鬍鬚仔 (Closed)

早兩日用網上外賣平台叫外賣，叫咗個漢堡包餐。個餐$72有一罐汽水、一個小食、一個漢堡包。小食揀咗雞翼，漢堡包就揀咗至尊牛堡！外買送到仲熱辣辣，雞翼外層仲係好脆個漢堡包好足料，好香牛肉味，勁Juice！食漢堡又點少得飲汽水！呢一餐非常滿足！正

呢間喺青衣街市入邊嘅漢堡包店，好多人排隊，想食咗好耐，今日見唔係太多人，即刻買返個漢堡包餐返屋企食，因為呢間面漢堡包店淨係做外賣，沒有堂食。如果不是住附近，可以買完行去青衣海旁，都係三幾分鐘，青衣海旁好大好靚，仲有好多長凳，可以一邊望住過海，一邊食漢堡包🍔。我今日買咗「櫻花蝦他他魚堡🦐🐠」，即叫即整好新鮮，麵包外面微煎焦，裡面好軟熟，帶牛油香味，魚柳外脆內嫩，配上他他醬，好夾好好味。加$配套餐，我選了粗薯條🍟及例湯，今日嘅湯係「黑松露野菌忌廉湯🧆🥣」（飲咗唔記得影相😆。）我試埋佢嘅雞軟骨，全部$68 ，都幾抵食。

雖然未食過，見佢黃店就幫襯下，我喺外賣APP 訂左四重芝士熱狗餐，四重芝士漢堡餐同脆辣雞堡，冇原因，無故取消左我訂單，黃店都係咁話，以後唔會再幫襯，好差！

青衣好少黃店，不過收到朋友通知喺長發有幾間黃店，呢日做完運動就走去醫肚啦！以前長發出晒名夜晚多小販檔，近年規劃過就搬返晒入室內，乾淨企理得多。聞說呢間鬍鬚仔黃到金，所以想嚟會一會。我嚟到既時候5點幾，正係落場時間，於是去長發商場行個圈再返嚟。原來長發商場都會有啲小攤檔賣啲小手作架！好耐無嚟呢邊啦！等到老闆同各位店員準備好，我就點咗個熟客大力推介既芝士漢堡套餐，除咗主菜漢堡，仲有湯或者汽水，再加小食。我揀咗是日黑松露湯同薯條。因為都係小店，所以會用即棄餐具，姑勿論呢個黑松露湯係罐頭定煮，我都覺得好有心，有幾可食快餐會有黑松露湯？熱辣辣，有陣陣黑松露香。再等即製既漢堡主菜，入面有好足料芝士，食落啖啖肉又juicy，而且配粗薯條真係無得彈，全部新鮮即製，好味到我全部食清光！店面雖然細，但都唔少文宣。我坐喺度食既幾個字，真係好多人嚟買餐，好羨慕住長發既居民啊！當日台灣大選，我食到咁上下就有結果出嚟，差不多可以肯定小英連任，老闆就立即做咗個新菜式嚟話要賀一賀佢！好有心！希望繼續加油努力呀！

今日嚟到青衣，同某君去試下當區的人氣漢堡店，點知原來係街市裡面，仲堆滿顧客😳 舖仔細細，但入面竟有4人做野😧，仲有幸比我地見到條鬚向上彎嘅鬍鬚仔，好笑😂經典牛堡 $35>個樣勁吸引，好想食>包皮烘過而不乾>芝士流晒出嚟，正呀>塊牛厚到呢，35蚊咋大佬，仲要係彈牙有肉汁呀>生菜蕃茄新鮮爽脆==================推介指數 🌕🌕🌕🌕🌗墨西哥脆辣雞堡 $36>睇到舊炸雞就流晒口水>包皮烘過而不乾>件炸雞勁大，勁脆，係勁脆，又juicy，無得頂呀>墨西哥辣椒惹味，多少少，辣多少少就仲正>芝士蕃茄生菜中和返啲熱氣==================推介指數 🌕🌕🌕🌕🌖八個字，蔗渣價錢，燒鵝味道😳 怪不得咁多人食🤭 唯獨係係街市等起碼20分鐘個下差少少，不過絕對值得等👍🏿😀😀

💛鬍鬚仔💛..............................青衣依家變左疫區咁 大家要考慮風險先去我摸過一次門釘 大家去嘅話記得避開落場時間環境方面大家唔好期望咁大 始終係街市市場呢個價錢有咁好質素好難得 座位有限建議外賣題外話.老闆仲同我地介紹附近黃店 好黃呀！.🔅經常參與罷工🔅醫護人員一律免費🔅寫明不招待芝麻人🤪🤪🤪..............................～櫻花蝦他他魚堡 $34.即叫即整好新鮮 個包好香牛油味老闆話啲包每日新鮮送嚟 賣完就閂門塊魚柳雖然唔算好大 但好juicy~出面炸到好脆 入面仲好滑所有味道喺個口入面融合埋 perfect！😋大家要小心啱啱炸好嘅魚柳好熱♨.～經典牛堡 $35.男盆友叫嘅牛堡 個包一樣咁正一咬啲汁就pssssss咁噴出黎😍哎呀成手都係肉汁 記得消毒左隻手先食佢話塊牛口感啱啱好 唔會太實唔會太鬆下次想試下至尊牛堡 好似會仲正🤤.～套餐加配薯條+紙包飲品 $15.差啲唔記得影薯條 薯條都係新鮮炸薯條係實的的薯仔好飽肚好粗嗰款好熱氣呀 好彩套餐跟埋嘢飲🥳紙包飲品我揀左柑桔檸檬🍋.👏🏻：7.5/10.............

難食到一個不能形容！薯條炸到燶又黑，硬實實👎🏼麵包普通料，芝士無芝士味，塊肉重有雪味重霉霉地！店員串串貢，衞生🤮差，又唔帶手套，成日除下個口罩傾計噴口水！食完要即刻去廁所無心做過主

#tastytommy良心食店 (參與罷市 鬍鬚老闆有支持運動💛)十年唔入一次青衣呢個美食沙漠 原來青衣都有高質黃店! 40蚊食到超高質burger!😍 隱身街市裏面 鬍鬚老細話佢以前做過中環西餐 最近先自己出黎開舖 佢仲好enjoy做街坊生意添!!💛至尊牛堡 $41手打牛肉夠厚肉juicy 裏面仲有好多芝士 洋蔥圈 煙肉 流心煎蛋等等 超足料 一個口都咬唔曬! CP值爆燈😇😇😇墨西哥脆辣雞堡 $33新鮮脆炸既雞扒 脆漿好酥脆 雞肉幾juicy熱到辣口 加埋一大pat沙律醬好惹味😋 帶有既墨西哥辣椒味比想像中溫和 連隔離個小朋友都食到 個家長話個味道好大眾化😂+$15仲有炸薯條/洋蔥圈+餐湯 個黑松露野菌忌廉湯都好高質!! 鬍鬚老細好親民 你估老細pat鬍鬚仔係真定假?🤪

青衣美食唔算特別多，而今次呢間漢堡店位於青衣市場地下，旺中帶靜😂行過都可能會走漏眼😬佢哋仲特別為韓國瑜戰敗而創立左"韓國瑜"輸堡，認真有創意😂經典牛堡加$15就可以轉套餐有餐湯/汽水，粗薯條🍟/洋蔥圈/蒜蓉包😊餐湯係黑松露蘑菇湯，而粗薯條嘅薯肉都真係幾多😀經典牛堡🍔夾住漢堡，生菜，芝士，蕃茄，漢堡香口有肉汁，食完之後都唔會覺得好膩🤟價位來講就算跟餐都只係40幾蚊，質素確係唔錯🖖cp值upup 👅

店主真喺帶住鬍鬚仔整嘢食🤣一眼就望得出，店員都好用心用力製作食品，地方少少都有4個座位可以堂食☺️大部份人都喺外賣加勒比海牛堡 $41勁勁勁大個漢堡包🥰一手都喺啱啱好拎得住🤣夾住生菜，蕃茄，芝士，牛漢堡，煙肉，菠蘿😍菠蘿中和返油膩感，好爽口🤪牛漢堡好香口啖啖肉😋食哂成個包好飽肚🤣再去做運動一流一流👍🏻😙洋蔥圈 $15 配飲品脆脆哋好香口☺️飲品原本有湯，不過剛剛賣哂😣可另選擇紙包/罐裝飲品，揀咗包蘋果綠茶無影到相了

長發食街著名食店。多數人都是外賣，但我們就坐下吃，只有4個位，堂食要揚聲，單都冇，但店員在枱後會遞上食品，有食高級日本壽司感覺,當然環境好不同，但一心一意望著廚房做事，又冇乜油煙，都坐得安樂。價錢唔貴，見到食物的份量，食完覺得超值。蘑菇湯正常地香。而個飽大到一口咬不到，我點的4色芝士包有流心芝士，好重芝味。但下次我會點至尊漢堡，因為材料高到成隻手掌咁，真係用誇張來形容。店內的相片真係影得好差,搞到個個飽都係小矮人包，點知來了一個巨人。粗薯條正常，炸洋蔥圈非常脆，脆到會斷，仲有他他醬伴碟。堂食真係要出聲，而堂食時間12-4pm, 6pm-賣完。過了1：30pm已經少很多人，店員有心情傾兩句，店員提示星期日不要來，因為排長龍。那些12吋長熱狗也很超值呀！有機會再食!區區食玩遊-青衣

起長發街市熟食店裡面 今次黎一試 真係Cp值超高 又好味叫左 加勒比牛堡 同埋至尊牛堡 升級安格斯漢堡扒加勒比牛堡 有菠蘿片 然後接下有芝士 手打漢堡扒 再多塊芝士 蕃茄片 同埋生菜 加配左串雞軟骨 一咬落下菠蘿同蕃茄連埋塊漢堡扒都一齊同時間爆曬汁咁 各樣材料味道都好出 互相配合出好味 至尊牛堡 有一塊煎蛋 升級安格斯漢堡扒 芝士 蕃茄 配薯條同行既佢就叫左 至尊牛堡 有佢起外國讀書時食到既味道 食得返呢隻味好開心 表示得閒會再行過黎食咁話🤤♥️

➖➖➖青衣。高質漢堡小店➖➖➖漢堡扒夠juicy內有洋蔥粒.黃店 💛青衣應該都係黃店沙漠漢堡店免費派口罩 💛（第六張相）.▪️四色芝士牛堡$45 🍔 車打芝士四色芝士醬Mozzarella cheeseParmesan cheese紐西蘭手打漢堡生菜蕃茄.賣相見到啲芝士流晒出嚟已經覺得好想食最出色係塊漢堡扒彈牙有肉汁有洋蔥粒係入邊.▪️加$15轉套餐1.是日餐湯/紙包飲品/汽水2.蒜蓉包/粗薯條/洋蔥圈.洋蔥圈真係好好食粉漿係好薄即炸又香脆又好食.➖小總結：街市入邊有高質嘅小店，值得支持。成個街市，呢間係keep住要排隊㗎💪🏻。。

小店只要有質數， 就會有支持者今日黎到青衣市場，選擇咗呢間食漢堡包，內有青介醬，蕃茄，芝士，簡單新鮮，漢堡唔似一舊爛肉咁，會feel到肉感的食咗之後，就唔想成日食埋連鎖店的味道了🤪

買咗經典漢堡同至尊漢堡餐，有得比較之下，至尊好好食（抵比多$6），而餐嘅磨菇湯就一d 都唔似罐頭湯嚟，碗湯好大浸磨菇味，真係好好飲。但雞軟骨囉到回家涷咗就失色好多。