大樹先生的家 (皇室堡)

Open Now

Now Closed

中秋節放假，之前囡囡一直都好想去大樹先生的家玩，今日就帶囡囡去銅鑼灣皇室堡玩，大樹先生的家位於皇室堡15樓。未開門，已經好多小朋友同家長排隊了，餐廳地方夠大，一邊用餐區，另一邊是玩樂區。小朋友未去到用餐區坐低，已經衝左去玩波波池，超級夢幻既紫色波波，好大個波波池玩完波波池，囡囡停留得最耐既地方就係釣魚區，因為有得玩水！！入面仲有煮飯仔區啦，露營區，換衫區，好多好多野玩，再細d既bb 可以去0-24個月既玩樂區玩玩到一半開始肚餓，開始食野啦黑松露雜菌忌廉湯（$68）黑松露好香濃，稠身左小小，如果稀返小小口感會更好煙三文魚忌廉汁意大利粉（$176）有一大塊煙三文魚，份量都幾大碟，除了有煙三文魚，仲有三色椒，顏色繽紛，而且好健康，意粉火喉適中，忌廉汁好香濃，口感Creamy 蜂蜜蛋糕（$78）蜂蜜蛋糕來自捷克，蛋糕口感與我們食開既完全唔同，蛋糕每一層之間夾著調味的奶油，上面灑著餅乾與核桃混合的碎粉，口感偏硬小小同略乾，食落有種獨特既蜂蜜味同堅果香氣大樹首選朱古力（$68）

大樹先生在銅鑼灣位置位於皇室堡15樓。本身約左15:30，但頂唔到小朋友一路吱吱喳喳咁穩緊波波池，所以都早左上黎。正如所料，都需要在門口等一陣，因為入邊d工作人員都係度收拾咁d玩具之類。餐廳營業時間列表。我地就反小公主放學時間，選左平日人唔多既禮拜三下午15:30-18:00，每場兩個半鐘。兩場間隙會有半個時間既清潔時間。由出邊望入去都興奮不已，色彩繽紛。十分吸引眼球。煮飯仔、公主衫、波波池、野餐、釣魚……應有盡有。小公主急不及待咁一開門就沖左入玩樂區，差D唔記得除鞋同清潔手。遊樂區門口會有個笑容好好既姐姐溫柔細心提醒小朋友。我唸，點解間鋪叫大樹先生，多多少少都因為呢棵在餐廳中間既大樹而命名。乾淨明亮既臺凳，令大人坐得舒服。仲有好多BB凳，卑BB坐定定食嘢。哈哈。煙三文魚忌廉汁義大利粉Spaghetti In Cream Sauce With Somked Salmon黃咖哩忌廉汁義大利飯配扒海鮮Risotto In Curry Cream Sauce With Seafood 我同fd兩個叫左兩個餐，餐除左主食，仲包括餐飲，餐湯以及沙律。煙三文魚忌廉汁義大利粉都好食，但我更喜歡黃咖哩

約老友食飯，佢帶埋王子出來，我就提議去大樹先生的家，小朋友一定好開心！預先訂好檯，平日晚上都唔算多人，可以舒舒服服玩足3個鐘（18:30-21:30）。食物方面，主打健康套餐，例如四色糙米飯及蕎麥麵等等。低溫特製手撕雞肉糙米飯套餐（$178）配日式麵豉湯、水果醋雞肉低溫浸熟，非常嫩滑；味道有麻油香同椒鹽味，調味得剛剛好。主廚燉煮雞湯露荀雞肉卷，配蕎麥冷麵（$198），日式麵豉湯、水果醋雞肉卷一樣嫩滑，加入蔬菜味道更帶點甜味呢！至於小朋友，一樣有健康套餐，賣相仲非常可愛呢！小朋友指定要食的：螃蟹寶寶配照燒雞扒（$158）彷如一隻可愛的蟹寶寶，套餐仲有水果杯同紅菜頭蔬菜湯，營養均衡。瑞士雞翼（加配價$68）熱辣辣的瑞士雞翼，味道都幾入味。台灣風味芒果熱情果冰沙（$78）至於玩樂區，有個小水池玩釣魚，有個發泡膠池，積木玩具zone，幼兒zone，同小朋友最愛：波波池！呢度食得舒適，小朋友玩得好開心的一個好地方！

最近阿仔少咗扭計開咗學老師讚佢好乖👍所以應承佢帶佢嚟多次大樹先生的家至於點解大樹先生佢情有獨鍾？因為呢度有真水釣魚🐠🐠每次玩到樂而忘返 淨係玩釣魚都玩足成個鐘🙈仲有超大波波池 sir呢sir去顏色又靚十幾二十個小朋友喺入面玩都唔覺得迫入面有大量模型角色扮演 不過老實講我個仔唔係好感興趣佢最鍾意嘅就係入面有好多衫衫著 基本上見見男仔衫佢都試過曬話自己好叻叻😁特別鍾意呢度嘅就係連大人都好happy專登整咗個草地帳篷 扮野餐🤗仲有幾朵好大嘅花畀大家打卡唔係我樣衰衰我都想畀幾張大家睇下我幾開心.💟豬頸肉蕎麥麵蕎麥麵 煮到啱啱好又爽點冷麵汁非常舒服啱曬夏天食豬頸肉唔會油膩嘅感覺煮到啱啱好 點甜酸汁一流跟餐仲送蘋果醋 又健康又養顏💟黑松露野菌雜菇忌廉通粉分量好多 用咗好多野菌撈忌廉汁黑松露浸曬落啲通粉度非常之香不過可惜 黑松露汁唔夠多通粉偏硬少少 好在我鍾意硬質地對我嚟講冇問題但小朋友食可能要同職員講要軟少少嗌咗套餐 會從羅宋湯同沙律 沙律好新鮮配沙律醋 比沙律汁健康好多羅宋湯偏酸 非常開胃💟頭好壯壯兒童餐肉醬通心粉 味道酸咪咪小朋友啱曬選用咗比較細粒嘅通心粉唔會濁親 非常開胃自己一個人but曬成

剛完了暑假，小朋友剛開學放早，襯呢個時間帶佢嚟親子餐廳盡情地玩。一開𨋢，小朋友遠處望到環境已經好興奮，位置在銅鑼灣非常方便。點了雞扒意粉餐，配沙律．餐湯．仲可以加$68配小食。小朋友揀咗芒果熱情果沙冰，好好飲，好濃郁芒果味，黃咖哩海鮮飯配大大粒帶子．青口．海蝦，好足料，份量仲比預期中大。整間餐廳同遊戲區好乾淨整潔，設施好安全，好放心比小朋友自由地玩，大人又可以坐埋一邊專心地吃😋呢個就係我選擇親子餐廳嘅主要原因。原來可以在大樹先生的家舉辦生日會，小朋友就快生日，呢度都係我選擇生日會場地嘅目標之一。成班小朋友一定會玩得好開心，唔捨得走。食飽飽離開時，阿囝不斷講：下次要再嚟過呢度玩，總括嚟講呢度好抵玩，因為有得食有得玩，價錢大眾化。最緊要小朋友喜歡😍大人就開心🥰

今晚J帶埋仔女一齊同我食dinner, 最好緊係揀一D親子餐廳la!因為佢地有佢地玩，我地有我地食，真係一舉兩得！J揀左來自台灣的大樹先生，餐廳有一半位置用作小朋友玩樂區，9成以上的遊玩設施都需要脫鞋進行，脫鞋後噴消毒藥水洗手才可以進場，非常衛生！家長絕對可以放心！這裏的波波池超大，放眼一片紫色泡沫，還有滑梯增加趣味，我都想玩埋一份呀！還有很多其他玩意，如砌積木、畫畫和扮公主，還有露營和煮飯仔遊戲 小朋友黎到可以放下電，大人又可以透吓氣，好爽！今晚我和J order咗一個"照燒頂級銀雪魚配黑松露薯蓉" $328、"慢煮特級牛柳伴鵝乾配黑松露醬燒肉汁"（套餐$316 ), 另外叫咗兩個兒童餐，大笑貓貓配煎魚柳 $158 和"螃蟹寶寶配照燒雞扒" $158 。照燒頂級銀雪魚配黑松露薯蓉~銀雪魚煎得皮脆肉嫩，非常滑溜！黑松露薯蓉黑松露味濃郁，口感綿密細滑，好美味！慢煮特級牛柳伴鵝肝配黑松露醬燒肉汁(套餐)~包蟹籽沙律和羅宋湯。鵝肝肥美，外脆內軟，非常美味，牛柳牛味濃郁，肉質鮮嫩軟腍，肉汁充盈，配菜有梛菜花，西蘭花，薯條和薯蓉，非常豐富，整體質素不錯，頗有驚喜！螃蟹宝宝配照燒雞扒~除了有螃蟹造

大樹先生的家 (銅鑼灣店)       地址：    銅鑼灣告士打道311號皇室堡15樓1501-1505號舖       有小朋友架媽媽一定聽過大樹先生的家，是兒童餐廳，有兒童餐供應外，更有很多遊戲設施，家長帶小朋友來食同完，會讓小朋友放電樂上一天波波池，cosplay 公主服務道具，如果小朋友要玩付費就ok中午來食野，手撕雞肉秋葵salad ,天氣仲好熱都係食salad , 清爽希望提升胃口，salad dressing 畫龍點睛。除了salad 我點多份小食 $79 瑞士雞翼，煮得入味，甜甜豉油，皮都好腍。假日同暑假超多一家人來玩，氣氛很好。雖然單以食物計定價略高，但有小朋友當上play group 就比較化算。

這個暑假真的過得不容易, 做家長要努力平衡自己內心掙扎, 亦要每天看著新聞耐心的向小朋友解釋社會的各種不公義事件。趁著暑假最後一天就約了好朋友一家再去銅鑼灣大樹先生,  喜歡這裡平日的夜晚環境較清靜, 可以在溜小孩的時候與知心好友聊聊天。大樹先生的食物確實有質素, 我之前兩次來都會選擇煙三文魚白汁意粉, 而這一次我想試點別的, 我點了南瓜忌廉汁意大利粉配照燒雞扖, 小朋友點了大笑貓貓, 先生點了手撕雞配喬麥麵, 另加錢點了黑松露薯條。南瓜忌廉汁意大利粉配照燒雞扖: 南瓜汁頗多, 而且有碎碎的南瓜粒, 味道很好, 照燒雞扖非常入味, 很滿意這碟意粉, 份量大, 我覺得足夠兩個大人吃。大笑貓貓: 小朋友上次也點這個, 他依然喜歡, 看他也吃得津津有味。手撕雞配喬麥麵: 看上去, 蠻好吃的。先生也全都吃進肚子裡。黑松露薯條: 最有驚喜是黑松露醬, 與剛剛炸起的薯條很夾, 薯條亦都很有薯味, 讚!小朋友一吃飽, 就跑進遊戲區玩過不停, 玩波波池玩得很HIGH~ 場內職員也親切和小朋友互動, 與他們玩抛波波。價錢略貴, 但每次來進餐都是開心地離開, 真的很喜歡這間親子餐廳

大樹先生的家，對大人對小朋友都係一間非常好的親子餐廳。環境舒服，有個好大空間比小朋友玩，好大個波波池，仲有好多唔同玩具，連理都唔使理個仔，自由活動，仲要有員工姐姐好開心咁同佢地玩，完全係輕鬆的好地方。一家三口，一人叫一個餐，我就叫左黑松露野菌忌廉汁尖通粉，老公就叫左煙三文魚忌廉汁意大利粉，阿仔就食雞蓉有機蔬菜星星粉配雞扒，點野食好味，好入味，濃度剛好，同埋出黎個賣相都唔錯，所以好滿意。特別提多一提，我覺得乾淨程度都好高，高水準。非常鍾意呢個地方，大人小朋友都開心。

適逢女女就黎生日，就帶左佢去大樹先生到玩，放下電，媽媽又可以休息下，睇到facebook見到整左個花花wallpaper同紫色波波池，簡直係呃like必影，呢到有好多不同區域不同玩具適合不同年齡不同性別玩，我地太肚餓叫左嘢食先再去玩黑松露野菌忌廉汁尖通粉 $168呢到食物好健康，同平時出面食嘅明顯調味無咁濃，好適合小朋友食，野菌份量好多，每條尖通粉都充滿醬汁低溫特製手撕雞肉配蕎麥冷面 $198手撕雞好嫩滑配冷面好清新，仲有碗熱辣辣麵豉湯嬰兒副食品 $99女女食果蓉，新鮮水果，餅餅同果汁

親子餐廳一定係爸爸媽媽的好選擇，一次過可以滿足晒小朋友🥁食❗玩❗放電‼️於一身！！和小朋友一到達皇室堡15樓，他已經急不及待跑去🏃‍♂玻璃窗前面觀察，好似準備一開門就衝💨入去玩自己最心儀的遊戲。我地選擇了3:30的時段，接待姐姐先幫我地量體溫講解遊戲區需知及守則，然後就帶我地坐低。我的小朋友櫈都未坐，就決定要先玩波波池。 之後就轉戰溫布頓水池🎾！小朋友可以釣魚🐠🐟或撈魚🐙🐳，而水池內的水經過濾，達至飲用🚰等級，所以我非常放心。而其他遊戲亦多樣化💫例積木、廚房及煮飯仔、角色扮演等......如個太細的小朋友唔使怕👍🏼，因為仲有一個👶🏻2歲以下的遊戲區👣而餐廳的姐姐都好注重衛生，每次進入遊戲區大人及小朋友都必須除鞋及消毒，有小朋友穿了鞋入遊戲區，姐姐亦會立即提點☺。玩完當然就要醫肚🍽，我地叫咗一個煙三文魚忌廉汁意大利粉🍝、兒童餐🦀螃蟹寶寶配照燒雞扒🐥。小朋友的兒童餐賣相可愛🥰，增加食欲，而且羅宋湯十分足料味道可口！而我的意粉擺盤精美，份量十足，食飽之後就有力再去放電了😆💪🏼

大樹先生的家對上一次去過長沙灣分店銅鑼灣分店是第一次去，銅鑼灣分店感覺好新淨，平日下午3:30去到等左一陣入場，因為店舖準時3:30先放人入去，門口已排隊因為今日平日人唔係太多，地方都很寬闊，入座後安排我們坐下放低餐牌入座後安排我們坐下放低餐牌，小朋友已急不及待出去玩，所以真係要兩個人去食先得如果唔係一個人去玩根本食唔到野，我哋叫咗一人一個午餐🥣，加左套餐會跟杯嘢飲餐湯同沙律🥗，沙律好大碟餐湯就比較細碗嘢飲叫咗水果茶，套餐飲品只包$38，若貴過此價錢要再補差額，叫咗個煙三文魚意大利粉同埋白松露惹菌忌廉汁意大利飯，意大飯我小朋友好鍾意食，另外再叫多個黑松露薯條🍟，味道好好食因為啱啱新鮮炸起，玩嘅地方有一個專區係俾0至24個月入面有好多小sir滑梯玩具啱啲BB玩，出面有個波波池都算適中，同埋有個玩水嘅地方幾得意可以撈魚仔

上星期想見吓朋友個女，就諗住搵吓啲親子餐廳去食！見大樹先生都好出名就去試食，整體環境闊落，而且夠衛生，好放心小朋友去玩，遊玩區好大，如果多啲種類就更好！🐣香草烤去骨春雞配北海道帶子雞烤得好脆，夠嫩滑又多汁！帶子就大大粒，多汁新鮮！

**大樹先生的家-銅鑼灣店**桃桃8個月啦 今日就帶佢同埋佢表姐一齊去玩。表妹已經玩慣玩熟，而桃桃就係第一次黎銅鑼灣店位於皇室堡，唯一唔方便既就係要搭貨𨋢，因為我推bb車，係無𨋢從地下上一樓，所以等𨋢都等左大概10分鐘。好彩上到黎地方大，而且乾淨企理。入場前要先量體溫，跟住就有職員安排位置比我地。呢個時候表姐已經走左去玩。我同媽咪就叫野食，我地要左set，主食、沙律、湯、飲品。份量超多，而且味道超好！分別係 同埋 就算攤凍左都仲好好味！叫左一份兒童餐比表姐食「肉醬有機蔬菜通心粉配煎魚柳」仲有生果,咁就唔擔心小朋友得肉食。重點係原來呢度仲有bb餐嫁！大概7-12個月既bb都岩！玩既區域都分左幾區 , 有岩好動小朋友既波波池 , 有廚房區扮下小廚師, 仲有變身區 化身成公主或者動物都得而8個月既桃桃就留左係0-24個月既區域玩 . 其實2個鐘真係唔夠玩.不過對於大人黎講已經好攰表姐都玩到唔捨得走. 不過我就搵唔到幫BB換片既地方 , 如果有就會更方便.

暑假最岩帶小朋友去放下電，一直想帶小朋友去大樹先生的家玩下，應承左小朋友既野就當然要做啦！朋友提醒要先book位，我地選左1:00-3:00PM個一場時間，一入去餐廳，乾淨，而且地方都幾大，先坐低點左食物，小朋友就急不及待要出去玩，波波池，釣魚，積木，露營🏕️，小朋友玩得盡興，大人又可以輕輕鬆鬆坐下，而且玩之前都會先消毒，令大家玩得放心！大樹先生的家既入場費可以用作食物消費。食物份量極多，而且水準都高！黃咖哩忌廉汁意大利飯配海鮮：海鮮一排排係飯面，而且新鮮，帶子肉厚大粒，意大利飯加有黃咖哩，味道又唔錯～煙三文魚忌廉汁意大利粉：份量真係好多，意粉煮得岩岩好，煙三文魚味道濃郁，忌廉汁又夠！意式茄蓉雜菜意大利粉：材料豐富，菜同菇類都多！（兒童餐）螃蟹寶寶配照燒雞扒：因為小朋友好鍾意蟹柳，二話不說佢自己點左呢個螃蟹寶寶，外貌精緻有趣，吸引小朋友胃口大開，配有餐湯，水果，健康有益，照燒雞扒喜出望外，味道一流！大人可以一邊輕鬆坐下食下野，一邊望住小朋友玩，小朋友又可以放下電，下次會帶小朋友再黎🤩