MOS Burger (馬鞍山廣場)

Open Now

Now Closed

住係美食沙漠馬鞍山咁多年，已經慣左無啖好食，所以平時出街食飯都寧願出城，難得而家開左mos burger，真係美食沙漠中的甘露。叫左兩個burger，一個係最基本既摩斯漢堡，呢個就無乜特別，食落同M記唔係差好遠，另一個就叫左炸雞包，呢個就幾好味，即叫即炸夠哂熱，塊雞都唔會太乾太柴皮，不過最好味始終都係薯條，最鐘意夠厚切，好有薯仔味，而且唔會炸到好油，又無油益味，呢樣就拋離麥當勞9條街，唯獨是份量比較小，一個人食完一個餐都覺得唔係好飽。

平時lunch 好少吃burger，不過見到附近幾間餐廳到要等位。 懶洋洋唔想排隊，見到mos burger冇人等，又有大量位坐。 真的太少來了，見到有新款burger，要花點時間問人D包餡分別 。 不過收銀員工也好有禮貎慢慢解答，最後也是選擇mos cheese burger 加薯餅汽水。 雖然製作過程要耐一些，但可以坐下來等人送上來，感覺也不錯。 其實個burger味道一般，肉薄反而番茄就超厚。 不過薯餅就十分好味，初時以為是薯仔餅，原來係番薯餅，外層脆脆薯香甜又滑，好好味。

MOS Burger 開了新店在馬鞍山廣場, 有趣的是MOS也是馬鞍山 (Ma On Shan)的縮寫店舖在商場內側通道, 稍為隠閉, 行人亦不多, 而對面商場也有間M記漢堡包店, 但喜歡食漢堡包的人也會偶有花多點價錢選擇這品牌包包。 店舖座位並不多, 裝修雅緻, 好喜歡寫有英文字的掛畫和黑板字的掛畫, 充滿文藝氣息。顧客購票後可安坐座位, 稍後侍應會端上餐品, 平日客人並不多, 感覺非常悠閒。我們點了「吉列蝦漢堡」、「特級和牛漢堡」, +25轉套餐 「炸雞塊」和「汽水」「吉列蝦漢堡」~蝦肉爽口好味, 配合他他醬汁更突出蝦的鮮味, 一層蝦漢堡, 上面舖上椰菜絲, 再加上他他醬, 層次豐富, 整個包是鬆軟, 不會軟榻榻的。「特級和牛漢堡」~ $31, 這價錢CP值相當高, 和牛漢堡的肉很有和牛肉味, 配上番茄片和椰菜絲, 不覺膩感, 每一口也是滿足, 包也是鬆軟美味, 不會軟榻下來。 「炸雞塊」~ 炸雞很香脆, 唯炸得稍為乾, 沒有肉汁, 相比下, 之前試過的薯餅就比較好味香軟。

經過mos burger 見到bbq洋蔥圈和牛漢堡 poster 好吸引，可以加多$6 多50％牛肉，咁吸引就去試試。 入到去得一個人排隊，諗住好快，點知前面那位每事問，其他staff 見到也沒有開多部機收錢，只可等…另外加$24配摩斯脆雞及飲品，俾錢後就有個牌，入去坐住等送餐。 漢堡內洋蔥圈夠脆，漢堡扒夠厚度又夠juicy ，夠熱又好味。 炸摩斯脆雞包裝得好，可以撕開袋包著底部吃，令人不會吃到手污糟。 不過脆雞肉質差，又炸到乾不好味。

晚上8時45分左右到達， 點了食物後大約5分鐘就送來，食物味道還算不錯，無奈食物送上後有員工開始收拾我兩旁的枱，又在噴清潔劑去抹枱， 好怕清潔劑噴到我的食物上。我是很無奈的坐在兩旁收好的枱中間吃完那個餐😑 店鋪好像是10時關門，但9時已經開始收枱和清潔給我的感覺好像我在阻礙他們收工，店內還有一，兩名客人，之後也有客人進來，不知道為什麼他們那麼快要收枱，而且還是近門口的枱， 意思應該是說我們快收工了，不想讓客人進來的意思。 我以後也不會打擾你們的。

最近在馬鞍山廣塲開咗間MOS Burger，好耐冇食啦，一於入去回味吓先。特级和牛包，肉嫰，可惜不夠 juicy。若然可以唔煎咁干，就肯定可以完勝M記。芥末蝦堡，個人覺得係最好食既，蝦夠彈牙，芥末醬濃，一個字，好正烤牛肉飯堡有創意，好似食緊牛肉飯咁，食落咸左少少。最後係薯條中我覺得最好食既肥薯條當然不能少啦，外脆內軟，不錯。

MOS Burger 在馬鞍山的分店已開業多時了，其實一直都希望有機會試試，然後再跟大家分享一下。今天中午適逢路過，就趁機了解一下。選擇良多，最後決定點黑醋雞肉漢堡，摩斯雞塊及凍咖啡。其他的，以後再試。雖然正正是食中午飯的時間，但食物大約在十分鐘內已經送上，個人認為這個速度相當合理。先來看看黑醋雞肉漢堡，前面賣相可觀，後面就有少許尷尬了，雞扒金黃，生菜翠綠。雞扒不算很厚，而且看來乾身，但配上醬汁生菜，口感新鮮濕潤。摩斯雞塊顏色亦金黃，入口鬆軟多汁。咖啡濃香不酸。盛惠HKD53。

新開張嘅MOS burger，由於都擔心人比較多，所以特登係閒日先約朋友過黎一齊食！其實係今日之前，我係18/7，都已經自私食咗一次先個陣覺得服務同食物質素都唔錯，所以先會再幫襯。點會估到，隔咗一個星期再黎，食物質素已經保持唔到今日人比較多，店內差唔多坐滿，叫咗野食，店員就比咗個號碼我哋今次上次快手好多，5分鐘都冇，我個餐已經送到上枱。而店員亦一如既往，好有禮貌，話「唔好意思，要你等咁耐」個蝦堡食落口真係啖啖蝦肉，幾足料，而且咬落去都仲係暖但係食落真係唔多掂，特登加錢轉套餐，薯條份量已經唔算多，但係估唔到今次都薯條係又淋又凍，就算係粗薯條，都加唔到幾多分奇就奇在，我之前叫外賣係熱辣辣，冇呢個問題。只能夠講食物質素參差，未能保持水準

出野又慢，薯條又淋又凍，包又唔熱，員工做野太慢，等左好耐先送黎。薯條好似放左好耐咁，好難食，本身有食過其他mos burger分店好食好多。食完呢餐，後悔早知食平10幾蚊，但起碼薯條熱既m 記先啦

薯條又淋又凍，塊雞扒又乾又薄又硬啲人做嘢hea到死，個個圍住個出菜窗口傾計唔陏，有客要行都企定傾計唔理唔借開好聲好氣同佢講出餐唔齊就黑我面，我解釋比佢知漏乜又同我死撐無漏（三個餐，少杯嘢都同我撐），比張單佢睇證明佢出漏嘢，佢先死死地氣返去揾廚房補飛，點知轉身講粗口以為我聽唔到好地地一間mos比佢地搞到垃圾不如，比我係店長呢啲店員再平我都唔會請

Mos Burger 平時係街唔係見到太多間，因為佢係香港得唔夠 20 間分店，難得係馬鞍山開分店，今日有幸再次遇到佢，記得細細個食過佢既蝦堡好好味，味道一直係心中，所以今日就即刻入去塭返細個既回憶，入到去二話不說點左個芥末蝦堡餐加雞塊。芥末蝦堡味道普通，而蝦肉無咩蝦味又唔香口，比起某間連鎖快餐店既波蘿蝦堡，好味過佢好多。薯條雖然係粗身嗰隻會好食啲，但唔知係唔係放得太耐好淋，一啲都唔好食。炸雞塊食落口好粉感覺奇奇怪怪，而且只有辣醬跟，味道同口感都不及 M 字頭既大型連鎖快餐店。

平日早上黎食早餐 好悠閒呢~可以慢慢食 安靜咁坐下 傾下計過下慢活生活 呢度既早餐都有唔同選擇呀有多士、漢堡、熱狗同牛角包仲有早餐拼盤~我地兩個人叫左一份摩斯煙雞肉同埋煙雞肉牛角包再加兩杯熱咖啡 下次再黎試下其他早餐先~