀️ 好彩我哋有留receipt…..

有時候吃東西隨了味道相當重要外，環境優美也是吸引人去的因素之一，這間泰國料理店門面像熱帶雨林一樣，有很多植物佈置，而且內裡空間相當闊落，不會太擠迫，還有露天座位，打卡一流😍脆炸德國咸豬手配蜜糖芥末籽醬🐖豬手大大件，表皮十分香脆，肉質嫰滑不會痴牙，那些蜜糖芥末醬甜甜辣辣地，十分開胃惹味😋香煎帶子青檸蟹肉鬆盒🦀最下層是酥皮，中層有蟹肉，最上層是香煎帶子，可一啖一口吃，也可分開一層一層吃🤣喜歡帶子的你可以一試，賣相亦精美泰式柚子大蝦千島醬薄餅🍕薄餅夠薄，不會過厚像吃麵包吃到飽一樣，薄餅脆卜卜，而千島醬基本上吃薄餅必選，不會不好吃😂蝦亦大隻彈牙泰式正宗冬蔭功海鮮湯🥣基本上吃泰國料理不喝冬蔭功湯像差了一點一樣，湯酸酸辣辣，十分醒胃，而且海鮮料亦尚算豐富，有蝦，青口，菇，蕃茄等，可以一戰Morokok (家樂坊)旺角登打士街56號家樂坊8樓801號舖

食物一般般,不是好有泰國味道,賣相不俗的,服務一般,落單沒有覆及問清楚,也不夠細心,落單要凍,結果來了熱！環境很嘈,食客多再加好強勁的音樂聲,大家傾計會有點辛苦,不容易聽對方講野！價錢也不平宜,一樣食品一般一百鬆,走的時候等電梯也要點時間,因為由上面落到8樓好full！

三個女仔一個墟😂叫左成枱野食侍應都叫我哋食，咁啲先再幫我哋上嘢食驚我哋食唔晒冇計，我有兩個食好多野嘅friend但係又好瘦🫨呢間位於旺角鬧市中央央裝修設計帶點異國風情 摩洛哥風地方很大，坐得很舒服我哋叫咗pizza雞翼生蝦等等🙈嘢食都幾好食🤤值得一試

此餐廳位處旺地，雖然在樓上但容易找到。餐廳標榜摩洛哥式裝潢，入餐廳要通過一條圓拱的通道，兩旁佈滿綠色的樹葉，給人悠閒的感覺。餐廳內也有幾個圓拱型的用餐區，木檯與滕椅的配搭，花瓦瓷磚的地面，白鶴為主的特色牆，把摩洛哥風情瀰漫整個餐廳，坐在此用餐很舒服。午市有套餐供應，分泰式及西式。我喜歡泰菜，所以叫了一份泰式炒蝦金邊粉，加12元配餐湯面包，套餐包一杯熱紅茶。蘑菇湯味道濃郁，口感綿密,湯和包都夠熱.金邊粉爽滑，醮上青檸汁後甜中帶酸，開胃。蝦有三隻，夠爽口可惜淡而無味。用德國品牌Teekanne的伯爵茶，帶有柑橘香味。今次用餐感覺環境不錯，但食物味道普通，另外上紅茶時比較馬虎，繩連同牌紙牌沒有繞在杯耳旁，而是全都泡在茶內，我要自已用叉把牌紙取起放好。

見某個app有8折優惠，就去呢間食個晚飯。6點左右去到已經有10台客左右，不過餐廳好大間，仲有室外位置，所以望落去仲有好多位選擇。黃咖哩牛腩配香酥餅 $148份量比想像中少，味道係ok嘅，黃咖哩唔辣，幾惹味。香酥餅係每次食咖哩必點，今次包埋非常好！泰式蟹肉奄列 $128見到個樣以為上錯菜，以為係煎炸蠔餅，原來係蟹肉奄列，份量好大個，啲蟹肉變哂肉碎，所以唔太食得出蟹味，似食緊一舊酥炸粉，食多幾件覺得有啲濟…鹽焗燒烏頭，好似$170左右比起一般泰國餐廳，呢條魚偏細條，味道都ok，魚肉幾滑同幾入味。

早排疫情下慶祝嘅生日飯~餐廳環境裝潢摩洛哥風格 好特別又舒適 完全喺打卡able❤️‍呢度主打fusion 泰菜~ 今日就嚟試下LUNCH~ 食到好滿足😋 值得一試👍 珍珠蠔蛋餅🦪🍳好大份~ 而且好香嘅蛋味，加上粒粒蠔 食落每啖口感好豐富😋黃金軟殼蟹🦀RisottoWA!😍 比想像中大隻嘅軟殼蟹 炸到勁酥脆 同被鹹蛋黃包住 好香口個Risotto用左青咖哩煮 配搭出色 👍推介!!❤️‍ 泰式柚子大蝦🍤千層醬薄餅🍕柚子配上大蝦🍤 食落好清新又唔油膩 🍕餅底又薄脆 整體唔錯焙茶鮮奶咖啡☕️試埋佢個焙茶鮮奶咖啡 好香濃焙茶味道 整得唔錯 咖啡質素滿意👍 

嘩，今次去Morokok試咗佢地嘅珍珠蠔蛋餅、炸魚殼蟹同薯條拼盤，仲有泰式小食拼盤，實在太好味啦！首先嚟緊嘅係珍珠蠔蛋餅，超級香口嘅蠔蛋，每一口都係豐富嘅口感，唔會覺得膩口。炸魚殼蟹都好正，酥脆外脆，入口即溶，仲有好大隻嘅軟殼蟹，非常豐富。薯條拼盤都好吸引，薯條炸得好鬆脆，仲有三款唔同嘅醬汁，每一款都有唔同嘅風味，超級適合分享。如果你鍾意泰國菜，咁一定要試吓佢地嘅泰式小食拼盤，有蝦餅、豬頸肉同雞翼，全部都炸得好香脆，加上啲泰式醬汁，真係令人回味無窮。環境方面，Morokok 坐落喺旺角家樂坊，位置方便，裝修又特別總括而言，Morokok 絕對係一間值得一試嘅餐廳，不論係食物質素定係環境設計，都能夠令你感受到家的溫暖。如果你鍾意簡單卻又美味嘅小食，一定要嚟試下佢地嘅珍珠蠔蛋餅、炸魚殼蟹同薯條拼盤，再配上一杯飲料，一定會令你心滿意足。

話說今次已經係第4次嚟到呢間餐廳了😜決定要打番個食評比更多人認識呢間餐廳🤣平日同朋友多數係旺角搵餐廳一聚，呢間餐廳位於家樂坊8/F，地點都算易去🤣!重點係餐廳雖然話限時90分鐘，但試左幾次平日夜晚食，都可以任坐🥹！所以真係一個好適合同朋友聚會談心嘅好地方！🌟七味燒魷魚筒 $108魷魚筒好入味，燒得好香，仲有少少辣咁，食落好煙韌🥹彈彈地牙！正！🌟芝士焗番薯條 $88呢款係我每次必點小食😍芝士熱辣辣，溶溶地，配搭落甜甜嘅番薯條，真係出奇地夾！食落仲好開胃tim!!!番薯條又唔會太淋，脆脆地！好好食！😋🌟泰式海鮮菠蘿炒飯 $148原本以為會有菠蘿殼裝住上菜，但原來碟上，擺設上有少少失色！但真金不怕洪爐火，就算碟上都炒得好有火氣！材料重好多，啖啖食落都好有口感！由其真係好愛食有腰果嘅菠蘿炒飯😎！🌟泰式青咖喱豬頸肉配香酥餅 $138呢款就不過不失，比我想像中辣🤣但好惹味，食到攝攝聲，好過癮🫣！豬頸肉肉質爽口，唔會太淋！香酥餅亦熱辣辣，好脆口，好食😆！🌟椰青 $50正常口味椰青一個！ 🤣🤣餐廳有多款甜品可以order，若果想慶祝生日，亦可以喺餐廳order甜品當生日蛋糕送上，係慶祝生日嘅好地方之一

朋友想試呢間餐廳，諗住一試無妨，點知除咗食物本身，其他都冇乜selling point 可言。原本book 左窗邊卡位，已經坐低左menu 都翻開埋，但去完個洗手間番黎就畀人坐左張檯，係快餐店自己搶位嗎？完全係侍應編位差誤同溝通不足！之後request 坐圓檯位。餐廳主打泰國菜，亦都有西餐fusion菜，叫左兩個軟殼蟹漢堡，賣相吸引，有蟹味，蟹黃醬料有驚喜，非常香濃，令漢堡包都好食左，包入面配菜好泰式沙律feel, 都係開胃既味道。跟餐叫左牛肉串燒同香茅雞翼，味道不過不失，但食開重口味既我都覺得偏咸。室內座位好密，午餐時間坐滿之後好噪，好似快餐店，更恐怖係食食下望住一大塊天花白灰跌咗落隔離枱食客身旁，冇跌中人或者食物，隔離枱又好似覺得冇乜野，咁我當食花生。Menu 鋪滿油脂、潮濕到軟，應該好耐冇人清潔過🫣整體而言，如果只著重食物味道可以一試。

一齊約朋友仔到旺角一間食泰國菜嘅petfriendly 餐廳。毛孩需要坐室外。打卡位其實有好多，但因為今日係假日，人流比較多，所以就無入到室內打卡。職員們都好好人，會好照顧毛孩，亦都友善對待佢哋，唔會話因為係咁吠而歧視我哋。食客都好nice咁同毛孩互動，最開心就係有好大個空間比佢哋跑🤣🤣🤣過嚟之前最好打電話訂咗枱先，餐廳就有機會安排一個打卡靚靚嘅位置比你☝🏻Max5️⃣🐽食物質素🐽🐽🐽🐽環境🐽🐽🐽🐽性價比🐽🐽🐽🐽室外/室内寵物友善：室外

味道不錯，海南雞幾好味，環境幾靚，好夏日嘅設計，環境清潔幾乾淨嘅，望落冇咩明顯嘅污穢，光線夠。我叫左份煎魚，食落比較油。啲侍應比較大頭蝦...不過人都幾nice

泰式柚子大蝦沙律，啲蝦大大隻，柚子份量都足夠，酸酸甜甜，係好開冑既小前菜。另外嗌左個蒲燒鰻魚配牛油果薄餅，呢道菜夠前衞，無諗過呢一個組合拼埋一齊會甘正！佢仲加左啲香辣蕃茄仔係面，秒被ko！朋友嗌左杯好少女心既cocktail,不過佢話個樣幾靚但飲落甜左啲，朋友係好識飲酒個啲人，一晚可以飲一支白酒，屋企仲有個酒櫃。😆最後我地拎左個雙色芒果檽米飯，上碟時暖立立，加左碟豆花同埋班蘭既色素令到成件事更加搶眼。Morokok食過不下十次，每一次都無令我失望。💖

這家旺角的fusion泰國餐廳，吃了不下3次的‼️真的係好記適合約聊天！拍照！環境真得很舒服+每個角落都很美❤️‍🔥仲有露天嘅位置掛滿波波燈，氛圍感滿滿，天氣唔熱嘅時候坐係出面好舒服～✅環境 9/10✅food 7/10✅服務 8/10✅性價比高小食拼盤有蝦餅，豬頸肉，雞翼，泰式鳳爪好抵食❤️‍🔥軟殼蟹好大隻，被鹹蛋黃包裹超香口‼️芒果糯米飯好睇又好食😍芒果新鮮清甜絕對係必食！——————————————————————