MOS Burger (Closed)

摩斯漢堡 自從旺角店結業後， 都有好一段時間冇食過。 今日行元朗市中心， 比我發現到有分店， 相信都開咗一段時間， 星期日嘅中午特別多人。 而且好多一家大細，餐廳設計比以前好多分店 更光猛，淺木嘅設計 更加舒適。 咁耐無食當然要叫我最愛嘅黑醋雞肉漢堡啦， 即叫即整 等咗5分鐘 好快有得拎。 而且熱辣辣好新鮮。 炸雞塊大件， 香脆多汁 黑醋醬唔會好酸 甜甜地好開胃！包質我覺得比以前鬆軟。炸粗薯， 我最愛嘅薯條， MOS BURGER嘅真係冇得輸！ 新鮮不在話下， 重點係 超脆口 中間嘅薯蓉好多薯味好足。 而且可以自助拎醬料啱晒我呢個茄汁怪

摩斯魚柳套餐+餐飲 ($30)平時食開日式漢堡包 估唔到早餐都咁有水準沙律爽脆 淋滿千島醬魚柳配他他醬 都算脆 唔太油司華力腸好juicy 多士有烘過 塗牛油上去 好快會溶入麵包中粟米湯又濃又熱 勁好飲 雖然知係用粉開 但今日個濃稠度拿捏得幾好注意: mos burger早餐唔係間間分店都有㗎><><><><><><><><><><><><><><><><><><MOS Burger元朗教育路1號元朗千色匯地下2,41及,42號鋪

原本想試蕎麥珍珠堡，但賣哂，所以就試吉列帶子漢堡，佢會點左餐，俾號碼牌，準備好個餐服務員就會送餐及取回號碼。餐內的吉列帶子漢堡係夠熱，吉列餡亦有不少碎粒帶子，個飽唔腥仲熱辣辣，烘熱的漢堡飽加上爽脆椰菜絲及一片冇味芝士，都幾夾，。跟餐揀了大粗薯條加可樂，粗薯條真的比幼薯條好吃，不用加味粉，只加茄汁已好滿足。

《Mos Burger》 #元朗🔹法式和牛漢堡 $32煎香足足150g嘅澳洲和牛 仲有好多肉汁仲有芝士 洋蔥同生菜 無咁膩 #我覺得可以以漢堡黎講Mos Burger都算係不過不失連鎖得黎唔算太貴質素都ok-byT: 7.5/10

呢篇處女作，我選擇了Mos burger 雖說是連鎖日式專門店，遍佈了香港各處，但在這裡食早餐還是第一次。早上碰巧要搵個地方打發一下時間，隨機選擇了mos burger 抱著普通心情去食個早餐打發時間，點選左呢個超普通既朝食，火煺芝士三文治配了熱檸茶。平凡中的不平凡正是這個火煺芝士三文治，熱辣辣既溫度加上非常軟熟既麵包，中間芝士早已被呢個溫度熱溶了，同火煺溶合，食落是一個非常有驚喜既朝食，係會好想再encore 既一個朝食，當然配翻一個熱檸茶，係可以令成件事變得好合襯，飽而不膩！

又係間中「豪食」一次MOS burger系列🍔🤣都唔洗多介紹啦，我特別鐘意摩斯漢堡會有好多洋蔥粒😍我好鐘意食洋蔥😍.第一次食摩斯雞塊，即叫即炸所以超級熱😆本來以為同m記麥樂雞差唔多，但原來摩斯雞塊係有裹粉的，所以外層會更香脆，而且摩斯雞塊嘅size會大一點。雞塊有得揀要bbq醬定泰式甜辣醬，我覺得點泰式甜辣醬唔算特別match，有機會下次試bbq醬先。.🎶靜靜行經 留影 目黑之夜有星 遊歷過 下一次未必經🎵

千色匯地下的Mos Burger，舖面面積不大，坐位不多，不過這次不用等位，也算好了. 特級和牛漢堡 ($30)平時多數吃摩斯漢堡，特級和牛漢堡還是第一次吃呢! 番茄、生菜、芝士再加上一塊和牛漢堡扒，咬下去，那塊和牛與摩斯漢堡沒大分別喎，下次吃回摩斯漢堡好了~北海道南瓜薯餅配飲品跟餐加 $20，轉Latte再加$6.南瓜薯餅一如以往般香脆熱辣; 至於再加$6 轉的iced latte，與普通凍咖啡沒有分別，近乎沒有甜度的iced latte，是沒有另附上糖水還是已預先加了糖水而我擦覺不到，那就不得而知了!

近排真係好忙碌，差一點連晚餐時間都沒有！今晚去到Mos burger，雖然價格比某某高少少，但係我覺得他們既質素亦都唔差....同埋也是即叫即製！呢款係其間限定既野菌和牛漢堡，和牛肉質唔會係乾身，都有係和牛既味道...同普通既漢堡係唔同的！套餐配在大厚切薯條...係新鮮炸起...所以係脆卜卜的！

《Mos Burger》#元朗千色分店🔹南瓜餅漢堡 $21🔹細粗薯條+可樂 $19原本鐘意食炸南瓜餅🤣實無死粗薯真係好食好多🍟byT: 7/10

元朗終於都有burger 連鎖店進註！今日試呢間MOS burger。一入到去，每張檯都at least 有一個人，淨番最遠近側門既一張「雙人檯」。但係果度好奇怪，完全唔夠空間，仲要擺兩個位，根本入都入到去…叫左個摩斯湯意粉餐。最初一度諗「摩斯湯」係咩黎架呢﹖見圖就似蕃茄湯。睇埋英文才發現，哦…原來係「mos」直譯做中文做招牌菜…沙律混左千島醬，酸酸甜甜。d 蛋無任何調過味，味道好淡。意粉則唔錯，個粉帶點硬身，口感煙韌，蕃茄湯幾濃稠。餐飲可叫汽水、奶茶咖啡檸茶或者粟米湯，除左凍咖啡講明要加$3 其餘都唔使。點左凍奶茶，好淡。間快餐店有送餐服務的。Overall $26，都接受到，可以番頭幫襯。

魚柳漢堡表面烘過但入面仍鬆軟嘅包加埋洋蔥粒 蛋黃醬仲有畫龍點睛嘅mustard啱啱炸起嘅魚柳 夾住一整塊嘅芝士完美嘅早餐 梗係要加埋杯*粟米湯*喇!!唔係間間摩斯漢堡都有提供早餐~——————————————————————$27MOS Burger元朗教育路1號元朗千色匯地下