妹記大排檔 (Moved) New Location

人生第一次去大排檔，聽說食物正宗環境卻因搬遷而變得不正宗。原來有點像茶餐廳而已食物方面: 妹記小炒王~ 豆角，炸小魚，帶子，蝦乾得混合。只有油膩，味道卻很淡。豉椒蟶子~濃味夠辣，蟶子肉很爽口但仍然帶油膩。鴛鴦蒸魚~魚肉十分滑，多肉肥美，蒸煮時間剛好。豉油不會太咸搶過鮮味，辣椒部份與魚更配。同時，真的每一道菜都加大量油，蒸魚都不例外。上菜很快，不會久等，可能不習慣覺得有點嘈而已。

妹記大排檔今日男友提議去妹記食晚飯，喜歡吃中菜的我當然冇問題啦！入到去好有大排檔風味，好熱鬧！講返食物！炸大腸豬大腸炸得好香脆，外脆內軟，煙煙韌韌，點埋甜酸汁幾醒胃！啫啫雞煲成煲野唔係好夠熱，上枱冇喳喳聲既快感，不過個汁幾惹味，雞件望落都幾多，但其實雞骨多過雞肉！不推介！見到好多人都用戰鬥碗飲酒，搞到心痕痕添！

一路都知妹記好出名...所以今日既小學同學聚會 大家就決定去試試人好多 , 要等齊人先入得~ 前後等位都等左30分鐘四個人 點了 兩枝哈爾濱啤酒 一個炒四季豆 一個油炸鬼 一個黑板牛仔粒 一個 jerjer雞煲最特別既係.啤酒 @0@ 因為店主會比碗我地飲用! 真係勁有風味 ~ 好地道 !! 而且d碗好懷舊 ~ 好特別 ! 酒炸鬼係伙記特別推介既 佢係油炸鬼入面加左d墨魚肉 外脆內軟~ 絕對不會有啖啖油既感覺 墨魚肉好爽 好彈牙 真係無諗過咁既配搭下係會咁好食 味道唔會太咸配點的甜酸汁乃醒神開胃  而且店主會將佢切割到細細份 大小適中 ! 好貼心 ~ 黑椒牛仔粒係本人既至愛 份量比想像中多 ~ 所以幾抵食黑椒咪勁濃郁 ,, 偏辣 加埋好有咬口既牛仔粒 真係好野味 牛仔粒唔會因為煮得太熟而好難咬 呢個係特別稱讚既地方jerjer雞煲份量夠多, 雞肉算滑, 炒得算幾香, 味道有少少辣, 夠野味, 加埋飲坏啤酒一流!總結:今餐最開心的還是那支哈爾濱啤酒和冰過的戰鬥碗。

上次幫襯妹記已經係五年前了，對於鬼馬油炸鬼念念不忘，咁啱遇着一班鍾意食妹記嘅朋友，於是約埋一齊去。我地無book位，七點半walk in，等左一陣就有位喇。入到去不禁懷念一番，環境依舊又噪又迫，侍應依舊唔係好得閒睬你。羊腩煲依舊，羊肉係唔腍嘅但係啲湯汁有中藥材味，但啲配菜索晒啲汁好惹味。個哈爾濱啤酒仲係用碗裝。但係有啲菜式已經今非昔比，鬼馬油炸鬼上菜的時候已經唔係好熱，我食完之後覺得成舊嘢好似淨係得麵粉。黃金蝦、炸大腸，食唔出係乜肉類。炒蟶子同埋炸椒鹽魷魚嘴，上枱時比較熱，於是比較香口，椒鹽魷魚再比較辣，炒蟶子是我全日唯一滿意嘅菜式，其他菜式唔係冇乜特別就係其實唔好食。我諗我唔會再念念不忘妹記了。

同老公兩個人見吾洗等位，於是就試一試，order前參考了openrice既食評，叫了生啫通菜、炸豬手、魚雲煲、炒蜆。首先吾洗3分鐘，炒蜆就上桌，快到我地都吾信，前後10分鐘內全部餸來齊，未食睇個餸外觀，直覺餸係已經煮定，只係夾落隻碟度就上菜。首先，碟蜆d㳄汁已經「鯨左」，味道得個鹹字；其次係炸豬手，無咩特別；第三係魚雲煲，嘩！無肉食，都係得個鹹字！第四係通菜煲，吾好意思，都係鹹同鹹，我地忍吾住要每人一罐可樂解味精囉！由落order到埋單走人，只係30分鐘，急急腳要再搵其他食店醫肚。其實，叫得大排檔，好自然會期望d餸有鑊氣，但我地覺得同大X樂、大X活既作風無分別。是次共$292。

估唔到尖沙咀有呢啲大牌檔打冷既地方地方算大了係尖沙咀呢講  因為係地庫  啲聲困住好嘈  同朋友對話都要增加聲量  不過真係好熱鬧我哋叫了啤酒  想用碗飲  佢話無曬碗喇~  有啲失望  碗都唔夠...   食物算唔錯  我個人鍾意食炸大腸  呢到又炸得幾脆洗得幾乾淨  個豬手亦好好味  值得一試

我不知為什麼會想到這個標題，可能太熱愛電影吧，所有的東西總與電影是有一點關聯的。我們都是講道理的人，相信一致，相信直覺，相信公眾說的道理。時下講民主，一百個人接受一百種意見，就是我們需要的東西。近來，怨氣太多，民怨弗騰，最好吃好東西，消消怒火，讓自己舌頭甜一下開心一下，於是星期天的下午，和朋友吃一個下午飯，在尖沙咀的天文臺道，附近有很多的韓風可以選擇，不過下午吃那些好像較重口味，於是想向後面的柯士甸方向去吃有名的黑栢葉和餃子，但由於太陽的暴灑，我不想周圍行，突然想起妹記大排檔就在咫尺那麼近，記得妹記的晚飯平靚好正，而且經過幾次看到佢地中午飯的餐牌都算引。於是和朋友友突然金田一上身，推理不一定要在午餐後，反而午餐前以正常的推理手法，我們選擇了於妹記吃午餐。如果你翻查書籍，世上有兩種主要的方式可以幫你達成推理的結論，一種叫種演繹推理，當你给我們正確的前提，就必然一定可以推出結論。演繹推理無法令你的知識擴增，因為結論是包含於你的前提裡面。邏輯學中有名的三段論（syllogism）就是典型的例子：人皆會死。蘇格拉底是一個人。所以，蘇格拉底也會死。我們稍作修改。很多人說什麼時候吃妹記都說好味道。

妹記哩間餐廳非常港式，最出名嘅菜式係豬手，有泰式嘅酸甜醬嘅配對真係無得頂豬手味道不會太鹹，但肉質嫩滑，配上酸甜醬味道是更上一層樓味道齒夾留香，回味無寧其實大部份嘅菜式都非常不錯，炸嘅食品仲好正，好香脆可口，十分惹味鬼馬油炸鬼口感好特別，真係要試一試>33< 比起普通大排檔，環境乾淨好多，沒有普通大排檔痴立立嘅感覺，而且有冷氣，整個感覺非常舒服

好食魚交位平時得好少 ， 一條魚得一個，叫呢個食夠本薯仔牛肉，還好，普通脆豬手，皮好脆，口感正，點個酸酸地既醬好開胃梅菜菜心，菜心把好多揸，梅菜跟本夾不到，如果加個汁可能好戰點角雞有雞味咁黃金蝦球，硬左點但夠重蛋黃

晚上與好友往妹記大排檔食打冷，這裡擺設依足舊式大排檔設計，加上有冷氣，環境衛生，坐得好舒服，我們初時order了鬼馬油炸鬼，黃金蝦、潮式蠔仔餅和汽水，碟鬼馬油炸鬼菜式名已經好funny，原來是油炸鬼中間加入墨魚，外脆內彈牙，配上甜酸醬口感不錯；黃金蝦配上鹹蛋炸，食落香口脆身爽口；潮式蠔仔餅蛋漿和蠔仔食落好新鮮，明顯即叫即炸，好味! 由於食物太好味，我們再點了椒鹽桶蠔和西檸雞，前者食落爽口，後者雞件好乾身，好食，總結食物菜式價格相宜，而且份量十足，抵食夾大件(小弟食左兩碗白飯)!最後結帳$480! 超值!

9月又到re-u既時間!!今次同班fd去尖沙咀既妹記大排檔食飯，因為之前book左位，所以一去到就有位坐。可能因為就黎打八號風球既關係，雖然個時7點幾，但入面仲有好幾枱冇人坐，但聽我個fd講，平時如果冇book位既話通常都要等位。餐牌上面都係D普通大排檔可以叫既野食，不過妹記最特別既地方莫過於佢地用黎裝啤酒既「戰鬥碗」。當我地仲思索緊隻「戰鬥碗」有咩用既時候，有個侍應專登行過黎強調隻「戰鬥碗」只係用黎裝酒，別無他用。唔知係咪個名既關係，用呢隻「戰鬥碗」飲啤酒特別爽。我地叫左炸豬手、小炒王、通菜煲同煎蠔餅。落完單5分鐘後就上齊哂餸，效率好高!!值得一讚個人認為四樣餸之中最好食係小炒皇。佢有韭菜、魷魚、銀魚、腰果、蝦乾、帶子同筍，食材豐富得黎又唔會太油太鹹，能夠保留住每種食材既鮮味，真係一流。炸豬手D肉都炸到啱啱好，唔會太難咬。但係蠔餅就記住熱食哂佢啦，因為凍左之後食味道就一般啦。通菜煲不過不失，味道正常，想叫樣菜食既不妨一試。總括黎講，妹記食物味道唔錯，上菜效率高，而且可以係有冷氣既情況下食到大排檔既餸，真係不失為一班friend吹水聚舊既好地方。

今晚和幾個兄弟出來談事情，在尖東工作的兄弟建議來妹記食飯。好！既然在你地頭當然你話事。我大約7點半左右到，那時門口已有7-8個人在等位，幸好朋友早到並拿了位。我們點了：- 妹記小炒皇- 原隻炸豬手- 虎皮尖椒- 煎蠔餅- 鮮荷葉籠仔蒸雞看餐牌的同時sales幾次行過來sell啤酒。這裡喝啤酒不是用杯的，而是用 "戰鬥碗"，適合一班人聚會吹水喝酒。味道- 炸豬手上菜的時候骨肉已分離，不用自己切，這點做得不錯。皮是脆的，肉呈深粉紅色，熟得剛好，不會炸得太老和太乾。- 虎皮尖椒加了豆豉，味道香濃且辣，適合送飯和佐酒吃，空口吃的話會很膩。- 蠔餅炸得很香脆，但略嫌雞蛋不夠，亦不夠潮州打冷的入味。- 籠仔蒸雞賣相很好，但荷葉味未能滲進雞裏面，味道一般。- 小炒皇有韭菜、魷魚、腰果、蝦乾等，味道正常。服務大排檔的服務就是講求效率，這裡亦不例外，10分鐘內所有菜便全上，侍應都是有經驗的，醒目敏捷，不會出現 "者手者腳" 的情況。環境嘈，朋友說笑聽到隔離檯說話但聽不清楚自己檯說話，一整晚我都要很費力地去說和聽，加上樓底矮，相比露天開揚的大排檔這裡會有點壓迫感，坐太久的話耳朵會很累。整個場大約有150個

芥末子墨魚丸球無芥末味(可能太少料，我咬唔中粒野?)同普通炸墨魚丸一樣，我比較鍾意學利魚蛋D炸墨魚丸多D。三色蒸水蛋好食!! 三種蛋分佈既比例好平均，唔會有一啖全部都係咸蛋咸死你。又滑味道又好，送飯食一流!鬼馬油炸鬼 (我影到好似白切雞)魚肉釀入麪粉團去炸，好似幾特別..個名。烤物最忌唔夠熱，加上油炸鬼皮吸哂油變軟林林，所以唔鍾意。本身無乜味，係個汁酸酸地有D味，下次唔會再食。蜜桃豬面登? (個名唔太記得)唔知點解無啦啦要走去炸D豬肉？我食過果部分既肉係好滑好好食..佢炸完變到又硬又乾...蜜桃好酸...完全失望。鋼鍋雞好多人都鍾意食雞煲，呢個都會鐘意!少少辣，好香又惹味。我唔係好骨之人..所以唯一不足係骨多過肉。飛天通菜菜炒得唔夠入味／唔均勻.. 味道同清炒一樣。食到底先有返D咸魚味，但係又要連埋好多油一齊食先有。豆腐魚滑呢個魚滑比起釀入左油炸鬼果個好食好多，不過不失。總結：好似都係做返傳統大排檔有既食物質素會比較好...因為個鋼鍋雞同三色蒸水蛋，俾4分味道...如果唔係我可能會俾2分

今日黎左依到食野,其實都唔錯,當然係朋友介紹黎,我自己點會識黎, 係等齊朋友個陣就先叫左一個椒鹽墨魚咀,椒鹽做得幾香幾脆,都唔錯,炸蒜又有好多好香, 但自己覺得辣椒唔算多,味道都算唔錯,夠哂惹味。墨魚肉質就比較實少少,但可能係面個層之後就有番咬口,外層既做得脆口,但又有咬口,果然做得唔錯,黎齊人就要叫個蠔餅,依個真係抵讚,又夠足料又夠乾淨,份量又夠大塊,唔算太多粉,口感真係好正夠脆, 蠔正都做得好好,正。之後當然要叫埋依到既招牌菜試下, 就係依個梅菜蒸菜心。梅菜唔會太咸有少少甜味, 口感好好,咬落夠爽口, 味道都好惹味,不過自己唔太食依D野。菜心又真係正喇,夠哂爽口,而且水份都好足,一咬入去就有水,好正,不過兩樣野一齊食又唔同左,不過兩樣夾唔到,但香味就好正。

香港大排擋就最出名。除左酒吧，大排擋其實真係男人另一天堂。主要可以放鬆自己，放縱地做個麻甩佬，放鬆下自己。而且講野又可以大聲，正。炒四季豆，最好味既一道。好風味，不過冇去依。咬落去吾夠爽。炒通菜，都好入味。炒鮋魚，這個一般，因為太難咬。可能魷魚吾係好新鮮。其次地點都好方便，而且妹記已經開左好耐。都算老字號了。