嵐楠粉麵餐廳

Open Now

Now Closed

星期日冇乜地方好去行吓荃灣，去咗荃豐中心，我搵咗間新開茶餐廳，叫嵐楠粉面餐廳叫咗個下午茶🤣🤣醫治我嘅肚餓。餐廳嘅餐牌，選擇特別多都唔知食乜好😅😅😅最後，我選擇咗午餐飯類配上港式檸檬茶🤗🤗🤗🔹雞扒煎雞蛋飯$50雞扒軟嫩味道足🤭🤭，酥酥香香既口感，搭配兩隻溏心蛋覆蓋在飯上👍👍，食慾滿滿！香噴噴😍😋😋🔹芝士牛蛋豬仔包$40豬仔包松軟，搭配滑蛋芝士加上鹹牛肉口感豐富，真係好好食👍

星期六下班去荃豐中心買叉電線 ，發現開了一間新的茶餐廳就入去品嚐一下。剛好是下午茶時間，就點了吉列魚柳配薯角 + 紅豆冰咖啡 ，新鮮即炸的魚柳送到來是熱辣辣的配了千島醬甜酸甜酸的，咖啡加了紅豆口感加分。叉燒滑蛋飯+紅豆冰奶茶，其他地方只配豉油汁這邊不錯，有蔥油／黑椒汁／洋蔥汁選擇，我們選了黑椒汁，他們細心的分開碗上， 蛋很滑溜叉燒肥瘦剛好的搭黑椒汁很配，奶茶很幼滑。必食牛魔王粗麵+雲吞和紫菜， 呢碗很豐富出色， 裡面有牛雜，牛腩，牛筋和牛丸，喜歡牛的一定要吃。

荃灣荃豐中心地下新開左間餐廳，位置有小小偏僻，早午晚都有食物選擇。店舖望落都算乾淨，半開放式廚房，可以睇到食物制作過程，都會比較安心。我地主食叫左一碟大蝦仁叉燒滑蛋飯配紅豆冰、一碗秘製牛三寶配紅棗茶。大蝦仁叉燒滑蛋飯配紅豆冰，蝦仁正正常常，起碼唔會有雪味同霉，叉燒係瘦叉黎，都有叉燒香味，不過可以落多少少鼓油，咁碟飯就更加好。紅豆冰偏甜，紅豆份量都多。秘製牛三寶配紅棗茶，牛三寶有牛腩、牛筋、牛肚，份量多，每樣都有4件，夠淋，牛腩湯底都好夠味。紅棗茶甜甜地，有紅棗味。小食叫左脆炸雞中翼、豬仔包，雞中翼睇落乾身，不過食落啲肉完全唔會乾，雖然賣相麻麻。豬仔包夠脆，牛油蒜香濃。

天朗氣清結伴一齊出發行山，終站荃灣小巴站解散。一整日的運動肚子雷雷聲响，號召班friend竭息吓吃個包😆，小巴站附近荃豐中心(嵐楠粉麵餐廳)裝潢好新潮，光猛型格，坐位寬敞，而且食物種類多元化，適逢晚上六時前落單［下午茶時段］更加低食🌟必食牛魔王河粉(生雜、牛腩、牛筋、牛丸)~🐮牛肚爽口，牛腸甘香，牛肺軟滑中帶爽脆，牛膀粉糯，不顫不澀味。🐮牛腩軟糯略帶筋和油脂，濃濃醬汁包裹着牛腩，口感豐富。🐮牛筋滑溜煙韌，先來補一補，很有骨膠原👍🐮牛丸爽口彈牙加上濃郁湯底非常惹味🌟秘製麻辣豬手粗麵~麻香惹味，不太辣，將麻辣配上豬手煙韌爽脆，兩者配合去除了肥膩感，口感一流😋😋🌟炸雞脾跟沙律~炸雞脾皮薄卜卜脆，肉質嫩滑鬆化好juicy,雜菓沙律鮮甜清爽，酸酸甜甜清新滋味🌟即炸雲吞~外面脆卜卜，內面肉質蝦肉極豐富，用配上酸甜汁，不論口感和味道，都是絕佳的配搭👍🌟芒果椰果紅茶~每粒冰都藏有椰果，飲落透心凉爽……呀以下還有折扣優惠👇

今日去左位於荃灣荃豐商場的嵐楠粉麵餐廳食左個秘製麻辣豬手飯, $48連飲品，凍飲加$3。麻辣汁不算太辣，但很香，用來炮製豬手很野味，白飯撈麻辣汁也很開胃。豬手有三件，肉質軟腍，但骨頭大，所以肉量較少。