西偲名屋 (Closed)

今日帶住4隻狗仔去左西貢散步，順便去嘆個靚下午茶。經過呢間，見到門面唔錯，戶外位置舖左人造草地，戶外都有3張桌椅，方便我地呢d放狗人士，所以就入左去幫襯。首先講下食物飲品，我地二個人各自叫左2杯飲品，flat white同青蘋果紅茶。正常水準，沒有太大分別。反而見到佢menu上面的意粉，牛角包好吸引，見到枱離桌客人點黎食都幾大份，賣相唔錯。但由於我地食左野先出黎，所以無叫到，下次會再黎食返!雖然西貢好多餐廳都比帶1狗，但cafe既其實唔算多，放狗人士不妨試下呢間!

無意之中找到這間小店入到去真係覺得值得因爲餐廳既裝修風格，擺設，餐具都係我自己喜歡既風格叫左一個Black Pepper Roast Beef Bagel*P.S. 餐牌每道菜式既名都好特別架推介！！好食！Bagel本身係cheese bagel.. 旁邊既沙律菜都唔錯！之後加左個$62 cake set每日都有唔同既cake比你選擇，有d好精緻既款添架不過我就選擇左個普普通通既黎試Mango cheese cake.. 普通唔算特別好味！個set包普通既咖啡，我就加左錢叫杯Caramel Latte，都唔錯！最後我想講小店雖然地方唔大，但廁所都有一男一女各一格，好衛生(個人比較都著重餐廳廁所😅)OVERALL來說，會再來的一間Cafe

寧靜小店咖啡出色,意粉黑松露帶出一陣陣香味。另外煙三文魚沙律食材新鮮食完好想再食多一碟。 全日早餐吸引,炒蛋炒得很滑,收費相宜。假日好去處,如果帶咗小狗可以喺門口有兩張枱。喺繁囂都市感覺寧靜 !

誠心推介西貢西偲名屋cafe☕️一到假日我都會搵唔同cafe坐低嘆下，西貢係我首選好去處。雖然西貢都有唔少cafe，但西偲名屋呢間cafe係我去過最多次，同最推介cafe之一。餐廳環境非常舒適，光線適中，啱哂我坐低用電腦做下野。而且地方唔會好迫，地方乾淨。👍🏻👍🏻今次點左杯Hazelnut Latte ($43)，價錢合理，而且好好飲👍🏻👍🏻員工服務態度都友善，有禮貌，同好樂意幫食客。坐耐啲都唔會趕人走👍🏻👍🏻

閒日落西貢最舒服，揀左呢間食tea，狗狗又可以一齊係出面坐。雖然當日得一位員工一腳踢，落單同食物等候時間有d長，得2款bagel可以揀，不過勝在夠鬆軟，咖啡都岩飲，不錯！還會再黎！

今天生日拎咗日假，早上去完彩虹同家人飲茶，再獨自坐車入西貢安靜吓，行吓海邊，穿過海鮮店，行入小巷，見到西偲名屋，被充滿特色的裝飾牆吸引，藍色主題，加花花磚，打咭一流！由於tea time，我叫了我至愛的牛油果意大利包及半價叫了個雜不冷果茶，前者配搭得好好，果汁也真材實料，坐了兩粒鐘，聽住英文歌，過了一個好chill的生日！

點了一杯紅菜頭蘋果雪梨汁和一杯水果茶，不太甜，面對夏日炎炎的天氣，真的解暑。這裏很適合看書，因為環境今人感覺悠閒，背景是柔和的歌聲，所以也適合朋友聊天。店員服務貼心，一間值得推薦的咖啡店。

weekend專程入西貢，潛水後我地一行三人去左cafe tea 一tea ，嘆個靚茶先～我地叫左一份tea set ，個set包左兩件蛋糕同兩杯飲品～tea set有bagel 沙律 明太子雞翼 腸仔 豬柳 曲奇餅 味道還好 唔算太特別~baileys coffee affogato 好好味 咖啡味香濃 加埋雪糕岩岩好 推介Carrot cake好好味 唔太甜 啲合桃夾很岩岩好~綠茶cake既mousse好滑 好食 正~環境都算唔錯 好舒服 好relax~

同朋友去西貢行街， 意外發現這間有水準的餐廳。cappuccino 同煙肉bagel超一流！黑松露意粉同肉桂卷也值得推介材料很新鮮，醬汁也是自家調配的。希望下次再黎，會試其他款式。

盡顯老闆嘅本色"浮誇"！華而不實得個樣又貴！好唔好食其實好個人的！呢間餐廳我第一次光顧但不喜歡，大部份食物都係工場預製的行貨尤其是係甜品！食物飲品就華而不實得個樣又貴！後來得知幕後老板原來係詹瑞文咁我就明白晒！兩個字可以形容"浮誇"盡顯老闆嘅本色！可能係佢老板特殊身份及人脈廣闊嘅關係，喺網絡世界及社交媒體都係一面倒正面評價！但我試完就真係有點言過其實，甚至乎有報道指佢係同區最好飲嘅咖啡，我有試過心諗就呢條街就已經有幾間咖啡店好飲過佢啦！食評真係有價有市既得利益行先留言OpenRice都有9折喎(當然要係贊嘅留言啦)唔怪得咁多一評食家啦！咁其他社交媒體有冇打手就真係唔知喇！食嘢係用個口嚟食，唔係用個電話！唔好為打卡而打卡！雖然係詹瑞文開啫但煮嘢食嗰個唔係佢吖！😂😂😂😂

環境舒適放鬆心情遊閒享用健康美味食物及手工製作咖啡員工親善有禮，讚南瓜、牛油果、青瓜、小紅茄、提子、黎麥小米非常新鮮沙律菜。😋值得一提👉手工咖啡-用特濃咖啡制作水球上面再加一球雪糕小量棉花糖作裝飾最後加上一杯熱奶由客人倒上去簡直美妙👍👍，遊西貢之餘可遊閒來到 #西偲名屋享受美食，座一個下午一天煩惱心情一掃而空😄

入到西貢超熱,即刻衝入間cafe休息下。哩間cafe環境好舒服，夏天入來透暑，飲番杯咖啡好relaxing. 價錢大概$40-50，都合理，menu好特別，下次會再來試多啲嘢。staff都好友善。

行過鋪頭比裝修設計吸引左我入去，叫左個三文治食，都幾大份，好食。最開心係老闆娘送左我1杯咖啡飲 latte好好飲 好滑 好啱我飲 因為我唔鍾意飲太苦嘅咖啡 服務態度好 下次一定會再黎

嘩 ，呢間店都係第一次食，原來有很多不同的西式下午茶，應有盡有，今次我地叫左個熱狗，芝士煙肉牛角包，同埋黑松露炒蛋多士，食物很不錯 平日假日之選，會再來試下他們的早餐同晚餐唷！仲會介紹埋其他朋友！！！

上班時， 情緒特別緊張， 腎上腺素偏高。雖然只是短短半天既工作， 總令我感覺筋疲力盡。為避免影響放假既心情， 總會找間咖啡店調節一下心靈。2點下班的我，坐在咖啡店， 選擇一些飽肚，有營養既食物🥑， 飲杯咖啡☕，水果茶🍹， 聽下音樂🎶， 有時仲可以點下蛋糕🍰， 甜品，令自己開心啲😊心情輕鬆返晒🤩過個nice weekend😎