羽山冰室 (Closed)

賦閒在家，weekday 又唔知做食乜好，於是食左個brunch，叫左個茶記早餐外賣，番屋企嘆下順便攤抖下！🔹雞排滑蛋多士+蕃茄通粉：招牌燒雞排果然名不虛傳，外脆內軟，咬落去塊雞皮chok chok聲，夠哂香脆，咬到雞肉，亦醃得入味，令人好想成塊成塊咁大啖食👍🏾滑蛋、蒜蓉多士：滑蛋好香嘅牛奶味，雖然我外賣嘅，但都仲有少少嫩滑口感！蒜蓉加牛油嘅多士，一定係好食架啦，唔洗諗！蕃茄通粉：餐廳嘅蕃茄湯係自家特製，特別濃，仲有薯仔粒去增力口感，等個湯嘅質感豐富啲！配埋通粉吸哂啲湯，每一啖都好開胃！成碗湯飲哂！㊙️雞排外脆內香，一定要食！

無意中發現呢間冰室因為今日想飲咖啡，餐牌上有即磨的，即試下。冰室有5張4人檯，當日吾想食太飽所以叫左2份三文治，芝腿及蔥炒蛋 （3.6牛乳）。個餐牌好特別，畫左卡通貓，牆飾有2條龍，有d 漫畫feel。麵包係厚切，以為會硬但食落好軟熟，芝腿正常，蔥炒蛋非常美味，有 heart 的製作，需則吾知點解廚房要先出遲過我到的8人早餐，佢地都有炒蛋，唯一的樓面姐姐更寫錯左我叫的蔥蛋做蛋牛。我吾食牛否則會食左佢，所以又再等，前後都等左15分鐘先可以食我份三文治。好彩，份三文治係非常美味，炒蛋係滑蛋，夠厚，加蔥係perfect, 2樣我喜愛的材料，抵消番久等的煩燥，而價錢只係$26 （2份加埋先係$50）, 非常超值。即磨咖啡都好飲，完美的一餐，一定會再幫襯。補充，寫錯單的姐姐好有禮貌的道歉後快速幫我改單，讚。

平時社交平台見都幾多元朗鄉民食，於是就黎試下啦。坐低叫左個羽山煎雞扒 選配煎蛋同煙肉 餐包蒜蓉多士同焗豆，另外再加多個雪菜肉絲米粉，飲品叫左茶走。多士夠足料，蒜蓉醬係揸哂成個面，好夠味，外脆內軟唔係得個包咁hea煎蛋係燶邊蛋岩岩好煙肉就正正常常不過不失。煎雞扒非常出色，應該係用扒爐烘煎，味道口感都似榮x雞扒，食到尾個雞皮都仲脆脆地雪菜肉絲米份量都夠，雪菜肉絲味可以再濃啲。茶走略嫌茶濃左啲，較為澀口。服務唔錯有禮貌，整體非常滿意，會繼續幫襯

知道附近有新餐廳開張，就係呢間羽山冰室了，見順路就過黎試下先。店內滿滿都係自家logo嘅用具，餐具、膠袋等，仲有貼紙拎添呀。第一次食就點個餐廳推介嘅羽山燒雞扒手乳炒蛋飯先，賣相唔錯呀。蛋好滑，雞扒大大塊煎得香口，仲有個好正嘅蔥油汁同鹹菜，白飯再多都食得晒。熱檸茶不過不失，個人覺得茶底濃了一點。送的餐湯，是日係冬瓜紅蘿蔔湯，幾甜呀。另外點了下午茶的秘製瑞士雞脾配黑醋醬大蝦沙律菜，賣相又係幾正，可以打卡。油脾好入味，肉嫩多汁，大大隻脾好多肉㗎。旁邊的沙律菜就一般啦，唔係太新鮮食落唔爽脆，同埋個點醋汁太酸了。即磨咖啡好香好飲。呢個價抵食啦。

粟米肉粒飯，加左薯仔粒口感係唔錯食薯仔會有一種滿足之感，其他茶餐廳嘅粟米肉粒飯好少用呢個組合，不過，其他人講嘅神級程度，又有D誇張得滯。是日例湯唔錯，當日係青紅蘿荀湯，飲完唔口渴，合格合格。

之前呢個位置係叫匡樂冰室，改名或頂手我唔知，但呢個早餐食得出係有水準嘅。沙嗲牛肉公仔麵加牛乳炒蛋多士，牛肉軟腍適中，炒蛋夠滑，非常有心做，好食。價錢35元算大衆化，可以接受啦。唯一美中不足係杯奶茶，淡奶多咗啲，下次叫少奶或者會好少少。

好似係第一個評論？新開嘅元朗冰室。即刻試一試佢。因為停車場都無位放低架車，所以只可以買個外賣早餐。佢個早餐睇落唔算大份，不過食完都飽。而且食物質素真係唔錯。雖然買到番屋企啲野都凍曬，但沙律菜新鮮，蜜糖燒雞扒都脆皮，所有野都唔會太油。另外一個驚喜位係外賣餐具個包裝，真係幾精美，同埋啲餐具都唔馬虎。（今次係唔記得叫佢走餐具。雖然好靚，但下次都係走餐具環保啲）整體而言，感覺到呢間冰室有心，希望可以保持到水準，下次再試下堂食！

我地甘岩系下午茶時間過後黎，加上應該系新開張，即刻黎試下，睇個門口都幾靚，新式茶記裝修，9點食完早餐未食過野，成隻牛都食得落！仲樣樣都想食，幾經掙扎揀左最基本既沙嗲牛肉麵、蕃茄雞扒通粉同椒鹽豬扒飯先講沙嗲牛肉麵，我覺得沙嗲牛肉麵系可以代表到一間餐廳既質素，一上台見到好多舊又大舊既牛肉，平時既牛肉一沉湯佢系會無晒d沙嗲汁，但依間個醬系包實舊牛肉，超正啊，面底比較彈，吾會軟奶奶，湯底配沙嗲汁味道岩岩好，不過最近我減緊肥，食沙律為主，覺得咸左小小，重口味既朋友一定岩啊配餐既多士好重牛油，3.6炒蛋系超滑蕃茄雞扒通粉，一上到黎即刻試淡湯先，好似系屋企煲既蕃茄薯仔湯甘，勁濃，好好飲（我3心2意個陣店員仲話破例裝碗蕃茄湯俾我）男朋友系蕃茄湯怪黎，個通粉好大碟，有啲嚇親，雞扒微蕉，以為會有苦味，點知反而又香又脆，抵讚椒鹽豬扒飯系炒蛋加飯，吾系白飯底，比其他餐廳有誠意，加分但椒鹽既配料可以再多dd，撈飯食一定好正，豬扒就肥瘦適中，吾會勁多肥膏，又吾會好乾好柴，感覺吾飲反炸既豬扒，都底讚既