新森林焗之專門店 (英皇道) (Closed)

今日過到北角就打算食埋先返公司。熱檸水好正常，冇驚喜。牛腩好霖好好味，仲有芝士鋪面，好芝士薯角唔錯太陽蛋😍，一啖食咗佢個蛋黃🤣又夠肉，又有芝士最正係全碟只有一個西蘭花，少量粟米粒。對我呢啲食肉獸嚟講，簡直絕配。餸仲多過飯呢方面好合符我嘅要求可能係芝士太多食落有啲膩，但大致唔錯

今日放工好攰，而且又有少少毛毛雨，都唔想周圍去，就係屋企附近搵間無食過既餐廳食個快飯。係門口見到啲餐牌既野食好似幾吸引，就行左入去坐低喇。哇行入去得一枱客，個心都抖振左一下，心諗：唔係伏下嘛。咁我就嗌左個皇牌芝士蕃茄焗豬扒飯。來到個份量對女仔來講岩岩好，但男仔可能唔夠食，佢係用一個六寸既pizza盤裝住個飯，好淺，所以份量唔多。但味道唔錯，係好食既。芝士無乜味，個蕃茄醬係偏甜既，岩我口味，如果你鍾意偏酸既可能就唔岩食喇。而我個餐係跟一杯熱飲，我揀左個杏仁霜。來到：哇粉來既！仲要未撈勻。化學野，味道好又點姐。下次寧願嗌檸水算。而成個樓面加收銀得兩個人，完全唔夠人用。

lunch時間周圍都好多人，好彩我比較早放，可以唔駛等好耐位！呢度既冷氣偏凍，可能我坐近風口位啦。冇辦法已經開始多人，唯有快D食完食D走！呢度既職員服務十分快捷，一埋位就問食咩野，幾乎唔比時間你諗咁。所以有選擇困難症既人真係要諗左先入去，如果唔係就會比人問到好心急。我同朋友一人嗌左個飯同意粉，份量適中，剛剛好夠飽。芝士蕃茄大胃王$46個賣相好好！芝士豬柳漢堡焗肉醬意粉$42肉醬多但係意粉少 ，薄薄一層咁。肉醬味道一般，茄汁味較淡，芝士味不濃。

北角區要找餐廳食lunch, 真不容易，因為很多食肆都排長龍。今日來到新森林，因為時間早，難得不用等位就可以直入了。Set lunch都好多選擇，有拉麵，有湯麵，有焗飯，咖哩飯，扒餐跟飯/薯菜/意粉等等。價錢都唔算太貴，亦有飲品跟。我點了茄汁大胃王焗飯餐，都好豐富，有好大條的司華力腸，雞扒，雞翼，再加埋芝士蕃茄汁撈埋焗飯，真係好飽。味道方面則不過不失，腸，雞扒雞翼都正常不會太難食，稍微偏鹹，但飯也焗得算幾香口，整體來說以咁0既價錢也算ok啦。

今晚去食飯，諗住好好地食餐飯，食得開開心心啦！點知有個著白色3既女服務員過黎落單，我地要左個2人餐$128果個，個女人邊落餐邊望第2度，咁我地都算啦，之後黎到果時發現佢落錯單，個漢堡落錯左都算，食果時系凍既，之後叫佢換過啦！佢地話食左冇得換，之後都算啦，叫左杯凍檸菜蜜同凍檸菜走甜，凍檸菜走甜黎得岩，但叫凍檸菜蜜，佢竟然黎凍菜蜜，咁佢地都可以換比我就算啦，之後黎左張單就發現杯野要加$16，我都覺奇啦！睇返餐牌見到凍飲都系加$3姐，何來加16呀，全晚食既野都系凍，極差

今日輪到試下另一間外賣店，呢間專做焗飯的店，住左喺北角甘耐都未試過。見外賣一個餐65蚊左右，自己仲有個外賣優惠就試下。套餐可以選一個飯，跟餐配前菜，小食同埋餐飲一杯。如果鍾意嘅話可以加＄28多一個六吋嘅Pizza，或者加＄28有紅色嘅炸雞三件。飯嘅選擇大概有10幾款，仲會有意大利粉餐，餐湯都係忌廉同埋羅宋湯，前菜都幾多選擇，可以揀芝麻沙律又或者雞翼又或者蒜蓉包等等。揀咗個牛魔王焗飯，焗飯食落去有啲辣，係咖喱汁係度，上面會有兩舊牛腩，炆得好淋，另外總會有兩塊薄片嘅牛仔骨，牛仔骨係經預先醃過，跟住再攞去焗。飯大概有1碗半的份量。海鮮鴛鴦焗飯，一邊就係用白汁，另外一邊用茄汁。配料有一大塊魚柳，豬扒，大蝦同埋帶子。魚柳同埋豬扒都幾好食，蝦就屬於一般嘅冰鮮蝦貨色，帶子就好細粒。。細粒到自己食咗都唔知。。跟餐加左個pizza ，個pizza就稍為遜色左少少，食落去已經完全唔熱，凍左所以嗰啲芝士都硬唒，唔係咁好食。跟餐兩個湯，忌廉湯嘅味道都OK嘅，反而羅宋湯就完全無味飲落去好似飲緊水。個雞翼味道同pizza hut嗰d差不多，有好微嘅辣，幾好飲。個沙津都幾大下，雖然係普通嘅菜，另再加粟米同胡麻醬。不

美好的星期6心血來潮想食扒，於是9秒9衝到樓下找最近的餐店。新森林都有一陣子無食過啦~今次點左個雜扒餐，上餐速度不錯，上桌後能保持熱度。雜扒餐包括豬、牛、魚、配薯菜!薯條屬粗大那種，正合我口味，不過如果汁另上就更好!豬、牛扒口感軟稔，薄身，我至愛，切開後鬆化，內質鬆軟嫩滑。炸魚柳入口外脆內嫩，不錯不過我最愛還是脆皮腸，口感外皮脆卜卜，爽脆而有嚼勁!

今日星期三 , 睇我toptic甘悠閒,就知我唔係蛇皇就係放假啦!其實一半半啦 ~ 今朝番左公司,中午就出左去北角做野…而老闆下午就已經出左trip…甘…出左去 話同個客食下飯傾晏左…都應該幾合理呀可…今日決定深入”森林” , 逃出市區 ,自我悠閒一下.呢間野牆身同個menu做左木色,營造天然既效果,打開menu , 價錢相當平民 , 選擇亦一般多 .本身想揀”雞扒餐肉煎蛋飯” … 但又好似太頹架,最後order左”壽喜燒雞扒配巨棒雞軟骨串大碗飯”個燒汁甜甜地 , 雞扒個皮煎得好香, 雞肉嫩滑,巨棒雞軟骨串都算具既, 入面有d爽粒粒軟骨幾好咬 ~

Lunch 去邊食都咁多人， 最後我地嚟食焗飯，有同事話仲未試過。又唔洗等位，幾好！我叫咗個咖喱牛腩焗飯，雖然份量睇落幾少，但食食下都好飽，不過男仔食一定唔夠飽，咖喱唔夠香，但牛腩幾林，個焗飯感覺好似唔夠熱。平時出面食焗通常會好燙口，但呢個唔會。 午餐$34蚊包熱野飲，價錢合理啦!

晚飯諗唔到食咩好， 所以又嚟咗呢間度食。今次就叫咗個松茸芝士焗豬扒飯，焗得啱啱好，唔會太干亦都唔會太濕，份量亦都好多，配埋上面佢啲芝士汁味道一流呀。另外個餐仲陪埋柚子雞翼，炸得啱啱好，加埋上面嘅柚子醬，又平又好好味。

9月22日, 今日漫無目的咁去街, 又漫無目的地咁去搵下午茶食, 見到呢間新森林焗之專門店, 門面裝修都唔錯, 於是就入左去試下~::: 鮮茄焗豬扒飯 ::: $28嚟得焗之專門店對佢既焗野都有少少期待, 一於就試下呀菲去到邊度都鐘意食嘅焗豬扒飯~ 豬扒飯上場, 賣相實在一般, 求其地淋上醬汁, 豬扒唔係焗得太乾瘦就係肥膏, 食落偏鹹. 飯粒亦黐埋一舊舊... 真係好一般.仲可以加配小食, 本來應該幾豐富. 可惜叫咗炸雞塊, 係兩舊炸到又乾又嚡既雪藏麥樂雞... 完全係令個下午茶更加失色...明明係堂食, 但飲品竟然用即棄餐具, 一來唔環保, 二來保溫差, 三來我杯凍檸水拎上手又會捏凹咗, 再要扣分.::: 日之辛口咖哩吉列豬扒飯 ::: $28呢個本身真係幾有期望, 因為都係用上日式呢d好日本野嘅feel~ 不過來到又係一pat咖哩飯加塊吉列豬扒, 仲要再淋上沙律醬, 真係有d無厘頭... 味道唔可以話係差, 因為咖哩汁呀吉列豬扒咁都係標準貨, 不過真係平平無其...小食嘅炸餃子真係拍得住個麥樂雞, 嗰3小粒比起以前細cafe嗰d小食更不堪, 何況呢間係餐廳! 賣相非常極之咁差, 炸

今晚同個friend食飯，我就帶佢食呢一間我都幾鍾意食嘅餐廳，因為又平又好味。今次我就叫左個咖喱魚柳飯加多杯紅豆涼粉冰。個咖喱都好香，撈埋佢啲飯就一流，而個炸魚柳就不過不失，都乍得幾脆，唔會好林。個涼粉冰好多涼粉滑do do，口感好正。

上次第一次食完呢間野之後就覺得可以再嚟食過，話咁快又來第二次。咁今次呢我就叫咗個韓式雞翼做前菜，一咬落去就已經食得出有柚子嘅味道，同埋都整得好好味，唔會話好油同埋健康嘅感覺。推薦雞翼主菜我就叫咗黑咖喱雞飯，啲咖喱食落去係香香地鹹鹹地嘅味道，啲雞就係炸過嘅，皮唔會太厚，啱啱好。

呢一間我成日都會黎嘅又平又好味又抵食嘅餐廳，今晚我就叫咗個套餐，包杯熱飲，都係五十幾蚊，份量又夠多好抵食。前菜我就叫咗個栗子餅，炸得好脆，入面就好軟熟同埋熱辣辣，面頭加左少少沙律醬更加好味。主菜我就叫咗個黑椒汁肉眼扒配意粉，肉眼扒不過不失，好大件，意粉嘅份量都好多，整體嚟講算OK。

返總公司上堂，約了好友食早餐，佢哋介紹呢間，其實呢間餐廳已經好耐，但唔知點解每次都係無揀到，同事好多時午飯過來食焗飯，今日因為佢哋早過我，事先傳定餐牌比我揀定，然後我到達就可以即食！地方大，裝修有特色，啲柱都做到好似樹幹，對應森林主題！我哋坐卡位，好闊落，地方乾淨！家鄉魚腐米粉：只可以講米粉好粗嚡，好似膠帶咁！唔好味，湯無乜味，魚腐好普通嘅現成貨！湯底無乜味，或啲米粉索唔到味！腸蛋餐包：外圍煎蛋好老，中間蛋黃邊嘅蛋白又唔熟，蛋黃完全唔熟！香腸係普通雞肉腸，明顯煎好放咗好耐！巢晒皮！味道正常！麥包鬆軟，味道正常！熱檸茶：好酸澀，唔好味！店員好爽手，但我哋其中一位朋友欠個湯通粉，追咗幾個店員都未來！我成份餐到晒佢都未到（只係普通嘅火腿通粉，唔係制作需時啩？）不過我食唔晒個麵包，問佢哋攞袋就好爽（比紙袋）