大角咀麥太甜品

Open Now

Now Closed

Honey已放復活節假了，我還要上班他陪我在奧海城一期吃午餐，吃了湘菜，好辣，所以到商場內唯一甜品店(也是附近唯一)，吃甜品解辣。店小，但坐得舒服。侍應女生也有禮貌。甜品$20's，不貴。Honey點芒果豆腐花，我點腰果露。兩款都只是不過不失……應該説，無甚值得再來之水準。豆腐花不算滑，但芒果新鮮。腰果露的腰果不夠香。還有，不清楚店裡是否還提供鹹點？侍應在廚房裡煎雞翼，因為是開放式廚房，鷄翼煎得太香了，嗅覺影響味蕾，全掩蓋了吃甜品的感受…可能因為這樣，兩款甜品都不香甜。

好友飯聚總有說不完嘅話題，明明已經食飽飽晚餐，但總會再去搵甜品店，食住甜品、糖水繼續源源不絕嘅話題同朋友都係第一次嚟到大角咀麥太甜品，雖然舖頭小小，只有4至5張枱，全店大約坐到十幾人，但甜品款式有很多選擇有傳統中式糖水、豆腐花、涼粉、西米露、芝士蛋糕、以至果汁、花果茶等等，應有盡有天氣凍嘅關係，大家都選擇了熱辣辣嘅中式糖水分別為：花生湯圓拼芝麻湯圓(左上) / 自家製即磨腰果露(右上) / 南北杏木瓜燉雪耳(下方)湯圓可以雙拼，讚！我哋可以試哂兩款口味。我個人較喜歡芝麻湯圓，若然薑湯再辣一點味道會更好。木瓜燉雪耳味道唔錯，重點是不會太甜，清清地又夠滋潤！最好味係腰果露，腰果味濃郁，口感又夠細滑，既不會太杰又不會太甜平凡又簡單嘅小店都有出色嘅甜品！唔錯唔錯

是日同寶一齊整月餅，辛勞過後梗係要慰勞自己！先去食餐好既，再遊下車河兜去大角咀買個糖水再兜去海邊食住糖水吹海風有車萬事足，有寶都萬事足知掟既寶黎到奧海城一期呢間家營小店，十點左右豆腐花已經賣哂唯有食碗腰果露補下腰，而寶就食碗木瓜杏仁燉雪耳潤潤佢呢個價錢食糖水係呢個大商場裡面簡直係超值上返車就兜寶去海皮食住糖水望住月光談心，溫馨之餘仲食到好味糖水腰果露係標榜自家製，完全有濃厚既腰果味，口感好傑好厚，甚至有微微既腰果粒係裡面，美中不足係甜左少少！木瓜杏仁雪耳三款都足料既，雪耳同木瓜食極都仲有一啲都唔會過甜係天然甜味，完全feel到佢有幾養顏！食完甜品滿足到爆就送寶返屋企嚕係完美的一天

真係未食已經谷到一肚氣！見openrice話呢間係社會企業，一心諗住去試下支持下啦。堂食位置唔多，但我見到有一張2人空枱，行埋去同個侍應講2位，佢完全唔理我，我再望住佢，佢仲避開我眼神，明明入面就有兩個位，過左好耐先同我講叫我等等，好啦，我等！之後有人走，侍應唔叫我地入去不特止，仲由得遲過我地到既人入去坐低左都唔理😡😡😡😡然後入到去叫乜無乜，把鬼火無食就走左！態度咁差，以後唔會幫襯！😡😡😡😡

有朋友話這間的甜品十分好食，所以就特地來試一試芒果水晶珠 $34份量好細， 芒果味道濃郁又香甜，同水晶珠都幾夾，而且夠冰凍，做飯後甜品就是不錯， 但我覺得這樣細細碗賣34蚊就是貴了一點不想這樣說但仍然要說，店員有點粗聲粗氣，不是太禮貌劣評 是因為服務太差

飯後甜品 ....Menu ~雖然步入深秋 , 天氣卻仍然暑熱兼且心火盛 , 當然要清涼一下降降溫 ~西瓜涼粉 $23 西瓜拼涼粉 , 就是爽到極的配搭 , 西瓜起沙而且夠甜 , 涼粉吃落有草青味 ~吃吃甜品 , 吹吹水 , 就是愉快 ~本篇完~

香港是美食天堂，美味而有質素，又有特色的甜品相信不難發現，但每店均有其經營風格。不常到大角咀，這次碰巧可嚐甜品，要了合桃糊加腐竹蛋，兩款糖水撈成一碗，以往未曾嚐此。這樣撈來，吃下可吃到兩款糖水的味道，又感受到兩款糖水融合的美妙。兩款糖水香濃，熱騰騰的，有「漿」之感，每呷一口，那種濃郁芳香充滿口腔，令人感到滿足。

剛剛逛街累了，坐下吃個甜品休息一下椰汁西米露($20、凍)：香濃的椰汁味，冰涼、清甜川貝無花菓燉雪梨($35丶熱)：有兩大顆無花菓，清香，感覺很滋潤，也不太甜兩個甜品味道都很出色，價廉物美 但當落左單正在等時，聽到廚房發出哐哐的打爛杯碟的聲音，在座客人都嚇了一跳; 其後，我朋友吃椰汁西米差不多吃完時，竟咬到一粒玻璃碎片！幸好囗腔沒有受傷！馬上心平氣和地跟唯一的男性職員(看來是店長吧)反映，但他看了一眼，默然無語，轉身把碎片帶入廚房，然後⋯然後若無其事繼續他的其他工作！😠連道歉也沒有一句！😡😡😡😡😡這種待客態度也太不應該吧！

這間甜品店是位於商場之內，所以甜品也不算太便宜，主要是銷售中式甜品。今次只試了一個芒果班戟，這個芒果班戟是店內的主打。的而且確頗有質素，班戟皮薄，用叉輕輕一「督」已經穿了。忌廉厚身，芒果也很大份很甜，吃完不禁令人回味！

圓宵節邀得女神共晉餐, 食完正餐轉場食糖水, 聽聞食完湯圓就會有伴侶, 唔知女神係咪有暗示呢? 希望關我事嫁啦!黎到先知原來呢度係一間社企, 所以有好多師奶侍應, 大家你一言我一語, 氣氛好融洽細細個場內迫到人極, 等左一陣先有位咋...黎得取團圓意頭, 當然要食湯圓啦, 但8點幾已經咩都冇, 最後唯有食杏仁糊+豆花+湯圓(全白配)味道其實係OK既, 但呢個組合真係甜左D, 而且係花生涵, 所以比較寡...再加上人多, 又拎外賣又要SERVE場內客, 其實上菜, 同埋收錢都等左幾耐, 如果唔係女神係度可能我都發左老脾啦

圓宵日食完飯要有湯圓先好意頭。混了豆腐花加紅豆沙，可能節日好多外賣，好亂又遲上。細細碗豆花好滑，像百福質地，紅豆沙不太甜，我喜愛更有蓮子。加5蚊有粒芝麻湯圓，大粒似魚蛋，餡好香皮又薄，炒香了黑芝麻加豬油，有點流心。

圓宵日食完飯要有湯圓先好意頭。混了豆腐花加紅豆沙，可能節日好多外賣，好亂又遲上。細細碗豆花好滑，像百福質地，紅豆沙不太甜，我喜愛更有蓮子。加5蚊有粒芝麻湯圓，大粒似魚蛋，餡好香皮又薄，炒香了黑芝麻加豬油，有點流心。

4人去食後甜品,係奧海城冇乜甜品店咩,見到有呢間麥太就試下了。小小的一間店子,以麥嘜為主題,佈置上沒甚麼花功夫,只擺放了麥嘜公仔及精品,牆身是香港街景的牆紙。甜品上沒有特別以麥嘜造形為主的甜品,多是傳統中式糖水多,比較普遍的甜品。要了雙重傳統滋味﹣麥太杏仁糊+腰果露,$25,好濃杏仁味,都幾香滑,好奇試下腰果露,腰果味濃郁,都不俗呀。椰汁紫米露+豆腐花,$25,幾好味。麥太芝麻糊+腰果露,$25。麥太芝麻糊+豆腐花,$25,冇影到相,芝麻糊幾好味呀。走時發現麥太甜品是社會企業,好奇上網睇下咩來,原來社會企業是計劃所有收益扣除營運開支外,均撥作社會服務用途,即刻覺得,小小不太修飾的店子,原來據有大意義,要多多支持呀。

奧海城一期，我比較少到，這天若不是因為有事要去辦，我也不會留意到「大角嘴麥太」…… 由東華三院大角嘴綜合服務中心營運的甜品店。甜品店四圍也擺放了香港動畫麥兜麥太的裝飾，原來他們就是大角嘴街坊的代表，純樸、努力、毅力！所賣的甜品不重花巧，重質重量更重健康！售價亦很便宜，十多二十塊元便可樂上半天。我點了碗（凍）南北杏木瓜燉雪耳 $24簡單而美味的燉品，倒出來也感覺糖水是有點兒起膠，燉煮時間適當，木瓜雪耳與糖水的量均是適中的，令我每啖也嚐到清潤而冰涼的舒暢，不過可能某些人會嫌糖水不夠甜。就算是怎麼，甜品店的所有收益扣除成本，全數均撥作社會福利用途。

不常來這裏，但每次經過也留意到挺有特色的甜品，看到有幾款甜品也想吃，最後選了綠茶芝士餅。清新的綠茶粉香味，淡淡的芝士味，吃下即溶，餅底香味一般，份量令人滿意，不錯。