新大光燈

Open Now

Now Closed

同同事出嚟放空，食個簡單但係好味嘅中午今日小弟叫咗個豬雜撈麵（走蠔油）同事叫咗個豬雜湯河另外加多個鴨絲腸粉大家食點解大家都叫豬雜？因為兩個字，超正😍😍佢嘅豬潤，係我係香港食過最好食嘅👍🏻👍🏻當然呢間舖頭有人讚亦有人彈，不過我嚟親都係食豬雜麵或炸醬麵，所以對於我來講佢係超級好食😁😁今日個鴨絲腸粉就有啲普通，啲粉漿有點兒厚，同埋成碟野黐埋一舊，食唔出鴨絲嘅香👌🏻👌🏻不過豬雜，就唔使多講，因為每一次都冇得輸，個豬潤可以好食過鵝肝，就係咁誇張👏🏻👏🏻👏🏻

由我入門口到準備order，廚房負責煮食的一名員工一直冇戴口罩，兼摸口鼻，疫情下咁嘅衛生表現認真趕客，最終唔敢食走人，眼見都咁冇衛生意識，見唔到嘅部份更加唔知會點

今日行經尖沙咀，竟然發現呢間大光燈！🔅🔆好耐之前本人因工作關係🧎🧎，經常在紅磡收夜班，🤦‍♂️夜深人靜，🌙🌙🌙就係呢間雲呑麵，陪伴我走過多小個肚餓的深夜！🤝🤝需然仲咪肚餓，但都要捧下場，懷舊一下，💁從醒味蕾⋯⋯環境就高級乾淨好多，👌因為之前喺坐街邊！🙇‍♂️當然價錢都貴左啦，💸💸目測每樣都貴了5成！明白既，鋪租嘛，尖東嘛！🧘🧘🧘先黎京都炸醬撈麵$42份量比較以前，細份了，😅可能只有個半生麵！麵條淥得過火了，撈得乾身，偏淋，無口感，麻油太重手！😔但勝在無討厭的鹼水味，炸醬吾夠酸味，辣味亦欠奉！🤦‍♂️又黎淨食豬手水餃$47豬手有三大件，保持到水準，👍🏻🐖夠淋滑入味，就是喜歡那種微微痴咀的感覺！👄👄夠滿足💪水餃🥟😰😰入口好似有一陣麻醬的味道、🤢木耳太小，吾能夠帶黎應有既爽脆口感，整體外形鬆散吾夠扎實！🤐🤐看見餐牌，居然見到😳😳坊間小有既火鴨絲豬潤腸！立即下單上到枱一夾開時，我看見裏面的餡料仲喺凝固住一層層白色的油脂！😢一放咀邊，果然係凍既！🤫🤫我估應該係餡料咪解凍或者蒸的時間咪夠掛！🤒向店員提出，都立即叫我等等，可以重新做過一份！👍🏻👍🏻奈何我又趕時間，只能取消，但店家態度都可以接受！到呢個湯係

朋友介紹來吃，午飯人很多。朋友叫的豬潤麵，豬潤大到有點恐怖，厚過手掌。我點的雞粥，雞件很多很大件，連粥底都被雞油染黃了，還是第一次在街吃到這樣足料的雞粥。粥底綿滑入味，有水準。再點了朋友推介的火鴨絲腸粉，腸粉皮薄像水晶般。火鴨絲份量又是很多，其實只食腸粉都會吃得飽。整體水準很高，會變飯堂之一。

蝦子麵份量夠大，不過蝦子可以再多d，麵反而幾好食，對比出邊一般嘅麵食店來講，呢度嘅麵冇乜鹼水味👍🏼 平時通常食開叉燒腸，牛肉腸，未食過火鴨絲腸粉，火鴨絲腸粉幾正，好多肉。另外，見到人地既水餃都好正，可以叫淨食tim✨✨ 應該會再來翻炒試不同，價錢合理，午市來講呢間算幾凰都係full seat,見啲大陸保險agent都會嚟呢間食，可能價錢夠平掛。

今日過黎尖東附部睇演唱會，襯未開show拿拿林過黎食d野因朋友非常簡飲擇食，所以去左佢經常去嘅大光燈食野，一坐底當然試下佢d牛腩，但我比較鍾意食牛筋就叫左個牛筋麵，好彩師傅話冇咁多牛筋，會有d牛腩撈埋，但唔會當雙拼，抵呀牛筋撈麵，牛筋幾林幾入味，d麵都彈牙冇咩簡水味，另外佢個腩汁當然都好正，淨係睇相都流口水朋友唔肚餓，淨係叫左個蝦米炸兩，腸粉皮好薄中間炸兩夠熱夠脆，但唔係好食到蝦米（睇圖都知唔多）總括來說都係一餐好味嘅香港地道菜岩曬附近d OL/ 遊客過黎簡單食番餐但價錢唔算好平，咁樣兩樣加個青菜就$100了

平日行過lunch時間好多人，係好多尖東附近打工仔嘅飯堂，通常排隊都會排到出門外。適逢長假期，避開了人潮，終於試到招牌豬手面。湯面同撈面都係南乳汁底，味夠濃，豬手炆得夠入味。同朋友另點了招牌鴨絲豬潤腸粉，個配搭好新鮮，食落唔油膩，口感一流。

聽朋友介紹，話呢間麵店都ok，所以同家人突登由元朗出尖沙咀試下，點知中左伏，今日我點左乍醬撈麵加底，份量竟然同冇加底份量一樣，真係有點不值，所以問下店員，店員答已經加大三分之一，我見隔離枱碟撈麵仲大碟過我，再問店員，佢話雲吞撈D餸响底下所以多D，另外有一位家人點左碗麵走青，佢竟然將我地全枱人嘅麵全部走青，我家人都覺得有D不合理，味道亦一般，味精超多，食完勁口喝，不過再講都無謂，唯有下次唔再幫襯佢。

今日大家都唔係好肚餓, 決定午餐去食碗雲吞麵! 我食豬潤雲吞麵 $47 ~ 雙拼都有3粒雲吞同3大塊勁厚豬潤! 看圖下刪三千字..個豬潤厚到一個點, 又大塊, 又軟又滑無筋, 剛剛熟, 絶無欺場! 有大量薑蔥絲, 所以零腥味! 麵爽口彈牙, 無梘水味! 我一向都有胃病, 唔太食得呢 d 麵, 不過食呢度既麵唔會胃痛! 同事食蝦子撈麵 + 魚片頭 $50 ~ 成大碗魚片頭, 勁多蝦子, 聞到咸香味! 另一個同事食吞腩麵…無趣就唔影 + 唔講喇 

已經唔係第一次食了，以前試過粥同腸粉，佢啲粥算唔錯，有綿嘅感覺同埋食得出唔係加好多米漿，講番今晩，想食撈麵順便加一份浄雲呑作晩餐，雲呑一如往常保持水凖，size 大細啱啱好，淨食有八粒標準粉量，唯一稍為覺得佢啲湯底太濃搶唒雲呑啲肉味，薑蔥撈麺份量啱啱好，蔥就非常夠不過薑味唔夠幾乎冇，呢度嘅幼麵食咗幾次都唔錯冇鹼水味，啲麵亦唔會粘著一舊咁，撈麵亦唔會太乾身，鍾意食撈麵嘅朋友可以試嚇，最後要留意呢處係冇水或茶供應嘅。

點解標題話自己無骨氣？因為我為左食可以吞聲忍氣...事緣我朋友介紹我去食呢間粥麵檔，話d豬膶同牛肉好得，我同未婚妻都偏愛豬膶，聽到咁講就梗係會一會佢啦。當日我要做野，拎住一個大手抽紙袋同孭住一個大背狼，正值午飯時間，被店員篇排好座位坐低後，另一個呀姐就嘈我話我背狼阻住佢做野，問我做乜坐呢個位，我都廢事同佢嘈，問佢咁我d野可以安放係邊，佢又以為我撩交嗌唔出聲。平時遇到呢d惡過客嘅侍應我真係起身走人，但我今日竟然為左一塊豬膶而忍辱負重...豬膶牛肉米有睇開我食評嘅話就知我最愛係嘅豬膶係長沙灣漢發，而今日佢有對手了！呢度嘅豬膶無腥臭無筋，件件大大舊，食豬膶一定要厚，並唔係因為貪心，而係每種食材，按照烹調手法，都有一個合適嘅切法同厚度，而豬膶就一定係厚切唔洗傾計，咁先可以做到僅熟同粉嫩，呢間d豬膶又係我食過數一數二的好！至於牛肉就正常，無野彈無野讚！豬膶腸粉頭先講過唔同食材用唔同烹調方法就有唔同嘅切法同厚度，豬膶麵同呢個豬膶腸粉正正就係兩個好好嘅例子，麵就大件厚切，而腸粉就應該切丁，咁係因為切丁令每粒豬膶surface area變大，配合埋腸粉就可以同一時間熟透，如果太大塊又厚切，到時腸粉熟哂

原本諗住清清哋食粥, 最後被呢個雙拼麵所吸引! 誠意之作! 超抵食之選 : 豬手拼豬潤麵 $46 🐷豬潤超級厚, 好多塊啊! 煮得剛剛熟, 軟綿綿, 有咬口, 仲好味過維記! 🐷豬手淋滑, 唔係淋到爛嗰種, 少少爽口, 夠入味, 肉超級厚! 🍜麵質夠彈牙, 完全無梘水味, 軟硬適中! 😋麵份量唔算多, 女仔食剛剛好, 男人可能就唔夠喇飽喇! 炸兩 $28粉皮厚薄適中, 畢竟太薄都唔可以包住條油炸鬼👻! 油炸鬼食得出係新鮮貨, 鬆脆, 唔係隔夜嘅!

雲吞撈麵- 湯底鹹香但不鮮甜，胡椒太多，喧賓奪主- 銀絲幼麵偏乾，一般彈牙，豬油不足，致麵條糾纏不清- 雲吞皮薄滑，餡料甘香鮮味*蠔油偏甜不討好沒鮮味*辣椒醬夠辣但不香

豬潤唔係度度有得食，亦唔係度度都整得好食。咁我叫咗個雙拼：豬潤牛腩麵，估唔到豬潤咁厚咁大塊！有一塊就淋得濟，其餘都ok!爽口彈牙！牛腩就得4-5舊度，份量唔多，但唔肥又幾淋，唔錯！係麵份量少咗啲。又一餐。

今天叫左外賣一碗滑牛粥...我數左好多次.. 只有3片牛肉!  我覺得有點被騙的感覺! 粥就很滿..但估不到只有3小片的牛肉...呢一刻我心唸算我唔好彩吧, 都好還有粥吃.. 當第一啖放入口.. 感覺到非常之水....原來粥亦有偷工減料.目測..因為米落得太少.. 所以先會有這個效果吧