Muse Furniture Lab (Under Renovation)

做運動係為左可以食多啲美食，我覺得呢到好值得黎，佢有free parking ,同埋有少少偏遠我嘅建議揸車過嚟會好啲。但係呢間餐廳一定要book ,平日下午無咩人，真係好chill 同好令，重點係啲野食好好食😋，真心好少去一間cafe 係打卡令而野食係好食！啲野飲又令又好飲，非常之咁出色。重點係唔會好甜同埋好假既糖水味！可以帶埋小朋友黎岩曬，好多影相位呢次係我第二次黎佢啲，由於本身想食的餐廳唔開所以即興揸車過嚟，幸運嘅係竟然有位，食左佢乙嘅可麗餅同埋pasta都好好食

因為睇到人地Ig D相環境超靚！食評又一面倒讚好！ 所以明知好遠+ 限時+ 最低消費 + 無得揀位，都同意book位黎一試！ 一去到覺得黑色小屋外觀幾型格，不過如果想見到較接更ig圖片的話建議開花嗰季節去會好d !  我去嘅時候係庭院前面嘅花全部都係枯枝感覺差左截！而室內用餐區設計叫幾特別，有佢本身風格，不過原來餐廳比想像細好多，D 檯都幾密下！而且就算平日，人都唔小！ 想影相真係只能要瞄準佢轉埸時間攝幾張！注意返，一般有時間限制嘅餐廳多數每節90至120分鐘，但呢度更加小係85分鐘！如果一杯嘢飲一個主菜唔傾偈都可以慢慢食，如果食埋甜品+小食又吹下水的話其實都幾趕！ 而且佢都執得幾正，餐廳貼晒幾點至幾點嘅時間表！ 食食下又遞張單過黎，上邊寫咗句請左幾多點交枱，有小小壓力！ 😅食物方面味道正正常常，唔太差又未到驚艷！不過價錢偏貴，而且無餐全部需要單點！主菜百幾up , 杯沙冰加埋一仲差唔多成百蚊一杯！就算午餐預返最基本都起碼二百幾三百蚊個人！最後講埋服務，店員都算斯文有禮貌，不過應該係因為人手唔夠！入埸，點餐，加水，埋單全部要起身自己走去搵佢！ 臨走去洗手間嘅時候，見到一位無戴口罩嘅員工

預約後補都等到位，真開心🥳，因為實在太難訂枱外觀有點平凡，但內裡設計卻非常別致和華麗至於食物方面，賣相一流，令人目不暇給，色彩繽紛牛仔柳炒意粉，味道不錯，而且牛仔柳相當多，性價比高、食材豐富，除咗有主角牛仔柳之外，配菜種類也多黑松露帶子大蝦可麗餅，帶點微辣，令妹妹仔食不停口，不停說好味好味焗大啡菇真係值得推介，口感豐富，啡茹入口多汁，而肉碎包括牛肉和豬肉，雙重味道，值得必食之選飲品好多選擇，各有所好

網上見這家網紅餐廳，一早預訂去嘆lunch。環境好。很多打卡位。隨便影都咁靚。order了 黑松露帶子沙律🥗 墨西哥魷魚意粉🍝食物材料新鮮，味道不過不失。但價錢偏貴🤣🍴是一個不錯的打卡餐廳🍴

🇬🇧英倫復古味道x 田園風味餐廳除了環境舒適，食物質素也不錯👍❇️煙燻三文魚沙律（芝麻醬)❇️蒜片辣椒欖油大蝦意粉❇️煙燻火腿法式可麗餅❇️芝士肉醬焗大啡菇配薯條❇️Matcha 超級喜歡這環境，寫意又舒適💕 值得再去😁 打卡一流

今日去左個世外桃源，我哋叫咗個蜜糖芥末雞中翼，其實冇乜特別，只不過配咗個芥末醬，另外嗌咗個檸檬柚子Soda同oreo朱古力沙冰，超好味，值得一試，再叫左蒜片辣椒㰖油大蝦意大利粉，意大利粉幾爽，還有四隻大蝦，唔錯，少少辣，重有黑松露帶子沙律柚子汁，超好味，有三粒帶子，重叫左一個大啡菇薯角，個肉醬可以揀牛肉或者豬肉，我哋講咗牛肉，有少少鹹，但係味道都唔錯，另外就嗌咗個麻薯綠茶餅做甜品，都唔錯嘅，出面影相空間夠，兩個人食左$821

收費貴，但係食物只算普通。crepe 還可以，有少少新穎咁，但牛肉意粉很鹹. 最差嘅係入到來沒有人理會你，沒有水，沒有餐牌，侍應要走去叫才來招呼你，最伏嘅係坐左成個鐘先知原來漏落咗order。最慘嘅係坐喺玻璃屋入邊，風扇都沒有一路等一路流汗。出邊太陽很猛啲花都謝得7788。只係一般園景，普通花店也能夠買到嘅鐵枱，影一兩幅相還可以，但是不太值得山長水遠揸車嚟呢度俾人一個半鐘之後趕走。總之大家不要寄望太高😓

襯天朗氣清☀️陽光普照，到戶外走走，感受吓英倫🇬🇧風光。需要提前預約，可以自駕🚘前往，有收費嘅泊車位供應。食物方面，感覺都幾唔錯，製作精美。戶外環境更比室內舒適，草地可以自由拍照📷，寧靜清幽😎———————————————————————————.🍽黑松露香煎帶子大蝦🦐法式可麗餅💬大蝦🦐蝦肉爽彈，可麗餅包住沙律菜🥗，味道帶醋酸，切開大陽蛋🍳配埋松露帶子，絕佳水準😋.🍽炸手指魚柳薯條🍟💬突然間好想食，炸得好脆身唔過火，若然係原條魚更開心😎.🍹蝶戀花荔枝冰 + 櫻花🌸蜜桃🍑梳打💬環境舒適嘅地方嘆一杯特調嘅冰涼飲品確實係最寫意，打卡之選😋

假日想遠離繁囂，港島🐷又去搵新界🐮啦😂，先到錦上路站，再搭上72雷公田既van，搭左陣就落車啦，今次真係去到無雷公咁遠，就係為左「Muse Furniture Lab」一行入去就好似走左入個小花園咁，綠色既人造草地，仲有好多既植物，近門口既就係佢既復古傢俬店，食完野可以入去任影都唔嬲，當然亦都可以選購傢俬啦，餐廳入面既裝修就帶點歐陸暗黑風，十分型格，我揀左坐出面，難得可以感受下新界清新既空氣蝶戀花荔枝冰紫色係來自蝶豆花，個底一粒粒既係寒天，好好咬，加了荔枝糖漿，淡淡既荔枝味唔算好甜，成杯又夢幻，又好飲檸檬柚子梳打檸檬柚子酸酸甜甜，放入綠色既香草作裝飾，又靚又清新Matcha Latte鮮奶綠茶味道就較遜色，奶泡打得一般，不過賣相搭救煙三文魚沙律個三文魚玫瑰花砌得好靚呀，配以唔同既沙律菜、食用花、蕃茄仔、小蘿蔔，淋上柚子汁，靚到唔捨得食呀黑松露香煎帶子大蝦法式可麗餅賣相又係100分，大蝦煎得好香口，帶子我覺得可以再煎得脆d，可麗餅可能我影得太耐已經淋左，入面係椰菜絲加芝士，配以千島醬，食晒都唔會覺得膩燒汁牛仔肉意粉用上燒汁令到成個意粉既味道甜甜地咁，仲有牛肉片，黃椒，蕃茄仔，係我鍾意既味

首先個環境已經係冇得輸，打卡一流📸好大地方任你影，記得要預留時間嚟影相啦！食物賣相超靚，叫咗個繆斯春雞，係原隻烤雞上枱❤️食雞烤得啱啱好，勁多肉汁唔會乾，側邊有好多配菜，燒菠蘿同燒粟米超好食😋煙三文魚配奶油芝士法式可麗餅，勁多煙三文魚好喺可麗餅面，裏面包住好多蔬菜，成個配搭好好食，份量都唔少💯

好少自己過嚟錦田呢邊，朋友知我鍾意周圍打卡搵到呢間靚靚cafe帶我過嚟食個lunch原來佢地仲長期full booking，想嚟食要提前book呢！我地揸車過嚟嘅都有D泊車位，而且地方真係好大好空曠本身想坐佢地好多人影相嘅透明桌椅area但果邊冇位了我地就坐另一邊戶外嘅位置，可以望住一大片草地庭園都好relax煙三文魚沙律配柚子汁賣相好靚呀～～煙三文魚整成花，沙律菜種類都有好幾款，更加colorful，食落ｄ菜都好新鮮爽脆，配埋柚子汁甜甜地好開胃，份量好多墨西哥辣椒墨魚鬚蜆意大利粉有少許辣辣地，食落更香口😛d海鮮份量都好足，好鮮美意粉又彈牙又入味食完仲可以影下鞦韆，大鳥籠，梳化床一系列嘅打卡位

天公不作美 個日落大雨又凍🌬 加上因為有啲意外揸唔到車 最後搭64k去 但真心唔建議🤥 因為行人路非常窄 有車行過的話好天就食塵 落雨就濕水 無一倖免😮‍💨 Hot Matcha Latte $65少甜版特濃鮮奶抹茶飲落真係特濃 茶味偏濃 甚至甘味更為突出 未必人人接受到🤭 先唔講非常普通既拉花 面頭既奶泡打得唔夠綿密 而且有茶粉粒既問題 以偏貴既價錢應該有更好既質素🥺Deluxe matcha latte with a sweet aftertaste was super rich🍵 that may not be easily acceptable🧐 Latte art had room for improvement while the milk foam on top was not smooth and fluffy yet, worth a better quality with this dear price🙈評分: 6/10🌟Beef with veal jus Sauce Spaghetti $148燒汁牛仔肉意大利粉絕對係成餐最好食既一樣野🤣 牛仔肉整得好淋身幾有肉

有態度嘅店子🤖🤖”呢度唔係純粹做生意嘅地方⋯”上星期去左位於元朗嘅MUSE FURNITURE LAB，餐廳名好特別，唔講會以為係一間傢俬店。原來本身餐廳店主係以室內設計及售賣自家品牌設計為客戶訂製旅行箱型設計傢俬（Muse Trunk) 為主，至近呢兩年搬到新地址並加入餐飲元素，由淨係睇傢俬到可以食埋野，仲可以參觀Showroom或者到花園四圍打卡；餐廳廳面設計沿用工業風，另外亦採用全透明枱櫈，上至吊燈，下至枱上花瓶和牆壁也可打卡 😍餐牌是用電話 scan QR code，上菜速度很快，第一道菜是白汁青口。這是我看過最靚的白汁菜式，餐廳運用了不同的蔬菜和鮮花點綴。味道也很好，如果可以配上小餐包或多士會更棒！第二道菜我們點了較少見的可麗餅。很少吃咸味的火腿可麗餅，原來內裏包滿了椰菜絲。加了千島醬，伴著火腿和半熟蛋，口感非常特別。但要注意，這道菜份量很大，適合女士當主菜，如當 appetiser 便會太多。其實我們已經開始飽，幸好主菜燒春雞是現烤，需時30-40分鐘，所以我們可以先休息一下。主菜上菜時果然分量十足，當然有春雞，還有薯角、沙律、烤菠蘿、粟米、露筍！所有東西都色香味俱全，無論

冇意中發現錦上路有個咁靚嘅世外桃源Cafe餐廳面積好大，有好多打卡位置設有食客車位，揸車嘅朋友仔可以泊車，入到餐廳範圍寧靜舒適，我與朋友仔大約四點左右到，餐廳外面位置可以睇埋日落嘢食方面煙三文魚配奶油芝士法式可麗餅好好味好足料另外蒜片辣橄欖油大蝦意大利粉生相當吾錯，d蝦大大隻而且好新鮮，飲品同甜品都好食下次會再光臨試其他菜式

煙三文魚配奶油芝士法式可麗餅 $138燒汁牛仔肉意大利粉 $148Matcha Latte $65上網見到呢間位於錦上路充滿田園風又型格既餐廳非常吸睛, 所以黎試試, 呢度餐廳分為室內同花園兩部分, 坐位唔算好多, 所以如果黎試既話最好book定位先。煙三文魚配奶油芝士法式可麗餅賣相唔錯, 份量都幾大, 但同平時食開既crepes有d唔同, 除左面頭見到既三文魚同蛋, 佢入面包住既餡料只有凍既沙律菜, 加上我地到訪當日天氣好凍, 所以同我地預期就有d出入。燒汁牛仔肉意大利粉味道正常。Matcha Latte我地叫左少甜, 所以味道偏澀, 如果怕澀既話可能就咁叫正常唔需要走甜就ok。餐廳用餐時間係85分鐘, 但用餐後可以到花園同傢俬屋影相參觀, 其實環境都好田園風, 但因為我地到訪當日係超級大雨, 所以唔係太影到相。如果下次要黎呢間餐廳, 一定要夾岩天氣先好黎! 同埋因為呢到位置有d隔涉, 所以揸車黎會好d, 餐廳有提供2個鐘免費泊車, 但車位係先到先得冇得預約, 所以怕冇位就可以預約早d。Overall:Taste - 6.5/10Service - 7/10Environment -