MOS Burger

Open Now

Now Closed

每次食呢間餐廳既漢堡，都覺得好新鮮，食唔流！對於快餐店黎講，比m記同k記好食好多！價錢又唔貴，一個套餐，包括有漢堡，沙律，薯條同埋嘢飲，都係50蚊倒！真係良心企業！平之餘仲好好味，首先講一講個包，包皮鬆脆，裡面既炸雞肉加埋特配醬汁真係無得彈！同埋，最值得誇獎既係，佢哋既蔬菜真係好新鮮好新鮮，咬落卜卜脆！薯條就一般，可能太大條，所以得外面脆，入面有啲霖。最後再加埋杯柚子汽水，真係忍唔住“哇”一聲，真係好正好好食！

今日我同男朋友去左青衣 因為佢係青衣到打比賽 咁作為24 孝女朋友我緊係要去支持啦 不過佢夜晚九點先打 我地就食埋晚飯先去 做運重之前又唔想食咁飽 我地就揀左係長發商場嘅mos burger 到買包食一入到去就見到個牌介紹和牛野菌漢堡 我地見佢幾吸引 就叫左黎試 再加左個沙律配和風醬 （因為沙律醬比較肥 而和風醬似醬油 酸酸甜幾新鮮）個沙律啲菜都幾爽幾新鮮 唔似放左好耐 加埋個和風醬 止到食欲又健康 而且都好味 唔會覺得自己食草 而個包都冇叫錯 個包熱辣辣 而且好鬆軟 裏面有和牛 芝士 磨菇 仲有你冇諗過會有嘅南瓜 依個配搭真係唔錯! 依間比麥記貴 但質素都比佢好

長發邨位於青衣，不是葵涌。摩斯漢堡店想不到會如此烏龍，一個牛肉米飯漢堡、一個海鮮米飯漢堡，但他竟然給了兩個海鮮米飯漢堡😨但是質素還是不錯，米飯漢堡每一次都非常之熱燙燙，拿上手又燙手，咬一口又燙咀。牛肉漢堡較海鮮多汁，但亦較多洋荵。薯條也是味道不錯，叫了又會的那種有薯條，外皮雖然有一點軟掉了，但是薯條的內涵還是非常充足，而且夠熱但是這一間摩斯漢堡的環境可說是比較差，因為在長安長發邨附近，店子太開揚，商場內環繞著其他邨民，氣溫較熱，如再喝熱飲將必更加滴汗。

今天休閒得在青衣區游走，忽然想食mos burger，於是走到長發商場。我是mos burger的fans，以前最愛係葵芳新都會店，因為水準比其他分店做得好，可是自從葵芳店結業後，在其他店就一直吃不到以前個種味道。長發商場這間算是新店，一於坐底食個包睇下會唔會有驚喜 下午茶時間，叫左芝士漢堡包+凍抹茶鮮奶，一共$31蚊，好抵食。餐點黎到，先飲下杯野，飲品正常!芝士漢堡包，咬落去，我心裡有種感動，係葵芳新都會個時既味道，麵包外面有烘過咁，外面脆脆地，肉加埋汁既份量岩岩好，唔會太少亦唔會多到漏，超正!!呢一餐食完心裡好滿足，能夠搵返呢種味實在太美好了!!

晚餐唔想食太飽，腦海裏就閃出了mos burger，所以經過就沖左入去買份外賣返屋企慢慢嘆。等候左一陣就拎得。因為北海道南瓜餅係我的最愛，所以每次必會點。南瓜餅外面脆口鬆化 , 內裡滿滿南瓜蓉，香香甜甜。另外加了一份大厚切薯條，厚切大薯條薯條，香脆而不油膩，吃下發現內裡是軟軟的薯溶黑醋雞肉漢堡，黑醋獨特酸酸甜甜的味道漢堡材料都十分充足。滿滿的酸甜醬汁和滑嫩的雞肉被鬆軟的麵包夾左一起，配合清爽的生菜絲降低肥膩感，很滿足。食完再配一杯冰可樂，正

早幾日終於試左MOS Burger限定版櫻花蝦海鮮珍珠堡, 普通個隻海鮮珍珠飯堡就食得多,呢款餡料好豐富,新鮮炸起熱辣辣,餡料包括原隻蝦、魚塊、帆立貝、魷魚、洋蔥、紅蘿蔔及四季豆,飯堡加左櫻花蝦,口感特別,味道提高左一個層次,稍嫌個芝麻鹽燒汁小左D,但真係好好味!