滷川長 (沙田廣場) (Closed)

周不時得閒都會出沙田行街，行晒成個新城市之後行左過隔離沙田廣場，見到呢間的的骰骰嘅舖頭，見到玻璃櫃入面有好多滷味 作為滷味控嘅我即刻行入去睇吓。呢間應該係新鋪，我未聽過個名，但係舖頭嘅裝修都幾有台灣嘅味道。醒起聽日要去同朋友car camping，所以決定買啲一盒盒分比朋友食。今次我揀咗口水雞半隻、活力雞中翼、紅油脆耳同埋麻辣爽肚。首先我想講，盒口水雞超足料，成盒野直頭係重嫁！！！醬汁超濃味，要麻有麻要辣有辣，好鍾意個醬汁。佢唔係真係好似大陸嗰啲四川辣，而係香港人都好接受到果種辣~ 隻雞好滑，好啱送飯。紅油脆耳係我本次最愛！超爽口超好咬！個辣仲要好惹味，好好食好開心呀！麻辣爽肚個辣其實好正，但對我呢個食譚仔三小辣既人來講有啲太辣，我唔係好食得哂。但爽肚既部分好好食，好爽口！整體來講好滿意，一定會再買黎食(P.S. Sorry唔多相，因為我地太急食哂😂)

依家無晚市堂食, 我相信好多人同我一樣, 晚晚都要諗食咩好星期日同屋企人出去行左陣街, 就睇下有咩可以買返去食行到沙田廣場, 見到一間新開既賣即食小食好似幾吸引咁就入去睇下有咩好食細細間鋪, 但俱來萬有, 好多都係辣野, 好岩鍾意食辣既人而且佢地每日新鮮製造, 絕無添加防腐劑及人造色素仲有D整野食既醬料可以買黎自己整都得!!!! 我地買左4樣野, 依幾樣野可以送下酒, 或者平時加餸食飯都一流首先要講下佢個招牌半隻口水雞$68 有密封包裝, 一開封已經聞到好香辣味, 味道口感同辣道都恰到好處, 好惹味, 而且都好新鮮, 真心必食推介⭐️⭐️⭐️⭐️⭐️第二樣想推介係紅油脆耳⭐️⭐️⭐️⭐️⭐️都係好好食，送酒一流阿🍺第三樣想推介係雞翼！！！我是雞翼控，所以都一定會簡雞翼依個滷水雞翼整得米入味建議熱食，會更肉汁鮮嫩😝😝最後既麻辣牛筋腩都一樣出色好爽口 麻辣汁配牛筋腩超正配搭亦都係送酒加餸佳選🍺⭐️屋企人都話會再買～～～♥️

因為夜晚無得出街食飯要買定啲餸看門口有時煮到悶，都唔知煮咩好咁岩經過呢間滷水店，順便買野食返去加餸店舖面積不大牆上掛咗不同滷水既價錢，一目了然有一個玻璃放咗滷水料慢慢揀另一邊有凍櫃買走一啲即食滷水，種類都有好多嫁有口水雞、牛肚、紅油脆耳等等最後揀咗幾盒返屋企慢慢嘆濃味牛舌返屋企翻熱佢，味道更突出牛舌個辣味都幾辣而滷水既八角味都幾香牛舌肉質柔嫩，富有彈性二師兄豬手粒滷水滷得入味而且忟得軟淋豬手粒表皮沒有豬毛，而且豬皮柔軟啖啖骨膠源蒸番熱都唔會好韌半隻口水雞口水雞味道愈食愈辣喜歡辣既朋友不容錯過而且隻雞都幾多肉包裝得好好，密封膠膜，保持食物既原汁原味脆豬耳麻、香、辣、脆

行來行去想下今晚食咩？見到這間滷味店，就買了幾盒回家，做今晚晚餐😋😋「大隻佬牛展」牛展好咬口👍🏻「番尋味鴨掌」好入味🤭 如果再淋身一點更好🤩「麻辣牛根腩」最正😋😋👍🏻 牛根夠多，牛腩入味，而且野味，麻辣口味😍「活力雞中翼」size 為中size , 加熱會更好味😙備註：🔺方便簡潔👍🏻🔺放飯，配啤酒🍻 岩哂🤩🔺見到口水雞🤭 好正咁，下次要提食🥰🔺店長為我推介，冇防腐劑！ 太好 ！則係新鮮😍🔺店內仲有醬料買，都好吸引👍🏻🤭

行過沙田廣場見到li間好新好靚嘅滷味外賣店, 打破左我以往對於滷味鋪=成地油淋淋嘅印象, 入去睇下有咩賣先. 成排滷味牌掛哂喺牆上, up得出嘅滷味(牛脷, 滷水蛋, 鳳爪, 豬肚….)好多款都有得賣, 透明玻璃櫃入面擺好哂一盤盤嘅滷味, 亦都有預先包裝好勁企理嘅揀.🎈姐姐介紹店家嘅出品係日日FRESHLY MADE, 無添加防腐劑n色素, 即造即日賣ga! 我仲見到一盒盒一開就煮得嘅煮食底料醬, 喺屋企DIY水煮魚, 麻辣🐔煲, 香鍋…完全無難度呀. 即刻揀返幾款今晚加料先.🎈口水雞好正! 滿滿嘅川味麻香辣椒香, 非常入味, 雞肉好嫩+overall啖啖肉, 屋企人都讚好有水準夠哂辣送飯perfect.🎈夫妻肺片都係辣嘅夫妻肺片, 牛腱牛肚切片份量十足, 充滿椒香芝麻香, 勁有川辣風味.🎈麻辣牛筋腩鋪頭姐姐好細心, 佢recommend牛筋腩整翻熱會腍軟好味好多, 因為牛筋本身凍左就會韌(骨膠原啲friend), 但整返熱就會腍返, 我同屋企人都覺得夠哂麻辣勁入味👍.🎈濃味牛舌Li味唔辣嘅牛脷好正, 滷水汁完全入哂味, 每一塊牛脷都非常腍軟. 我最鐘意就係包裝得超衛生企理返屋企搣開即

呢間店鋪啲小食款式都好多，突然經過就俾佢吸引咗。 小食款式林林總總， 我就特別揀咗幾款自己平時鍾意食嘅小食買返屋企加餸。 當中包括有夫妻肺片、二師兄豬手粒、 活力雞中翼和口水雞。 先介紹下個夫婦肺片，調味十分濃郁，辣味刺激味蕾，送飯食和作為下酒菜都一流。 而且肉質都仲有爽口嘅感覺，唔會係霉霉爛爛。 而豬手份量我都覺得合理， 唔會得果幾粒仔😂 豬手既皮食落骨膠原滿滿， 但就有小小靭，略嫌需要一啲牙力。 至於雞中翼如圖所見， 隻隻都充滿肉質， 脹卜卜， 不過滷水顏色唔算好深色， 略嫌有啲唔夠入味， 不過肉質值得一讚， 肉質係好紮實！ 有咬口最後一樣係口水雞， 半隻份量既口水雞真係不得了！ 件件都好多肉， 又唔會一舊舊碎濕濕， 而且我好中意佢個口水汁， 調味十分好🤩 會一試再試。

最近疫情又嚴峻咗…又有排都冇得出街食晚飯lu…奈何D菜又咁鬼貴 >_< 搞到夜晚都冇心機買餸煮飯…去沙田廣場經過見到有間川味滷味小食外賣店!仲寫到明「香港本地每日新鮮製造」 「無添加防腐劑及人造色素」等我買幾盒返去, 就咁煮個白飯就得啦~ 正呀!!雖然舖仔細細, 但係貨品排列得好整齊新春做緊promo買滿$100有95折; $200有9折仲送麻辣油或麻辣菜脯除左一盒盒即食小食之外, 仲有好多唔同嘅料醬賣啵!一盒盒小食睇唔岩, 都仲有得就咁買, 斷磅計$$我最後就揀咗幾盒買返屋企加餸試試!包裝盒寫明可以凍食, 即開即食! 又幾方便啵!不過冬天凍冰冰都係唔好食凍嘢啦, 所以我全部都叮返熱佢地咁食半隻口水雞 ($68) 份量好足, 真係有半隻雞係度件件都係肥厚適中~ 啖啖肉~正!!味道夠晒麻香辣! 岩晒鍾意食辣嘅朋友仔麻辣牛筋腩 ($58)呢樣係喜出望外~估唔到咁好食!!! D牛腩好腍唔會咬唔開之餘又入晒味咁, 麻麻辣辣好惹味!!而牛筋係大大塊~仲係入味得黎好Q彈!!!呢一盒我覺得仲好食過出面餐廳食果D呀! 絕對會Encore~活力雞中翼 ($38)一盒有五隻, size係正

經過沙田見到間新既滷味外賣店 「滷川長」🤗 聞到好香嘅滷水味就比佢吸引左💓 原來仲有一啲川味小食 🍔香港本地每日新鮮製造 即做即賣 🤤無添加防腐劑同人造色素咁吸引就試一試 🥰⭐️ 口水雞 🐔雞肉唔會太肥 表皮晶瑩剔透✨ 口水調味辣中帶麻 香料味重 好岩送飯🍚⭐️ 活力雞中翼 🍗滷水雞翼非常入味👍🏻八角味重睇得出係真材實料🤩⭐️ 健美牛肚 🐮牛肚十分爽口 好適合做下酒小食🥂 辣味比起口水雞又係另一種層次🧡⭐️ 番尋味鴨掌 🦆鴨掌都好啖啖肉好Juicy 滷水汁帶點甜甜的蜜味🍯 聽到店員推薦除了有川味即食小食外亦有即用煮食底料醬作主打 🥘 即開即用 方便又好味 下次有機會試一試💕

某日去沙田買野黎到沙田廣場順便買外賣加餸見到一間都幾多人幫襯既滷水店，原來係沙田新開既滷味外賣店叫滷川長，呢間餐廳主要每日由香港本地每日新鮮製造即造即賣，仲要好健康因為絕無添加不含防腐劑同人造色素食客可以安心食用，另外呢度最出名既必食推介就係半隻口水雞，全部食品都獨立包裝，口水雞味道有秘制辣汁啖啖肉，雞肉辣得過癮，除左川味即食小食外仲有即用煮食底料醬做主打，即開即用，方便又好味，豬手粒小食一盒4件大大舊，健美爽肚牛肚味加滷水味香濃彈牙，麻辣牛根腩d辣汁味滲入晒牛腩度。

疫情底下，六點後冇得出去食飯，又唔識煮飯嘅我，成日都要諗吓食咩好，今日咁岩行開沙田，見到呢間新開既滷水外賣店，翻熱就食得既滷水嘢食同埋辣野，見呢排天氣凍凍地，買來試吓先😋因為買俾全家人食，所以揀咗四款，半隻口水雞，健美牛肚，麻辣牛筋腩，濃味牛舌，友善嘅店員姐姐教我，牛腩要特別整熱啲，其他少少熱都可以食得，口水雞如果喜歡食凍嘅就咁放返出嚟一陣就食得。本身諗著睇下有冇指示要整熱幾耐，先見到包裝上面寫住香港每日新鮮製造，即造即買，絕無添加防腐劑及人工色素，唔怪得知佢標明係家的感覺，個人最鍾意口水雞，唔係非常之辣，基本上食到譚仔五少辣嘅都應該食到。另外揀咗啲川味小食，就真係比較辣啦🙊🔥🔥如果平時又鍾意食辣，又唔想揀現成嘅嘢食，佢呢度仲有啲整好嘅醬可以買，可以買返去自己煮嘢食，即開即用，好方便😋😋呢度真係懶人開飯加料區😂

而家夜晚食外賣已經成為左家常便飯了之前經常都係食便當、炒粉炒麵、湯麵，經常都諗食啲咩好……今日經過見到沙田廣場有間新開嘅滷味外賣店晚餐終於可以有啲新鮮感喇價錢相對實惠口水雞半隻都只係$68！仲有好多麻辣即食小食，亦有煮食醬汁醬料勁方便！所有食物都係每日新鮮製造好新鮮，絕無添加防腐劑及人造色素打開包裝紙，只需叮大約1-2分鐘，就食得好香川味，越食越好味，辣勁十足，岩哂無辣不歡嘅我雞肉好嫩滑，份量一啲都唔少，足足有半隻有一點要特別嘉許的包裝紙好容易開，不消任何力度已經輕易打開！腎片滷得好入味，同時麻辣味十足，一舊接一舊咁食，食到停唔到口不過真係越食越辣！呢盒爽肚份量比較少，如果可以再多返啲會更好！味道非常好食，口感好爽，所以有啲唔夠喉

呢日，心血來潮想食口水雞！！依家冇晚市食，夜晚又唔想自己煮，惟有周圍搵吓有冇嘢可以買返屋企食。呢間有售各式各樣嘅即開即食滷味、麻辣菜式同各式醬汁嘅鋪，可能係一個好選擇。選了以上四款😋 口水雞半隻 $68啖啖肉嘅口水雞，味道與賣相都同出面餐廳整嘅差唔遠，麻辣口水汁夠晒惹味，味道唔會好咸，雞肉都夠滑。最推薦呢道。健美牛肚 $45老豆鐘意食嘅牛肚，夠晒入味，有少少藥材味同五香八角味。麻辣牛筋腩 $58呢個嗰麻辣醬汁都好好味，牛腩同牛筋一啖一舊。活力雞中翼 $38五隻雞翼大大隻，都幾入味，不過肉質就冇口水雞咁滑。

食外賣小炒粉麵食到悶係時候，試下惹味小食佐下酒，係屋企嗒兩杯，輕鬆一下位於沙田廣埸滷川長係本地品牌滷味外賣店，即日新鮮做，標榜冇味精冇防腐劑同人造色素有玻璃櫃位，即磅即切另外有凍櫃，有好多款盒裝包裝俾你揀鳳爪，牛筋腩，牛𦟌，爽肚，口水雞，鴨腳，雞尖，雞腎,肺片仲有醬料區，雞煲醬都有，啱哂呢期自煮買左銷魂鳳爪$30,麻辣牛筋腩$58,麻辣爽肚$43銷魂鳳爪仲店舖必試推介口水雞半隻$68銷魂鳳爪,滷汁冇死鹹，麻香少辣,質感爽，唔係淋果種麻辣爽肚，辣汁剛好，爽脆麻辣牛筋腩，麻香辣，醬汁乾身，筋少韌，腩夠淋如果筋位都淋就啱我口味多d口水雞半隻肉多，都幾辣下，好惹味，送酒，正#阿妹食小少#armui_eatdd#hkfoodblogger

早排斬完燒味，今晚就嚟到呢一間滷味外賣店，平時行過都唔覺眼原來係新開嘅，即刻買返四盒返屋企試試。👍🏻半隻口水雞口水雞只要放喺碟度叮翻熱佢就食得，麻香味好足夠，而且份量好足，特別仲加上左芝麻，雞肉翻熱後肉質都相當嫩滑～👍🏻健美牛肚牛肚份量相當充裕，淋淋軟軟，滷味汁好入味，調味唔會好鹹，但好麻好辣，啱晒鍾意食辣嘅朋友呀！👍🏻二師兄豬手粒骨膠原滿滿，一盒四件，啱晒一家四口一人一舊！豬手外皮嘅毛髮已經除去，外皮爽彈，肉質易咬。👍🏻濃味牛舌每片都好厚，牛味好香濃，食落有少少麻香感，包裝盒推介涼食最佳，但係小編見天氣凍，都係翻叮左。👍🏻👍🏻小店賣嘅每一盒小食，都係香港本地每日新鮮製造 ，即造即賣，絕無添加防腐劑及人造色素，所以食落都非常新鮮。💡除咗有川味即食小食外，小店更有即用煮食底料醬作為主打，即開即用，整雞煲打邊爐，或者就咁調味都好方便。

有時返到屋企有啲夜，但係又唔想出街食。買定呢啲只需加熱嘅餸就最好！買咗幾款估唔到幾好食！喺屋企只需要整個白飯，然後加熱，就可以有餐好飯食！▶️半隻口水雞呢一個好好食😋口水雞唔會好辣，但係麻辣味好香，非常惹味！雞肉亦都幾滑！呢個真係水準唔錯！▶️牛肚睇落去非常入味，但係原來係好辣！辣得來又好想繼續食！▶️銷魂鳳爪鳳爪嘅滷水味道好夠，而且鳳爪皮滑脫脫，十分滋味！▶️二師兄豬手粒豬手幾大件，有四大件，又係非常入味。豬手皮夠林，食完覺得自己好多骨膠原，哈哈！