My Burger 中海日升中心

Open Now

Now Closed

🍔🍝🍴係Burger店外賣意大利飯呢間burger店除左做burger，仲有意粉同意大利飯，今次我試意大利飯。☑️冬陰功大蝦意大利飯 - $65外賣用膠盒上，店家好細心，為左保溫仲用錫紙包住盒飯。但盒飯睇落得好少，半盒都冇，男仔應該吾夠飽，細食女仔就剛好，因為意大利飯比較滯。個汁調得幾好味，冬陰功嘅酸辣味都幾出，仲有九層塔係入面，飯粒較硬，但每粒都沾到汁好入味。至於大蝦有3隻，每隻都新鮮爽口彈牙，蝦有用蒜蓉煎香過，用足心機。☑️熱柚子茶 （免費）沖得好濃，柚子味好夠，好好飲。除咗柚子茶，汽水檸茶檸水都係免費，唔使加錢。

餐廳位於人流較少既商廈入面經過見到鋪頭裝修簡單得黎幾特別入面客人唔算多▫️乾蕃茄黑醋雞肉意粉🍝 $65黑醋味好重！好惹味👍🏻意粉都好掛汁雞肉份量都多 而且都頗大舊！如果中意食黑醋既 應該會中意食哩個意粉😋▫️帆立貝牛肝菌汁意大利飯🍚 $68表面有一條條既番薯乾 夠脆口！牛肝菌汁夠濃 飯份量都多👍🏻🔸總結．食完先知原來哩間係附近東廣場入面一間頗有名氣既Burger分店🍔 之前係東廣場分店幫襯過幾次D Burger真係好高汁🤤下次有機會試埋哩間D Burger！．哩間同東廣場分店不同之處就係 哩間有得食意粉 / 意大利飯，而東廣場分店只得Burger食．價錢平價得黎 份量夠大份 除左主食仲包埋飲品！而且食物質素都唔差！鋪頭裝修簡單 環境舒服，座位闊落 坐得舒適，可惜哩間分店唔太多人知道🥲

今日全日都冇乜energy😴去到下晝忍唔住要整個三點三🔋呢間位於觀塘中海日升中心嘅My Burger 主打手工漢堡🍔 今次就試吓佢個經典牛肉漢堡（$42）人手整嘅手工包果然係唔同啲！食落口好鬆軟彈牙牛肉十分足料，煎得好juicy 好多洋蔥，夾埋牛肉食令口感清新啲冇咁膩！好難得呢個價位食到呢種水準嘅burger👍🏻「識食緊係食手工漢堡呀」Ok 收到！我今日就做個「識食」嘅人！下次做野做到頹頹地果陣再行過嚟整個burger 叉叉電🤓

觀塘食肆林立要突圍而出當然要天時地利人和，環境要舒服食物質素要好先可以留住客人。無意中見到KOL推介呢間以手打漢堡作招徠即管去外賣試一試。跟餐加多$20試埋薯條，等候時間約7分鐘以即叫即整黎邁算快，打開包裝賣相相當不俗熱辣辣醬汁滿滿流出黎，非常喜歡佢面包咬落去鬆軟，入面仲有大量洋蔥，配上酸瓜同番茄味道非常配合，唯一要小心大啖咬落去d汁會咇哂出黎！ 薯條連皮炸，有咬口𡁻下𡁻下好好食！價錢黎講未必係最平，但值得一試！ 

今日星期日咁啱嚟觀塘做嘢，周圍睇下有咩嘢食，又唔想食茶餐廳。喺樓下廣告牌見到有間幾特別嘅burger，上到嚟環境一般，燈光有小小暗。打開menu見到有個大隻佬burger，見佢咁搞笑即刻點嚟試試。其他都仲有好多特別嘢例如軟殼蟹burger，咕嚕肉漢堡，牛油果大蝦pizza...係咪有意大利飯意粉等等。burger跟餐加20蚊有埋薯條汽水，薯條夠熱都幾脆，個漢堡夠曬厚。不過佢整流心蛋，真係有啲多鬼餘。我諗唔到點食隻蛋唔漏到周圍都係。建議唔好同異性黎食大隻佬，食到成枱都係，勁樣衰

之前喺東廣場已經食過佢 太高汁 高性價比 好開心佢又開多間 希望多啲人留意到同去食！▫️大啡菇芝士牛肉漢堡 [$70+$8煎蛋]而家見到大啡菇就知道一定要嗌 因為一定會好juicy desu! Crazy patty!!!! 又稔又多肉汁 💛重點係加埋隻雞蛋 蛋黃流出來 增加口感+味道🤤▫️炸番薯條 [+$25]最開心就係可以食burger唔係配薯條 係配返蕃薯條🧡如果再粗身啲就正識到啲番薯蓉 但都ok！跟餐還好！▫️蒜香蟹肉意粉 [$70]相對包嚟講冇咁震撼 但都真係好多蟹肉！食食下都係食唔停 還是太鍾意食意粉🤪

晚上，在觀塘區，想吃漢堡包，但又不想吃麥記，有什麼選擇？可以去中海日昇的 My Burger 。還記得從前在觀塘東廣場，都有一間My Burger ，價錢合理質素不低。 今日就要試試中海日昇的這一間水準如何了。晚上八時許，往餐廳內看，只得兩枱食客，人流稀疏。看看餐牌， 除了有漢堡包外，還有一些意大利粉、意大利飯的食物。平日在五點後 還有「四人同行、一人免費」的優惠。我要了一個最傳統的經典牛肉漢堡，再加一片菠蘿，跟餐有薯條及飲品，我要了一杯熱柑桔蜜。 這店標榜的是手工漢堡，但就不知道「手工」的意思是什麼，不知是否指手打牛肉漢堡。食物送到，賣相不錯，漢堡牛肉夠厚汁多，薯條也頗美味，非一般漢堡包連鎖店可比。也許是牛肉漢堡太重味了，熱柑桔蜜 就顯得淡而無味了。

Burger超足料而且價錢合理❣️除左burger仲有意粉 🍝沙律🥗有好多選擇係附近番工嘅人買都幾方便.🌟大隻雞 $67 +$19 草莓奶昔🥤內餡有雞扒 紅菜頭 洋蔥 煙肉雞扒好大塊👍🏻連皮煎有少少油脂感好juicy🥳煙肉都係厚切唔會過鹹紅菜頭同洋蔥🧅甜甜地中和下油膩感😆當然唔少得芝士🧀熱溶晒好有鹹香🤩奶昔過甜係草莓精油加糖水味🥲可以唔叫🤦‍♀️.🌟經典牛肉漢堡 $52 +$30薯條 味道都好經典😆牛肉好香肥瘦均勻😍咬落去有滿滿肉汁😋配料有番茄🍅酸瓜同洋蔥🧅薯條份量好少食落唔粉 入面似空心可以唔試.📍 My Burger 中海日升中心 (觀塘)觀塘駿業街56號中海日升中心1樓G號舖

觀塘人氣Burger🍔開左間分店中海日升中心，地方大左舒服左.一個漢堡包$52起，加$20有薯條同飲品.🍔大啡菇牛肉漢堡大啡菇好juicy好有菇味，牛肉漢堡唔會煎得太乾，中間仲有一層熱熔用嘅芝士，加上半熔芝士、香脆新鮮既生菜、洋蔥和蕃茄，每一啖都好fresh！呢間餐廳既漢堡係我必食之選.🍔德州煙燻牛肉漢堡有牛肉漢堡、煙肉、煙燻辣醬、生菜、洋蔥和蕃茄，入口辣辣地好惹味.🍟薯條
薯條係即點即炸香脆可口

呢間 burger 都有幾間分店 今次新開左間分店唔只 burger 仲有其他野食 緊係要去試下啦🤩🤩餐廳掛左啲燈牌都幾得意😍座位都幾闊落坐得舒服附近返工嘅朋友又多個選擇啦😜龍蝦漢堡($128+$20 set)係大大條龍蝦尾呀🦞🦞唔係比啲龍蝦碎我 真係夠哂足料🤩麵包係人手整架熱辣辣上枱個皮仲脆脆地 咬落非常鬆軟🤤🤤仲加左好多沙律醬一齊食真係好夾😋套餐伸有飲品同薯條 大大條又非常香脆😋冬陰公大蝦意大利飯($68)不得不讚冬陰公味好香濃 又唔算太辣 味道好香🥘而大蝦又爽口彈牙 意大利飯軟硬適中👍🏼估唔到burger 餐廳煮意大利飯都唔錯😯蒜香蟹肉意粉（$70）蟹肉都幾足料🦀又唔會好腥 意粉都唔會太油 不過蒜味有點偏淡如果加返重味啲就好啦😗😌蜜糖柚子雞翼($36/4隻）雞翼尼到熱辣辣 囗感焗得香脆😋蜜糖柚子落得非常足 食完都凈左好多醬 用尼沾埋薯條都得呀😂菠羅梳打(set+$17)飲品選擇好多 食漢堡緊係要飲返杯有氣嘅飲品😃呢杯梳打好大杯 仲有一堆菠蘿粒係底 亦唔會太甜 飲返啖好爽😌😝

被譽為返工地獄嘅觀塘，除咗人多車多之外，其實食肆林立，臥虎藏龍！對於講求速度嘅打工仔，除咗食茶記快餐，仲可以試吓美式快餐嘅代表：漢堡包！位於觀塘中海日升中心嘅My Burger，餐廳提供多款選擇嘅漢堡包，重點係份量十足，絕對能夠滿足空虛咗成朝嘅胃啦！大隻佬漢堡配薯條呢個大隻佬漢堡絕對係My Burger嘅名物，配料相當豐富，有漢堡扒、流心蛋、蕃茄、沙律菜、芝士、煙肉，最特別係有紅菜頭。爽脆嘅紅菜頭，增加成個大隻佬漢堡嘅口感；而流心蛋嘅熟度亦都拿捏得非常好，一咬落去啲蛋漿就流晒出嚟，好滿足；至於漢堡包嘅主角，當然就係漢堡扒啦，漢堡嘅牛肉味香濃，充滿肉汁。薯條係漢堡包嘅好朋友，薯條炸得香脆，薯味香濃，令人食唔停口呀！炸魚漢堡呢個炸魚漢堡嘅魚柳，又長又厚，分量十足，而且炸得鬆化，外脆內嫩。至於麵包亦預先烘脆，加上沙律菜，令成個炸魚漢堡增加口感。水牛城辣雞翼雞翼塗滿水牛城醬，又酸又辣，味道非常濃郁強烈，夠晒惹味！士多啤梨奶昔、罐裝汽水飲品方面，我哋就叫咗士多啤梨奶昔同罐裝檸檬可樂。特別鍾意奶味香濃，帶有豐富士多啤梨味嘅香滑奶昔，好邪惡但又好滿足啊！

觀塘工廈區一向多野食，Lunch time就同同事來吃最近新開左分店既MY BURGER,觀塘區數一數二食漢堡都係MY BURGER 最YUMMY ! 今次我們3個人叫左3個classic經典牛肉漢堡，佢一如寄往咁有品質，值得一提係佢啲酸瓜唔會好酸。加$10加左個套餐，另外一同行朋友叫左牙買加辣雞漢堡，好足料有2層厚厚的雞扒juicy。先講薯條真係超好味，我每次都要叫呢度既薯條，好味過其他多多聲，係粗身無波浪果種，上到枱仲好熱好熱，外脆內軟，最鐘意就係食淋薯條😋👍🏻見個menu仲有好多其他不同口味既漢堡，連炸軟殼蟹 ，龍蝦既Burger 都有...，真係包羅萬有好厲害。除左漢堡佢地仲有意粉，意大利飯添🥳已經約好左同事再去食!😄😍

外賣平台嗌左大啡菇芝士牛肉漢堡 跟餐薯條+熱飲值得一讚👍🏻為防包漏汁，用多左張紙包住，而且好貼心用錫紙包住個包保溫，就算唔係即食，個包仲係keep住熱成個包都幾大個，味道亦唔錯，包身有牛油香，牛肉同大啡菇都好juicy，食落有陣松露味，醬汁唔會令到個包淋晒🤤薯條係粗薯，幾脆口～

今日同朋友去旅行，順便在My burger 訂咗burger同咖啡，一共訂左9款包，真係好好味，漢堡包牛肉又juicy.又有生菜，加埋個汁，簡直天下無敵，總之整體好好味，咖啡濃味又適中，下次一定要再幫襯！

呢間burger 店既裝修簡單得黎有種cyber既感覺, 食物選擇都好多, 仲有啲fusion口味添😊經典牛肉漢堡🐮($52)好厚既一個漢堡, 有洋蔥, 芝士, 厚身多汁既牛肉漢堡扒, 酸瓜, 生菜, 口細啲都食唔曬咁多層, 味道正常發揮冇咩特別大驚喜😅咕嚕豬堡🐷($52)包既部分同平日果啲唔同, 用左白色鬆軟既麵包, 中間夾左一大塊菠蘿同相對乾身既炸豬扒, 醬汁係相當地少, 同我想像中既咕嚕係有好大出入🧐呢間burger 既味道唔算突出, 但係勝在夠平, 而家要搵到呢個價錢既burger 的確係唔容易😮