泰蓮 (Closed)

之前開系啟田街市，網上有篇文介紹過，宜家街市返新，搬左過對面。最出名系鹹肉（即係燒肉個fd）同無骨海南雞🐔鹹肉確實系做得好好，脆皮，舊舊7肥3瘦，而海南雞系難得嘅口感雞，因為我個人唔中意食淋雞關係，呢度d雞系有咬口嘅，我覺得好OK，雞有雞味，冇雪味，皮滑肉嫩，實屬難得。但要提提，清湯湯底太鹹，要飲返成支水。呢個鋪位系冇預俾人堂食嘅，所以堂食都係坐系通道邊，坐得好屈質，不過都好值得一試嘅

本身泰蓮係啓田商場街市入面，翻新之後就搬左過對面街，所以今日專登再試試。唔知係唔係撞正公眾假期關係，夜晚外賣都需要排兩三個人，睇嚟都幾高人氣今次同女朋友一齊叫左東陰公湯雜會金邊粉同蝦條金邊粉外賣，先講外賣等候時間都要5-10分鐘架！再講下價錢方面兩個湯粉合共$84 ，以泰式湯河嚟講都差唔多價啦。至於味道方面，都還可以唔算叫好亦唔算叫差，平時夜晚一個人食下晚飯都叫好唔錯!講下個東陰公湯底，配合了香港人口味，辣味少少，主要以酸味為實，好適合唔食得辣嘅朋友。配餸方面，豬頸肉同豬扒較為出色其他就一般般啦。整體嚟講，以湯麵水平都叫唔錯，可以一試👍

其實藍田食店話多唔多話少唔少🙈 唔知點解見到都覺得唔太想去食🤔可能係冇冷氣啦😂有d似坐後巷既感覺🤣話說今日想買外賣🥡番屋企食終於可以一嘗😏叫左個「雜燴冬陰公湯金邊粉」😋😋😋話明雜燴，真係咩丸都有，蝦條，豬頸肉都有😁賣相吸引，好豐富咁😋開動！🥢🍽一睇個湯好似冇咩色水，以為唔辣點知食食下都越食越辣😳😳但個冬陰公味再濃d就好啦🤗🤗🤗份量方面都好足夠，食左三分二都已經飽左😅

原本開喺啟田街市，翻身之後搬咗去對面馬路（譚仔格離）。❤️食過最好食嘅泰粉❤️面嘅質地剛剛好，大碗夾抵食！基本上日日食都唔會厭㗎！😂加埋啲配料酸酸地、辣辣地，好開胃！😋