阿木台灣麵 (D2 Place TWO)

Open Now

Now Closed

經常到旺角幫襯阿木台灣麵，想不到最近D2 Place開了分店，於附近參加活動後，自然過來幫襯一下，食物味道與旺角主店同樣出色😋😋首先我點了鹽酥雞滷肉飯🐥🐥鹽酥雞外酥內嫩，外皮酥脆金黃，充滿獨特的鹽酥香氣，配上肉質軟嫩、入口即化的滷肉飯，味道非常濃郁，與香甜的白飯搭配完美🍚🍚有效吸收滷肉的湯汁。而朋友叫的紅燒牛肉麵🐮🐮湯汁濃稠，湯底非常濃郁。餐廳使用優質的牛肉，切成厚實的片狀，肉質鮮嫩，吸收湯汁後豐富滋味🍜🍜口感鮮美。每一口咀嚼下去，牛肉都能輕易地撕裂。除了主食，我們亦點了玉米蛋餅🫔🫔這款小吃有著金黃色的外皮，內部鬆軟，口感非常好。蛋餅中夾著的玉米粒散發出一股香甜的味道🌽🌽與蛋的濃郁口感相互襯托。阿木台灣麵 (D2 Place TWO) (荔枝角)地址：荔枝角長順街15號D2 Place TWO 1樓102號舖

同朋友喺D2 Place行街，先知原來阿木台灣麵喺2期開咗舖🥹二話不說入去食個lunch，之前喺旺角店食已經覺得好好味。呢邊店面都係採用暖色木系裝修，感覺柔和。我哋分別點咗兩款牛肉麵同一個小食share🥢小食梅子地瓜條每條都勁大條，啱啱炸起熱辣辣，梅子粉都好多，但唔會太酸，係甜甜地中帶微酸，食落幾開胃㗎🤤招牌菜紅燒牛肉麵，湯底濃而不膩，牛肉質地軟稔得嚟有彈性，亦好入味，而且份量都唔少呢。蕃茄牛肉麵，蕃茄湯底淡淡滲出酸甜味，幾有驚喜✨面嘅質地都夠彈牙，又掛湯🍜

星期六做完gym之後諗住落去買啲一間外賣，平時見佢都好多人喺度排隊，有啲似以前班長嘅風格，諗住試吓啦，嗌咗甜不辣、炸蠔仔、台灣腸，一杯珍珠奶茶，全部都好難食，珍珠奶茶叫咗多冰，點知都冇冰！激死！台灣腸，冇乜味。炸蠔仔凍冰冰，但係我係啱啱買已經即刻食。甜不辣唔識講，總之就難食。如果真係要搵野食，返返去對面1樓泰國嘢，墨西哥嘢好食好多，呢度又貴又難食，食三個小食咁細盒已經$155，好食嘅話都值得，唔好食真係唔會有下次。

之前在旺角食過呢間有水準台灣麵，最近同朋友去D2 Place發現佢嘅踪影，當然要試下啦！環境唔算大，但坐位都舒適寬敞，以木系嘅顏色作裝修配搭，配合返個店名「阿木」😉，店員都好細心有禮。的確唔錯，我哋order咗兩碗麵及一款小食：🔸麻辣牛肉配手工關廟粗麵呢款麻辣牛肉味道唔錯，辣嘅程度好啱我，開頭睇個湯咁深色以為會好鹹，食落又ok喎，手工麵軟硬度適中，不錯。🔸紅燒牛肉麵朋友order呢款經典牛肉麵，份量足好足，牛肉大大件，但朋友話好嫩，個湯亦都係精粹，令成碗麵嘅分數提升咗，下次一定會試下。🔸台灣小香腸必點小食，外脆內軟，加上勁多蒜片及葱花，重口味，正！

今日去左食阿木台灣麵！人氣之選😆滷肉飯大大碗肥瘦均勻！撈飯最啱 前菜有三款 包括滷水蛋好入味 小食方面有三款 包括地瓜條！份量超足 而且超級飽肚 即炸即食熱辣辣 十分有台灣的味道另外烤腸仔 同飯一齊食好夾炸雞同埋炸魷魚等等小食都十分推薦 門口位置都有好多台灣手信包括出名嘅鳳梨酥同埋台灣牛肉麵等等#香港美食 #香港好去處 #甜品控 #拍拖👫#打卡#香港#景點#打卡熱點#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳

今日喺荔枝角D2 Place嘅時候行街見到一間台灣麵，裏面有好多唔同嘅台灣麵食，所以搞到我忍唔住入咗去食餐麵😋我試咗佢哋嘅蕃茄牛肉麵。麵條彈牙有嚼勁，湯底香濃，有濃郁嘅蕃茄味同牛肉嘅鮮香，真係好開胃。我朋友就咗佢哋嘅紅燒牛肉麵，牛肉煮得剛剛好，肉質鮮嫩多汁，入口即化。湯底滋味濃郁，加埋香氣四溢嘅紅燒醬汁，味道更加豐富。最後，我地叫咗佢哋嘅鹽酥雞。鹽酥雞外脆內嫩，每一塊都炸得金黃酥脆，肉質鮮嫩多汁。雞肉表面嘅鹽酥調味剛剛好，香脆鹹香！

今日去開荔枝角，就去咗D2嗰度打算食個快lunch😹。見到呢間阿木台灣野，印象中好似其他地方都有分店，見到都幾多人食，於是就決定食佢。叫左個紅燒牛肉麵、蛋餅同凍豆漿。基本上出餐都好快，而且都好熱辣辣係岩岩煮起，牛肉麵面質都幾彈牙，而且味道都好地道。蛋餅方面都整得唔錯，餡料頗為豐富，入面既肉鬆幾乎爆出黎，都幾抵食。🥹基本上我都幾為推薦呢一間餐廳，座位方面都坐得舒服，而且趕住返工嘅朋友都唔使擔心會等好耐。

行開D2 place見到開左新店，收工行過黎好方便。旺角果間好耐之前食過印象唔錯。天氣熱就無食招牌紅燒牛肉麵，見有個鹽酥雞便當幾吸引，有碗肉燥飯，鹽酥雞，台式飲品，一於食呢個。👉🏻鹽酥雞便當鹽酥雞粒份量比想像中多，有啲直情係雞塊🤪即炸所以好酥脆，似係台灣食到既味道。肉燥飯望落好濃味，但撈勻啲肉燥食落味道又岩岩好，有肥有瘦食落唔會太油膩。套餐包左幾款小食，有甜不辣、台灣腸，一次可以試幾樣野。食完個餐都好飽，本身想叫蛋餅都要等下次先～👉🏻仙草奶茶飲品幾出色，仙草滑捊捊，好飲。

之前都食過係旺角嘅阿木台灣麵，對佢地地道又正宗嘅台式湯麵同小食印象好深刻😋 今次行經荔枝角，驚喜發現有佢嘅分店😍 即刻入去回味下😘 首先梗係要試下佢哋個超經典嘅台灣麵🤭 麵條煮得軟硬適中，兼幾彈牙👍 湯底濃郁得黎又唔會太膩，鹹香又入味，真係好高質❤️ 之後當然唔少得炸物小食😋 炸得酥脆又惹味😚 一D 都唔油，每一啖都令人諗起台灣夜市嘅地道口味❤️ 好正👍 之後當然唔少得台灣名物肉燥飯，另外亦叫咗個肉燥菜🫶 肉燥煮得好入味，肉燥粒肥瘦啱啱好👍 食落好有口感🤭 無論配白飯定配菜食都咁正👍

呢日黎到荔枝角呢間阿木台灣麵！好想好想食台灣野，見到呢間阿木台灣麵我就即刻衝入黎！入面環境都唔錯，坐得都幾舒服，叫得多d野食都夠位放～一入到鋪頭聞到d野食已經好想即刻食，落完單等左一陣就上菜，都算幾快！我叫左滷肉飯配鹽酥雞！滷肉飯個味道岩哂我！好似去左台灣咁🥹好感動！鹽酥雞炸到熱辣辣，夠哂香口同酥脆，好正呀！另外仲有d前菜，有豆腐乾，滷蛋等等！味道好好，食完一啖又一啖！我因為好肚餓既關係，同埋佢d野食都幾好食，我又叫埋蛋餅，睇見都流哂口水❤️❤️❤️

今日同好朋友係D2 Place行街，行到有啲肚餓就去發掘嘢食😂見到呢間台灣麵餐牌幾吸引，性價比又高，於是決定排隊一試🤩估唔到又幾好味👍🏻食台灣嘢梗係叫牛肉麵啦，湯頭好飲順口，牛肉厚薄適中，味濃又滑🫣而且上面啲酸菜好正，我真係會為咗個酸菜再嚟食一次😍然後佢可以揀三款小食，呢個又幾唔錯，份量少少又可以試多少少唔同嘅嘢食😋朋友叫咗個鹽酥雞肉燥飯，外皮香脆入邊又保持到鮮嫩多汁👍🏻而肉燥嘅調味好夾，好啱我哋胃口❤️

.#foodie #hk #hkfoodie #HTB美食推介【荔枝角親民台菜｜🌬️超人氣正宗牛肉麵】之前係旺角試過一次，突然間見到荔枝角開左分店，一於就去試下啦！！.🐨台灣腸便當 $58推薦度：⭐️⭐️⭐️⭐️所有便當晏就叫就會搭配三款前菜，今次前菜有麵筋、蘿蔔、滷蛋，令到成個便當都更加豐富！飯係滷肉飯，半肥半瘦嘅五花腩肉，唔會覺得好膩，油香同香味都好十足，大大增加咗飯嘅口感同埋美味程度！台灣腸切片煎香，加埋蒜片更惹味，啱晒重口味人士食～.🐨紅燒牛肉麵 $69推薦度：⭐️⭐️⭐️⭐️⭐紅燒牛肉麵湯頭好濃郁，飲左幾口都唔會好重味精，唔錯！牛肉應該經過長時間燉煮，煮得好嫩滑、肉質軟腍，份量仲要多到好誇張，應該有7-8塊，每塊嘅份量都唔細添！因為煮到個熟度都岩岩好，令麵條變得好彈牙、好掛湯～整體都好好，難怪係招牌菜...——☼——☼——☼——☼——☼——阿木台灣麵📍地址：荔枝角長順街15號D2 Place TWO 1樓102號舖🐨推薦度：😋😋😋😋/5 💰人均價格：$50-100🪸環境：👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡🛠️分類：#HTB荔枝角 #HTB台灣菜.#荔枝角美食 #荔枝角 #台灣

今日介紹一家連鎖台式料理店，是我閒時午餐的食堂。#阿木台灣麵 位於荔枝角的分店，餐廳美食就似在台灣旅行時吃到的味道！阿木台灣麵 (D2 Place TWO)荔枝角長順街15號D2 Place TWO 1樓102號舖#鹽酥肉便當 鹽酥肉便當是台灣經典的美食之一，亦是阿木台灣麵的招牌之一。鹽酥肉外酥內嫩，搭配白飯，是一份美味的午餐選擇。#紅燒牛肉麵紅燒牛肉麵濃郁的湯頭搭配嫩軟牛肉，而且麵條都非常Q彈，吃落滿滿幸福感！#芝士玉米蛋餅芝士玉米控非常喜愛，蛋餅蛋香香溢滿足，而且芝士有拉絲感。

D2 Place呢間台灣麵正宗又好味😋而且價錢好抵，值得推薦呀🤭唔怪之得咁多人排隊啦！餐廳新開，環境相當乾淨，食物種類相當多，便當，牛肉麵都有好多唔同款式👍🏻呢個套餐好抵食，主食+小食3款+飲品，勁滿足😎揀咗個鹽酥雞肉燥飯，鹽酥雞酥脆又多汁，勁香口🤩肉燥飯勁多肉燥，配埋白飯真係一流！小食有好多款式揀，僅有一款啱心水！麵筋同埋醃蘿蔔條都好推介❤️加多個小食豬耳仔，爽脆又入味，好配飯呀！真係大大滿足🥰

阿木台灣麵黎到D2 place 啦！套餐好掋食，所以之前喺旺角分店都經常見到滿座，新開張呢度鋪面夠大，座位舒服緊係要嗌呢到招牌紅燒牛肉麵啦！熱辣辣香噴噴上枱，牛肉厚切大大塊，入口軟腍肉味香濃，麵質好有咬口好煙韌，唔會浸到淋哂。個湯底好濃郁一啖湯一啖麵甘食另外鹽酥雞便當🐤🐤炸得好香脆，咬落雞肉好嫩滑啖啖肉！肉燥鋪滿白飯面頭撈飯食好正，肉燥肥瘦比例適中，唔會覺得太油膩😚三款配菜仲有隻蛋蛋。食得台灣嘢又點少得蛋餅😛 呢度嘅蛋餅好有水準，餅皮好薄，入口蛋香味加上醬汁 😋