MOS Cafe

Open Now

Now Closed

尼餐特別d試下日式漢堡，服務員禮貌幾好，制服鮮明，裝修簡約，地方算好坐，唔錯，不過幾細間下。大鄉里，同麥記完全不同味道不同口感，價錢貴d，感覺可以接受。牛油果漢堡幾特別，ok會再食。

一般平民價格的漢堡店中，我較為喜歡MOS，因為食物較為熱，可惜今次件牛似乎受天氣影響了，不夠熱。以前他們好似是即叫即煎的，這次吃來不似。牛油果漢堡是我最愛，因為我愛吃牛油果。飯堡一定夠熱，海鮮飯堡也不錯。

摩斯漢堡店就食得多，摩斯咖啡店有冇食過呢？一行四人9點幾係康怡搵食，間間舖頭都話收十點得佢冇拒絕我哋所以我哋就食佢啦一睇menu見到同平時唔同，多咗碟頭飯咁梗係try try la同平時其他堂食一樣，點餐後拎住牌仔食埋位等食可能比較夜，都唔駛等好耐就食得個蛋黃半生熟拌飯啱啱好汁係傳統摩斯燒汁芝士略嫌太凍，唔要求拉絲，但同個飯嘅溫度有d距離飯係珍珠米由於冇曬汽水供應，退而求其次要咗周打蜆湯杯上拎住飲，不過微凍友人漢堡打孖上方感滿足傾到10幾點店員開始打掃都冇趕我哋走值得一讚

在太古城那邊出席完活動, 特意走去換了新裝的 Aeon Style 逛街 ~ 後來上 OpenRice 搜尋一下附近有什麼特色食肆, 左揀右揀終於決定要到這間 Mos Cafe 吃晚餐 ~Menu ~ 我看中了這個牛油果和牛漢堡, 單買是 $39, 我又左加右加把單包變成套餐 ~ Mos Burger 製造的漢堡包的好味道是沒有欺騙客人, 麵包帶有牛油香氣, 中間夾入很多塊既熟又腍的牛油果肉, 和牛漢堡扒挺厚, 食落多肉汁也有牛香, 下層厚蕃茄片及多量生菜葉, 食的時候並未覺膩, 反而帶甜麵包有重牛油香是更令漢堡包好食 ~Mos Cafe 獨有的香橙紅茶及芒果紅茶, 我這杯是在紅茶裏加橙片, 甜味不過份, 反而茶味是有一點猛 ~本篇完 ~

作為一個MOS Burger的忠實粉絲，一知道太古開Café就好想會一會佢～前陣子放假終於可以千里紹紹來到朝聖啦～當日週末中午前來，店面唔算大，座位唔多，所以都要等左一陣先有位～餐牌上的食物其實跟MOS Burger差不多，最大分別飲品多了少量選擇同埋中午時段去有甜品供應！我就點了這個和牛Mos Burger（HK$30），跟餐加HK$3轉凍芒果茶（是這間店獨有的）再有包細薯條！最喜歡MOS Burger的原因是因為他們是即叫即製，新鮮熱辣，唔會好似老麥咁整定哂係度即時”夾”包，近期轉左包裝紙，幾靚wor～和牛Mos Burger餡料好豐富，除了有一塊厚身的和牛外，仲有洋蔥、芝士、蕃茄、菜及沙律醬，和牛一咬開好Juicy，肉汁標哂出黎，好香牛味，配合其他新鮮蔬菜，口感豐富，好飽肚的一個包！一場黎到，就梗係食D其他分店無的食物啦～叫左個焦糖法式多士（HK$26），份量適中，上面有一大舊Cream，上面淋上杏仁碎及焦糖醬！而下面仲有已經切成一塊塊的多士，再加了少量脆口栗米片，成個口感好豐富之餘，甜度也不會太漏，不錯！

來自日本的MOS一直是我到香港，台灣，日本必吃的快餐廳。喜愛它的東洋風，沒有美式漢堡的油膩感，多了一份元氣感。康怡一帶和AEON最近大大改裝upgrade，MOS Burger 變了MOS Cafe。最大特色是有飯供應。有必要嗎？便來一客漢堡扒飯一試。老實說，味道十分普通，飯不夠熱，汁不夠多。飯上的沙拉是元氣漢堡的菜絲，冰冷的，有點跟飯不配。漢堡扒也一樣不覺跟漢堡包的扒新鮮熱辣，所以總的來說是遜色的。同樣的食材，還是應該去做包。飯款有三種，但漢堡包的選擇減少了，便宜的下午茶餐也取消了，所以我還是喜歡以前的MOS Burger。今天飲食業難做，便力求創新突破。但過程中減少自己的強項（aka brand DNA) 而去了自己的弱項，值得嗎？這case study最經典失敗是在吉X家了。我反而希望MOS Burger 堅持自己的強項，不要迷失。

喺M記出牛油果雞堡之前，我已經被呢度嘅牛油果漢堡吸引咗。我一見到網上介紹，已經好想試。不過唔係間間分店都有，為咗食佢，太古咁遠我都照去！個包應該唔多人點，可能因為新，唔係好多人知啦。落單之後，坐喺度等咗接近15分鐘先有。不過，唔緊要啦，證明夠新鮮，即叫即製嘛。個包勁大個，勁厚！根本唔可以企喺度，所以都係用「籃」上桌。底同面兩塊包仲好熱，差啲燙到。塊漢堡扒一睇就知唔少嘢，勁厚，一定好足料。聽講話係用咗150克嘅澳洲和牛扒製成呢塊漢堡扒，所以真係份量十足！而牛油都唔少，有差唔多四分之一個。望落去都應該係新鮮嘅牛油果！塊牛肉漢堡唔只勁厚肉，仲多汁，肉味夠濃！同朋友每人一半咁食，都唔會覺得少！牛油果好似用嘢醃製過，味道同啲菜幾夾……加埋中間嘅蛋黃醬……食呢個包真係令人好滿足！