奈雪の茶 (Closed)

同朋友喺山頂花園行完山之後，好想坐低飲杯嘢，就見到呢一間買手搖飲品嘅店舖。成間餐廳就算疫情期間都好多人，餐廳飲品嘅價錢大概係3,40蚊。每次去親子餐廳我都會鍾意咁佢嘅珍珠奶茶或者烏龍茶，依佢啲珍珠食落口都彈牙，但個人認為佢啲奶太多，茶同奶嘅比例可以好啲。

復活節假同爸媽上山頂行下呢度竟然開左間奈雪之茶有包點飲品不過限客令下遊客明顯過多店家也沒阻止希望呢點注意下點左3個包，3樣飲品一顆大榴槤綠茶嘟嘟紫薯嘟嘟楊枝甘露寶藏茶芋泥寶藏茶清心烏龍包類都好重稱感覺都好足料榴槤包，爸爸話頂到一個飯！紫薯嘟嘟有厚厚薯蓉在饀內麻糬太軟，缺煙韌口感楊枝甘露茶消暑唔錯酸酸甜甜口感豐富仲有啲啫喱喺底芋泥寶藏茶又係足料超多芋泥差啲驚飲唔到茶除左芋泥外，仲有少少芋圓增加口感整體感覺幾好👍👍

今天天氣非常好，天朗氣清行山一流，我地選擇左由香港大學行上去山頂食奈雪之茶，上一次食已經係一年前上深圳嘅事，好掛住佢嘅麵包，今日去到店舖只得幾款嘟嘟包，有小小失望，我叫左一個綠茶紅豆，一d都唔甜好足料勁多紅豆中間仲夾住麻薯，口感好好，貴得黎物有所值👍🏻👍🏻👍🏻還叫左兩杯凍飲，珍珠奶茶🥤芝士茉莉毛尖🥤奶蓋好濃好好味，茶味都好濃郁，行到熱熱地飲杯凍飲勁爽，近排冇得上深圳唯有係香港頂住先。

復活假期中午12點左右去到門口量體溫，見到又阿里山茶飲，再開openrice 話係台灣菜，以為係台灣茶飲，後來先醒起係大陸公司。咁大個櫃D 包竟然只得番2個，有冇搞錯，係咪做生意架? 同收銀話要少冰，話本身已經係少冰，最後我杯芝士茶味道淡，朋友叫左無糖奶茶，佢話支奶茶有咸味。

行完山頂坐低飲杯茶，嘆個包真係非常舒服😌價錢同x茶差唔多，但地方闊落，遠眺山峰濃霧，心情非常舒暢～飲品方面，仍然keep到水準，霸氣橙子仍然同深圳分店一樣清新，軟歐包種類繁多～要注意是不接受八達通。

白色情人節上山頂逛逛，意外發現奈雪之茶係山頂開左。之前係深圳都冇試過，今次一於試下。店舖裝修走日式風格，入面空間寬敞，比喜茶坐得舒服。原本想飲芝士奶蓋茶，但發現有香港限定的楊枝甘露寳藏茶，係香港當然要試下啦。飲品顏色好靚，適合打卡入面混入jelly，芒果，西柚，布丁，上面加cream , 味道清甜,甜度適中。飲完都幾飽肚。$39和喜茶差不錢，有點貴。奈雪之茶傳遞"一杯好茶，一口軟歐包"的概念，除供應飲品，仲有新鮮製作軟歐包。不過因為要留肚食lunch, 所以今次沒有試麵包了。希望遲d開多點分店，可以係其他地方都飲到，畢竟唔會經常上山頂。

大食妹琴日同朋友仔去行太平山幾經辛苦終於行到山頂, 見到呢間奈雪之茶之前同朋友仔都嚟過一次, 但係嗰陣時奈雪之茶仲未開, 今次終於可以食到佢嘅麵包啦真係好興奮因為時間都幾早, 麵包嘅種類唔係好多, 大概有十幾種, 都係水果味為主嘅<芒果魔法棒>大食妹揀咗條芒果魔法棒同朋友仔share 魔法棒嘅外部有啲似墨西哥包, 好似有啲糖分包住咁, 麵包咬落好煙韌, 裏面塞滿咗布甸味嘅cream, 配上甜甜嘅芒果果肉, 好好食<霸氣橙子>因為行到山頂真係好口渴, 所以大食妹同朋友仔再每人嗌咗杯嘢飲大食妹嗌咗佢招牌嘅霸氣橙子, 飲落又清新又甜甜地<霸氣黃檸檬>朋友仔就嗌咗杯霸氣黃檸檬, 味道酸酸澀澀地, 朋友仔話幾唔錯, 但大食妹就唔係好識欣賞啦

忙足成個月，今個週末終於可以放假送一鬆，梗係即刻約好姊妹上山頂食好嘢。上到山頂，呼吸完清新嘅空氣，個人都精神爽利好多，再見到眼前嘅美食，簡直係忘記咗過去一個月嘅辛苦。呢間餐廳嘅選擇非常多，對於有選擇困難症嘅我，見到真係難以選擇，所以我哋都忍唔住手叫左好多個甜品，其中最特別嘅係呢兩個，姊妹揀嘅奧利奧魔法棒，佢話好香，好似真係食緊奧利奧咁，不過略嫌甜左少少。我就揀咗個霸氣榴槤王，因為榴槤係我嘅至愛，咬咗第一啖我就已經愛上，榴槤香得來幾清淡，連唔太鍾意食榴槤嘅朋友都冇趕我行開一邊，就知佢係淡淡的榴槤香。咁多選擇，真係試多幾次都試唔晒。

今日天氣情朗，上了山頂行了一圈，然後到商場下午茶。山頂商場大翻身之後，多了不少名氣之店，好似奈雪之茶，從大陸潮興到香港。山頂嚟間分店非常大，以白色為主，明亮。麵包聽講非常有人氣，不過今天口乾乾只想飲嘢，左選右選，終於要了一杯楊枝甘露寳藏茶，是店員推介的。最初擔心太甜膩，喝了一口之後，完全改觀，有好香綠茶味，混入了芒果，西柚，蘆薈，忌廉....入口清甜，一粒一粒的口感好好味。

平日很少飲這類杯裝茶飲品，今天行山經過奈雪之茶，在朋友強烈推介下便買了一杯芝士茉莉毛尖來試，朋友則試了霸氣芝士草莓。店舖裝潢走清新路線，白色為主調，感覺舒適。店的麵包很吸引，可是剛吃過午飯，因此沒有購買。排隊的人一如所料非常多，我們等了15分鐘才收到飲品。芝士奶蓋的味道很濃, 茶的味道是清清茉莉花茶味，一杯很大杯，飲了有點飽的感覺。整體來說是好飲的，不過不算太驚喜，價錢也不是特別抵。下次光顧會試一試他們的麵包。

店舖主打「一杯好茶、一口歐軟包」Also, 多款熱賣水果茶有霸氣芝士草莓霸氣橙子霸氣芝士芒果 ... ... ... 亦有純茶及冷泡茶選擇例如阿里山初露茉莉毛尖玫瑰烏龍等... ... ...奈雪的新品簡直是爆了朋友圈啊每次奈雪出新品我都會迫不及待去打卡。濃濃茶味！ 茶底：😛😛😛😛😛/5性價比：😛😋😋😋😋/5好味道： 😍😍😍😍😍/5 回購：🤪🤪🤪🤪🤪/5 推介指數： 🤩🤩🤩🤩🤩/5

香港唯一一間奈雪之茶竟然開咗喺山頂 平時北上都會特登去奈雪之茶買野飲估唔到香港山頂依家都有開佢哋嘅分店見到即刻忍唔住去買番杯飲下🤣店舖非常之大 而且裝修望落去好舒服非常有空間感 出面都仲有座位呢度除咗買飲品之外仲有麵包而且麵包嘅款式都同內地一樣咁多芋泥寶藏茶飲落去冇想像中咁甜味道比較淡 相對上有啲失望感覺上喺內地飲嘅好飲好多反而朋友個杯楊枝甘露就出色得多最後我自己呢杯飲唔夠一半都放棄左下次有機會再嚟嘅時候試埋其他飲品🤨

上到嚟山頂先發現原來呢度有分店鋪頭裝修得好靚係可以打卡嘅餐廳而且座位都好舒適大概八點嚟到呢度發現已經冇乜人 睇吓個Menu原來同內地嗰個好大分別既然嚟到呢度梗係要點香港限定啦 楊枝甘露寶藏茶$39望落去其實就係好似upgrade版嘅許留山入邊有西柚 啫喱 奶凍 新鮮嘅芒果最後on top 會加cream 好邪惡啊🤣🤣🤣🤣不過甜度適中 加左西柚中和返 所以飲飲下都會飲得晒而且真係好大杯飲完即刻飽咗😂😂😂😂😂

讚1.環境舒服噃，坐得好過喜茶2.服務幾好噃，啲姐姐同好鬼殷勤3.麵包唔錯，軟熟足料，芝士足料，雖然食唔出有咩野火龍果味，橙子好飲，足料彈1.麵包唔錯，但絕講唔上啲人講到去深圳必食咁嘛

之前返上大陸成日都有飲開喜茶同奈雪 原來奈雪係香港都有一間分店啊 就係喺山頂 見到係冇乜人排隊俾錢即刻走去買啦原來佢有一個香港限定嘅楊枝甘露寶藏茶 平時我都好鍾意飲楊枝甘露今日一於試吓佢啦 雖然呢度係山頂但係價錢都冇話貴左好多喎 同喜茶香港分店價錢差唔多 成功落左單買嘢飲 以為可以好快啦 點知買完都等左成半個鐘先有得飲 好彩佢有啲位可以坐喺度等 我都有望過佢最出名嘅包 呢度貴左好多啊 成$2x $3x 個包都唔捨得食添 杯野飲有啦 打卡一流 顏色好靚 本身有問過佢有冇得少甜小冰 不過佢話係Standard嘅所以冇得改 個面有好多cream 撈一撈嚟飲 飲到好多jelly 西袖肉 芒果 味道幾好一d都唔會太甜呀 我覺得係可以encore嘅 番大陸就飲唔到呢個香港限定版啦