鳴門魚湯麵亭 (Closed)

在加多利山看一看地盤後，由建築師好友介紹，兩人步行到勝利道鳴門魚湯麵亭。我點了石窩豬骨之士飯，熱辣辣，好味道。而好友就因減肥而只點了串燒牛舌，非常好的口感，很入味！值得試一試！

鮟鱇魚因爲見到電視介紹，所以特登走去何文田試下！鋪頭細細，有bar檯同圓檯，好彩我同朋友三點幾去到，無人所以可以揀位坐！餐牌都幾多選擇，有烏冬，咖喱等。既然特別為鮟鱇魚而來，我地order左一個石鍋鮟鱇魚湯豚肉烏冬同一個石鍋鮟鱇魚鮑魚烏冬。個湯好香魚味，清甜，鮟鱇魚肉原來好得意，味道有少少好似oak味，魚肉比較實但唔“鞋“。烏冬鍋有粟米，雞髀菇，冬菇同海帶。整體都幾好味。不過可能因爲石鍋的關係，烏冬食食下已經“林“曬。價錢唔平，要$88同$168！不過既然唔係普通外面食到，都ok啦。

約左朋友食飯,有朋友想食烏冬,諗住去萬豚屋,點知老公太多野做,好夜先收工,萬豚屋又早收喎,所以就轉左去 " 鳴門 " 其實點解我會認識 " 鳴門 " 呢? 要講番幾年前帶我家文文(史納莎)去太平道寵物診所個時搵到,依到d魚湯湯底好正,有一朋友比我地早到已先入內坐底,店內都幾窄,我地5人坐卡位,差不多10點鐘都爆哂場,我地落單時,侍應介紹燒大蝦$22一隻,都好抵,我地叫左3隻試下...叫左一客燒叉燒,好香,半肥瘦,底部仲有炒什菌石鍋鮟鱇魚湯蛽肉烏冬,一上枱熱辣辣,出哂煙仲有小汽咆,奶白色湯底好鮮甜,一d都唔腥,蛽肉就得好小,烏冬煙韌,配有雞蛋,昆布,粟米和小量姑菌石鍋鮟鱇魚湯黑豚烏冬,黑豚分量比較小,仲有魚肉(之前冇喎)燒蝦黎啦!!!燒得剛好,不過蝦肉黏住蝦殼,唔夠新鮮,但係$22一隻唔好咁高要求七味燒雞翼好細隻,普普通通最後先上嘅芝麻醬蕃茄沙律,可能要雪凍佢,所以咁遲先上,好冰凍美味鮟鱇魚魚湯好出色,味精唔重,保持水準,大家都好滿意.

這日與友人又到這間以安康魚做招牌的店吃午餐。不過這天我們從午市套餐中選了些魚湯以外的食物試試。我點了石鍋芝士豬軟骨飯，友人點了咖哩牛舌飯，套餐送汽水。午市時段生意很好，小小的店座滿，坐得有點逼。我們好在早來一步，店外陸續有人來等位。這些顧客中最少一半以上都是學生哥，我們感覺如在學校飯堂，有趣。店員服務態度算好，雖然看得出他們很忙。食物很快送上。我的石鍋芝士豬軟骨飯賣相一般。豬軟骨爽口肉入味，不錯；飯和烚蛋不過不失。但整個石鍋飯的味道都被那又杰又過份甜的汁搶了，本來說好的芝士反而少之又少。友人的咖哩牛舌飯也一般而已，咖哩汁也同樣犯上過杰過濃味的問題。我們都認為下次還是吃魚湯類出品好了。

標題可能讓人誤會, 所尋回的, 其實我和老婆之間的感覺.想去這裡很久, 但奈何不太近火車站, 再加上, 有了細路去出外食野, 難度更大吧.今次, 由於同老婆早放工, 大家相約這裡, 回味拍拖週圍試食的感覺.咖哩牛脷飯 ~ 感覺可以在百街買倒一包包的醬汁, 美味好可, 但略為偏辣...石鍋豬軟骨蕃茄湯底烏冬 ~ 這個湯好好飲, 我飲晒, 估佢冇味精吧. 個烏冬出奇的滑. 豬軟骨就係豬軟骨, 冇特別.七味燒雞翼 ~ 入味吧, 但感覺自己整的味道可能更合適. (譚仔記應該仲好味)吉列炸蠔 ~ 這個炸得好好口感, 不用太多粉, 件野幾厚, 蠔身就幾厚.忌廉 ~ 不用說離開後, 仍然很回味這間食店, 更回味尋找好美美食的樂趣.很想很想, 再同老婆再一次去週圍試食, 用味覺, 寫下未來的日記.

是日想簡單晩飯，叫左溫泉蛋牛肉飯。牛肉尚好，可惜珍珠米煮到太軟喇。上次食就很好，飯軟硬適中。這次差了少少。男友的溫泉蛋咖喱飯的咖喱味亦太淡，似乎比以前退歩左。以後都係食番佢d烏冬好些。

這夜在勝利道附近，便順道過來這條寵物街看看可愛的小狗小貓。其中經過這間主打鮟嫝魚魚肝湯的拉麵店，頗吸引，便進去試試。店內座位都算很逼。不過還好我進去時仍有位，當我要離開時門外已經有幾個人在等位了。想不到這小店生意也不錯。雖然這店叫麵亭，除了拉麵外，也有稻庭烏冬、讚岐烏冬、冷麵、咖喱飯和石鍋脆脆米及一些小吃如餃子、串燒等。想不到選擇也頗多。我點了一客七味燒雞翼（$35）和魚湯海鮮石鍋脆脆米（$78）。七味燒雞翼頗入味，皮脆肉嫩，好吃。而魚湯海鮮石鍋脆脆米，是石鍋魚湯和脆脆米分開上。魚湯鮮甜，脆脆米加入了魚湯後口感不錯，好吃！不過海鮮用料和份量較弱，只有幾隻很小的蜆，2隻無味肉又老的蝦，不吃也罷。服務方面屬一般，只算合格。

這一家「鳴門魚湯麵亭」，是我跟男朋友一致認同，值得 encore 再來的石鍋烏冬店。以往是帶小貓看獸醫順道而來，現在則是特地來吃，可想而知我們有幾神心啊（！）店裡環境仍是老樣子，迫。熱辣辣的石鍋、濃濃的蕃茄湯底、彈牙的手打烏冬、美味豬軟骨、新鮮糖心蛋 … 在我們心目中是滿分，沒有什麼可以挑剔啊。這裡的「鹽燒靖魚」，新鮮肥美，香口好吃！ 嘗過「自家烏冬」、「大門橫丁」、「萬豚屋」、「火山石」，但還是這一家「鳴門魚湯麵亭」最捧！一人一個石鍋烏冬，已經可以撐到肚子飽飽。下次一定要空著肚子來，多試一些特式小吃呢

工作的地方同勝利道好近,話說某日做到心情唔多好,決定食餐好少少補償下自己,上openrice睇過下附近既食肆,依家嗚門好似唔錯,魚湯啱我口味,咁就嚟左試下LA!7PM到,仲睇之前大家既食評,都諗住要等位,亦見外面長椅有4-5個人坐左係度,點知我話一位既時候,就即刻有得入喇。坐低無餐牌,叫左個呀妹好快就比到我喇。依個呀妹禮貌幾好,鋪頭雖然細細但成場都係得佢一個主要做招呼,好落力。睇餐牌後諗左諗,$88食碗烏冬真係幾貴,不過來得食就緊係要食人地既招牌菜,我唔好魚肉,所以最後揀左"魚湯野菌黑豚肉烏冬"。點完餐,好快就比左張單連杯水比我,心諗真係要讚一個!唔係因為有杯水,而係我覺得佢地係有聽意見改善自己的,之前其他食評話佢地態度唔好同埋無水比茶又要收錢等等既負面評價,佢地都一一改善左,生意好都仲咁有HEART去做,咁既食店一定會愈做愈好。點知........就係點知我份人真係幾好耐性,諗住佢地旺所以都預左無咁快有得食,直到我驚覺真係唔對路既時候,我已然等左25分鐘喇。找話比個呀妹知既時候,周圍既人都呆左同一臉好擔心既樣......好彩再過多5分鐘我終於見到我碗熱辣辣既石鍋烏冬出場喇!其實大家影

家中貓貓生病了，所以又來到何文田看獸醫。上一次貓貓做手術時，我們也曾在這間「鳴門魚湯麵亭」吃過幾次。這間小店即叫即做，食物種類也夠多，味道比連鎖的拉麵 / 自家烏冬店還要好。雖然環境非常狹窄，有機會要搭檯，但為了回味石鍋，我們也不介意啦。我和男朋友都鐘情於這裡的石鍋，每次同樣叫蕃茄湯底。今次我點的是「石鍋豬軟骨蕃茄湯底烏冬」，他點的是「石鍋豬軟骨蕃茄湯底拉麵」（！）熱辣辣的石鍋、真材實料的蕃茄湯底、彈牙的手打烏冬，實在沒有不完美的地方。豬軟骨份量足，膠質和豬肉分配平均，糖心蛋也夠鮮嫩。小食類點了「吉列炸蠔」，外層炸得薄脆，新鮮 juciy，略嫌細隻了一點。希望下次不再是因為貓貓生病才順道而來吧

店舖細得緊要，一眼睇晒，三十多個位左右，除咗對窗及對廚房一列吧位，其他都係二人或四人細枱仔，我哋兩個人坐二人枱叫咗3樣嘢，都緊緊夠擺；真係好逼，近乎背對背，膊頭撞膊頭，好老實，坐就坐得唔太舒服，亦唔方便坐我耐，因為等位者眾。可能環境細先天不足，所以服務幾好，作為後天搭番夠，店員時刻保持笑容之餘，說話有禮。佢哋主打係個招牌鮟鱇魚湯，不過亦有好多石鍋系產品，樣樣滾熱辣。冷氣似乎唔係好夠，我食嗰晚天氣涼，感覺都OK，但如果大熱天時就真係唔知咩景。確實，無論個魚湯烏冬，抑或石鍋焗飯，都非常有水準，將來會翻叮，但就一定揀番個天冷嘅日子，食咗包你一身暖晒。仲有，無加一，依點有啲睇唔出，因為出面好多賣拉麵、烏冬嘅鋪頭都有收加一嘛！石鍋招牌鮟鱇魚湯烏冬 $88一上枱，完全感受到嗰股「氣」，熱力逼人得緊要，奶白色嘅魚湯，呷一口真係好正。魚湯，以鮟鱇魚皮、魚肉熬出嚟，鮮甜重魚味而唔腥，帶少少膠膠哋，但唔係漿口嗰隻；魚肉，肉質緊密唔鬆散，唔係嫩滑嗰類，但又無話「嚡烚烚」得柴皮，應該叫做有咬口啦；烏冬，稍為腍身咗，可能石鍋嘅熱力不斷咁逼熟啲烏冬，食得慢放得耐就越影響佢嘅質感。黑豚肉石鍋芝士焗飯 $48黑豚肉帶

住左呢區好多年..第一次食..豚肉番茄湯烏冬非常入味...正...喜出望外雞肉魚湯烏冬完全無味...都唔知食緊乜另外個左個七味雞翼..OK..都好夠味我一定會再去食多次..我對呢間很有期望...比起同區有點與別不同..下次叫地獄湯烏冬

勝利道真係好多好野食當然不得不提呢間鳴門啦Lunch想要黎呢度食都唔係一件易事因為真係有好多學生會過黎呢度食飯架加上佢間鋪頭真係比較細咁細~又要等~都仲有咁多人排隊黎食既都總有佢既原因既因為佢D野真係好食囉佢有D Lunch Set around $38 飯+飲品我最鐘意既就係呢度既咖哩雞扒飯喇佢個咖哩雞扒飯之所以咁好食除左個咖哩汁本身味道好之外佢D雞扒都係新鮮雞好的~外面都有少少脆但係裡面既肉質又好鬆軟充滿肉汁~一D都唔乾身仲有加上佢隻溫泉蛋真係超好味~我鐘意成隻就咁食不過如果將佢篤穿再撈飯食既話都一樣咁好味~如果經過附近既話真係要過黎試下喎!但係就唔好諗位可以坐得好舒服囉因為都真係比較逼~

今日我諗住同我班FD去鳴門食野..之前有個人講話果侍應服務唔好!就8卦下啦!我一入到去!等左唔洗5分中就有位坐...之後坐低唔夠1分中個侍應就走埋尼問我地食d咩!我地問佢有咩野食好介紹呀?佢:呢個鮟鏮魚湯係我地最多人食既野!要等耐少少喎!因為個石鍋係要燒^_^個侍應好識做呀!會同人講話要等10分中左右...than我地就叫左一個安鏮招牌烏冬;;牛肉烏冬;;腐皮拉面;仲叫左個小食(鹽燒三文魚頭)!!睇下好唔好食個侍應好快手腳落完單就拎左杯水俾我地!!!都幾好服務大約10分中!個石鍋就黎左!食落去比我想像中好食好多!!!!!!!!!!!因為之前都有尼D石鍋!但係又唔HOT.又林!但係呢間就即叫即燒!SO要等耐少少!唔同其他店咁,,整定俾你!!!但係個場就...細左少少!如果可以大少少就VERY GOOD*V*都唔係講到咁唔好姐{{{{{!要自己親身去食先知好唔好架!!!!}}}}}{忘記影相}呢間餐廳值得推介!

Last thursday,I went to this restaurant to buy a pork chop rice. When i go inside they said they were close. But the sign is show "OPEN"!!!!!!!!!!!!!!!!!! Ok,fine! Today i go to this restaurant again. I saw few customer inside, and the is "OPEN" i go inside.While i go inside the server DIDN'T SEE ME!!!!! I sat down for a monent,then the server gave me the menu!!! Then i read the menu for at least THREE MINUTES. Then the server came to me and told me that they were "CLOSE "!!!!!!!!!!